رواية الوقح والراقية جزء 1 للكاتبة ياسمين علاء الدين الفصل السادس والعشرون
انجبت لوزه بنت تشبهها كثيرا
واسمتها: حياه
دائما ما يذهبون إلى شذي ليقضو اليوم معاها ومع الاطفال.
كانت تسال عنه باستمرار ولوزه تبعث لها بصوره لتريها للصغار
لم يفهمو شئ ولكن كانت تصر ان يكون موجود في حياتهم. تعلق صوره في كل مكان بالشقه.
حياتها كلها لاطفالها. جبل كان يبعث بمصاريف الصغار رغم رفضها وانها لا تحتاج إلى النقود
ولكنه كان يخبرها انهم احفاده وانها ابنته التي لم ينجبها.
حاول كثير ان يتكلم مع ابنه ولكن كان يرفض ان يكمل الحديث
فيصل: مش ولادي. بقولك مش ولادي ومحدش يجبلي سيرتها عشان مقتلهاش
كانو يصمتون
يشعر انه سيجن لا يستطيع تجاوز الامر. مازال قلبه يحن لها
ليقرر انه سيتزوج مره اخري لابد ان ينساه وسينساها بامراه
كان يبحث عن فتاه ليس لها ماضي ساذجه
انصدم الجميع بخبر زواجه.
فيصل: ابا انا هتجوز انهارده هتيجي معايا
جبل: هتتجوز.
فيصل: اه هتجوز واحده محترمه ومتربيه. هتيجي معايا وله هتسبني قدام الناس لوحدي
جبل: هاجي معاك يا بني
نظر إلى اخته التي كانت تبكي
فيصل: وانتي
نطقت بحزن: حياه تعبانه ومش هعرف انزل بيها
فيصل: براحتك
نظر لصديقه: جاي معاك يا صاحبي.
ذهب مع والده واخيه وتزوج من اخري صعد إلى شقته القديمه فهو جددها وليثبت انه اقوي قرر ان يعيش بها رغما عن قلبه الخائن الذي ما زال يفكر بها
انهارت عندما علمت بالامر وشعرت بانها تدمرت..
يعيش حياته وتزوج بغيرها.
لتقرر ان تبتعد عن الجميع ان تهرب من نفسها.
بحثت عن فرص عمل بالخارج لتجد في احد البلاد العربيه عمل في التجميل. قررت ان تسافر مع اولاده وتبتعد فهي كانت تظن انه سيحن لها
مرت 5 سنوات كامله.
عادت شذي إلى مصر وبجانبها اطفالها
يشبهونها ويشبهون فيصل ايضا.
عادت إلى شقتها القديمه
جبل: مامي عايز اكول
ابتسمت له: حاصر يا حبيبي
لينطق صخر بصوت عالي: وانا جعاااان
نظرت له بعدم تصديق فهو يشبه فيصل بطبعه كثيرا
شذي: كم مره قولتلك اما تتكلم تتكلم باسلوب محترم
جبل: معلش يا مامي. اسكت يا صخر
اعدت لهم الطعام وجلست تطعمهم وهي تنظر لهم بسعاده وحب
جبل: هتودينا النادي زي ما قولتي. انا عايز العب كوره
شذي: ان شاء الله بكره نروح
صخر: وانا عايز العب كارتيه.
شذي: حاضر. هعمل كل اللي عايزينه بشرط تسمعو كلامي
نطق الطفلان: اوكي
تناولو الطعام وذهبو للفراش بجانب امهم. لينام كل منهم على جانب
جبل: هو بابي مش هيرجع من السفر بقي
شذي: ان شاء الله هيرجع
صخر: انا زهقت منه.
شذي: عيب كده يا صخر. في حد يقول على باباه كده
صخر: اه. مش عايزه. زي ما هو مش عايزنا
شذي: ومين قالك انه مش عايزكم
صخر: احنا قولنا لنفسنا.
تنهدت شذي وضمتهم لها: حاليا في مامي تنفع
الاثنان: تنفع.
ضحكت بسعاده فهما يبعدان الحزن عنها
في اليوم التالي
ذهبت إلى النادي وقدمت لهم على الالعاب وبعدها جلست وهي تنظر إلى النادي
شذي: عارفين كنت باجي هنا وانا صغيره مع مامي وبابي الله يرحمهم
جبل: كنتي بتلعبي ايه يا مامي
شذي: اسكواش بس زمان اوي
صخر: هو على ايامك كان في اسكواش
نظرت له بغيظ: مش هرد عليك عشان انت وقح.
ليضحك الطلفين عليها
تغاظت اكثر: انت شايفني كبيره يعني. تقولي على ايامك
جبل بضحك: ههه. خلاص يا مامي.
صخر: تحبي اقولك يا شذي. علشان متحسيش بالسن
فتحت عينها بصدمه من ذلك الوقح الصغير. لتقف
ركض الطفلين بطفوله من امامها وهي تلحق بهم
شذي: اقف يا صخر. اقف انت لسانك طويل ولازم تضرب
صخر وهو يركض حول المكان: مش هتعرفي تمسكيني
شذي بغيظ: همسك.
جبل يضحك هو الاخر ويركض معاهم
لتصطدم بشخص. كانت ستقع ليمسكها سريعا
احمر وجهها باحراج. ليقترب الصغار بخوف.
نظر لها الشاب: sorry
صخر: حصلك حاجه
جبل: انتي كويسه
شذي وهي تنظر لهم: اه الحمد لله.
الشاب: اسف جدا لحضرتك. بس انتي اللي كنتي بتجري الاول وانا كنت بتكلم في الفون
شذي باحراج: انا اللي غلطانه
ابتسم الاخر. ومد يده: كابتن هادي المصري مدرب كارتيه
صخر وهو يضع يده في يده سريعا: انا صخر
جبل فعل المثل وصافحه: وانا جبل
ليبتسم على لطافتهم: ماشاء الله.
نظر إلى شذي لتعرف نفسها: انا شذي داغر. ام جبل وصخر.
نظر لها: تشرفت بمعرفتك
صخر: قولي بقي التدريب هيبدا امتي
انخفض هادي لمستوي صخر: انت هتضرب معايا يا بطل
صخر: اه.
هادي وهو ينظر لساعته: خمس دقايق بالظبط. اتفضل معايا
صخر: اوك.
نظر إلى شذي وجبل اخيه: خليكم هنا. متتحركوش بعيد
ضحك هادي عليه: مسيطر انت
صخر: اه علشان محدش يضيع فيهم
شذي: احنا برضو اللي هنضيع.
صخر وهو يحرك راسه بتاكيد: اومال انا يعني. انتي غريبه
شذي: لسانك يا صخر
صخر: وله تتعصبي. I m sorry.
كان مستمتع وهو ينظر لهم: اتفضلي حضرتك واقعدي في مكان اولياء الامور وانا هخلي بالي منه.
شذي: thank you
هادي: مش هتدرب معانا يا جبل
جبل: لا. انا هلعب كوره احسن.
هادي: العب الاثنين.
نظر إلى شذي لتشير براسها بنعم
جبل: اوكي. المره الجايه ان شاء الله هكون معاكم
هادي: تعال المره دي. اول تدريب وهنتعرف على بعض
ذهب معه جبل وجلست شذي تنظر لهم.
وقف هادي وبدا يعرف على نفسه للاطفال ويلعب معاه ويبدا يعرف كل واحد بنفسه وهو يتعامل معاهم بسلالسه وبساطه
سرحت بتفكيرها في فيصل وطريقته مع الولاد.
لتدمع عينها فهو لا يعترف بهم من الاصل كيف سيتعامل معاهم
بعد ساعه
انتهي التدريب
ركض الاطفال اليها بسعاده لتضمهم بحب وفخر فهما كل حياتها.
اخذهم وذهبت لتناول الطعام. ولم يخلي من مشاكستهم لهم.
تولت الايام وهي كل يوم تفكر بتهاني ولوزه وبه هو ايضا ولكن منذ زواجه من اخري وهي تخاف ان تسال عليه
كانو يجلسون على العشاء والاطفال ينظرون إلى بعض
شذي: في ايه. عملتو حاجه
حرك الاثنان راسهم بلا
شذي: بتبصو لبعض ليه. اتكلمو
جبل: مامي احنا عايزين بابي
صخر: كل الولاد ليهم بابي ومامي. في النادي او في المدرسه.
شذي بحزن: انا في حاجه مخبيها عنكم. باباكم مش مسافر. بس انا وهو انفصلنا عن بعض. وعلشان كده انت خدتكم وسافرنا
جبل: حضرتك ممكن تخدينا نشوفه
صخر: اه. نفسنا نشوفه حتى مره واحده بس. هو شكل الصور كده
جبل: نتكلم معاه
شذي بدموع: مش هينفع.
جبل ببكاء: مره واحده بس يا مامي
صخر بنفس البكاء: لو سمحتي.
شذي ضمتهم بحب لم يسبق ان طلبو شئ ولم تفعله
: خلاص اهدو انا هكلم جدكم وعمتكم وهي تاخدكم ليه
فرح الاثنان: يلا كلميهم.
شذي: الساعه 8 بليل
صخر دخل واحضر الهاتف ليعطيها له والاثنان اصرو ان تتصل به
كانت محروجه لا تعلم هل نفس الارقام اما تغيرت.
في بيت جبل الكبير
كان تجلس لوزه مع تهاني وحولها ابنتها الصغيره حياه و بجانبها حازم ابنها الاصغر
نظرت للهاتف: رقم غريب
تهاني: مترديش احسن
اتصلت شذي كذا مره. لتبعث برساله انها شذي
لوزه بصدمه: شذي
تهاني: ردي بسرعه كده
فتحت الهاتف: شذي. انتي شذي
ضحكت شذي: اه يا لولو. عامله ايه
لوزه: زعلانه منك يا شذي. كده تسافري وتاخدي الولاد
من غير ما تقولي لحد
شذي بدموع: مقدرتش يا لوزه اعرف انه.
وسكتت وهي تنظر لاطفالها.
: المهم انتم عاملين ايه
تهاني اخذت الهاتف بلهفه: وحشتيني اوي يا شذي. كده تنسييني
شذي ببكاء: عمري ما نسيتكم يا توتي. واحشتوني اوي
تهاني: وانتي كمان.
لوزه: قوليلها تيجي
شذي: مش هينفع اجي. بس الولاد نفسهم يشوفكم. ممكن تيجو شقتي القديمه
لوزه: اه هنيجي. انتي واحشاني اوي
تهاني: هجيلك يا حبيبتي. هنيجي انا ولوزه
شذي: ماشي هنستنكم في اي وقت تنورو
اغلقت والصغار ينظرون اليها بفضول
شذي: جاين. اهدو بقي.
تهاني اتصلت بجبل. لتخبره ان شذي عادت من السفر ومع الاطفال فرح
جبل: البسي وتعالي نشوفهم
تهاني بدموع: بجد يا حاجه. هنروح دلوقتي
جبل: نفسي اشوفهم اوي.
تهاني: ماشي هقول للوزه عشان تيجي معانا كمان
جبل: متتاخروش واتصلو قوللها انكم هتزورها
تهاني: حاضر.
فعلت مثلما طلب ولم يخبر احد فيصل الذي اصبح لا يطاق حتى انه تزوج وطلق مرتين والثلاثه متزوجه من 6 شهور وهي حامل الان في شهرها الخامس. لم يتحمله احد. حتى هذه التي معه يحاول الا يتهور عليها بسبب حملها
كان الصغار يجلسون بحماس وهو ينتظرون عائلتهم بفرحه لاول مره سيتقابلون
شذي كانت متوتره جدا. تفكر هل السنين هداته وهل سيصفح عن ذنب لم تفعله
سمعو جرس الباب لينظرو إلى بعض
شذي ؛ ياريت تكون هادين وتتعاملو بادب.
حرك الاثنان راسهم وعينهم على الباب
فتحت شذي لهم لينظرو لها رحبت بهم
جبل دخل بلهفه وهو يبحث عن احفاده لينظر اليهم بفرحه قبلهم وهو يبكي ويضمهم. لا يصدق ان احفاده كبرو هكذا.
بعد ترحيب وسلام ودموع
كان يجلس بندق وجبل مع الاطفال تعرفو على بعض جيدا.
ولوزه وتهاني و حياه مع شذي. يتحدثون معا.
جبل الصغير: جدو. هو بابي مجاش معاك ليه
نظر الجد إلى بندق
صخر: جدو انا نفسي اشوفه مره. طيب هو حتى لو زعلان من مامي احنا ذنبنا ايه
لم يقدر ان يحبس دموعه اكثر ليبكي وهو يضمهم
بندق حتى يغير الجو: طيب ايه رايكم انا هخدكم تشوفه. بس بشرط
نظر له الاثنان وهم يمسحون دموعهم: ايه هو.
بندق: هخدكم معايا الجيم تشوفه. بس محدش يقول له بابي. هنقول انكم ولاد صاحبي.
صخر: ليه هو مش هيعرفنا
الجد: هيعرفكم. بس عايزين نشوفه هيفتكركم وله لا عشان انتم كنتم مسافرين
جبل الصغير: ماشي يا جدو مش هنقوله حاجه
صخر: وله انا هقول
بندق: اتفقنا. يلا بينا
جبل وصخر: هنقول لمامي الاول
ركض الصغيران إلى شذي التي كانت تجلس بعيدا تتحدث مع النساء
صخر: مامي هنروح نشوف بابي
جبل: اه عمو بندق قالنا هنروح
وقفت شذي بخوف: لا.
ذهبت إلى جبل وبندق: بلاش. بلاش يا عمو ارجوك.
جبل: بلاش ايه بالظبط. العيال نفسهم يشوفو ابوهم
شذي: انت عارف بلاش ليه. انا خايفه عليهم
بندق: احنا مش هنقوله انهم عياله. بس هما من حقهم يشوفو
شذي نظرت لجبل بدموع
جبل: متخفيش يا بنتي. بندق هيخلي باله منهم وغير كده عمر اب ما هيأذي اولاده
شذي: يعملها يا عمو. انت عارفه
تهاني: سيبيهم يا بنتي الولاد بيعيطو
لوزه: متخفيش ياشذي. هما مع بندق
بندق: نص ساعه او ساعه وهجبهم.
بكي الصغيرين لتخضع لرغباتهم وتوافق
ولكن من داخلها مرعوبه ان يفعل بهم شئ. هي تعرف انه عند غضبه يكون انسان اخر.