رواية العروسة والشلة الموكوسة للكاتبة ياسمين علاء الدين الفصل الأول
في مكان تاني. سباق سيارات
كان شاب لابس اسود في اسود وراكب عربيه وبيسوق بيها على اسرع حاجه
وصل لنقطه النهايه
البنات حوليه والشباب كلهم بيصقفو ومعجبين بيه
مدير أعماله: ممتاز يا عمار بيه. بصراحه كل مره بتدهشني. انت حققت رقم قياسي
عمار شال الخوذه من على راسه وهو مبتسم: لسه موصلتش للرقم اللي انا عايزه.
المدير: في شركه عايز تتعاقد معاك عشان تعملها اعلان
عمار: مش بعمل اعلانات يا مرتضي. وقولتك كده مليون مره.
المدير: بس دول زودو الشيك الضعف
عمار: الفلوس متهمنيش. سلام يا مرتضي
جريت بنت وراه: عمار. عمار استني
عمار: ايوه يا ناني
ناني: عمو منصور فرحه انهارده. هتعدي عليا الساعه كام
عمار: واعدي عليكي ليه
ناني: عشان اروح معاك الفرح. انت هتروح لوحدك
عمار: اه طبعا هروح لوحدي. انتي ناسيه أن الصحافه والاعلام هيكونو هناك. عايزاني ادخل مع واحده. والاشاعات تكتر
ناني: بس احنا اصحاب وكمان ولاد خاله.
عمار: الصحافه متعرفش الكلام ده. الاحسن كل واحد يروح لوحده. يلا باي
مشي عمار. وناني وقفت مضايقه من أسلوبه معاها.
في. الصاله الرياضيه
كان شاب شايل اكتر من 80 كيلو اثقال
المدرب: عاش يا مهند. جامد يا وحش
مهند شال ونزل الحديد: شكرا يا كوتش.
المدرب: التمرين بتاعتك خلصت انهارده. تقدر تستريح، بس خلي بالك من نظام الاكل. زود لحوم. وقلل النشويات
مهند: اه طبعا. انا فطران 2 فرختين انهارده.
المدرب: يستحسن الغدا يكون لحوم حمرا
مهند: قشطه يا كوتش.
قعد مهند على الكرسي يرتاح شويه وجاله تليفون من سكرتير والده أن الفرح انهارده ولازم يحضر
مهند: جاي يا شفيق. بس عندكم اكل في الفرح
السكرتير: طبعا يا مهند بيه. في كل الانواع
مهند: طيب قول للطباخ يزود اللحوم عشان انا جاي ومعايا صحابي. انت حر لو ملقوش اكل احتمال ياكلوك
السكرتير بخوف: ياكلوني انا. ليه يا باشا. انا كنت عملت ايه.
مهند: انا بقولك اهو. اعمل حسابك على البوفيه.
السكرتير: حاضر يا باشا. هعمل حسابي. ربنا يستر
مهند وقف: بقولك يا شباب. انتم معزومين انهارده على فرح ابوي.
واحد من الشباب: في اكل
مهند: طبعا. الخير كتير. جاين وله لا
الكل: جاييييين.
استوب احب اعرفكم على الابطال
(ليلي السيد. بنت عندها 22 سنه. بتشتغل طباخه في مطعم. دمها خفيف وبنت لذيذه و
منصور الباشا. ده رجل اعمال معروف. تقريبا كل سنه بيتجوز. عنده ثلاث شباب وكل واحد فيهم من ام مختلفه. اخوات بالاسم بس وميعرفوش عن بعض حاجه
اول ابن
زياد المنصور. شاب وسيم عنده 26 سنه. بتاع بنات، صايع. زياد مهمته في الحياه هي صرف الفلوس على البنات. مش شايل مسؤوليه حاجه.
الابن الثاني.
عمار المنصور. ده اخو زياد من ابوه. عنده 25 سنه
عمار حياته كلها السباقات والعربيات بيحب العربيات جدا. طموحه في الحياه ان يكون أول متسابق سيارات. زياد جد جدا وملوش في البنات
الابن الثالث
مهند المنصور. عنده 24 سنه. ده بقي دماغه في الجيم والحديد والأكل والنظام الغذائي
عقل طفل. طيب جدا وحنين. اديله اكل وانت تكسبه.
طبعا الثلاثه مش بيتفقو مع بعض. لا عمرهم اجتمعو مع بعض وله عايزين يجتمعو.
نيجي بقي ل ليلي والعريس المتقدملها
الساعه 5 المغرب وصل العريس مع مامته
إم ليلي: يا مرحبا. يا مرحبا. نورتم البيت يا ست عزيزه
ام العريس: بنورك يا ختي. اومال فين عروستنا القمر
إم ليلي: في الاوضه. هدخل انادي عليها.
دخلت أم ليلي: يلا يا ليلي. افردي ضهرك وشيلي صينيه البييس واطلعي للعريس
ليلي: طيب اديني فكره عنه. مش عايزه اتصدم.
أم ليلي: يا بت الشكل اخر حاجه. خليكي متربيه ومؤدبه. مش عايزه صوتك يكون عالي. وياريت بلاش تنمر
ليلي: اوووبا. تقصدي ايه يا ست الكل. اوعي يكون فيه عيب
أم ليلي: خالص. ده ده حلو وهادي. شكله كده
ليلي: يارب استرها عليا ده انا غلبااانه
خرجت ليلي وهي ماسكه صنينه وعليها الكاسات
اول اما خرجت شهقت: ها. هو ده العريس
امها: بت انا قولت ايه يا للي تتشكي
ليلي: ده العريس. يا ماما حرام عليكي. ده تخين اوي.
امها: مليان حبيتين.
ليلي: ده ملظظ من كل اتجاه. بصي كرشه
امها: ماله مدور شويه
ليلي: يا ماما شويه. ده انا لو سلمت عليه ممكن ياكول ايدي
امها: خالص. ده شكله اليف
ام العريس: يوه. مالك يا عروسه واقفه كده ليه. تعالي ياختي قربي. قوم يا سيد سلم على عروستك
سيد مد أيده لام ليلي: اذيك يا عروسه
ليلي: كمان احول
ام العريس: لا ياختي. ده نظره ضعيف شويه. البس النضاره يا سيد. دي ام العروسه.
سيد: اهيهيه. معلش يا طنط. العتب على النظر. اذيك يا عروسه
ليلي: الحمد لله. اتفضل اشرب.
قعدو كلهم
العريس بيبص لليلي وكل شويه يضحك
ليلي: هو انا وشي عليه نكته وله ايه
سيد: لا. اصل انا مكسوف. اول مره ازور عروسه. تعرفي أن بنت خالتي هتموت وتتجوزني
ليلي: وانت موفثتش ليه يا سيد. ليه تكسر قلب البت
سيد: اصلها تخينه شويه. وانا مبحبش غير الست الرفيعه
ليلي: وضعك يسمح بكده
سيد ؛ اه طبعا. انا كسيب. بشتغل وبكسب حلال.
ليلي: ما شاء الله. ربنا يزيدك.
سيد ؛ هي عينك لونها ايه يا انسه ليلي
ليلي: سودا يا خويا. ليه
سيد: يا خساره. كنت عايز العروسه عينها زرقا
ليلي: بكرشك ده. جاي تتكلم.
سيد ؛ الراجل من غير كرش ميسواش قرش
ليلي: طيب يا سيد. ايه شروطك للعروسه. يعني ايه مواصفات فتاه احلامك
سيد: بصي بقي يا ستي. ياريت متزعليش
ليلي: خالص. انا ايزي. اتفضل اتكلم. يا سيد
سيد ؛ انا عايز عروسه رفيعه. رشيقه. هيفاء.
ليلي: فيحاء. شيماء.
سيد: ايه ده
ليلي: بوزن الكلام. معلش. اندمجت شويه، كمل
سيد ؛ عينها زرقاء أو خضرا. وشعرها اصفر او احمر. عايزها كده شبهه الأجانب. يعني شكلنا كده مش هيحصل نصيب. ياريت تعملي عمليه تجميل أو البسي لانسز وياريت كمان تصبغي شعرك. وانا وقتها هوافق
ليلي: نعم نعم يا عمررررر. اقف معوج واتكلم عدل
أم ليلي: بنت ايه الأسلوب ده
ليلي: مش قادره اتحمل يا ماما، انا جبت اخري منه
سيد: ليه بس يا ليلي. انا بقولك على شروطي.
ليلي: . بقي انت يا ابو كرش. عايز واحده رفيعه وعينها زرقا.
سيد: وشعرها اصفر وناعم
ليلي: وناعم كمان. مش عايز شيكوبون لامك. ده انا هنفخك يا سيد. اكتر ما انت منفوخ.
ام العريس. ؛ شوفي بنتك يا ست أم ليلي. انتي جيبنا نتهزق هنا، عيب
ليلي: عيب عليا وله عليكم يا وليه. هو ابنك معندوش مرايات في بيته
ام العريس: ماله بقي. سيد احسن واحده تتمناه. والله لاجوزه احسن منك وانتي هتقعدي كده من غير عريس. وهتعنسي.
ليلي: أعني احسن ما اتجوز سيد ابو كرش. امشي ياض من هنا انت امك.