رواية أولاد فزاع الجزء الثاني للكاتبة ياسمين علاء الدين الفصل الثالث
صعد إلى غرفته ليستعد للسفر إلى البحر الاحمر مع العائله لقضاء العطله.
فتح زياد غرفته ليجدها ما زالت نائمه.
زياد: قمر. قومي كفايه كده
فتحت عينها وفركتها. ثم جلست على الفراش.
كان يضع اشياءه في الحقيبه.
اقتربت منه وضمته من ظهره: زيزو. انا اسفه
زياد: اوكي
قمر: والله كنت تعبانه و محستش بنفسي خالص
زياد: خلاص يا قمر. جهزي شنطتك. وجهزي كمان حاجات الولاد علشان هنسافر كمان ساعتين
قمر: زعلان
زياد: لا.
قبلته على خده. ودخلت إلى الحمام لتستعد.
صعد عز إلى غرفته ليجد جميله تقف امام المرآه تعدل ثيابها.
ضمها لتتفاجا به: خضتني
عز: ايه الجمال ده.
جميله: حلو الدريس.
عز: تحفه
جميله: اشتريته جديد مع ماما شمس
عز: مبروك عليكي يا قلبي
ابتسمت ونظرت له في المرآه. وهي تفكر في كلام شمس.
هو حقا تغير معاها من وقت اما تغيرت هي واهتمت بنفسها وتركت الحزن. احبت نفسها
عز: جميله انتي على طول في عيني وفي قلبي حلوه وجميله. نفسي تفهمي ده. انا بحبك وعايز حياتنا تكون سعيده. بلاش نكد وحزن يا قلبي.
ابتسمت: بزعل بس اما بتكون بعيد عني. وبتتهرب مني ده بيقتلني
عز: صراحه كنت بهرب من الحزن اللي بشوفه دايما باين عليكي. حبيبتي يا جميله ربنا يخليكي ليا
جميله: ويخليك ليا يا قلبي.
بعد ساعتين كانو في السيارات.
وقفت شمس تنظر اليهم.
فزاع: يا شمس اركبي انتي وانا واقف معاهم
شمس: لا هطمن عليهم الاول. معلش يا فزاع.
نظر اليها بقله حيله. لا يريد ان تزعل
في اول سياره ركب عز ومعه جميله والاولاد في الخلف
شمس: خلو بالكم من الولاد. اوعي حد يفتح الباب
عز: يا امي متخفيش. انا قافل الباب من عندي
شمس. : قول دعاء الطريق وتوكل على الله
عز: هنمشي مع بعض كلنا
شمس: لا.
جميله: ليه يا ماما.
ضحك فزاع: علشان العين. خايفه عليكم من الحسد
ضحك الجميع
شمس: والله يتحسدو. ما شاء الله عليهم.
وبعدين سيدنا يعقوب عليه السلام قال لاولاده في القرآن
بسم الله الرحمن الرحيم.
وَقَالَ يَا بَنِيَّ لَا تَدْخُلُوا مِنْ بَابٍ وَاحِدٍ وَادْخُلُوا مِنْ أَبْوَابٍ مُتَفَرِّقَةٍ وَمَا أُغْنِي عَنْكُمْ مِنَ اللهِ مِنْ شَيْءٍ إِنِ الْحُكْمُ إِلَّا لِلَّهِ عَلَيْهِ تَوَكَّلْتُ وَعَلَيْهِ فَلْيَتَوَكَّلِ الْمُتَوَكِّلُونَ (67)
الجميع: صدق الله العظيم
فزاع: يا شمس. كملي الايه بسم الله الرحمن الرحيم.
وَلَمَّا دَخَلُوا مِنْ حَيْثُ أَمَرَهُمْ أَبُوهُمْ مَا كَانَ يُغْنِي عَنْهُمْ مِنَ اللهِ مِنْ شَيْءٍ إِلَّا حَاجَةً فِي نَفْسِ يَعْقُوبَ قَضَاهَا وَإِنَّهُ لَذُو عِلْمٍ لِمَا عَلَّمْنَاهُ وَلَكِنَّ أَكْثَرَ النَّاسِ لَا يَعْلَمُونَ (68) } (سورة يوسف 66 - 68)
صدق الله العظيم
فزاع: قل لن يصيبنا الا ما كتبه الله لنا، الا ربنا عايزه هيكون
شمس: انتم مش بتريحوني ليه.
ضحك فزاع: امشي يا عز. ربنا معاكم ومتسوقش بسرعه
عز: حاضر يا حاج. سلام
شمس: في امان الله.
ذهبت لسياره زياد وهو يحلس بجانب قمر وخلفهم اولادهم
شمس: انت بقي. تسوق براحه. بطل اللي بتعمله
زياد: يا امي انا واخد على الطيران
شمس: وبعدين معاك
فزاع: اسمع الكلام يا زياد
زياد: حاضر يا حاج
شمس: اقرا قرآن ودعاء الطريق. وخلي بالكم من الولاد
قمر: حاضر يا خالتو
شمس: استني
زياد: ايه تاني
نظرت إلى الطريق لتجد سياره عز اختفت
فزاع: خلاص عز مشي. سبيه بقي يتحرك
شمس: اسمع الكلام يا زياد والله ازعل منك.
زياد: حاضر يا امي.
شمس: في رعايه الله
انطلق زياد بسيارته...
ركب زين السياره...
شمس: انت رايح فين
زين: همشي
شمس: لا انت هتركب معانا
زين: وانا صغير يا امي
شمس نظرت إلى فزاع بزعل
فزاع: احنا هنركب معاه. يلا يا شمس
زين اتنهد بياس
شمس: في حاجه ناقصه
فزاع: عارف وسعاد هيجو ورانا بالحاجه كلها. ربنا يهديك يا شمس اخلصي
شمس: انا بتاكد
فزاع بتحذير: شممممس
جلست في السياره بدون كلام.
انطلقو إلى البحر الاحمر...
وصلو إلى الفيلا...
عز وصل الاول مع جميله والاولاد كانو نامو
دخلو الفيلا كان البواب منضفها ودخلو
طلعو الولاد الاوضه ينامو.
ووصل زياد وقمر وطلعو الولاد كمان ينامو.
وبعدها وصل زين وشمس وفزاع
وعارف وسعاد
ا الفجر كان آذن
فزاع: يلا يا ولاد نصلي الاول وبعدين ارتاحو
ذهبو إلى المسجد. والمساء صعدو إلى غرفهم
بعد الانتهاء من الصلاه صعد إلى غرفهم
دخل زياد الغرفه. كان الضوء مغلق
زياد: اكيد نامت تاني.
فتح النور. ليتفاجا بها امامه وهي ترتدي فستان باللون ازرق.
اطلق صافره اعجاب بجملها. شعرها الاسود الطويل مفرود على ظهرها.
زياد: قمر الزمان
قمر بدلع: زياد
زياد: قلبو
قمر: واحشتني
كان الابتسامه على وجهها (فرحان بنفسه يعني)
اغلق الاضواء. ????.
صعد زين إلى غرفته. بضيق. ابدل ملابسه وجلس على الفراش ينظر إلى السقف بملل. حتى غلبه النعاس ونام.
فزاع دخل للغرفه ليجلس بتعب على الفراش.
جلست على ركبتيها في الارض. لتخلع عنه الجهاز
(للتذكير. فزاع حصلتله حادثه وحصله بتر في رجله ومركب جهاز طرف صناعي ??)
ابتسم برضا وامسك يدها واجلسها بجانبه وقبل راسها
فزاع: ربنا يخليكي ليا. يا شمس حياتي
شمس: ويخليك ليا يا عمر شمس. غير ونام شكلك تعبان
فزاع: مفيش تعب طول ما انتي معايا
قبلته بحب. : بحبك يا فزاع القلب.
كانت ترتدي كاش مايوه قطني ورفعت شعرها لاعلي كعكه فوضويه والقليل من احمر الشفاه.
دخل لينظر اليها من اعلي لاسفل
جميله: عز اتاخرت ليه
عز: صلينا وجيت
جميله: غير وتعال نام
عز: طيب ممكن تطلعيلي بيجامه
جميله: اوكي.
وقفت واخرجت و البيجامه
اقتربت منه: اهي
عز: شكرا
ابتسمت: عفوا
وضع يده على خصرها وقربها.
نظرت إلى عينه: ايه
عز: بحبك
جميله: وانا بموت فيك
??????
في الصباح
كان الجميع يفطر. ثم ذهبو ليجلسو معا على البحر.
جلس زين امام البحر ينظر إلى الامواج في صمت.
وزياد يجلس يلعب مع اطفال وعز يشاركهم
فزاع جلس بجانب شمس.
جميله وقمر يتحدثون...
كان فزاع يريد التحدث مع زياد عن حياته ولكن فضل التحدث عندما يعدون إلى المنزل.
قضو يومين بهدوء. وسعاده...
عادو إلى قنا بعد الانتهاء...
بعد يومين
فزاع: زياد تعال المكتب
دخل زياد إلى المكتب وجلس مع فزاع
فزاع: كيفك يا زياد
زياد: الحمد لله.
فزاع: فين مرتك
زياد: في المستشفي.
فزاع: وهتبات هناك
زياد: معرفش. هو في ايه
فزاع: في ان مش عاجبني اسلوبك مع مرتك وله حياتك دي.
صمت زياد ولم يجيب
فزاع: انا راجل ولازمن تكون الريس اللي بيمشي حياته.
الراجل بكلمته. انت مش عارف تحكم على مرتك
رفع راسه وعلامات الغضب على وجهه
فزاع: خابر انك بتحبها. بس مش معني الحب انك تسمع كلامها في كل شي. مرتك مهمله في تربيه الصغار. انت وطبيعه شغلك انك بتكون مسافر. هي بقي
ام. لازمن تهتم بولادها.
زياد: حضرتك عندك حق. انا اما تيجي هتكلم معاها
فزاع: زياد انت طيب و عتحب مرتك وده مش عيب. بالعكس دي حاجه كويسه.
خابر انت شمس دي روحي بس هي خابره زين ان كلمتي مرجعش فيها واصل.
زياد: فاهم يا بابا حضرتك قصدك ايه. عن اذنك
خرج من المكتب وصعد لغرفته وهو يشعر بالضيق
يعلم ان كلام ابيه صحيح...
انتظر ان تاتي من عملها ولكنها تاخرت. اتصل عليها
قمر: زيزو عامل ايه
زياد: الحمد لله. انتي فين
قمر: في المستشفي.
زياد: اممم. الوقت اتاخر
قمر: اصل انا هاخد انهارده ورديه
زياد: ومقولتيش ليه
قمر: عادي
زياد: عادي بجد. طيب كويس
قمر: انت مضايق ليه
زياد: لان يا هانم. انا واخد اجازه الاسبوع ده وحضرتك مفروض تكوني معايا. بس حضرتك نزلتي الشغل. مقولتش لا. بس المفروض متخديش ورديات حتى على الاقل الاسبوع ده
قمر: اوووف يا زياد. انت عايز تتخانق وخلاص
زياد: انت شايفه اني كده بتخانق
قمر: سلام علشان مش فاضيه.
اغلقت الهاتف سريعا. لينظر إلى الهاتف وقد وصل لقمه غضبه.
ارتدا ملابسه وخرج من البيت سريعا
كانت تجلس في مكتبها للتفاجا بدخوله عليها ويبدو على ملامحه الغضب. توترت ونظرت اليه في قلق
قمر: احم. زيزو
اغلق الباب خلفه بقوه واقترب منها
زياد: بتقفلي التليفون في وشي
قمر: حبيبي مش قصدي
زياد: مش قصدك. اظاهر انك فاكره اني مش راجل
قمر: زياد وطي صوتك
زياد: مش هوطي صوتي. خلي الناس تسمع الدكتوره المحترمه بتعمل ايه.
قمر: انا مبحبش الاسلوب ده. انت بتكلمني كده ليه
زياد: لمي حاجتك ويلا
قمر: لا مش همشي
زياد وهو يصك على اسنانه. ضرب المكتب بيده بقوه
لترجع خطوتين للورا: احنا مش في البيت
زياد: لو خايفه على شكلك. امشي معايا يا قمر
نظرت إلى وجهه لتجد ملامحه جديه اول مره يتحدث معاها هكذا
اخذت حقيبتها وجمعت اشيائها وخرجت معاه.
صعدا إلى السياره وعاد بها إلى الببت.
كان يجلس حزينا بعد شجاره مع قمر
شمس: زياد مالك
زياد: حبيبتي مفيش. انت خرجتي ليه من البيت
شمس: علشانك يا حبيبي. مالك بس احكيلي
زياد اتنهد وهي جلست بجانبه: تعبت يا امي من اسلوبها وتصرفاتها. انانيه ومش بتحب غير نفسها
شمس: كلنا بنغلط او بنكون مش واخدين بالنا من تصرفات معينه بنعملها. وانت واجبك كحبيب وزوج انك تفاهمها غلطها علشان تكملو حياتكم مع بعض في سعاده.
زياد: يا امي فاهمتها كذا مره. وقولتلها بس هي بتضرب بكلامي في الحيطه. عايزاني وقت اما تحب هي تكلمني تكلمني. مش بتعمل حاجه غير شغلها. طيب الولاد ذنبهم ايه اسيب الشغل واقعد معاهم. قولتلها كذا مره بلاش تبات في المستشفي بس هي عادي عندها طظ في اي حد غير نفسها
شمس: حبيبي براحه وبلاش تقسي عليها دي قمر حبيبتك وانت حبيبها وجوزها هي اكيد هتتغير علشانك
زياد: انا يا امي بابا يقولي انت مش راجل.
شمس: يا حبيبي انت سيد الرجاله. انت عارف فزاع هو تلاقيه كان مضايق من حاجه. او انت فهمت غلط. بس هو شايفك راجل وعلشان كده كلمك. عارف لو شايفك عيل كان هو اللي راح لقمر وكلامها بس هو احترم انك راجلها وكلمك انت.
زياد: انا همشي بكره الصبح
شمس: انت لحقت
زياد: عايزني في الشركه.
شمس: مش بلحق اشبع منك.
زياد: وله انا يا حبيبتي. وبعدين ما زين وعز على طول بره البيت.
شمس: لا بس بشفهم الصبح وبليل اما بيرجعو. وانت بتكون مسافر وبتيجي خاسس خالص
زياد: خاسس فين ماانا زي الطور اهو
شمس: قول ماشاء الله. الله اكبر عليك. ربنا يحميك ويحفظك من كل شر
ضحك زياد: القرد في عين امه
شمس بزعل: اخس عليك يا زياد. انت قرد. ده انت قمر. ماشاء الله في عيني
قبلها في وجنتيها وهو يضحك: هو في حد قمر هنا غيرك. انتي كل اما تكبري بتحلوي.
قبل يدها بحب ربنا يخليكي ليا يا امي ويباركلي في عمرك.
شمس: قلب امك انت.
زياد: وفزاع بيه
ضحكت شمس بخجل: فزاع ده روحي وحياتي كلها
زياد: ارزاق يا بختو
شمس: ولد
عادو إلى المنزل وهو يحتضنها ويضحكو ليجدو امامهم فزاع يقف كالباب بهيبته وطوله.
زياد بهمس لشمس: الراجل بيدور عليكي يا بطه
شمس وهو بتضحك: لم نفسك بدل ما يخليك انت اللي بطه
فزاع بضيق: عم تضحكو وتتسايرو وانا عدور عليكي بالبيت كله
شمس: كنت بتكلم مع زياد
زياد: اه كنا بتتكلم مع زياد.
فزاع بغيظ: شيل يدك يا زفت. وانتي تعالي هنا جنبي
رفع يده سريعا باستسلام ابتسمت ووقفت خلفه
زياد: اسفين يا فزاع بيه
فزاع: على اوضتك امشي
تحرك من امامه ليضربه بالعكاز على رجله
زياد: اااه.
فزاع: تستاهل يا زفت.
ضحك زياد: طيب لعلمك بقي انا بوستها كتير وكمان قولتلها يا حبيبتي وهو قالتلي يا قلبي بس
فزاع: اه يا ولد
ركض زياد سريعا على السلم وهو يضحك بصوت عالي.
شمس: حرام عليك يا فزاع. ضربته جامد في رجله.
فزاع: يستاهل. بوستيه ياشمس
شمس: يوووه يا فزاع. ده ابني
فزاع وهو يقترب منها: ريحته كلها عليكي
ضحكت شمس على غيره فزاع.
دخل وجلس على المقعد وهو ينظر امامه.
وقفت خلفه وا مسكت بطرف عبائته وهمست: انت روحي وعمري النفس اللي بتنفسه.
ابتسم على كلامها فكم يعشقها عندما تدلله وتلقي عليه بكلمات الحب. يزداد غرور في حبه
امسك يده لتقف امامه واجلسها على قدمه وهو ينظر إلى عينها
فزاع: إن الثبات امام عينك جهاد ??
نظر إلى شفتاها: أرغب في تقبيلك على مهل كانني اخيط جرحاً ????
ذابت في كلامه. وذاب معاها ليقبلها
شمس بهمس: بحبك.
صعد زياد إلى غرفته ليجدها تجمع اشيائها.
جلس بدون اي كلمه وهي انتهت من كل شئ...
قمر: انا همشي وهسيب البيت.
زياد رغم انه يتعذب من داخله: براحتك. الولاد هيكونو هنا.
قمر بدموع: ماشي.
ابتسم نص ابتسامه??، وهي تنظر اليه تريده ان يتحرك ويمنعها ولكنه اكتفي من محاولاته للحفاظ على هذه العلاقه
دموعها تنزل اغلقت الباب. وجرت حقيبتها للنزول.
وقف وهو يشعر بحزن ليكسر المرآه وكل شي في الغرفه من شده غضبه.
كانت تبكي وهي تنزل لاسفل لتجد امامها قزاع وشمس وعلامات التساؤل على وجههم
فزاع: على فين
قمر: رايحه لبابا
شمس: ايه الكلام ده. اطلعي اوضتك
قمر ببكاء: لا. انا عايزه امشي.
صوت تحطيم الاشياء يزداد...
فزاع: انا هطلع
طلع لزياد. شمس نظرت بحزن لقمر: انتي كده بتضيعي زياد من ايدك
قمر: هو مش عايزني
شمس: بالعكس زياد بيحبك جدا. اتغير علشانك. وخايف على علاقاتكم وانتي بضيعه من ايدك.
قمر: هو اللي بيضيعني من ايده.
نظرت لها شمس بغيظ: اقعدي يا قمر لو مشيتي المشكله هتكبر
قمر: لا همشي
شمس: براحتك.
تحركت قمر ونزلت. كانت تتابعها شمس بحزن لن توقفها فهي يجب ان تتحمل اخطائها
جميله كانت مع الاطفال لانهم يصرخون خوفا
شمس: مفيش حاجه اهدو. دي المرايا اتكسرت.
جميله: انا معاهم يا ماما. شوفي انتي زياد
دخلت شمس لتجد الغرفه محطمه وهو يجلس وبجانبه فزاع
شمس: زياد
فزاع: خليكي عندك يا شمس. الازاز هيعورك
شمس: متخفش.
زياد: خليكي يا امي. انا جايلك.
اشار لها فزاع ان تخرج...
حكي له زياد بعد ان هدا ما حدث بينه وبين قمر
فزاع: اهدا اكده وسيبها يومين تهدا وانت كمان
زياد: خليها براحتها ولو عايزه تطلقك معنديش مانع
فزاع: بطل كلام ماسخ. مفيش طلاق. هي هتعرف غلطها لوحدها. انت مغلطتش في حاجه. خليك راجل كيف ابوك
حرك زياد راسه. ليربت فزاع على كتفه بفخر.
فزاع: محبش اشوفك اكده حزين. انت راجل. اما عرفت اني رجلي اتبترت ووقتها انا كنت منهار وحزين وافتكرت اني بقيت عاجز. بس ربنا رزقني ب3 راجل عكازي وضهري وسندي في الدنيا. انتم عندي اغلي حاجه انتم وامكم. لو فيك حزن وله كسره قلبي بيتقطع عليكم وبحزن اكتر منكم.
نظر زياد إلى فزاع بفخر وحب لاول مره يعلم انه مهم عنده وله غلاوه
فزاع: انا بس مبعرفش اعبر عن اللي في قلبي. بس انتم كنزي وكل ما املك في الدنيا.
بكا زياد ورفع يد ابيه وقبلها ليعانقه فزاع
فزاع: اوعاك اشوفك مكسور.
زياد: معاش ولا كان اللي يكسر ابن فزاع الهاشمي
فزاع: ايوه اكده. انت ابن الهاشمي. راجل من ضهر راجل
ابتسم زياد وخرج مع ابيه ليجد شمس امام الغرفه وملامح الحزن والخوف على وججها
شمس بلهفه: حبيبي انت كويس
زياد: حبيبتي انا زي الفل. متخفيش
نظرت اليه والي فزاع حرك راسه ان تخرج...
اطمانت عليه.
زياد: امي خلي الولاد معاكي. متسبهمش ارجوكي. وانا هشوف واحده تراعيهم
شمس: واحده مين بس. انا هنا وجميله مرات اخوك
زياد: ربنا يخليكم يارب.
دخل إلى الغرفه ليجدهم جالسين ومعاهم جميله
ركضت الصغيره إلى احضان ابيها بخوف
جميله: هي خافت من صوت الازاز وهو بيتكسر وانا كنت بطمنها بس لسه خايفه
زياد: شكرا يا جميله.
جميله: على ايه يا زياد. ربنا يصلح الحال
ابتسم زياد. وخرجت جميله من الغرفه.
زياد نظر إلى الاولاد (شادي واياد واسر) يبدو على ملامحهم القلق.
وشمس الصغيره متعلقه في رقابته ضمها وحلس بجانبها
يحدثهم ويمزح معاهم
في غرفه شمس وفزاع
شمس تجلس بحزن
فزاع: هي اللي غلطانه يا شمس. انا ساكت بس عشان ضحي وصقر. قسما بالله لو غيرهم كنت وريتها
شمس: ربنا يهديهم.
فزاع: مش ابني اللي يتكسر قلبه عشان واحده.
شمس: انا مش عارفه البت دي حصلها ايه مكنتش كده.
فزاع: ادلعت زياده عن اللزم. احنا كلنا دلعنها. بس لزمن تعرف غلطها.
شمس: خايفه تفوق بعد الوقت اما يضيع
فزاع: ذنبها على جنبها. انا هكلم صقر وافهمه
شمس: انا هقوم اشوف زياد
ذهبت إلى بيت ابيها وهي تبكي.
صقر: ادخلي.
نظرت له. ودخلت وهي تجر حقيبتها.
ضحي كانت تنظر لها بعتاب
قمر: شكله اتصل بيكم وحكالكم. هو اللي غلطان على فكره
صقر: زياد متصلش. ومن غير اما يحكي انتي الغلطانه.
قمر: هو اللي بقي بيتعامل معايا بقساوه و بيتهمني في حاجات مش فيا
ضحي: اطلعي على اوضتك يا قمر واقعدي مع نفسك وفكري بالعقل.
صعدت إلى غرفتها تبكي، فهي ليست معتاده ان يقف الجميع ضداها دائما كانت هي مصدر الدلع والاهتمام من الكل.
كانت اصوات الاطفال وهم يضحكون.
دخلت شمس وهي تبتسم لتجد زياد في الارض والاطفال يجلسون فوقهم ويضحكون
شمس: ايه ده. قومو
زياد: سبيهم بيلعبو.
رجع زين إلى المنزل ليجد زياد يجلس في البلكونه
جلس بجانبه: زيزو مالك
زياد: مش جايلي نوم وهمشي الصبح
زين: قمر في المستشفي
زياد ضحك: عند ابوها
زين: ليه
زياد: اتخنقنا
زين: انت وقمر. ازاي بس
زياد حكي له ما يحدث بينه وبين قمر وان الجميع ملاحظ كل شي وهو كان يتغاضي عن كل هذا ولكن وصل للنهايه
زين: متزعلش نفسك انت عارف هي بتحبك ومش متعوده على الطريقه دي. انت غلطان
زياد: انا.
زين: من الاول وانت محطتش نقط حمرا تمشي عليها. يعني من الاول لو مضايق من بياتها على طول في النستشفي كنت قولتلها.
زياد: قولتلها
زين: زياد انت اخويا بس انت كنت متساهل معاها من الاول كان لازم يكون في حزم لازم انت اللي تقود العلاقه.
زياد: عندك حق. انا فعلا كنت متساهل معاها علشان بحبها وببعد عنها كنت عايز اعوضها غيابي ومضايقهاش وانا بعيد بس خلاص.
زين: انت وهي بتحبو بعض. مفيش حاجه اسمها خلاص. هتتحل وهترجع الامور احسن من الاول
زياد: مفتكرش هي سابت البيت
زين: هي منتظره زي كل مره انك تصلحها بي المره دي خليك جامد شويه وهي هتتعدل.
زياد: خير. انت ايه اخبار الشركه
زين: الحمد لله كل حاجه ماشيه تمام.
اكمل زين حديثه مع زياد وانضم لهم عز
وجلسو يتسامرون ويتحدثون معا كالايام القديمه.
وقفت شمس في الشرفه وهي تنظر اليهم يجلسوز بالاسفل ويضحكون لتدعي لهم الله ان يحميهم ويحافظهم
فزاع: طول ما انتي بتدعيلهم ربنا هيحافظهم. دعوه الام دي شئ عظيم...
شمس: ربنا يستجيب
فزاع: يارب.
سافر زياد إلى القاهره ليلحق برحلته دون ان يتصل على قمر او يودعها...
كانت تنتظر مكالمه منه ولكن لم تاتيها اي مكالمه.
شمس وجميله كانو يعتنون بالاطفال ومعاهم سناء.
جلس فزاع مع صقر
فزاع: خبر ايه يا صقر. زعلان ليه
صقر: مش زعلان يا خوي. بس خابر ان قمر غلطانه وانت اكيد زعلان
فزاع: اسكت يا صقر. قمر بتي و زياد ابني والاتنين هيحلو مشكلتهم. سيبك انت من موضوعهم ومتشلش هم. اللي عايزه ربنا هيكون
صقر: ربنا يهديهم.