قصص و روايات - روايات صعيدية :

رواية أولاد فزاع الجزء الثاني للكاتبة ياسمين علاء الدين الفصل الثامن عشر

رواية أولاد فزاع الجزء الثاني للكاتبة ياسمين علاء الدين الفصل الثامن عشر

رواية أولاد فزاع الجزء الثاني للكاتبة ياسمين علاء الدين الفصل الثامن عشر

تسريع الاحداث...
بدات شهد ان تستعيد عافيتها. ورجع بها زين إلى البلد استقبلها الجميع بترحيب.
دخل رحيم وسلم على الجميع. ليلاحظ تجهم وجهه زين
رحيم: زين عايز اتكلم معاك
زين: مش فاضي
رحيم: مش هعطلك كتير.
خرج زين ورحيم إلى الخارج...
كانت النساء تجلس وتتكلم معا
رحيم: في سؤ تفاهم وانا حابب اوضحه
زين: ها
رحيم: انت اخويا. وشهد مرات اخويا. مش اكتر من كده. اما اللي كان بيحصل قبل كده فده كان تخطيط شمس وضحي.

نظر له زين. ليسمع صوت امه تاتي من الخلف
شمس: كنت عايزه اخليك تنطق وتتحرك. فقولت يمكن اما تغير عليها تتحرك.
زين: وايه كمان
شمس؛ كان نفسي تكون مبسوط زي اخواتك. انا ام وشايفاك على طول وحيد وحزين.
رحيم: انا حبيت اوضح بس النقطه دي. انا عمري ما هبص لمرات اخويا. حتى لو انت طلقتها عمري ما اقرب منها.

زين بغيظ: بس انا مش صغير علشان تعملو عليا حوار يعني. انت عارف انا كنت هعمل فيك ايه. والله كنت ماسك نفسي عنك بالعافيه
ضحك رحيم: قلبك كبير بقي
زين: هه. كبير اووي
لكمه في وجهه لتشهق شمس. تركهم ودخل كانه لم يفعل شيئ
رحيم: اااه. ايدك تقيله
شمس: معلش يا حبيبي.
رحيم: وشي باظ بسببه
شمس: تعال معايا انا هتصرف. متزعلش يا رحيم.

صعد إلى غرفته وفتح الدرج وهو ينظر إلى صوره نور زوجته
زين: مش عارف اقولك ايه. حاجات كتير متلخبطه جوايا.
نور انا بحبك برضو وعمري مانسيتك وله هنساكي.
وجد الباب يفتح ودخلت وهي تنظر اليه
زين: شهد
جلست بجانبه وامسكت الصوره من يده وهي تنظر إلى الصوره
شهد: كانت قموره
زين، : اه. انا
شهد: انا عارفه انك بتحبها ومش عايزاك تنساها. وكمان مش عايزه اخد مكانها. بس عايزه جزء صغير ليا في قلبك وانا هرضي بيه.

زين: انتي طيبه اوي يا شهد
شهد: شكرا
زين وهو يمسك خدها: عايزه مكان صغير قد ايه
شهد: انا راضيه باي حاجه. المهم متبعدش عني
ابتسم زين: كبرتي امتي
شهد: انا اصلا كبيره. انت اللي مش عارف
ضمها إلى صدره: انا مش هعرف انسي نور
شهد: عارفه.
زين: وعارفه انك دخلتي في قلبي وبقي ليكي مكان
نظرت إلى عينه
زين: بحبك
شهد: وانا كمان بحبك.

رحيم، د: اااه. براحه يا قمر
قمر: تستاهل
رحيم: انا كان مالي ومال الخطه دي
زياد: هههههه. شكلك مسخره.
رحيم: اضحك يا عم. اروح القسم انا كده ازاي
عز: تعرف انه كده بيحبك. علشان مثطعش رقابتك عن جسمك
رحيم: يعملها ده مفتري.

في الليل صعد كلا منهم إلى غرفته...
زين: رايحه فين
شهد: اوضتي
زين: لا هتنامي في اوضتي
شهد: ليه
زين: كده.
دخلت معه إلى غرفته...
شهد ؛ الدراسه قربت
زين: عارف. و هاجلك السنه دي
شهد، : ليه
زين: انتي لسه تعبانه
شهد: الحمد لله بقيت كويسه.

فزاع: قولتلك زين هيزعل
شمس: المهم عندي انه اتحرك
فزاع: بس زعل من ابن عمه
شمس: انت عارف انه قلبه ابيض ومبيزعلش من حد.
فزاع: ابنك مش صغير. هو عارف هيكمل حياته ازاي.
شمس: وانا امه ومن حقي اطمن عليه
فزاع: واطمنتي خلاص بقي. اسمعي الكلام
شمس: ماشي
فزاع: ربنا يهديكي يا شمس
ابتسمت: يارب.

كان يهتم بها ويراعي مواعيد الدوا. وعندما يذهب إلى شركته كان يتصل بها ويتابعها.
بدات الدراسه واستعدت لبدا مشوار جديد في حياتها
ارتدت ملابسها اول يوم في الجامعه.

دخل ليجدها مبتسمه و يبدو انها تشعر بالحماس
زين: خلصتي لبس
لفت حول نفسها امامه: حلو كده
زين: جميل عليكي
شهد: شكرا.
زين: خلي بالك من نفسك والموبيل معاكي في اي وقت كلميني
شهد: حاضر
زين: متكلميش حد لا ولد ولا بنت
شهد: ليه
زبن: كده
شهد: حاضر
زين: و، قطعت كلامه
شهد بتزمر: كده هتاخر.
زين: شهد انا لسه مخلصتش كلامي
شهد: نكمل في العربيه.
اخذت حقيبتها ووضعت كف يدها في كفه.

في الاسفل كان عز وجميله والاولاد يتناولون الغداء. وقمر وزياد واولادهم، وفزاع وشمس. وزين وشهد
بعد الانتهاء...
فزاع: خلي بالك على نفسك ياشهد
شهد: حاضر
شمس: لو تعبتي اتصلي على طول ونبعتلك السواق
شهد: ماشي
عز: تعالي اوصلك
نظر له زين بجانب عينه ??. ليضحك الجميع
عز: ?? يا ما. هيوصلك هو
زين: اتكل انت. يلا يا شهد...
ودعت الجميع وخرجت معه ليستقلا السيارم وينطلق بها إلى الجامعه.

طول الطريق كان بخبرها ماذا تفعل. ولاتتردد بطلب المساعده في اي وقت وتحدثه.
وصل إلى الجامعه...
وقفت خارج السياره ووقف معاها.
امسكت يده بتوتر وقلق فهذا اول يوم لها
احس بقلقها: ايدك. تلج
ابتسمت بتوتر. زين: خلي بالك من نفسك ومتقلقيش من حاجه.
شهد: انت كمان خلي بالك من نفسك
قبل جبينها: سلام
ابتسمت: سلام.
تركت يده و تحركت من امامه وهو يقف ينظر لها.
حتي اختفت من امامه.

كانت منبهره بكل ما حولها. كانت تراقب المكان في صمت ولم تختلط باحد. كانت تكتفي بالمراقبه فقط.

في مكان اخر.
كان رحيم يتابع عمله. علم مكان مسعود
جمع قوه وذهب ليقبض عليه لانها هارب من العداله.
ذهب إلى المكان..
رحيم: فتشو البيت كله.
دخل العساكر إلى البيت.
وقف رجل كبير معه: في ايه يا باشا
نظر له: انت مين.

الرجل: انا حامد السبع. كبير العيله
رحيم: اهلا يا حاج. جت اخبريه ان مسعود مستخبي هنا واحنا بنشوف شغلنا
سمعت صوت خلفه نسائي ليلتفت إلى مكان الصوت ليجد فتاه تقف امامه.
الفتاه: وفين اذن النيابه يا حضره الظابط
رحيم: وانتي مين علشان تتكلمي
حامد: ادخلي يا بنتي انتي
الفتاه: ادخل ازاي والعساكر جوه وقالبين البيت
رحيم: بص يا حاج حامد. ابن اخوك هربان من اعدام ومطلوب القبض عليه
حامد: خابر يا ولدي.

الفتاه بتحدي: برضو فين امر النيابه. مش من حقك تيجي تفتش من غير امر النيابه
رحيم: وانتي مين بقي
الفتاه: انا ورد حامد السبع. في اخر سنه حقوق
ابتسم باستهزاء: هه. علشان دراستي 3 سنين هتطنطي علينا
ورد ؛ لو سمحت يا حضره الظابط.
رحيم باستفزاز: هشششش
احمر وجهها من الغضب. لينظر لها ابيها ان تصمت.
خرج العساكر: تمام يا فندم مفيش حاجه
رحيم: تمام.

نظر إلى حامد: بص يا حاج حامد. المخبر شاف ابن اخوك وهو داخل عندك. وده مجرم وهربان. انت كده بتستر عليه ومفروض نخدك ونحقق معاك
وقفت امامه بتحدي: مش هيحصل. ابوي معملش حاجه.
رحيم: اظن انتي عارفه ان التستر على مجرم ليه عقوبه
ورد: بس ابوي ميعرفش مكانه
حامد: ايوه يا باشا. انا مخبرش فين مسعود
نظر له رحيم بشك يبدو على حامد الكذب...

رحيم: تمام. انا همشي المره دي. بس لو عرفت انك عارف مكانه وساكت. هيكون ليه تصرف تاني.
حامد: اعمل اللي يريحك
رحيم: ده قانون يا حاج. واسال بنتك
نظرت له بكره ليبادلها النظر باستهزاء.
ارتدي نظارته الشمسيه وتحرك من امامهم..
صعد لسياره الشرطه وتحرك من امامهم.
نظرت لابيها بغضب: عاجبك اللي بيحصل بسبب ابن اخوك ده.
حامد: محوصلش حاجه.
ورد: وانت فاكر انه صدق انك متعرفش مكان مسعود. ده شكله مش سهل.

حامد: تفتكري شك في حاجه.
ورد: يا بووي. مسعود كان سبب في قتل واحد. ولازم ياخد عاقبه
حامد: ابن اخوي ومتخلاش عنه واصل
ورد: واما يقبضو عليك بتهمه التستر على قاتل
حامد: طارق هيتصرف. هو محامي كبير.
نظرت له ودخلت إلى البيت...
اما رحيم وصل إلى مكتبه وطلب المخبر المسؤل على مراقبه بيت حامد السبع
رحيم: متتحركش من قدام البيت. عايز تقرير مين داخل ومين خارج.
المخبر: تمام يا فندم.

اغلق الهاتف وهو يتوعد لحامد لان الكذب واضح عليه
حامد: يا انا يا انتم يا ولاد السبع...

انهت اول يوم دراستها خرجت من الجامعه لتجده يقف وهو يرتدي النظاره الشمسيه. قوته وهيبته مسيطرين على المكان. سمعت تهامس بعض الفتيات عليه
لتسرع له وهي تشعر بالغيره
رفع نظارته ونظر اليه: اخبار اليوم ايه
شهد: الحمد لله. يلا نمشي بسرعه
زين: بسرعه ليه.
شهد: كده. يلا
نظر اليها: في حد مضايقك..
شهد: اه
زين: هو مين
شهد: البنات.
زين: بنات!
شهد: بص.
نظر إلى المكان التي تشير اليه ليجد بنتين يضحكون.

ابتسم ليه وضمها لتنظر إلى البنات ??
زين: كده كويس
شهد: اه اتغاظو
ضحك: اركبي يلا.
وهم في الطريق: جعانه
شهد: يعني.
زين: هنروح نتغدا مع بعض
شهد: مش هنتغدا في البيت
زين: تؤ. هنتغدا بره. عندك اعتراض
ابتسمت: لا طبعا. انا معاك في اي مكان
انطلقو إلى مطعم ليتناولو الغداء معا. وكانت تحكي عن يومها وماذا حدث.

اما. جميله وقمر وشمس اخذو الاطفال إلى النادي وكان معاهم زياد.
شمس الصغيره: بابي انا عايزه شوكولاته
قمر: لا
زياد: هجبلك
قمر: يا ربي منك. البنت عندها حساسيه.
زياد: نفسها فيها مره مش هتعمل حاجه.
قمر: برضو غلط. انت بتدلعها
زياد: تدلع براحتها. انا مش معاها على طول وبنزل اجازه كل فتره.
قمر: يووه. مش هينفع كده
شمس: بس انتم الاتنين. على طول كده ناقر ونقير.

قمر: يا ماما عايز ياكل البنت شوكولاته وهي عندها حساسيه
زياد: مره مش هتعمل حاجه
جميبه كانت تضحك عليهم.
شمس: هي طفله صغيره هتحرميها يعني. اكليها قطعه من نفسها واديها دوا الحساسيه مش هيحصل حاجه
جميله: وكده وصلتو لحل وسط.
شمس: بس كده. سهله
زياد: ايوه بقي ياشمس يا جامد
ضحكو جميعا: انتم اللي بتتخانقو على حاجات تافهه.

بعد ان انهو الغدا. اخذها واوصلها للبيت.
زين: اطلعي ارتاحي. وانا هرجع الشركه
شهد: خلي بالك من نفسك
زين: وانتي كمان. بقولك ماما مش هنا وله جميله هما في النادي.
شهد: ماشي. انا هنام شويه لحد اما يرجعو
زين: اوكي.
اقتربت منه وطبعت بوسه على خده بخجل لتخرج من السياره
ابتسم واطمان انها دخلت وانطلق بسيارته.

الفصل التالي
بعد 23 ساعة و 18 دقيقة.
جميع الفصول
روايات الكاتب
روايات مشابهة