رواية أولاد فزاع الجزء الثاني للكاتبة ياسمين علاء الدين الفصل الحادي والعشرون
ورد: مش ملاحظ ان صدفك زادت اوي
رحيم: اشربي القهوه قبل ما تبرد
ورد: رحيم. رد على سؤالي
رحيم: انتي عامله نفسك مش واخده بالك. وانا عامل نفسي مش فاهمك
ابتسمت: انت فظيع
رحيم: فظيع ووسيم كمان
ورد: مغرور اوووي.
اعتدلت في جلسته: مش غرور دي ثقه
ورد: طيب يا واثق. قولي عايز ايه.
رحيم: بصي بصراحه انا معجب بيكي.
ورد: وانا قولتلك رأي قبل كده
رحيم: وانا عايز اقرب منك اكتر. يعني موافقه اتقدم لبابكي
ورد: اخيرا.
رحيم: هتموتي عليا انا عارف
ورد: هموت على مين يا بني.
رحيم: ابنك. ??
جائها اتصال من والدها: ده بابا.
رحيم. : ردي عليه.
ورد: الو يا بابا
حامد: انتي فين.
ورد: في المكتبه
حامد: تكوني عندي حالا.
ورد: في ايه يا بابا
حامد: اما تيجي هقولك.
اغلق الهاتف. ونظرت إلى الهاتف بقلق.
رحيم: مالك يا ورد
ورد: مش عارفه بابا بيقولي ارجع البيت حالا.
رحيم: غريبه. مقلش في ايه.
ورد: لا. انا لازم ارجع البيت.
رحيم: انا هوصلك.
ورد: معايا العربيه.
رحيم: طمنيني عليكي. وخلي بالك من نفسك
ورد: حاضر. انت كمان خلي بالك من نفسك
تركته و صعدت إلى سيارتها وانطلقت للبيت.
دخلت كان حامد يجلس وطارق بجانب. ليقف وهو ينظر لها بغضب
طارق: كنتي فين يا هانم.
ورد: وانت مالك.
طارق: لا ليه. انتي مراتي
ورد: ايه الجنان ده. مراتك منين. ومن امتي
طارق: مراتي غصب عنك.
ورد: بابا بيقول ايه. فهمني.
حامد: انتي مراته.
ورد: مراته ازاي.
حامد: انا مضيت على عقد الزواج.
طارق اخرج من جيبه ورقه واعطاها اياه لتنصدم.
العقد مسجل وامضاء والدها عليه.
نظرت لولدها بحزن والدموع في عينها: انت يا بابا تعمل فيا كده.
طارق: يلا يا عروسه جهزي نفسك وبعد يومين الفرح
ورد: على جثتي
حامد: اطلعي على اوضتك. ومفيش خروج من البيت
صعدت إلى غرفتها تبكي على حالها.
اخرجت الهاتف لتجد اتصال منه. لم تجيب فهي لا تعرف ماذا ستفعل.
لم تجيب على اتصالاته واغلقت الهاتف ايضا. يبدو ان هناك مشكله..
صعدت امها اليها ومعاها الطعام
ام ورد: يلا يا ورد كلي. علشان تتغذي.
ورد بدموع: مش عايزه اكل. انا عايزه اموت.
ام ورد: انتي خابر ابوكي وعنده وده خلاص بقي جوزك.
ورد: انا مش موافقه على الجوازه دي.
ام ورد: مينفعش ترفضي. ده مش قرارك ده قرار ابوكي
تركتها امها وخرجت وهي جلست تبكي على حالها.
تحب رحيم من اول يوم راته فيه. اخيرا اعترف انه يريد الزواج بها. والان هذا الطارق يقول انه زوجها.
ماذا ستفعل الان..
مر يوم ولم يحدث شئ وفي المنزل يجهزون للفرح ولا احد يكترث برفضها..
قررت ان تهرب قبل يوم الزفاف..
تسللت في الليل وخرجت من البيت واتصلت على رحيم
اللذي اسرع بالردعليها: ورد
ورد: رحيم انا محتاجلك.
رحيم: انتي فين.
ورد: في شارع /.
رحيم: دقيقه واكون عندك.
خرج سريعا من المنزل وذهب اليها...
كانت تبكي. رحيم: ورد مالك
ورد بدموع: هيجوزوني بكره
انصدم ?? انتي بتقولي ايه
ورد: بقول اللي بيحصل.
رحيم: اهدي. وتعالي معايا نتكلم.
صعدو إلى السياره و طول الطريق كانت تبكي.
هو غاضب لايعلم اين يذهب بها.
ورد: انا مش عايزه اتجوزه. انا مش بحبه
رحيم: اهدي يا ورد. هو مين الاول
ورد: طارق السبع ده محامي
رحيم: اه عارفه. مش ده انتي بتشتغلي في المكتب عنده
ورد: اه. هو. بس انا مش بحبه.
رحيم: عايزه تروحي فين
ورد: مش عارفه. المهم متجوزش الراجل ده
رحيم: انتي عارفه بتطلبي ايه. انتي عايزه تهربي من فرحك.
ورد: انت خايف عليا وله على نفسك
رحيم: اكيد خايف عليكي
ورد: انت مش بتحبني لو بتحبني هتبعدني عن هنا
هتقبل اني اتجوز غيرك.
رحيم ؛: ورد كده هتحصل مشاكل في البلد بين عيلتك وعيلتي
ورد: هو ده المهم البلد
رحيم: وانتي مهمه عندي. بس بالعقل كده
ورد: نزلني
رحيم: بلاش جنان يا ورد.
ورد: مفيش جنان وله حاجه. انا هرجع البيت
امسك يدها لتبعدها عنه سريعا وهي تبكي. نظرت خارج السياره.
رحيم: ورد افهم.
لم تنظر له ولم ترد عليه...
اوصلها قبل المنزل لتنزل سريعا، نزل خلفها ليلحق بها، وجد ابيها وطارق في الخارج.
اقتربت منهم وهي تبكي ليصفعها ابيها على وجهها. وقعت على الارض. شعر بالم في قلبه
طارق: كنتي فين يا ورد
ورد: وانت مالك
اقترب وامسك شعرها لتتالم اوقفها
رفع يده ليضربها ليجد شئ يمنعه. نظر إلى يده ليجده يقف امامه ويمسك بيده. ويبدو غاضب
حامد: بتعمل اهنا ايه
رحيم ابعد يد طارق عن ورد، ونظر اليها كان وجهها احمر من اثر صفعه ابيها. وتنزف.
نظر اليها باسف. ليجدها تبكي وتنظر إلى الارض.
رحيم: اسف
طارق: شفت بنتك ال.
لم يشعر بعدها سوي انه واقع على الارض ويتالم من قوه اللكمه...
رحيم: دي اشرف منك ومن اللي اهلك كلهم
كانت تشعر ان نارها انطفأت قليلا. عندما نظرت اليه لتجده الارض
حامد: عايز ايه يا رحيم بيه.
رحيم: بنتك مش قاصر يا حاج. مينفعش تجوزها بالطريقه دي. وكمان هي رافضه الجوازه
حامد: انا خابر مصلحتها اكتر منيها
رحيم: ومصلحتها تجوزها غصب مع واحد حيوان زي ده. ده انسان واطي.
حامد: انا مضيت وخلاص وهو بقي جوزها.
احس بها تمسك في ملابسه وهي تبكي لا تريده يتركها
رحيم: العقد باطل يا حاج..
حامد: انت عايز ايه دلوقيت. ملكش صالح بينا.
رحيم: بص يا حاج حامد يشهد الله ان بنتك من انضف واشرف البنات وانا عايز ارتبط بيها.
طارق: بيقولك متجوزه تقوله ارتباط
رحيم: اخرص انت احسنلك. تتجوزها غصب عنها. لو راجل متقبلش على نفسك كده.
طارق: ساكت ليه يا حاج حامد. احنا مش بينا اتفاق
حامد: ايوه. طلبك مرفوض يا باشا. بنتي هتتجوز طارق
كانت تحرك راسها سريعا وهي تبكي وتتمسك اكثر في ملابس رحيم..
ندم انه اعادها إلى البيت...
طارق: اتفضل بره من غير مطرود
ابتسم باستهزاء.
حامد: انا قولت اللي عندي
رحيم: وانا مش همشي غير اما اكتب على ورد وتكون مراتي...
طارق: انت
نظر له بتحذير ليكتم كلامه قبل ان يقول شيئآ ويندم عليه
حامد: وانا هتصل بعمك وابوك يجو.
رحيم: اعمل اللي انت عايزه.
دخل حامد ليحضر هاتفه. نظر رحيم اليها ليجدها ترتجف. وتبكي.
رحيم: في ورد بيبكي
رفعت عينها اليه. رحيم: بصي انا مجنون متبصيش كده بدل ما اخدك وامشي دلوقتي واخلي البلد كلها تولع.
طارق: بتقولو ايه انتم
رحيم بكره وقرف: وانت مال اهلك. روح اقف بعيد
ابتسمت وسط دموعها. رحيم: متخفيش
احست من نبره صوته بالاطمئنان.
خرج حامد. وحلس خارج المنزل ليشير لطارق ورحيم ان يجلسو
حامد: ادخلي جوه.
انتفضت بخوف. رحيم، : ادخلي. وزي ما قولتلك
دخلت إلى المنزل ووقفت خلف النافذه تنظر له
بعد وقت وصلت السيارات خلف بعضها..
لينزل فزاع وبيده عصاه وبجانبه زين. وخلفهم سياره صقر، وخلفهم سياره عز وزياد...
رحب بهم حامد وجلسو
زياد بهمس لرحيم: انت بتهبب ايه
رحيم، : هتجوز البت
عز: ملقتش الا بنت الراجل ده. انت ناسي المشكله اللي بنا.
رحيم: ميهمنيش. انا عايزاها
فزاع نظر لهم بجديه ليتوقفو عن الهمس
صقر نظر لابنه ليفهم. همس لابيه وهو يحرك شفتيه
(بحبها. ). ابتسم صقر ونظر له ليطمانه
فزاع: خير يا حاج حامد
حامد: ابن اخوك جاي وعايز يتجوز بنتي وهي متجوزه وفرحها بكره. ورافض يمشي
زين لرحيم: الله يخربيتك متجوزه
رحيم: كدب
فزاع: وايه تاني يا حاج في شكوي تانيه
حامد: يبطل يكلمها وميقابلهاش واصل
فزاع: حقك يا حاج. في ايه حاج تانيه
حامد: لع.
فزاع: من متي يا رحيم و انت بتتعدي على الناس
رحيم: محصلش يا عمي. ورد. مش متجوزه عندها 22سنه ومش قاصر علشان ابوها يجوزها غصب عنها.
طمان وقع على العقد مع ده.
حامد: بتي وانا حر.
رحيم: لا مش حر. بنتك تلزمني.
صقر: اقعد يا رحيم.
فزاع: طيب يا حاج. انا ممكن اقعد مع بتك واسالها
حامد. بارتباك: لع. بتي هتتجوز طارق.
نظر لهم رحيم بشر. زياد بهمس: اثبت لفزاع بيه يقلب عليك
صقر: على كلام رحيم انا الجواز ده باطل.
حامد: باطل مش باطل دي بتي وانا اعمل اللي انا عايزه. ان شاء لله اقتلها.
نظر له بغضب وضع يده على كتفه ليهدا.
مسح وجهه بيده لينظر لاعلي وجدها تقف وهي تبكي في النافذه
تنهد، نظر صقر له ليجده ينظر إلى فتاه تبكي
صقر لفزاع: رحيم بيحبها. بص
فزاع: اصبر عليا. انا هجوزهاله
اعتدل فزاع في جلسته ونظر إلى طارق
فزاع: عايز اشوف عقد الجواز
اخرج طارق من جيبه العقد واعطاه لفزاع.
نظر قليلا إلى الورقه ثم إلى طارق.
فزاع: عايزك يا حاج حامد لوحدنا
حامد: اتفضل يا حاج.
دخل فزاع مع حامد إلى البيت. كان سيدخل وراهم طارق. ليمسك به زين
زين: رايح فين. اقعد هنا
طارق، : ده بيتي
رحيم: بيت مين يا ابو بيت. اقعد بدل ما افضي الرصاص كله في دماغك وارتاح...
ضحك عز وزياد.
صقر: تعال جنبي يا رحيم
جلس جنب ابيه وهو ينظر لها
صقر: مش كنت تقولي يا ابو دماغ زباله انك عايز تتجوزها
حكي له رحيم ما حدث.
صقر: انت فعلا بتحبها.
رحيم: بحبها قووي يا بوي.
ضحك صقر. رحيم: بص عليها. نكديه بس مزه
ضحك وهو يرفع راسه لينظر لها. خجلت ودخلت
صقر: عرفت تختار. حلوه
رحيم: تربيتك يا شقي
صقر: اتحشم يا ولد.
رحيم: اسف يا باشا. قبل يد صقر
ليبتسم صقر على افعال ابنه
فزاع: صقر تعال.
دخل صقر لهم.
وقف رحيم امام طارق وعز وزياد وزين يجلس بجانبه
رحيم: خليك محترم وابعد عن ورد
طارق: ابعد انت. دي مرتي
رحيم: بص بقي ورد هتجوزها يعني هتجوزها.
طارق: بتهددني. متنساش اني محامي واعرف اخد حقي
زين: متقدرش تعمل حاجه.
عز: محامي على نفسك
زياد: فوق لنفسك يا شبح. وشوف بتكلم مين
طارق: انتم فاكرين اني هخاف
رحيم: هتخاف. عارف ليه. علشان انا عارف عنك بلاوي
طارق: متقدرش تعمل حاجه
لو تقدر كنت عملت
رحيم: اتصدق انت صح. انا لازم اعمل.
زياد. : تعمل ايه بس مش هنا
ضحك عز: احنا نتصل بفرج
زين: هي وصلت لفرج.
زياد: اووبا. ده الموضوع فيها فرج. وشكلك هتتبسط اوي.
ضحكو الاربعه لينظر لهم طارق بكراهيه.
طارق: ورد انا بحبها من وهي صغيره. دي ملكي
رحيم: احترم نفسك يلا.
زين: واحده ورافضه ترتبط بيك، هتقبل على نفسك تتجوزها
رحيم: روح لمحاسن اللي في شقه ال .
تجهم وجهه طارق ونظر له بقلق
زياد: مين محاسن
رحيم: دي واحده هو متجوزها عرفي
عز: طيب ما انت مظبط نفسك اهو
رحيم: اللي عرفته انه بيعمل صفقات مشبوهها
زياد: مقبضتش عليه ليه
رحيم: كله في وقته.
طارق وقف: انا ماشي.
رحيم: مش هتتحرك من هنا. لحد اما يخلصو.
خرج فزاع وصقر وحامد
حامد: فرح ورد بنتي الاسبوع الجاي
فرح طارق ونظر إلى رحيم اللذي حزن لسماعه الخبر
حامد: فرح ورد على رحيم. جهز نفسك يا بني
فرح الشباب وباركو لرحيم اللذي كان يضحك رفع راسه لينظر اليها.
وجدها تبكي وهي تبتسم بفرح...
طارق: انت بتقول ايه والاتفاق اللي بنا
مزق حامد الورقه امام طارق: معنديش بنات للجواز.
طارق: هتندم
فزاع: متقدرش تعمل حاجه...
صقر: نصاب وحرامي.
زين: في ايه. حد يفهمنا.
صقر: عمل لعبه قذره وخلي الحاج حامد يمضي على ورق التوكيل وباع لنفسه كل املاك حامد. و هدده لو متجوزش ورد هيسجنه ويرميه في الشارع. عشان كده وافق على الجواز.
رحيم: اه يا بن ال.
فزاع: خلاص يا رحيم.
رحيم: / طلع الورق يا
طارق بخوف: مش معايا
زياد: هو فين
طارق: في المكتب.
رحيم: عن اذنكم هروح اجيب الورق وارجع
ذهب طارق مع رحيم وعز وزين وزياد إلى المكتب واخذو الاورق منه التي تخص حامد...
وتركوه وعادو إلى حامد. الذي فرح برجوع حقه اليه
اما طارق فعلم ان رحيم لن يتركه وخاف ان يبحث خلفه ويسجنه لانه كان نصاب...
فجمع اشياءه وترك البلد وهرب...