رواية العروسة والشلة الموكوسة للكاتبة ياسمين علاء الدين الفصل الثالث عشر
عمار وصل مع منصور على العنوان اللي موجود فيه فتوح وزياد وناني
منصور: ورق الصفقه اهي. فين زياد وناني
فتوح: اهو كده نعرف نتفاهم. والله يا منصور بيه. انا مليش في المشاكل. بس في حاجات لازم تتصرف فيها بنفسك. والصفقه دي مهمه
عمار: بلاش رغي فين اخويا. واختي
فتوح: موجودين في الحفظ والصون. هاتهم يابني
خرج زياد وناني. عمار: حد عملكم حاجه.
عمار: لا. احنا كويسين
ناني: متخفش علينا.
منصور: اظن الورق معاك. واحنا هنمشي
زياد: بابا. انت جبتله ورق الصفقه ليه.
منصور مش مهم الصفقه. المهم تكونو بخير
زياد: بس..
منصور: من غير بس. يلا يا زياد نمشي. يلا يا بنتي
فتوح: اشربو حاجه.
وقبل ما يخرجو كان اصوات عربيات الشرطه
واحد: الحق يا معلم فتوح. البوليس بره
فتوح: بلغت علينا ي منصور. والله لاندمك.
زياد وقف قدام أبوه: نزل المسدس من ايدك
فتوح: هتدفع التمن غالي يا منصور. انا ايدي متتلويش
لسه هيضرب نار كان عمار هو اللي وقف قدام زياد
والرصاصه جت فيه. ناني صرخت. زياد مش مصدق أن اخوه دافع عنه
دخلت الشرطه وقبضت على كل اللي موجود ونقلو عمار للمستشفي
في عربيه الإسعاف
زياد: انت مجنون..
عمار ابتسم: تقريبا كده البت ليلي عدتني.
زياد: لو حصلك حاجه مش هسامح نفسي.
عمار: ايه الأوفر ده. الرصاصه جت في كتفي. هيحصلي ايه
الدكتور خده العمليات وشال الرصاصه
بعد ما فاق من البنج كانت ليلي وزياد وناني معاه في الغرفه
عمار: اااه
ليلي قربت منه: عمار انت كويس
عمار: كتفي بيوجعني
ليلي: فين، هنا.
وداست على كتفه. صوت: ااااه. كتفي.
زياد: انتي بتدوسي على كتفه ليه
ليلي: بتأكد اذا فيه حاجه
زياد: هما حطين الشاش ليه. زينه
ليلي: انت بتزعقلي ليه. اضربهولك دلوقتي.
عمار: بت. امشي اطلعي بره. مش ناقص غباء.
ليلي: انا قاعده في مستشفي الحكومه. ملكش فيه
عمار: زياد. خرجها بره
ليلي: اللي هيقرب مني. هعوره.
زياد: احم. معلش يا عمار. خليها قاعده
عمار: انت خايف منها
زياد: الصراحه اه
عمار: بررره يا ليلي
ليلي: خارجه. جتك ضربه.
عمار: اكتر من كده ضرب. من وقت ما عرفتك وانا بضرب
ليلي: وده يدل انك فاشل ومش عارف تحمي نفسك
عمار: بررره يا زفته
ناني: ليه كده يا عمار. حرام عليك.
خرجت ليلي وقعدت على كرسي بره الاوضه وناني وراها
ناني: بتحبيه
ليلي: لا طبعا. ده متخلف. انتي بتتكلمي عن مين اصلا.
ناني: عمار. اللي كنتي بتعيطي عليه
ليلي: محصلش. انا عيطت عشان كنت جعانه
ناني: على فكره. هو كمان بيحبك.
ليلي: هو قالك
ناني: لا. بس باين عليه
ليلي: هو لو يتكلم الحياه هتكون حلوه بس هو حمار.
مهند واقف في الشباك بيشرب شاي وهو بيسمع عبد الحليم حافظ
شوشو: اشغلك فيروز. وله بتحب صباح
مهند: مفيش اغنيه لذكري
شوشو: انت بتشتغلني يا واد. عاملني كوبري. عشان تشقط البت.
مهند: لا يا شوشو. انا بجد معجب بيها
شوشو: مفيش حاجه اسمها معجب بيها. في حاجه اسمها هتجوزها. ادخل البيت من بابه
مهند: هو ده اللي هيحصل. تفتكري هتوافق
شوشو: هاتلي ازازه بيبس وانا هخليها توافق، وهات اهلك وتعال وصنيه بسبوسه.
مهند سمع صوت الموبيل كانت ليلي بتتصل بيه
مهند: عامل ايه
ليلي: مهند انت فين. سايبنا كده واخوك في المستشفي
مهند: اخويا مين فيهم وحصل ايه
ليلي: زياد اتخطف. وعمار اضرب بالنار. بس الحمد لله دلوقتي عمار في المستشفي.
مهند: ومحدش قالي
ليلي: هو انت فاضي. رايح تحب واحده من بورسعيد. هي الجيزه والقاهره قصرو معاك في ايه. على الاقل تكون قريب
مهند: اقفلي ي ليلي. انا راجع
ليلي: هاتلي معاك لب
مهند: هو ده وقته. اقفلي.
شوشو في ايه
مهند: اخويا في المستشفي ولازم اسافر. بصي هرجع تاني. خلي بالك من نفسك.
شوشو: ابق طمني عليك يا واد
مهند: حاضر.
ذكري شافت مهند وهو بيسوق عربيته: في ايه ي شوشو. هو مهند ماشي
: اه. اخوه تعبان وهيسافره
ذكري: سلامته.
شوشو: زعلتي.
ذكري: لا. هزعل ليه. ما يسافر. انا مالي.
شوشو ؛ انتي جايه تتضحكي عليا، ده انا خبره في الشؤن العاطفيه.
ليلي دخلت الاوضه: زياد تعال عايزاك
عمار: عايزاه في ايه.
ليلي: عايزاه وخلاص
زياد: بسسس. انا رايح اجيب حاجه من الكافتيريا. اجبلك معايا
ليلي ماشي.
خرج زياد. عمار: كنتي فين
ليلي: انت مش طردتني بره الاوضه
عمار: اشمعانا في دي اللي سمعت كلامي.
ليلي: الكرامه يا استاذ. تسمع عنها
عمار: وايه اللي دخلك تاني
ليلي: ها.
عمار: ايه اللي دخلك
ليلي: انا مدخلتش عشانك انا دخلت عشان زياد.
عمار: يا سلام. و كنتي منهاره وبتعيطي عشان زياد برضو
ليلي: محصلش.
عمار: كدابه. انا عرفت كل حاجه، وعارف انك بتموتي فيا
ليلي: طبعا لا. اموت فيك انت. ده شكل واحد يتحب.
عمار: ماله شكلي يا ملكه جمال الكون
ليلي: بومه شكلك بومه.
زياد دخل كانت ليلي قاعده بعيد: اتخنقتم تاني
عمار: فين ناني
زياد بابا روحها هو وطنط زينب
عمار: طيب روح انت كمان. انت تعبت
زياد: مش هسيبك لوحدك
عمار: انا مش لوحدي. معايا ليلي
ليلي: مين قالك اني هقعد معاك.
عمار: هتقعدي غصب عنك.
ليلي: بذمتك انت عندك دم. ايه الأسلوب البارد اللي بتكلمني بيه ده
عمار: هو ده اسلوبي
ليلي: اسلوب زفت
زياد: روحي انتي يا ليلي. انا هقعد مع عمار.
ليلي: لا. انت محتاج ترتاح. ارجع البيت وبكره الصبح تعال
زياد: ساعه وارجعلك. هاخد شاور واغير هدومي. عايز حاجه اجبهالك
عمار: لا. شكرا
خرج زياد. عمار: ليلي.
ليلي: مش هرد عليك
عمار: انتي كده اصلا بتردي. اااه كتفي
قربت: مالك. ايه بيوجعك
عمار مسك أيدها: ليلي. انا
ليلي: . هتفضل تقول أنا وانا. وفي الاخر مش هنتكلم.
عمار: انا مش بعرف اعبر عن مشاعري. مش بعرف اقول كلام حلو
ليلي: مش بتعرف تقول. اكتب. اكتب لي رساله.
عمار: انتي بتتسهبلي
ليلي: لا مش بستهبل.
عمار: تعرفي أن كان عندك حق انا قولتيلي أن بابا بيحبنا. وكمان زياد مطلعش وحش.
ليلي: بتغير الموضوع. بس ماشي. بقولك ايه انا في عريس جيلي. وانا شكلي هوافق
عمار: عريس مين. اللي أمه داعيه عليه
ليلي: يا خربيت لسانك.
عمار: ليلي. انتي مش هتتجوزي
ليلي: ليه هعنس. متجوزش ليه.
عمار: اديني فرصه اكمل باقي الجمله. هتشيلني
ليلي: كمل. اتفضل.
عمار: مش هتتجوزي غيري. اصل محدش يقدر على لسانك ده ويعرف يوققك عند حدك غيري انا
ليلي: ما علينا بالكلام المقرف اللي في الاخر. خلينا في أول الكلام. مش هتجوز غيرك.
عمار: انا كلامي مقرف
ليلي: ايوه يا عمار. اعدل نفسك معايا
عمار: تتجويني
ليلي: اهو كده. السؤال ده حلو. اقدر اقولك ان يجي منك
عمار: ليلي. تتجوزيني
ليلي: افكر
عمار: نعم ياختي
ليلي: اللاه. مالك بتقلب ليه. انا بهزر.
عمار: كنتي خايفه عليا.
ليلي: اوي. كنت خايفه تروح مني.
عمار: كنت هرتاح
ليلي: أتصدق انك رخم. انا الغلطانه. انسي اني اوافق على الجواز. اما في الاول بتقولي كده. اومال اما نتجوز هتقولي ايه
عمار: هطلقك.
ليلي: تعرف نفسي في ايه دلوقتي
عمار: ايه
ليلي: امسك خرطوم المحلول والفه على رقابتك
عمار: انتي ليه عنيفه كده. انا بهزر معاكي.
ليلي: هو ده هزار. ده نيله
الباب اتفتح ودخل مهند فجاه: عمار. مين اللي عمل فيك كده. مالك يا اخويا.
حضنه. ليلي: تريله وقعت عليه. خف عليه هتفطسه
عمار: الاكسجين اتقطع. ابعد ياعم الضلع مكسور
مهند مسح دموعه: حقك عليا يا عمار. انا مفروض. كنت معاك. مش هسيبك تاني
عمار ابتسم ؛ انا كويس
ليلي طبطبت عليه: ياختي عسل. انت بتعيط يا مهند. يا حبيبي
عمار: حبيبك. ده انتي مقولتليش الكلمه دي.
ليلي: مش اما تعدل لسانك معايا. ابق اقولك. وبعدين مهند ده زي ابني الصغير. ميغركش طوله وجسمه. ده على الله حكايته.
مهند: انا ع الله حكايتي. انت عايز البت دي وله ارميها من الشباك
عمار: ارميها. تستاهل والله.
ليلي: متتهورش. انا معايا كل سيديهاتك. هسيحلك في المكان.
مهند: سيحي. بس بعد كده هتطيري
ليلي: وعلى ايه. الطيب احسن. اهون عليك ترميني
مهند: لا
ليلي: والله الواد ده جدع.
عمار: اجبلكم اتنين ليمون
مهند: هات اتنين شاورما احسن. الليمون بيجبلي هبوط.