رواية الوقح والراقية جزء 1 للكاتبة ياسمين علاء الدين الفصل الحادي والثلاثون
لا تعلم لماذا وافقت ولكن صفيه استفزتها. وشعورها بالغيره جعلها لا تحسب الامور بعقلها. تابعت قلبها
جلس الجميع على مائده الطعام
لتنصدم من ما تراه: كوارع
ضحك الجميع عليها
الصدمه الكبري كانت اطفالها. وجدت فيصل يطعمهم الكوارع وياكلونها
شذي: لاااااا. انتم بتاكلو ايه
فيصل: ملكمش دعوه بيها. كلو خليكم رجاله زي ابوكم.
نظرت لهم بحسره وتقزز فهي تكره هذه الاكله
كانت تهاني ولوزه يضحكون من قلبهم على شكلها.
لوزه بضحك: في اكل تاني ليكي. كلي انتي وسبيهم
تهاني: الولاد حبوها
الجد: طعمها حلو يا حبيبي
صخر: جميل يا جدو
جبل الصغير: اسمها ايه الاكله دي يا جدو...
الجد: كوارع
فيصل: بتسال ليه
جبل: علشان مامي تعملها
شذي: مستحيل اعملها. وبطلو تاكلوها
تهاني: يا بنتي. سبيهم يتغذو. دي شوربتها مفيده جدا
شذي بحسره: ولادي انا ياكلو كوارع. ربنا يسامحك يا فيصل
ضحكت لوزه: والله يا شوشو كل اما نعملها افتكرتك واضحك. واحشتنا لمتنا سوا.
فيصل: ان شاء الله مش هتفترقو تاني.
تهاني ولوزه نظرو إلى شذي بعدم تصديق هل وافقت ان تمكث هنا
الجد: بجد يا شذي. مش هتسبينا تاني
صخر: هنقعد هنا مع بابا وجدو وتيته وعمتو وحياه
جبل: يسسس. انا بحبك اوي يا مامي
نظرت إلى صغارها ثم إلى فيصل الذي ينظر لها برجاء الا تغير رائيها مره اخري
لتنطق اخيرا: هقعد يا عمو.
لوزه: مش معقول. هتقعدي وانتي عارفه ان متجوز غيرك
فيصل بغضب: وانتي مالك. متتدخليش.
خاف الاطفال من صوته لينتفضو من مكانهم
شذي برجاء: فيصل ارجوك. الولاد خافو.
ضمهم اليه: انتم بتخافو كده ليه من اقل حاجه. مينفعش كده. انا بهزر مع لوزه.
اكملو الطعام وفيصل يمزح مع الاطفال حتى لا يخافون منه.
حملو الاطباق وتوجههو إلى المطبخ
لتنظر تهاني: انتي بجد وافقتي على كده
شذي: اه
لوزه: وهتقدري يا شذي تقعدي في بيت واحد مع ضرتك.
نزلت دموعها بحزن: مش عارفه وافقت ازاي. بس انا لسه بحب فيصل. واما شافتها بتتعامل معاه غيرت ووافقت
ربتت على ظهرها تهاني بحنان: فيصل بيحبك انتي. هو اتجوز عند في نفسه
لوزه: متزعليش مني يا شذي. انا بحبك والله. بس استغربت. لانك قولتي انك هتدي هادي فرصه
شذي: مش عارفه حتى افكر بغيره
لتشعر به يضمها احمر وجهها بخجل.
فيصل: وانا بحبك وعمر ما حد هياخد غلاتك وله حبك اللي في قلبي
ابتسمت لوزه وتهاني.
لتهرب منه شذي: بس عيب.
خرجت ليخرج خلفها: بت تعالي هنا
صفعها على خصرها ليحمر وجهها: وقحح.
ضحك وهو يجذبها ليضمها: قلب الوقح
شذي: حد يشوفنا
فيصل بهمس: يشوفنا
شذي: الولاد يا فيصل
نظر إلى ملامحها بابتسامه: وحشتيني
ابتسمت بخجل...
فيصل: تعالي نرجع شقه. لحد اما اخلص الدور اللي فوق.
تنهدت بحزن: فيصل لو مقدرتش اعيش هنا
فيصل: هخدلك مكان تاني. مش هغصب عليكي
شذي: فكره انك متجوز غيري. صعبه اوي.
فيصل: هطلقها يا شذي.
شذي: لا. انت ناسي انها حامل وكمان حرام تظلمها
فيصل بتعب: انا بعذب نفسي. من يوم ما بعدتي وانا اللي تعبان وحزين. مبقتش بعرف اضحك وله حاسس اني عايش زي الناس.
امسكت يده: انا معاك يا فيصل. ان شاء الله كل الامور هتكون خير
فيصل: ان شاء الله.
في المطبخ
لوزه: مش ملاحظه ان فيصل رجع يضحك تاني. حتى اما اتعصب عليا. سكت اما شافهم خايفين
تهاني: لسه كمان شذي والولاد هيغيرو للاحسن. ربنا يهدي سرهم
لوزه: ويقويها. انا لو عبده بعد الشر عملها هقتله
تهاني ضحكت
مر اليوم معا وهم يضحكون وسعيدين
الجد اصر ان يمكث الاطفال معاه اليوم. ليترك فيصل وشذي على راحتهم.
بعد ذلك خرج فيصل مع شذي وذهبوا إلى المأذون ليكتب كتابه عليها مره اخري...
ثم عادو إلى البيت.
شذي بقلق: مش هعرف انام من غيرهم
فيصل: هما مع جدهم متخفيش
شذي: مش خايفه. بس فكره انهم بعيد وحشه. وكمان انا اتعودت على وجودهم معايا. اطمن ازاي. دي فكره رخمه...
حملها: دي احلي فكره. تعالي وانا هنسيكي
ضحكت له. قبلها.
كانت صفيه تستشيط غضبا: متفرحيش اوي يا شذي. هعرف ارجعه ليا. تاني. كسبتي اول جوله بس لسه الحرب منتهتش
اليوم التالي
كان العمال يبنون الدور الرابع. بندق وصل الاطفال لفيصل
الذي كان يعيش اسعد اوقاته برفقه شذي
قضي معاهم اسبوع ودعهم وعاد إلى إلى البيت رغما عنه ولكن.
مر شهر وفيصل يقسم الايام بين شذي وصفيه التي تحاول ان تجذب فيصل اليها باي شكل
انتهي من بناء الدور.
واخذ شذي لتختار بنفسها الاثاث.
نقلت هي واطفالها إلى بيت جبل الكبير
صفيه تحاول تستفزها وهي تتعامل معاها ببرود.
كانو يتناولون الطعام معا في بيت جبل
اطعم شذي في فمها لتنظر له الاخري بغيظ. ليطعمها هي الاخري
لتضربه في قدمه شذي.
نظر لهم الاثنان بعض بتحدي وكره
الجد عليه: ربنا يكون في عونك
فيصل بزهق: يارب
شذي: انت اللي عملت كده في نفسك. تستاهل
اطعمته في فمه رغم عنه: كل
لتطعمه صفيه بغيره: كل مني انا
فيصل: بس انتي وهي انا شبعت، انا هاكل ولادي
حملهم على قدمه. واطعمهم.
وهو ينظر إلى زوجاته بغيظ وشر الا تقترب منه واحده. كانت صفيه ستمسك يده
فيصل بجديه: اللي هيلمسني هطلع عين اهله
شذي: فيصل اسلوبك والولاد
فيصل نظر إلى اطفاله: بابا غلط محدش يتكلم كده
ليحركو الاثنين راسهم بتفاهم
كان جبل الجد يضحك من قلبه ومعه تهاني على هذه المسرحيه التي تحدث كلما اجتمع الاثنان معا.
بعد ايام...
اليوم هو موعده يومه مع شذي
تاخر الوقت
شذي بغيره: اكيد مع السحليه اللي تحت.
ارتدت الاسدال ونزلت لشقتها ضربت الجرس كثيرا لتفتح صفيه بفميص نوم
شذي: فين فيصل
صفيه: وانتي مالك
شذي: المفروض انهارده يومي.
صفيه: زهق منك وجه ينام في حضني
دفعتها بغيظ لتدخل الشقه: انا هخلي يومه مش معدي
دخلت إلى غرفه النوم لتجده نائم
شذي: فيصل. فييصل. قوم متستهبلش. فيصل
صفيه: عايزه ايه منه. سبيه.
شذي: لا مش هسيبه. فيصل قوم
لاحظت قطرات العرق على جبينه. لماذا لا يستيقظ و نومه في العاده خفيف
لمست جبينه لتجده بارد كالثلج شعرت بالخوف
: فيصل فوق. فيصل.
لم يرد الاخر
وقفت كالاسد تمسك يد صفيه: انطقي عملتي فيه ايه. مش بينطق
صفيه بتوتر: ها. معملتش حاجه. مليش دعوه
شذي: كذابه. شكلك مش طبيعي
صفيه دفعتها بقوه: بقولك مليش دعوه
شذي: اقسم بالله لو حصله حاجه هقتلك
اسرعت إلى الاسفل بخوف طرقت باب شقه جبل بقوه وسرعه.
جبل: يا ساتر يارب
تهاني ركضت وفتحت الباب لتجد شذي تاخذ نفسها بسرعه
جبل: حد من العيال حصله حاجه
شذي وهي تضع يدها على قلبها: لا. فيصل. تعبان اوي.
جبل: ابني.
ركضت لاعلي سريعا لتطرق باب لوزه. فتحت الاخري بخوف
لوزه: شذي في ايه
شذي: قولي لبندق يجيب دكتور بسرعه. فيصل تحت تعبان
تركتها ونزلت لشقه فيصل عند صفيه
كان جبل يجلس بجانبه بخوف ويرمي الماء على وجهه والاخر لا يتحرك.
شذي بدموع: اقسم بالله هقتلك لو انتي اللي عملتي فيه كده.
تهاني نظرت لصفيه التي اصبحت وجهها شاحب بخوف
جبل نظر لها: عملتي ايه في ابني انطقي
صفيه: كدابه. معملتش حاجه
شذي: هو كلمني من ساعه وقالي انه جايلي وسالني عايزه حاجه وله لا.
انا اتاخر نزلت اشوفه هنا لاقيته نايم بالشكل ده
صفيه: هو قالي مش عايز يطلعلك وقعد معايا
شذي: حتى لو نايم. مش شايفه شكله عامل ازاي. انتي غبيه
صفيه: انتي ال#.
جبل صرخ بهم: اخرسو. هو ده وقت خناق.
نظر بحده إلى جبل: لو انتي السبب. هيكون ايامك سوده.
دخل بندق بالدكتور وبعد ان فحصه
الدكتور: ضربات قلبه بطيئه اوي. وضغطه واطي.
خاف الجميع عليه
(لوزه وتهاني وجبل وبندق وشذي كانت بتموت)
الدكتور: شكله واخد حاجه. لازم اعرف ايه هي.
بندق: فيصل مش بياخد اي نوع برشام. ده رياضي. حتى السجاير والشيشه بطلهم من شهر
شذي بدموع: صفيه قولي عملتي ايه. علشان الدكتور ينفع يعالجه
صفيه بكدب: انتي هتفتري عليا.
الدكتور اتصل بسياره اسعاف ونظر لصفيه: لو خد حاجه قدامك قولي يا بنتي. الراجل كده بيموت
جبل: قولي يا صفيه. واحنا مش هنقوله
احست بالضغط والخطر
فتحت الدرج واخرجت برشام.
نظر له الطبيب: ده منوم. هو خد كام واحده
صفيه: حطتله في الميه 6
شهقت شذي
لوزه: 6 يا بنت ال#.
جبل: بس محدش يتكلم. وانتي منك لله. هتموتي ابني
شذي بدموع: بعد الشر.
وصلت سياره الاسعاف. وصعدت شذي بجوار فيصل
شذي: توتي خلي بالك من الولاد نايمين فوق.
تهاني: هطلع اقعد منهم. متخفيش عليهم
حركت راسها بدموع وهي تمسك يد فيصل التي كالتلج
بندق وجبل ذهبو خلف السياره. ولوزه صعدت لاطفالها
اما. صفيه فارتعبت وجمعت ملابسها ودهبها وذهبت إلى بيت والدها.
بعد ساعات من الرعب والخوف
اخبرهم الطبيب ان حالته استقرت ويمكن ان يدخلو له
دخلت شذي وبندق وجبل. ليجدوه نائم
مسكت يده بدموع
بندق: الحمد لله. انه بخير.
جبل: الحمد لله. ربنا سترها ونجاه
بندق نظر لهم بقلق: هنقوله على اللي صفيه عملته
جبل: لا. على الاقل مش دلوقتي. هي حامل وفيصل ممكن يقتلها فيها. وهو اللي هيتاذي
شذي: عندك حق يا عمو. هو مش لازم يعرف
بندق: هنقوله ايه.
شذي: هبوط علشان مكلش. لانه قالي انه متغداش بره. وكان هيجي يتعشا معايا
قالت كلامها بدموع وهي تنظر إلى وجه. بحزن.