رواية العروسة والشلة الموكوسة للكاتبة ياسمين علاء الدين الفصل الحادي عشر
مهند بيكلم عمار وليلي
: الحقو في حريق في الفندق
ليلي: انت عيل بارد. دمك سم
عمار: بلاش هزار يا مهند
مهند: انا ههزر معاكم ليه. بقولكم في حريقه حصلت في الفندق. بابا حاله تليفون
عمار: اقسم بالله لو طلع الموضوع مقلب. لاضربك
مهند ؛ متقدرش
عمار: تحب تشوف
ليلي: ايوه. سيبو الحريق وأمسكو في بعض
عمار: قدامي. اما نشوف
راحو كلهم على الفندق وكان عربيات المطافي هناك وقدرت تسيطر على الحريق اللي كان في جزء من الفندق.
عمار: سبب الحريق ماس كهربائي
مهند: عندي احساس أنه بفعل فاعل. يمكن يكون فتوح
زياد: فتوح مين.
مهند: الراجل اللي سلط الحراميه عشان يسرقون الفيلا
زياد: هو هيعمل ماس كهربائي ازاي
عمار: في ايه ي زياد. ما تركز معانا
زياد انا مش شايف قدامي اصلا. عايز انام
مهند: جعااان. مش هنتعشا
ليلي: بقولكم ايه. الحريق واطفي. والحراميه واتمسكو. الليل وليل
مهند: انتي هتعملي فوازير وله ايه
ليلي: هههه. ايه ياض الرخامه دي.
عمار: هو انا مش قولت مفيش هزار مع الرجاله
ليلي: بس مقولتش ليه. اما تقولي واقتنع ابق انفذ كلامك
عمار: انتي شكلك مش بتيجي بالذوق
ليلي: وله بالعافيه.
منصور: يلا يا ولاد هنرجع البيت وبكره عمار يحدد الخساير ويجدد الفندق.
اول ما وصلو البيت. كانت ناني وزينب منتظرين هناك
عدت الليل وتاني يوم ليلي وعمار راحو على الفندق
مهند راح على الجمارك يخلص حاجات هناك
زياد وناني في الشركه.
ليلي: انا راي نخلي اللون فسفوري
عمار: فسفورك ازاي
ليلي ؛ انت بتتريق. طيب والله مش هكمل وهحرمك من افكاري
عمار: ياريت تحرمينا من افكارك. ده يكون عمل خيري في حق البشريه
ليلي: ماشي يا عمار.
في الميناء بيدور على ذكري سال واحد
مهند: يا وحش. كان في هنا واحده مفتشه اسمها ذكري. متعرفش القيها فين
الراجل: مكتبها هناك، بس خلي بالك عشان هي شكلها قالب انهارده
مهند: قالب ازاي. بقت شبهه مين
الراجل: يعني مضايقه. مخنوقه
مهند: شكرا اصاحبي.
راح على المكتب وسمع صوت واحده بتزعق.
دخل مهند: بقي الصوت ده طالع منك انتي يا شبر ونص
ذكري: انت بتعمل ايه هنا
مهند: انتي اللي بتعملي ايه هنا.
ذكري: انت بتهزر. ده مكان شغلي. اطلع بره
مهند: وانا كمان جاي عشان الشغل.
ذكري: روح لحد تاني. انا مش فاضيه
مهند: الراجل اللي بره عايز فلوس. ومفيش غيرك اللي بعرف اتعامل معاه
ذكري: مرتشي. فين ده
مهند: مش هقولك غير اما تخلصيلي ورق الشحنه
ذكري: مش قبل ما اتاكد من سلامه الشحنه
مهند: اتأكدي. احنا شغلنا سليم. تشربي ليمون عشان يهدي
ذكري: انت هتهزر معايا يا استاذ.
مهند ؛ ممكن نشيل الألقاب. انا اقولك ذكري وانتي قوليلي مهند باشا.
ذكري ؛ امشي من وشي.
خرجت بسرعه وهو وقف يضحك عليها
فتشت الشحنه واتاكدت من سلامه الاكل
ذكري: ده تصريح الخروج، اقدر اعرف مين بقي اللي كان عايز فلوس منك
مهند: شكرا على الورق. ومفيش حد كان عايز فلوس. انا قولتلك كده عشان كنت عايزك انتي اللي تخلصي من التصريح وكمان بصراحه كنت عايز اتكلم معاكي
ذكري: لو سمحت يا استاذ
مهند: تؤ تؤ. باشا يا اما بلاش.
ذكري ضحكت، مهند: ايوه كده. اضحكي احسن. تصدقي بايه
ذكري: لا اله الا الله
مهند: شكلك بومه وانتي مكشره
ذكري: نعممم
مهند: دي حقيقه. انا كده كمان بجاملك
ذكري: طيب امشي من وشي. الورق معاك وخلصنا
مهند: انتي مش بتاخدي راحه. بريك غدا
ذكري: ليه
مهند: عشان اعزمك وده مش رشوه.
ذكري: لا مش باخد.
مشيت وسبته. مهند: شفييييق
شفيق: افندم.
مهند: ورق الشحنه اهي. خدها وارحل انت. عشان أنا ورايا مشاوير اخلصها
شفيق: هتروح لوحدك.
مهند: خايف عليا لتخطف على الطريق.
شفيق: مين ده اللي يقدر. في امان الله يا باشا
بعد ما مشي شفيق. وقف مهند منتظر خروج ذكري.
عمار دخل المطبخ ل ليلي
ليلي: اطلع بره
المساعد: انتي بتطردي المدير
ليلي: اه وهطردك انت كمان
عمار: بتقولي لمين
ليلي: بقولك. اطلع بره. ده المطبخ ومكان شغل. اتفضل عشان اشوف شغلي
عمار: شوفي شغلك. انا بتابع العمال. حد عنده شكوي
الكل قال لا. ليلي مطنشه عمار
عمار قرب: انتي بتعامليني كده ليه
ليلي: انت اللي بدات. هعملك زي معامله مرات الاب
عمار: بتتعترفي كمان على نفسك
ليلي: هتشوف ايام عنب.
عمار: مش بتهدد. يا ليله.
ليلي: ليله. انت بتدلعني
عمار: ليله سودا
ليلي مسكت السكينه: اخرج حالا من هنا لو خايف على نفسك
عمار: اللي هيتهور هيتعور
ليلي: يا سلام على الخفه. من أمتي الكلام ده يا بومه
ضحك عمار: من يوم ما شوفتك. اتعديت من لطافتك
مشي وهي بصت على الباب
ليلي: هو الواد ده يقصد ايه.
في الميناء
خرجت ذكري. مهند: اتاخرتي ليه
ذكري نعم. انت بتعمل ايه هنا
مهند: منتظر خروجك. ما تخديني على اي مطعم. وهعزمك على الاكل
ذكري: انا مبخرجش مع اولاد.
مهند: بس انا مش اولاد.
ذكري: طلبك مرفوض.
وهما بيتكلمو قرب واحد منهم ؛ ذكري
خافت ذكري من الصوت. مهند: في ايه
الراجل: تعالي هنا يا حيوانه. هو انا مش بكلمك
ذكري: حاضر
مهند: هو ايه اللي حاضر. مين ده
الراجل: انت اللي مين. دي بنت اخويا.
مهند: بنت اخوك. بتكلمها ليه كده.
الراجل: ملكش دعوه
مسكها الراجل من أيدها وهي مش بتتكلم: بقي واقفالي مع شباب يا متخلفه. هي دي اخره تربيتي فيكي. بعد ما كبرتك وصرفت عليكي
ذكري: والله موقفتش انا كنت راجعه البيت.
الراجل: كمان بتكدبي وبتردي عليا.
رفع أيده عشان يضربها بس كانت ايد مهند سابقه أيده: هي ملهاش ذنب انا اللي كنت بكلمها
الراجل: انت متخلف. بتمسك ايدي.
مهند: انا اساس قليل الادب. فمتحولش تطول لسانك معايا عشان وقتها هندمك
الراجل خاف: يلا قدامي على البيت
مهند: ذكري.
بس هي نزلت راسها في الأرض ومشيت جنب عمها
مهند اتعصب من أسلوب الراجل معاها ومش فاهم هي ساكته ليه على كده. مشي وراهم بعربيته
لحد ما وصلو إلى البيت. شاف عمها وهو بيزقها وبيزعق وهي بتعيط
مهند: انا ماسك نفسي عشان مطلعش من العربيه اكسر ام أيده
خرج من العربيه ووقف قدام البيت وهو بيبص عليه.
شاف واحده ست عجوزه واقفه في الشباك
الست: تس تس
مهند: نعم
الست: واقف ليه يا كابتن
مهند: ملكيش دعوه.
الست: ازاي مليش دعوه. ده شارعي
مهند: شارع الحكومه مش شارعك
الست: وربنا لو مقولتش واقف ليه. لاصوت وقول للناس كان بيتحرش بيا
مهند: اتحرش بمين. ده انتي ميته قبل كده مرتين
الست: بقي كده. طيب. ياااا
مهند: يا خربيتك. خلاص. اتكتمي
الست: واقف هنا ليه بقي
مهند: احم. اصل تعرفي واحده اسمها ذكري.
الست: ايوه اعرفها دي بت غلبانه وعمها مفتري عليها...
مهند: ليه ساكته
الست: اااه. شكل كده في أنه. روح هاتلي ازازه بيبس كبيره. عشان اعرف احكي
مهند: رشوه
الست: وكيس لمبادا عشان بحب اسقي في البيبس
مهند: ماشي
مهند اشتري حلويات كتير ورجع للست اللي دخلته شقتها.
الست: انا عايشه لوحدي. العيال سابوني وسافرو من 20 سنه
مهند: اعتبريني ابنك
الست: ابني ايه. ده انت قد حفيدي. اقعد بقي احكيليك.
شربت البيبسي: يا سلام. بيلسع كده في الزور.
مهند: انتي اول مره تشربيه
الست: ده انا حريقه بيبسي.
مهند: يا رب. احكيلي الاول عن ذكري وبعدين نشوف حكايه البيبسي
الست: من وقت موت ابو ذكري. عمها اتجوز امها وخلف منها عيال. ويا حبه عيني. ماسك البت ذكري رايح جاي تلطيش. واحد أعترص يقولك بربيها
مهند: وهي ساكته ليه. وفين امها
الست: امها مبتتكلمش وسايبه الراجل يلطش في بنتها. وعشان عندها عيال تانيه. بتربيهم وساكته.
مهند: يا سلام. بس دي بنتها برضو
الست: يا بني الاب بيكون سند وضهر
مهند سكت. الست: شكلك كده بتحبها
مهند: مين انا. لا ده انا كنت بس عايز اعرف حاجه
الست: يا واد اقول. هتخبي عليا أنا. دي اخرتها
مهند: انا لسه عارفك من نص ساعه اصلا
الست: بس في بينا عيش وملح. مش جعان
مهند: عندك اكل وله اروح اجيب
الست: خير ربنا كتير.
قامت و جابت طبق فول وبصل وعيش
مهند بصلها. الست: لحمه الغلابه. كل.
ابتسم وقعد كل معاها وحس أنه طعم الأكل حلو
الست: روح هات ازازه بيبس تاني
مهند: انتي حريقه بييس فعلا.
الست: يوه. مش انا قولتلك من الاول.
مهند ضحك: دلوقتي بس فهمت. بقولك ايه تاجرليلي اوضه انام فيها
الست: ماشي. تدفع كام
مهند: الف جنيه
الست: لا يا واد انت عايز تضحك عليا. انا عايزه 3 بيبس من الكبيره
مهند ؛ لا ناصحه. حاضر هجبلك يا قمر
الست: عيب يا واد. قولي يا تيته شوشو
مهند: حاضر يا تيته شوشو يا قمر.
منصور اتصل يمهند يساله هو فين. وقاله أنه هيبات في بورسعيد.