رواية أسود مملكة الراوي الجزء الثالث للكاتبة فاطمة عمارة الفصل الثاني عشر
اسبوع مر اسبوع كامل بعد ذلك اليوم الحزين للجميع. مرت الايام بطيئه حبينهم.
علي الجميع خصوصا الملاك الحزين التي لم تتكلم ولا تنظر لاحد من الاساس يتوسل اليها عز حتى تأكل قدر ولو قليل من الطعام تدلف اليها عين تبثها الحنان والاهتمام والرعايه الشديده وهي تكبح دموع عيناها بصعوبه لنصيحه زوجها ان تتصنع القوه امامها وعندما تخرج تركض اليه تحتضنه وتجهش في بكاء مرير. امر نوح الجميع ان لا يتكلم معها احد بخصوص العمليه او اي امور تخص مرضها هو سيتدبر امرها. مراد الذي لم يراه احد واصبح شديد التجهم والاقتضاب ولكن طفح به الكيل سيفعل ما يفعله وسيتدخل هذه المره وبقوه وسينسي امر الزواج قليلا فهو اقسم ان يجعلها مرحه وقويه كالسابق ومن ثم سيتزوجها حتى ان كان رغما عنها بل رغما عن الجميع. وتيا التي اجلت رحلتها مره اخري بسبب نفسيتها فهي تعتبر زينه اختها مما اشعل ياسمينا وتيمور وتوعداها ب المزيد ولم يعلم ان السحر سينقلب عن الساحر والاصح ان كما تدين تدان...
بعد بكاء نوح بين احضان عمر في تلك الليله تصافوا يومها وانتهي يومهم بضحكه واحتضان اخوي وثان يوم عندما ذهب نوح لعمله وتواجهه مع صديقه ابتسم له بشر وعالجه بلكمه هو الاخر وانتهي امرهم بالاحتصان بعد اللكم والسب والضحك بينهم.
زياد الذ تولي الاعمال عبر الحاسوب ولم يجعل ليل يعمل او يتعب نفسه يكفي ما به توسلت شمس إلى عين كي تاخذ علاجها حتى لا تتعب وبالفعل اخذته فيكفي ما هم به فعائلتها والاخص حبيبها لن يقدر ان تسقط منه.
بالفعل بدات توليب بالعمل مع يونس الذي كان يعاني بالخزن ايضا على زينه ولكن هو سعيد بشده من اقترابه منها يتحجج حتى تذهب لمكتبه ثم يتصنع النسيان فتتافف بضيق وتخرج صافعه الباب خلفها بغيظ فيضحك بقوه على شراستها التي يحبها ويكره ضعفها وحز عيناها بشده ولكنه يشعر بان يوجد سر في حياتها ومصمم ان يعلم عنها كل واي شئ يخصها فقد احبها وانتهي الامر...
في غرفه زينه الشارده كما هي وعز الذي ينظر اليها بحزن ويشعر بالعجز الشديد جاء ليتحدث وجد هاتفه يعلن عن وصول رساله التقطه وجدها من نوح يخبره فيها بان يترك غرفه زينه دون كلام.
تنهد نوح ونفذ ما قاله اخيه وخرج من الغرفه
بعد عده دقائق دلف نوح غرفه زينه وعلى وجهه ابتسامه حنونه واتجهه اليها وقبل جبينها بقوه وهمس
زينه قلبي.
لم تنظر اليه ولم ترد حتى بل امامها نظره مراد ودموع عيناه تنهد نوح بصبر شديد وتمدد على الفراش واضعا راسه على قدميها وابتسم باتساع عندما شعر بيدها تمر على خصلاته كما كانت تفعل رفع نظره اليها وجدها كما هي فقرر ملاعبتها فهمس بحزن
هو انا موحشتكيش خالص كدا
نظرت لاسفل إلى عيناه مباشره وهي مازلت تبقي اناملها داخل خصلاته وهمست بحب
لا طبعا وحشتني اوي
ابتسم لتجاوبها ولكن كتم ابتسامته داخله واعاد همسه قائلا بمكر.
مش باين خالص
انحنت بجسدها حتى احتضنته بحنان شديد لم يكدب ولم يبالغ عندما اخبر عمر انها والدته هي بالفعل كذلك وهمست بحب
وحشتني اوي اوي نوح
اعتدل وحملها واجلسها على قدميه واحتضنها بقوه وهمس بحب وحنان.
وانتي يا زينه قلب نوح وحشتيني اوي اوي وحشني كل حاجه هنا وحشني ضحكك وهزارك وشقاوتك ووحشني لماضتك اوي وعارفه وحشني مقالبك وطريقتك المتخلفه اللي بتصحيني بيها وانا اجري وراكي عشان السعك على قفاكي وانتي تهربي مني وتستخبي في عز وهو ينضرب مكانك بس عارفه اكتر حاجه وحشتني هي اي.
ابتلعت غصتها هي كانت فعلا كذلك لم يعلم نوح انه ضغط على جرحها عندما ذكرها بهروبها وركضها هي الان لا تستطع حتى الدخول إلى المرحاض الا بمساعده فهمست بالم شديد
اي
ابتسم بهدوء وقال
ضحكتك اللي بتنور قصر الراوي كله
تساقطت دموعها وقالت بالم
ضحكتي راحت لما بقيت عاجزه ومش عارفه اساعد نفسي
ابعدها عنه وهدر بعصبيه
انتي مش عاجزه
رفعت انظارها تنظر اليه بدموه وقالت بتحشرح.
لا عاجزه مبعرفش امشي ابقي عاجزه مبعرفش اساعد نفسي يبقي عاجزه مبقدرش ادخل الحمام لوحدي ابقي عاجزه واليوم اللي سمعت صوت اخويا اللي بعيد عني سنتين وجايه اتحرك واقع ومقدرش اقوم يبقي عاجزه
وضعها على الفراش وانتفض قائلا بغضب وهو يمسك منكبها بقوه.
لا مش عاجزه مين قالك ان العجز انك تبقي قاعده على كرسي او تبقي حتى عاميه انتي عارفه اي العجز ان الواحد يكون مبيعرفش يفكر لما يكون الواحد غبي تفكيرك دا هو اللي عاجز وغبي مش انتي
بكت بقوه ولكن ضغط على قلبه واكمل بغضب
انتي اللي غبيه وتفكيرك غبي انتي حابسه نفسك ليه هااا مبتنزليش ليه تقدري تقوليلي استفدتي اي من حبستك دي هااا تقدري تقولي اتكلمي
تساقطت دموعها بقوه من غضبه ذلك ولم ترد ف اردف هو.
هقولك انا بقيتي كئيبه وحزينه بشكل بشع ومش بس كدا بتبص في عين ابوكي شايفه نظره الحزن اللي في عينه بتشوفي امك عامله ازاي شايفه يزن اخوكي ويعقوب حتى عز توأمك انتي من غير ما تحسي كسرتي البيت كله بضعفك دا
صرخت ببكاء.
حرام عليك يا نوح انا ذنبي اي غصب عني انت مش حاسس بيا محدش حاسس انا شعوري اي وانا مش عارفه اساعد نفسي انا اتكسرت ميه حته وانا واقعه على الارض وكلو شافني بالمنظر دا اتكسرت لما مراد شافني بالمنظر دا اعمل اي وانت جاي تكمل عليا يارب اموت واريحكوا كلكوا
توجهه اليها في آخر كلامها واحتضنها بقوه وتساقطت دموعه ثم ابتعد واحتضن وجهها بين كفيه وقال بحنان.
شششش بعد الشر عليكي انا مقصدش ازعلك يا حبيبتي والله ما اقصد انا خايف عليكي مش عاوزك كدا يا زينه انتي اقوي من كدا يا حبيبتي عاوز اشوف ضحكتك نفسي اشوفها يا زينه انا اسف يا حبيبتي اسف اني زعقتلك وزعلتك
قالها واحتضنها مره ثانيه بقوه وهي احتضنته واجهشت في بكاء مرير وظلوا هكذا مده حتى هدأت فابعدها عنه ونظر اليها بغموض قائلا
زينه لو معملتيش العمليه ساعتها هسافر ومش هرجع تاني.
خارج الغرفه بمسافه نظرت عين إلى ليل بوجع وهمست بحزن
قسي عليها اوي يا ليل
تنهد ليل بحزن لكنه اردف بجديه
كان لازم نعمل كدا من زمان نوح عمل اللي المفروض يتعمل من فتره
نظرت له فاماء لها بابتسامه مطمئنه هدئتها ولو قليلا.
في الشركه انهوا اجتماعا هاما ثم جلسوا سويا
نظر يونس لمراد قائلا
هتفضل كدا لحد امتي
ثم نظر ليزن وطرح عليه نفس السؤال زفر مراد بضيق قائلا بحزن
مش عارف انا تعبان بتقطع ميه حته وآخر ما ازهق هخطفها والله هخطفها واتجوزها واخلص
ضحك يونس بقوه بينما وكزه يزن بحده قائلا
ما تحترم نفسك يا بغل انت بتتكلم عن اختي
نظر اليه مراد بغيظ واردف
انت تخرس بدل م اخطف فريده نفسها عشان تحس بيا.
احمرت عين يزن غضبا ثم همس بفحيح بجانب اذنه
ابقي وريني اخرك يا حيوان
ضحك يونس وضرب كفا بأخيه ثم قال لمراد
وانت ساكت ليه ما تتكلم خد موقف
قام بحده وهدر بعنف وحزن
هي مدياني فرصه انا مبشفهاش اصلا هي غبيه وتفكيرها غبي عارف انه غصب عنها بس انا بحبها والله بحبها وقلبي وجعني وتعبت واللع تعبت
قالها وانصرف بغضب شديد فنظر يونس ليزن بحزن وبادله الاخر نظره اشد حزنا.
بعد ساعه في مكتب يونس طلبها للمره التي لا يعلم عددها دون سبب فاغتاظت توليب بشده وفتحت الباب بعنف وتوجهت اليه في خطي غاضبه قائله بغيظ
بص بقي يا بشمهندس دا المره العاشره في نص ساعه تطلبني وفي الاخر تقولي نسيت
نظر لها ببرود خارجي وهو بالداخل يكبح ضحكاته باعجوبه فاجابها ببرائه
اعمل اي في ذاكرتي ذاكره سمك
نظه اليه بغيظ شديد ثم قالت من بين اسنانها
وحضرتك طللبتني ليه المرادي.
وضع يده على رأسه يصطنع التفكير ثم قال بابتسامه سمجه
مش فاكر
نظرت اليه بصدمه وهول وضيق وحب وغيظ شديد ورمقته بنظره ناريه والتفتت لتغادر فركض ناحيتها وامسكها من رسغها وهو يضحك بشده بينما نظرت اليه وتاهت في ملامحه الوسيمه بابتسامه بلهاء فتوقف عن الضحك قائلا بمكر
مش يمكن بتحجج عشان اشوفك
نظرت اليه ببلاهه شديده ورمشت بعيناها عده مرات فاقترب منها وهمس بنبره حنونه.
بحبك اشوفك وانتي متنرفزه وبحب اشوفك وانتي هبله زي دلوقتي بالظبط
عقدت خاجبيها بغيظ شدشد ولكنه متوتر وهي تسال نفسها لماذا لا تنفر منه ولا من قرله لماذا لا تشمئز منه كباقي الرجال بينما هي سارحه كان ينظر اليها والي ملامحها بحب وشغف شديد ثم قال بهدوء
ممكن تعمليلي انتي القهوه من ايدك
ابتسمت بهدوء واومات رغم انها لا تجيد فعلها ولكنها ستفعلها فقط من أجله.
نظرت اليه بدهشه وادمعت عيناها بغزاره ونفت برأسها بهستيريه وهمست بخوف
لا لا مش عاوزه مش عاوزه عمليات تاني انا بخاف بخااف من الدم بخاف من المستشفيات مش هقدر يت نوح هشان خاطري متعملش فيا كدا
تمزق قلبه ثم جلس على حافه الفراش وهمس بحب
بتثقي فيا
اومات وهي تبكي فابتسم ومسح دموعها وهمس
يبقي تعملي العمليه زينه قويه وهتتغلب على خوفها والعمليه هتنجح وهترجعي احسن من الاول وهنركب خيل تاني.
خايفه يا نوح انا اكتر واحده نفسها ترجع زي الاول اكتر واحده نفسي ابقي كويسه وامشي والعب واتنطك واخرج بس خايفه خايفه اوي بعد ما اعملها والعمليه متنجخش انا بخاف من المشتشفيات بخاف من الدكاتره عشان خاطري بلاش
قبل جبينها وهمس بجانب اذنها بإصرار
شششش انا جملك وكلنا جمبك هنساعدك انك تتخطي المرحله دي صدقيني هتنجح بامر الله عشان خاطري
حاضر همستها ببكاء فابتسم باتساع وقبل جبينها عده مرات وقال بغمزه.
استعدي بقي عشان بعد فتره اكسبك في سباق الخيل
ضحكت بدموع واومأت عده مرات فحملها ودار بها عده مرات وهو يضحك بدموع وهي تشاركه وهي تشكر بها انه رزقها بعائله مثل عائلتها...
بعد مده تركها بعد قبلها بقوه وعندما خرج قال لعز ان يتركها بمفردها تلك الليله واخبره بالنتيجه فسعد بشده.
عدي اليوم ببساطه وام يخبر نوح والديه بالنتيجه فقرر ان يخبرهم عندما توافق زينه موافقه تامه.
استيقظت فزعه فوضع لاصق على فمها سريعا ثم انحني وحملها هاربا!