رواية الوقح والراقية جزء 1 للكاتبة ياسمين علاء الدين الفصل الثالث
جلست لوزه معاهم تضحك واحبت شذي كثيرا
لتجد هاتفها يضئ باسم والدها.
ردت عليه: ايوه يا ابا. لا خلصت قول لفيصل يجيلي. طيب ماشي. سلام
اغلقت الهاتف لتنظر لها شذي: اسمها بابي او بابا
لوزه ضحكت: انا قولتله يا بابي هيقتلني
تهاني ضحكت
شذي: خلاص قولي يا بابا واتكلمي بصوت هادي وخليكي رقيقه كده في نفسك
لوزه: حاضر يا ابله
شذي: مش اسمها ابله. اسمها ميس
لوزه: حاضر يا ميس. هسمع الكلام واتكلم بهدوء زيك كده.
شذي: اه. واتكبري على خطيبك ده ومتساليش فيه. وشوفي هتنزلي امتي عشان نشتري الميكاب. وظاده تهاني هتفصلك الدرسات عشان تلبسيهم بدل العبايات
لوزه: ماشي..
وقفت وهي تنظر لنفسها: شكلي حلو
تهاني: قمر يا لوزه
لتجد اسم اخيها فيصل: ده فيصل. هنزل انا
تهاني: طيب خدي الحاجه دي
حملت لوزه حقيبه الملائات والملابس وودعت شذي وتهاني
لوزه: هكلمك يا شذي
شذي: اوكي
اغلقت الباب: شكلها طيب قوي.
تهاني: هي طالعه لامها الله يرحمها كانت طيبه بردو. وهي يا عيني ملهاش حد تشتكي من اللي بيعمله فيها. خطيبها
شذي هي لو سمعت كلامي. هخلي هو اللي يجري وراها
لو بيحبها فعلا هيتغير ويخاف اما تبعد عنه
تهاني: ربنا يفرجها ويسهل.
نزلت لوزه لاسفل لتجد فيصل في انتظارها.
نظر لها من اعلي لاسفل إلى ملابسها وما تضعه في وجهها.
فيصل: ليلتك سوده انتي مههبه ايه في وشك.
لوزه: مش عامله حاجه. متمدش ايدك عليا
فيصل: قدامي على البيت اما اروح هظبطك.
نفخت ومشت بجانبه..
ليقابلو. في طريقهم بندق الذي نظر إلى لوزه باندهاش
بندق: لوزه. ايه اللي انتي عامله ده. وفين العبايه
لوزه بتماسك: مفيش عبايات.
بندق بعصبيه: ايه الزفت اللي على وشك ده.
فيصل وقف امامه: انت هتزعقلها وانا واقف
بندق بغيره: ينفع اللي اختك عاملته ده في وشها.
لوزه بتهجم: مش انت اللي كنت بتتريق عليا ومش عجبك شكلي وله لبسي.
بندق بغيره اقوي: مفيش خروج تاني من البيت بمنظرك ده. الناس بتتفرج عليكي. ومش قولتلك اتصلي بيا اجيلك
لوزه: انت مش قولتلي اتعلمي من البنات وكنت بتعايرني بشذي. بتتكلم ليه دلوقتي.
امسك يدها فيصل لينظر له بجمود عندما علم انه يضايقها: يلا يا حبيبتي نمشي. وانت لو مش عجباك هنرجعلك الشبكه. انا اختي يتمناها اي احد.
لتشعر بالفرحه وهي تسمع اخيها يدافع عنها امامه
ابتعدو عنه وهو وقف مكانه ينظر لهم وهم يبتعدون.
اوصلها فيصل إلى البيت
لتشعر بصفعه على مؤخره راسها
لتصرخ بالم: اااه. والله حرام عليك
فيصل: مش اي حد تقلديه. متحطيش الزفت اللي على وشك ده في الشارع. انتي جمالك رباني. احسن من اي واحده. والزفت بندق ده لو كلمك تاني بالطريقه دي ارمي الدبله في وشه. هو مش عارف انتي مين.
نظرت له بدموع: انتم كلكم مش بتحبوني وبتهينو فيا. عايزه يحترمني ازاي. انا محبوسه هنا. بشتغل زي الخادمين لا بخرج ولا ليا اصحاب. واما اتخطبت طلع هو كمان مش بيسال فيا ولا بيهتم بيا.
لاول مره تتحدث عن مشاعرها امام اخيها
فيصل: بس يا بت. بطلي نكد بقي. انا هطلع عين امه.
و احنا مش بنخرجك عشان بنخاف عليكي.
صفعها على خدها بمزاح ولكن يده ثقيله: ايدك تقيله بقي وشي هيبوظ.
فيصل: هي البت شذي عدتك وله ايه. اظبطي كده وطلعي الوحش بتاعنا
ضحكت وهي تمسح دموعها: دي طيبه اوي يا فيصل. وبسكوته كده. دي تتجوز وزير. من رقتها
فيصل: دي بت مدلعه.
لوزه: بس جدعه اوي. انا اللي قعدت معاها. ورغم انها من عيله كبيره بس متوضعه اوي. انت لو قعدت معاها هتحبها
فيصل: اتوكسي انتي وهي. انا نازل الشغل. وانتي اتقلي على الواد بندق وهو هيتظبط
لوزه: حاضر.
خرج من بيتهم وعاد إلى محل الاقمشه ليفكر في كلام اخته
وجد امامه بندق: ينفع يعني اللي اختك عملته دم
فيصل ببرود: عملت ايه
بندق: انا واخدها من البيت بعبايه سودا تنزلي وهي شبه
رد الاخر بغضب: اخرس ياض ومتكملش. ايوه انتي صاحبي وعشره عمر. بس دي اختي مسمحش اي حد يطاول عليها بالكلام. ومالها عاملت ايه يعني. هي كانت لابسه فستان طويل وطرحتها على شعرها
بندق: بس حاطه زفت في وشها.
فيصل: بنت زي اي بنت. كل البنات بتحط. وبعدين مش انت اللي كنت بتتريق عليها. دلوقتي جاي مضايق ليا
بندق: عشان خاطبتي وكمان شويه هتكون مراتي. انا لو بكلمها عشان تهتم بنفسها قدامي مش في الشارع قدام اللي يسوي واللي ميساوش
فيصل: قدام مين يا روح امك. انت فاكر نفسك مين ياض. انا اما وفقت عليك لاختي عشان انت قولتلي انك هتحافظ عليها. مش تهمل فيها. وتقولها كلام زي السم.
لوزه اختي الوحيده ست بمعني الكلمه. انا وابويا محافظين عليها لا بتخرج ولا بتروح زي البنات التانيه. اه بنشد عليها بس عشان خايفين عليها من الناس. تيجي انت على اخر الزمن وتعيرها بواحده تاني.
لم يرد عليه
فيصل: بقولك ايه. خلينا احسن اصحاب وبلاها نسب. وزفت
بندق: انت بتقول ايه يا فيصل.
فيصل: بقول احسن حل.
بندق: انا مليش كلام معاك. كلامي مع ابوك. ولوزه ليا يا فيصل.
فيصل: بلاش يا بندق. لوزه اختي ومش هسمحلك تزعلها تاني وله تضايقها بالكلام او بالنظره حتي. سبيها للي يستاهلها
بندق: وديني وما اعبد يا فيصل. اليوم اللي اختك هتكون فيه لحد تاني. لهرمي على وشها مايه نار واحرق قلبنا كلها عليها. بس
وخرج من المحل وهو يستشيط غضباً. ليضحك الاخر عليه: عيل حلوف. اما انت بتحبها يا باف بتزعلها ليه.
ذهب بندق إلى محل الكبير الذي يجلس به الحاج جبل
ليدخل ووجهه متهجم.
جبل: يا ساتر يارب. مالك ياض وش اهلك مقلوب ليه
بندق: ابا انا عايز اتجوز. كفايه كده
جبل: روح اتجوز بعيد عني
ليصك الاخر على اسنانه بغيظ: يا ابا. انا عايز اتجوز لوزه. مش كفايه كده خطوبه.
جبل: اشمعانه يعني
بندق: هو ايه اللي اشمعانه. بقالي سنتين خاطب. شقتي جاهزه ناقص بس العفش
جبل: بس انا مش هجوز بنتي بعيد هي ليها دور في البيت. وانت عارف كده.
بندق: يعني ترضلي يا حاج. اقعد في شقه مراتي. انا مش راجل قدامك
جبل: وانت لو مش راجل هقعد معاك ليه وارض تخطب بنتي
بندق مسح على وجهه بغضب: طيب يا حاج موافق. شوف انت امتي اخدها وانزل اشتري العفش. او هجبلها الصور وهي تختار اللي تعوزه. بس امتي بقي
جبل: هشاور فيصل وارد عليك
نفخ الاخر.
لينظر جبل له بشك: في ايه ياض. ما تيجي معايا سكه عشان اعرف. مالك.
بندق: ابنك بيهددني بلوزه وبيقولي هيرجع شبكتها.
جبل: وابني قالك كده ليه. ده هو اللي اقنعني اوافق
بندق سكت. ليجدو فيصل يدخل من الباب
نظر لهم الاثنان: السلام عليكم
ليرد الاثنان: وعليكم السلام
جبل: تعال يا فيصل اقعد. بندق عايز يتجوز
فيصل بتريقه: بجد. مبروك
لينفخ الاخر وينظر إلى الجهه الاخري
بندق: طيب نكتب الكتاب لحد اما جهز الشقه
فيصل نظر له وسكت
بندق اتنهد: يا جماعه حد يرد عليا.
جبل: في ايه. انتم زعلنين
بندق وهو ينظر إلى فيصل: لا.
سكت الاخر قليلا ليتحدث وهو ينظر بتحدي إلى بندق
فيصل: احنا مش هنرد عليك لحد اما نسال لوزه. هتوافق على كتب الكتاب وله لا. بس اقسم بالله اشم خبر بس انك زعلتها تاني. مش هيحصل طيب. ولو كانت حتى حامل ومخلفه منك دسته لكون مطلقها منك يا عبدالرحمن يا سيد
جبل: هو في حد يقدر يزعل لوزه. دي بنت الحاج جبل
بندق: لا يابا. معاش ولا كان اللي يزعلها. غلطه وراحت لحالها
جبل: ماشي يا بندق. ربنا يقدم اللي فيه الخير.
وقف بندق: سلام عليكم هروح اشوف اكل عيشي
خرج من المحل.
فيصل ينظر إلى ابيه بصمت
جبل: واحد يشد والتاني يرخي. انت ظبطه. الواد من شكله ووشه الاحمر باين عليه انه اتادب
فيصل ضحك بقهقه: معلم وربنا.
بندق اما خرج اتصل على لوزه ولم ترد عليه
ليتصل مرات كثيره
نظرت إلى الهاتف لتشهق عندما قرات الرساله الذي ارسلها
ردي عليا والا وديني لهتلاقيني في نص اوضتك
اتصل مره اخري
لترد عليه لتسمع صوت صراخه: مش بتردي عليا ليه
لوزه بتوتر: مممش سمعته
نفخ. ليهدأ نفسه
ليتحدث بصوت هادي: لوزه متخرجيش تاني بالمنظر ده.
لوزه بعتاب: مش انت اللي قولتلي مش عاجبك شكلي
بندق: كنت غبي
ضحكت هي بسعاده ووضعت يدها على فمها حتى لايسمع.
ليكمل: لو مش عاجبني شكلك كنت ازاي هخطبك يعني. يا بت انتي مراتي
لوزه تماسكت: لا لسه مش مراتك. وبعدين روح للبنات اللي بتعرفهم. وله اقولك روح لشذي اخطبها
بندق: انا معرفش حد غيرك انتي يا لوزتي. وبعدين يا بت انا بحبك. بس كنت ببعد عشان احنا لسه مخطوبين. قولت لابوكي عشان نكتب الكتاب لحد اما افرشلك الدور اللي فوق ونسكن فيه. ابوكي مش عجبه الشقه بتاعتي. بس مش مهم. المهم نجوز.
كانت تشعر بالصدمه من اعترافه ويريد ان يتزوجها. كانت تظن انه لم يحبها ولم يريدها
لتبكي. سمع صوت شهاقاتها ليتوقف عن الحديث
بندق: لوزه. مالك بتعيطي ليه
كانت تبكي
بندق: اهدي بس واتكلمي معايا. انا مش قصدي ازعلك. انا كنت عايز تتغيري بس تتغيري وانتي معايا مش قدام الناس دي. محدش ليه حق يبصلك غيري يا لوزه.
لم تستطيع ان تتوقف عن البكاء
لينفخ: بس بقي كفايه عياط يا بت. والا وديني اجيلك دلوقتي واللي يحصل يحصل.
لتشهق هي: لا. متجيش. هتحصل مشكله
بندق: فداكي يا قمر
ليسمع صوت ضحكاتها ليبتسم هو الاخر
بندق: بت مش هنتجوز بقي
احمر وجهها: بس. انا هقفل
بندق: تقفلي ايه. مش انتي اللي نكشتيني. استحملي بقي.
لتضحك بخجل: لا مش هستحمل طريقتك دي
بندق: بقولك ايه. انا عايز اكتب الكتاب عشان اضمن انك ملكي وبتاعتي. ابوكي هيجي يسالك وانتي وافقي. ماشي
ابتسمت بخجل
بندق: لا ردي عليا عشان اطمن. موافقه
لوزه بخجل: بس بقي.
بندق: والله ما هقفل. غير اما اسمعها منك. او هجيلك واسمع بطريقه تانيه
لتشهق مره اخري: ها. موافقه.
واغلقت الهاتف سريعا ووجهها اصبح احمر
لتقفز على الفراش بفرحه. اتصلت بشذي فهي تريد ان تحكي لاحد عن ما حدث
ردت عليها شذي لتحكي لوزه ما حدث وانه اعترف بحبه لها كانت سعيده لها.