رواية الوقح والراقية جزء 1 للكاتبة ياسمين علاء الدين الفصل الخامس عشر
كانت تجلس في المساء بمفردها. لوزه نامت والجميع
تنظر إلى البحر والامواج التي تتخبط به واول مره منذ فتره تشعر بسلام وهدوء بداخلها
جبل: ايه يا بنتي. منمتيش ليه
شذي: مش جايلي نوم يا عمو.
جلس امامها: كويس انك صاحيه عشان عايز اتكلم معاكي
شذي: اتفضل يا عمو
جبل: جايلك عريس يا بنتي.
شذي برفض: عريس. عريس ايه. لا. انت قولت لفيصل
جبل: ؛اه.
شذي: وهو رائيه ايه
جبل بمكر: موافق.
ردت بصدمه: ؛ موافق اني هتجوز.
جبل: اه. انتي مش موافقه
شعرت بالحزن: ازاي يوافق
جبل: اعرفي الاول هو مين وليه وافق عليه. المهم عندي موفقتك انتي
شذي: انتم شكلكم زهقتم مني عشان كده هو وافق عليه
جبل: هو العريس
شذي: هو مين
جبل: فيصل العريس وعايز يتجوزك.
شذي بصدمه: بس هو مقليش حاجه
جبل: وانا مش مالي عينك. انتي بنتي اما يجي يطلب ايدك يجيلي انا وانا اتشرط عليه واقوله اه او لا
ضحكت شذي بسعاده: ماشي. شوف انت بقي هتوافق وله هترفض.
جبل: هو اه غبي وحمار
شذي: ووقح وهمجي.
ضحك جبل: نرفضه احسن
شذي بتراجع: بس طيب وحنين
جبل: طيب قولتي ايه يا بنتي. موافقه
شذي: اللي حضرتك تشوفه
جبل: على بركه الله. احنا نرفض
شهقت شذي: ايه. ليه
جبل بضحك: موافقه يعني
حركت راسها بنعم وهي تشعر بالخجل
جبل: ربنا يسعد قلبكم يا بنتي.
شذي بفرحه وامل: يارب. يارب...
تشعر بالدفئ لكونها لن تبتعد عنه او عن هذه الاسره
اتفقت مع جبل الا تخبره باي شئ حتى يعودون من الاجازه.
مر الاسبوع وهم معا يستمتع الجميع بالخروج ويقضون وقت سعيد. لم تخلو من مراقبه فيصل لشذي..
وعادو إلى بيتهم مره اخري بعد ان قضو عطلتهم
ليخبر جبل فيصل ان شذي موافقه على كتب الكتاب
فيصل بفرحه: انت كلمتها امتي
جبل: من اسبوع.
فيصل: وليه مقولتش.
جبل: اجلتها اما نرجع. عشان عارف جنانك. ممكن كنت رجعتنا. او اتجوزت هناك
فيصل: كنت هعملها بصراحه. ما تخليها فرح بالمره
جبل بحزم: كتب كتاب. والفرح مع اختك لوزه.
فيصل: ايه ليه.
جبل: هو كده. لازم تجيب الشبكه وعفش جديد.
فيصل: من عيني ده انا اجبلها نجمه من السما
جبل: براحه على نفسك شويه
فيصل بفرحه: هحاول
جبل: ولا. تحترم نفسك والتعامل باحترام غشان لو فكرت عقلك يوزك وتعمل الغلط. انا هعمل معاك الصح
ضحك فيصل: في اي يابا. داخل عليا سخن
جبل: بلا سخن بلا بارد. البت في رعايتي. يبق تلتزم
فيصل: حاضر. هلتزم.
خرج من البيت ليجهز لكتب الكتاب
ذهب إلى بندق وهو يضحك
بندق: مالك منشكح ليه
فيصل: وافقت ياض
بندق: اه مبروك
فيصل: انت كنت عارف
بندق وهو يتراجع: اهدأ بس ومتمدش ايدك. شذي قالت للوزه وهي قالتلي وحلفتني مقولش
فيصل: يا ولاد
بندق: تشكر ياصاحبي. دي اخرتها يعني
فيصل: كنت تقولي يا جحش
عانقه الاخر: مبروك يا صاحبي. ده احنا هنعمل فرح يسد الشارع من اوله لاخره.
فيصل بسعاده: ايوه. هعمل اكبر فرح. بس الاول اجهز لحاجه كتب الكتاب
بندق: جهز يا معلم.
ذهب لبماذون واتفق معه. ليتصل بها
ردت عليه: الو
فيصل: احلي الو والنعمه
نظرت إلى الهاتف لتتاكد من الاسم: فيصل
فيصل: حبي
شذي: مالك
فيصل: فرحان اوي اوي. وانتي السبب
ضحكت: هو عمو قالك
فيصل بسعاده: اه قالي. البسي ويلا ننزل عشان نجيب حاجات
شذي: حاضر. بااي بقي
قبل الهاتف بسعاده يريد ان يصرخ من الفرحه.
ارتدت ملابسها و وضعت القليل من الميكاب لتبرز جمالها
لوزه: رايحه فين
شذي: مش عارفه بس فيصل قالي البس وهنخرج
لوزه: مش معقول. فيصل هيخرجك
شذي: اه. اصل شكل عمو قاله اني موافقه على الفرح
ضمتها لوزه بسعاده: مبروك يا شوشو. انا فرحانه اوي. عشان هتكوني معايا على طول. بس قلقانه عشان هتتجوزي فيصل
ضحكت شذي: ليه
لوزه وهي تضع يدها على راسها: ايده تقيله اوي
شذي ضحكت: ربنا يستر.
لتجده يتصل مره اخري: يا لهووي. بيتصل.
شذي: بااي يا لولو
قبلتها و ركضت على الدرج خرجت من البيت لتجده امامها كانت تكنسل عليه لانه يتصل
نظرت له بسعاده وفرحه واقتربت منه. لتسود عينه ويقبض على يدها ويدخلها مره اخري إلى البيت
فيصل: ليله امك سودا
نظرت له بحزن وهي تحاول ان تفك يده من على يدها: اووف يا فيصل. سيب ايدي. وبعدين انت مش لسه كنت بتضحك. اسمها مامتك مش امك.
فيصل: اقتلك وارتاح منك
لتتجمع الدموع في عينها وتنظر له بصوت باكي: سيب ايدي.
ترك يدها وامسكها من كتفها ليلفها وهو يلعن
فيصل: الله يا خربيتك. عايزه تخرجي كده. ليه فكراني
شذي بدموع: انا مش خارجه معاك. انت وقح ومش هتتغير
صك ع اسنانه وهم ليرد عليها
عندها وجدو باب البيت يفتح ويدخل جبل وتهاني
وجدوها تبكي.
جبل نظر لابنه بغيظ: ياض انت لحقت
تهاني ضمه شذي التي تبكي.
جبل: خديها يا تهاني واطلعو فوق
صعدت لاعلي مع تهاني. وهو واقف ينظر لها بغيظ.
جبل: ياض انت حمار. مش اتصلت بيا وقولتلي هخدها تجيب الفستان. منكد عليها ليه
فيصل: لابسه زفت ضيق
جبل: قولها غيري. كلمها براحه مش تزعق كده. والله على رائيها انت همجي.
فيصل زمجر: ياااه. متعصبنيش يابا.
جبل: اتعصب. وريني هتعمل ايه. فاكرني شذي هتستقوي عليها. انا ابوك. فوق
فيصل: انا مش بستقوي عليها
جبل: بتستقوي. البت رقيقه حد يعمل كده. انا شكلي هرفضك واشوف واحد تاني يقدر يتعامل معاها بالحسنه.
فيصل: عشان يكون اخر يوم في عمرها وعمره
تركه جبل وصعد: بس يا شذي متعيطيش. انا قولتله مفيش جواز
نظرت له بحزن لتجده يدخل خلف والده وهو ينظر لها بنظره ناريه
شذي بدموع: انا طالعه للوزه
خرجت وهي تمسح دموعها وقبل ان تفتح باب الشقه التي بها لوزه كان قابض على يدها واكمل الطريق لاعلي
شذي بجديه: سيب ايدي.
لم يرد. وصعد لسطح المنزل
جلست على الاريكه. وهي تنظر للجهه الاخري بحزن
فيصل: لازم. تنكدي عليا وانا فرحان.
شذي: نعم. مين اللي نكد على مين
فيصل: انتي اللي نكدتي عليا.
شذي باندهاش: والله. مين اللي قالي ليله امك سوده. ها
فيصل: انا
شذي وقفت بغضب: انت مش هتتغير. هتفضل طول عمرك دي طريقتك
فيصل: اه. دي طريقتي وده اسلوبي. مش هتغير يا شذي. هفضل كده طول عمري راجل ودمي حامي على اللي مني. ومش هقبل انك تخرجي بمنظرك ده. الزفت اللي انتي لابساه راسم جسمك. انتي مش عارفه اما الرجاله بيشوفو واحده لابسه ضيق كده بيفكرو ازاي.
جلست مره اخري بصمت وهي تفكر في كلامه. هو خائف عليها. ولكن طريقته وقحه
رفع شعرها لاعلي. شذي بحزن: طريقتك وحشه. حتى لو كنت عملت غلط مش مفروض تكلمني كده
فيصل: انا همجي وقليل الادب
شذي اكملت: ووقح
فيصل بتاكيد: ووقح. انا كده. عاجبك وله لا
نظرت له بدموع: يعني حتى مش ناوي تتغير عشاني. انت ممكن تتكلم معايا بطريقه هاديه. انت عارف مش بحب كده.
فيصل: متعمليش غلط وانا هتكلم معاكي بهدوء.
شذي: انا انسانه وبغلط. وفي حاجات انا شايفها عادي وانت بتكبرها. احنا تفكيرنا غير بعض خالص
فكر في كلامها هي محقه انهم مختلفون كثيرا
فيصل: عندك حق. احنا مختلفين عن بعض.
احست بقبضه في قلبها لتبكي بحرقه. لم يستطيع ان يتجاهل بكائها.
فيصل بحنان: متعيطيش بقي.
شذي: انت مش بتحبني
فيصل: لا يا ختي متنيل بنيله على عين اهلي وبحبك
ابتسمت بدموع: لو بتحبني. فهمني براحه. وامسك نفسك كده ومتتعصبش.
مسح دموعها: بس انتم نكد. بومه انتي والزفته اللي تحت.
ضحكت شذي
ليتنهد: هتلبسي طرحه وتغيري ام لبسك ده
نفخت: اسمها تغيري لبسك. مش لازم ام دي
نفخ: المهم تسمعي الكلام وتفهمي المعني. ولو زودتي هلبسك النقاب
شذي: فيصل اوعدني انك مش هتكون قاسي عليا
فيصل سكت
شذي: اوعدني يا فيصل
فيصل: مش هقسي عليكي. بس ده ميمنعش اني هعرف اتغير
شذي: بس هتحاول عشاني صح
نظر لعينها التي اتسعت حدقتها وهي تنظر له بهذه الطريقه. ليتوتر: حاضر.
شذي بفرحه وهي تمسح دموعها: شكرا يا فيصل
نفخ هو: غيري وتعالي ننزل
شذي: لا انا تعبت وكفايه اللي حصل انهارده مش قادره
احس بارهاقها فهي رقيقه للغايه ومن اقل شئ تتأثر
فيصل: قعدتك مع البت لوزه. مجبتش اي نتيجه
شذي بتساؤل: نتيجه ايه
فيصل: خليكي حلوفه كده زيها. بضربها وبعد شويه القيها بتضحك.
ضحكت شذي. ليسمعو صوت من خلفهم.
حد بينادي عليا
شذي وهي تضع يدها على قلبها: خضتيني
لوزه: خلصتم وصله النكد
فيصل: اه.
لوزه: تستاهل. عشان مخدتنيش معاكم وكنتم هتخرجو لوحدكم
فيصل وهو يقذفها بالوساده: فقر اهلك. وعينك الصفرا. دي اللي جايبنا ورأ
ضحكت شذي عليهم
لينظر لها الاخر بحب وهو يتمني ان يضمها ويخبئها باحضانه
فيصل: انزلي مع لوزه وارتاحي وبكره هخدكم انتم الاتنين مع بعض.
شذي: حاضر
نفخ وهو يراها تمشي بتلك اللعنه التي كانت تريد الخروج بها.
في اليوم التالي
ارتدت ملابس طويله ورفعت شعرها لاعلي.
وخرجت مع لوزه لينزلو اليه.
شذي: ها. طويل اهو
فيصل: بس قمر لسه
شذي: طيب انا اعمل ايه عشان ارضيك
ابتسم: هقولك بعد كتب الكتاب
ابتسمت بخجل لتصعد إلى السياره ولوزه معاهم: شغل مهرجانات كده وفرفش القعده. عايزين ننبسط
فيصل: ماشي يا بيئه
لوزه: بيئه بيئه. المهم انبسط.
شغل الاغاني وهي كانت تضحك على لوزه وما تفعله وهو اغلق زجاج العربيه حتى لا يراهم من بالخارج.
اختارت فستان طويل ابيض وهادئ.
اعجبت لوزه به: شكلك حلو اوي يا شوشو
فيصل بالخارج: قولي الله اكبر يا زفته
لوزه: يا ختي الله اكبر في عيني وفي عين (بهمس)فيصل
ضحكت شذي: ما تعلي صوتك
لوزه: هينفخني
خرجت بعدها لتختار للوزه فستان
دفع فيصل الحساب.
فيصل: فين الطرحه. احنا مش اتفقنا هتلبسي الحجاب
شذي: اوعدك هلبسها بعد كتب الكتاب
فيصل: ماشي
شذي: انا عايزه اختارلك البدله
فيصل: تعالي.
اخذهم إلى محل للبدل لتختار له بدله.
يستعدون لكتب الكتاب والفرح بسعاده
ولم يكن يعلمون بان سيحدث شئ يقلب الامور.