رواية العروسة والشلة الموكوسة للكاتبة ياسمين علاء الدين الفصل الثاني عشر
تاني يوم
صحي مهند على صوت الجده شوشو
الجده: واد يا مهند. اصحي ياض عشان تجيب الفطار
مهند: قولي لشفيق
الجده: قوم يا واد. شفيق مين ده.
مهند فتح عينه: صباح الخير. هي الساعه كام
الجده: سابعه
مهند: وصاحيه الساعه 7 ليه. انتي مش نائمه الفجر بعد ما صلينا
الجده: الصحيان بدري نشاط للجسم. مش شايف انا رشيقه ازاي
مهند: مش شايف الصراحه.
الجده: قوم يا واد وهات بخمسه جنيه فول و2 ج عيش.
مهند: مش عارف بسمع كلامك ليه. بس ماشي
الجده: عشان أنا ستك
مهند: صباح الخير يا تيته.
وهو خارج من البيت قابل ذكري اللي اتصدمت
ذكري: انت بتعمل ايه هنا
مهند: قاعد مع تيته
ذكري: تيته مين. انت بتكذب
الجده من وراهم: تيته انا يا بت. مش عاجبك.
ذكري: عاجبني يا شوشو. بس مستغربه
الجده: خديه وقوليلو فين عربيه الفول
ذكري حاضر
مشي مهند جنب ذكري: انتي كويسه
ذكري: اه.
مهند: انا كنت عايز اطمن عليكي. ينفع اكلمك في الموبيل.
ذكري: لا. عمي لو عرف هيكسره
مهند: فهمت. بس عادي. انا هقعد مع شوشو يومين وهنشوف بعد كتير
ذكري: انت جاي ليه يا مهند. ده مش مكانك.
مهند: قررت أنه هيكون مكاني. عجبتني وارتاحت لاول مره
وشهدت احمر: هي مين
مهند ؛ شوشو. انا بتكلم على ايوه شوشو.
ذكري: بتاع الفول اهو. اتفضل
مهند: هو انا لو عايز ارجع امشي ازاي
ضحكت ذكري: امشي على طول
مهند: انتي السبب. مركزتش في الطريق وركزت في عينك الخضرا
ذكري: احم. سلام.
اشتري مهند الفول والعيش ورجع للجده
الجده: ايه كل ده. انتي اشتريت بكام
مهند: مكنش معايا فكه واشتريت ب100
الجده ؛ ده احنا هناكل الحاره. اعمل فيك ايه
مسكت ودانه. مهند: ااه. خليه عندك هينفعك
الجده: يا مستهتر. بيت المهمل بيخرب قبل بيت، نسيت
مهند: طيب سيبي ودني وافتكري بعيد شويه
الجده: اما اقول كلمه تتسمع. عيل مهمل.
في مصر وتحديدا في الفندق.
ليلي خدت الموبيل واتصلت على مهند
ليلي: انت فين يا مهند. البيت وحش من غيرك ومحدش بياكل الاكل مني
مهند: هههه. انا في بورسعيد. فين عمار وزياد
ليلي: موجودين. بس البيت كئيب من غيرك. الواد زياد نافش ريشه. والتاني وشه زي اخر الشهر
مهند ضحك اكتر: انتي بتعاني يا بنتي
ليلي: هيشلوني يا مهند. قولي بقي قاعد ليه.
مهند: بغير جو
ليلي: عليا برضو يا مهند. قول ياض
مهند: اقول ايه
ليلي: وراك سر.
مهند: بصراحه. في بنت معجب بيها. وشكلي كده
ليلي: وقعت يا معلم. ده انا هعمل اكبر فرح واجبلك ويجز يغنيلك (والله ووقعت بفكر فيك ليه بالي عليك مشغول)
مهند: هههه. مجنونه، بس لسه بدري. لازم اقنعها بيا وكمان أهلها
ليلي: يعني هتتاخر
مهند: لا. يومين واكون عندكم
ليلي: ماشي. خلي بالك من نفسك
مهند: وانتي كمان. سلام
قفلت ليلي وفجاه لقت نفسها متعلقه على الحيطه
ليلي ده ايه الهزار الرابح ده يا جدعان. مين عمل كده.
عمار: كنتي بتكلمي مين
ليلي: نزلني عشان متغباش عليك. هعورك
عمار: وضعك يسمحلك
ليلي: انا متعلقه. بس اول ما أنزل هعورك. ايه الهزار البابخ ده
عمار: كنتي بتكلمي مين ي ليلي. متجننيش اكتر
ليلي: كنت بكلم مهند. مش اخوك. ومفروض تتصل تطمن عليه
عمار: زي ما قولتي. اخويا وانا اللي اتصل مش انتي. لا وكمان بتغنيله
ليلي: انت فاهم غلط على فكره. مهند ده اخويا. وانا كنت بغني عشان فرحه. اصل شكله بيحب
ليلي كانت هتقع وعمار لحقها.
ليلي: اهو المسمار وقع. كنت هتكسر
عمار: انتي تقيله اوي
ليلي: انت اللي خرع.
عمار: اااايه. ليلي: ههه. قصدي انا اللي خرع. انت زي الفل، نزلني عشان ضهرك
عمار سابها ؛ اقص لسانك ي ليلي
ليلي: لا. هتكلم ازاي لو قصيته
عمار: لسانك وطويل. كل اللي بقول عليه بتعملي عاكسه
ليلي: انا مش فيا اي حاجه حلوه
عمار: لا
ليلي: انا بقي معجبه بنفسي كده. انت شاغل بالك ليه
عمار: عشان عشان
ليلي: ها. كمل جمله مفيده.
عمار: عشان أنا.
ليلي: انت ايه. قووول
عمار: على شغلك ومتكلميش رجاله تاني.
ليلي: هتشللل. هيشلني. ضربه في بطنك يا عمار.
عدا اليوم ومهند لسه في بورسعيد. وقابل ذكري وهي راجعه من الشغل.
ناني مع زياد خارجين من الشركه
زياد: تعالي هوصلك
ناني: متتعبش نفسك.
زياد: تعبك راحه. اتفضلي
لسه هيركبو العربيه كان في ناس ضربوهم على راسهم وخطفوهم
في المخزن
فاقت ناني كان زياد لسه مغمي عليه: زيااااااد. زياد فوق.
رمت على وشه مياه. فتح عينه: ايه مين. فين. حصل ايه
ناني: اتخطفنا قوم بسرعه نشوف هنعمل ايه في المصيبه دي
زياد قعد: فين الموبيل.
ناني بتدور: شكلهم خدوه مني
زياد: هنعمل ايه دلوقتي.
ناني صرخت: مش مفروض انك راجل. اتصرف
زياد: مالك قلبتي كده ليه، متقعديش مع البت ليلي
ناني: اتصرف يا زياد بقي
زياد: متخفيش انا معاكي. اللي قدامك ده كان بياخد كورسات كارتييه وكونج فو. هتشوفي جاكي شان
ناني: بجد. طيب وريني حركه
زياد: اول واحد هيدخل من الباب ده. هتشوفي هعمل في ايه
الباب اتفتح ووقفت ناني جنب زياد
ناني: وريني يا بطل
زياد: بصي الحركه دي
رفع رجله يضرب بالشلوط رح ضربها هي
ناني: يا خربيتك وشي.
زياد: مخدتش بالي. مش تدرسي الحركه
ناني: يا شيخ اتنيل.
الراجل مسك زياد
زياد: بص انا مبحبش العنف
الراجل: انت لسه شوفت حاجه.
رفعه من ع الارض. ناني قامت ومسكت عصايه ضربته على راسه وقع الراجل على الارض
زياد: جدعه
ناني: قوم اضربه بسرعه
ضربه زياد في بطنه: مش راضي يقع تاني
ناني: اضربه تاني انت لسه هتستغرب
زياد: يا خربيتك. انت بتاكل ايه
مسك الكرسي وكسره على راسه وقع على الارض اغمي عليه
زياد: شوفتي. قولتلك متخفيش.
ناني: ده انت كنت هتعيط كمان خمس دقائق
زياد: تعرفي ايه انتي في الكونغ فو. دي حركات خداع
ناني: انا اللي مخدوعه فيك.
زياد: قدامي على بره اما نشوف هنخرج ازاي
لسه هيخرج كان في رجاله كتير في المكان
ناني: هنعمل ايه. كده مش هنعرف نخرج
زياد: مفيش غير حل واحد. نشوف حد يخرجنا. تعالي نفتش الراجل ده. يمكن معاه موبيل
فتشه وكان معاه موبيل اتصل على منصور وقاله أنه مخطوف. ومش عارف هو فين
عمار كان جامبه خد الموبيل.
عمار: متخفش. تعرف تبعت اللوكيشن واحنا هتعرف مكانك
زياد: ماشي. بس متتاخروش. عشان معايا ناني
عمار: هنوصل في اسرع وقت. متتهورش
زياد: ماشي.
عمار: هنبلغ البوليس وهنجيلك قبلهم
زياد: تمام.
قفل مع اخوه وبعتلهم المكان وقعد على الارض جنب ناني
زياد: مالك
ناني: خايفه. تفتكر هيقتلونا
زياد: لا. هما عايزين حاجه تاني. عشان كده خطفونا
ناني: هيكونو عايزين ايه
زياد: ده اللي هنعرفه كمان شويه. بس عمار وبابا في الطريق.
ناني ؛ هو انت ليه مش بتحب عمار
زياد: مش هحبه ليه. ده اخويا الصغير
ناني: يعني انت بتحبه
زياد: مش هو اخويا. اكيد مش هكره
ناني: بس دايما بتتخانق معاه
زياد: هو اللي دايما شايف نفسه عاليا. مش عامل حساب ان اكبر منه
ناني: مش كبير اوي. الفرق تقريبا سنه او سنتين
زياد: برضو كبير.
ناني: خلاص يا عم الكبير
فاق الراجل اللي ضربوه: بقي انت بتضربني يا حيلتها
زياد وقف: اه. تحب تتضرب تاني.
الراجل قرب من زياد عشان يضربه بس دخل ناس من الباب: نزل ايدك ياض. زياد باشا ميضربش. مسمعتش عن حاجه اسمها إكرام الضيف
زياد واقف قدام ناني: انت مين
الراجل: محسوبك فتوح الجزار. الكبير هنا
ناني: انت اللي بعت الحراميه تسرق الفيلا
فتوح: صح يا قمر. بس حمير اتمسكو
زياد: ملكش دعوه بيها وكلمني انا. عايز ايه مني
فتوح: ابوك داخل مناقصه. انا عايز ورق المناقصه دي عشان اسيبك. هي دي كل الحكايه
زياد ؛تمام، فهمت.
فتوح: هتصل بابوك لو خايف عليك هيجيب ورق المناقصه. وسلم واستلم
اتصل فتوح بمنصور وقاله على طلبه. منصور وافق
في العربيه
منصور: لف بينا. هنروح نجيب الورق.
عمار: انت فعلا هتديله الورق
منصور: ايوه. المهم عندي اخوك. كل حاجه فداكم يا بني. انتم كنزي
ليلي: اصيل يا عمي. شوفت ابوك بيحبك ازاي
عمار: انتي بتههببي ايه هنا في العربيه
ليلي: هروح انقذ زياد
عمار: انتي مالك. حاشره نفسك ليه فينا
ليلي: انت اللي مالك.
عمار: اللي اتخطف ده اخويا. واللي معاه اختي
ليلي: وت أيفر. هو اخويا انا كمان
منصور: مش وقت خناق. ارجع يا عمار خلينا نلحق اخوك
عمار: هرجع وارمي الزفته دي في البيت
ليلي: بس متقولش زفته
عمار: زفته وهبابه وكلمه تانيه هكتفك واحطك في كبوت العربيه
ليلي: انا اصلا متكلمتش. حد سمع صوتي
منصور ضحك وعمار ماسك نفسه عشان ميضحكش.