رواية الوقح والراقية جزء 1 للكاتبة ياسمين علاء الدين الفصل العشرون
تقف في المطبخ مع تهاني ولوزه
شذي: انا خلصت السلطه
تهاني: شاطوره
لوزه: وانا خلصت وحطيت الصواني في الفرن
تهاني: شاطوره
نظر لها الاثنان وضحكو. تهاني: اضحكو حلو اما الرجاله تيجي ومتلقيش الاكل جاهز
وقفت سريعا: هو ايه ناقص
لوزه: خوافه
شذي: انا مش بخاف على فكره
تهاني ولوزه نظرو لها بعدم تصديق
شذي: اه. مش بخاف. انا بحترمه. جوزي وبحترمه
لوزه: ايه يا فيصل انت جيت.
شهقت وهي تنظر خلفها بخوف ولم تجد احد. لتكشر عن انيابه: والله لوريكي يا رخمه
ركضت لوزه والاخري تلحق بها. وتهاني تضحك عليهم.
لتصرخ شذي: اوقفي احسنلك
لوزه: لا. مش هقف. بعدين انتي زعلانه ليه. مش قولتي مش بتخافي
شذي: مش بخاف.
لوزه: كذابه. دي الناس كلها بتخاف منه. انتي مش هتخافي
وقفت شذي وهي تفكر بالامر: لا مش بخاف.
ضحكت لوزه: بهزر معاكي ياشوشو. ده انتي الوحيده اللي وقفتي قدام فيصل ووافقتي تتجوزيه. ده احنا فقدنا الامل فيه
شذي: يا رخمه. ده فيصل عسل.
لوزه وهي تضع يدها على رقابتها من الخلف: العسل ده ايده طويله وتقيله.
ضحكت شذي: اه انتي هتقوليلي
لتنظر لها لوزه وتضحك جلست الفتاتان تتحدثان مع تهاني عن الزواج. وازواجهم.
ليدق جرس الباب.
ارتدت شذي الاسدال سريعا فهي في شقه جبل
فتحت لوزه لتجد بندق يدخل عليها بورد وبلاللين
بندق: كل سنه وانتي طيبه
فتحت عينها بصدمه لتتذكر ان اليوم عيد ميلادها
لتعانقه بقوه وفرحه: انت افتكرت
بندق وهو يضمها: اه طبعا وانا اقدر انسي احلي يوم في عمري. يوم ما نورتي دينيتي
ابتسمت لهم شذي بسعاده فبندق يعبر جيدا عن حبه امام اي احد. ليس مثل فيصل.
شذي: كل سنه وانتي طيبه يا لولو.
لوزه: وانتي طيبه يا قلبي
تهاني: كل سنه وانتي طيبه يا حبيبتي
لوزه: وانتي طيبه يا توتي
وصل فيصل وجبل.
بعد ان تناولو الغدا معا. صعد كل زوج إلى شقته
بندق كان يحتفل مع لوزه بعيد ميلادها وارتدو ثيابهم ليخرجو معا.
شذي كانت تجلس امام المرآه وهي شارده التفكير
لينظر لها فيصل: شذي، شذذذي
فزعت وهي تنظر له بغيظ: خضتني
فيصل ببرود: معلش
رمت الفرشاه ووقفت تنظر له
فيصل: شكلك ناويه على النكد. يلا انا جاهز. هاتي اللي عندك
ضحكت هي وارتمت على الفراش.
ليتمدد بجانبها
شذي: فيصل انا بالنسبالك ايه
فيصل بتهكم: معرفش والله
لتلكمه على كتفه: بجد بقي
فيصل: انتي هبله يا بت. وله شكلك كده.
جلست امامه: هو انت مش بتعرف تريح حد. ما تقول وخلاص. اتكلم معايا.
اتكا على ظهره: الهبله مش عارفه انها مراتي.
شذي: اكيد عارفه. بس مش هو ده اللي عايزه اسمعه
فيصل: قومي يا بت من وشي. ابو معرفتك السوده
شذي: كده. طيب ماشي. مش هنام جنبك. نام لوحدك بقي في الاوضه
فيصل: احسن برضو. على الاقلل الوحد ينام براحته.
خرجت من الغرفه وهي تمتم بكلمات من غيظها منه: وقح ومش رومانسي ابدا. الواحد يقول لمراته انتي حبيبتي. انتي قلبي. والبعيد حيطه. مش بيحس. اوف منك
(طبعا كان تتحدث بصوت منخفض لم يسمع منه شئ).
بعد وقت
كان نائم ليستيقظ على صوت اغاني عالي يصدر من الخارج
فيصل: ابو ام الجنان. هو الواحد مش هيعرف ينام في الليله دي.
فتح باب الغرفه وهو غاضب.
ليجدها تشغل اغاني وترتدي بدله الرقص وترقص مثلما علمتها لوزه.
ليقف على باب الغرفه وهو عاقد يده على صدره ومتكا على الحائط ينظر لها بملل
راته ولم تهتم. وظلت ترقص. لتنتهي الاغنيه
شذي: ااه. تعبت
فيصل: خلصتي واصله الرقص. اتخمدي بقي
صكت على اسنانه: في حد يقول لحد كده.
فيصل ببرود: اه. انا.
اقتربت منه وهي ترفع اصابعها امامه وجه: انت ايه.
رد بمنتهي البرود: فيصل
لتصرخ في وجهه وقبل ان تبتعد كانت تتلقي صفعه على خصرها
ليحمر وجهها: والله انت ثقيل ورخم. ومش هبات معاك في الشقه. انا هنزل ابات مع عمو وتوتي
فيصل بحزم: اتحركي خطوه واحده وانا هكسرك رجلك
شذي جلست مكانها مره اخري لتضع يدها على خدها
لينظر لها: في واحده عاقله وركزي في كلمه عاقله كويس. تقوم الساعه 12 بليل ترقص.
شذي: اه. عادي انا
فيصل: ده جنان
شذي: زهقانه وانت نايم. على فكره بقي بندق مش بيسيب لوزه لوحدها. وبيخرجها على طول وبيهتم بيها وانت
فيصل بغضب: اياكي تكرريها. انا مش زي اي حد وله انتي زي حد. متبصيش لعيشه حد. فاهمه
هزت راسها بنعم. وتجمعت الدموع في عينها بسبب صراخه عليها وغضبه
لتدخل للغرفه الاخري وتحتضن الوساده وتبكي
نفخ وهو يقف ينظر إلى باب الغرفه الاخري.
ليدخل خلفها. سمع صوت بكائها جلس بجانبها ورفعها على قدمه. لتدفن وجهه في صدره وتبكي
فيصل: انا قولت هو يوم نكد وانتي ناويها. كملي ياختي العياط وفضي اللي في قلبك
شذي بغيظ: ابعد بقي. مش انا نكد. متكلمنيش
فيصل وهو يمسك شعرها ليرفع وجهها وتنظر له
شذي: ااه. شعري
فيصل ؛ بت انتي في ايه مالك معوجه ليه
شذي: انت مش مهتم بيا انهارده.
فيصل: انهارده كان يوم مرهق في الشغل. ومفروض اجي البيت القي راحه. لكن انتي بتستهبلي عليا
شذي ؛: طيب خلاص. انا بس كنت عايزاك تقولي انك بتحبني.
فيصل: كل الدوشه دي عشان كده
شذي: اه طبعا. من حقي اسمعها كل يوم
فيصل: انا الغلطان عشان اتجوزت واحده هبله زيك
نظرت له بحزن. لتتركه بهدوء وتدخل إلى الغرفه تبدل ثيابها وتغلق النور وتنام على الفراش
فيصل استغرب هدوئها ليتمدد بجانبها اعطته ظهرها
ليضمها: بحبك يا مجنونه.
ابتسمت وهي تشعر به يطبع قبله على رقابتها ويضمها له
لتشعر بالرضا والراحه: وانا بحبك.
مر شهر على زواجهم
في النهار كانت تنظف الشقه لتجد المحامي يتصل بها.
ردت عليه وهي نست تماما موضوع المال
لتجده يخبرها ان مبلغ التامين وصل لمليون جنيه عن المخزن والشركه
وانه انهي كل التعاملات مع شركه التامين وحصل على المبلغ بالتوكيل الذي معه باسمها
اخبرته انها لا تستطبع ان تخرج لتقابله. اتفقت على الهاتف على نسبه التي سياخذها من المبلغ وان يضع النقود في حسابها الذي بالبنك.
لا تعلم اتفرح ام تقلق. فهي لا تعرف رد فعل فيصل. فهو ردود افعاله غير متوقعه.
في مكان اخر
احد الاحياء الراقيه. فيلا باهر بهير هو كان خطيب شذي السابق
علم ان شذي حصلت على مليون جنيه تعويض من الشركه
ليخبر كاميليا: شوفتي يا مامي. مش قولتلك لو كنتي صبرتي شويه كان زمنا خدنا فلوس التعويض
كاميليا: دول مليون جنيه بس. هتعمل بيهم ايه.
باهر: كنت على الاقل اتجوزتها شهرين او ثلاث شهور وخدتهم وطلقتها. انتي اللي استعجلتي. مع انك عارفه انها كانت هتطلع من عيني.
كاميليا بشر: احنا فيها. ممكن اكلمها واقولها اني ندمانه وشويه حركتين وهي هبله زي امها وابوها هتوافق ترجعلك
باهر بشر موروث عن امه: ياريت يا مامي. تبقي عملتي معايا احلي واجب. هتجوزها واخد الفلوس واما ازهق منها اطلقها
كاميليا: هتديني كام من المصلحه دي
باهر: 50 الف
كاميليا: نعمم. لا مش هلعب
باهر عايزه كام يا مامي
كاميليا: النص
باهر: الربع ومش هزود
كاميليا: اتفقنا. اعتبر الفلوس معاك.
نظرت امامها بشرود وهي تخطط كيف ستخدع شذي مره اخري
في شقه فيصل وشذي
وضعت له العشاء وهي متوتره وتهرب بعينها بعيد. لم تشاكسه ككل يوم
لم يلمس الطعام وانما ظل ينظر لها ويتابع حركتها
فيصل: شذي.
شذي: نعمم
فيصل: نعم الله عليكي. فيكي ايه
شذي ؛ مش فيا حاجه. انا كويسه
فيصل: فيكي. احكي فيا ايه
قضمت شفتيها وصمتت
امسك يدها: في ايه. انتي تعبانه.
شذي: لا. بس انهارده حصل حاجه كده
فيصل: حصل ايه بقي
شذي: محامي بابي كلمني.
فيصل: وانتي رديتي عليها
شذي: ايوه. وقالي ان كسب القضيه اللي رفعها على شركه التامين وخد تعويض مليون جنيه. ان دول من حقي
فيصل: بتكلمي راجل ليه
نظرت له باستغراب: هو ده اللي همك في اللي قولتله
فيصل: اه طبعا. هو ده اللي يهمني.
شذي: هو كبير قد بابي وعمو جبل كده.
فيصل: حتى لو اكبر. متكلميش رجاله تانيه. فاهمه
نطقها بغضب وصوت عالي لتنتفض من مكانها بخوف.
بكت هي كانت ستقوم.
ليمسك يدها: اقعدي مكانك. انا لسه مخلصتش كلام
نظرت له. ليكمل بجديه: مترديش على اي راجل.
شذي: بس ده المحامي بتاعي يعني مش هكلمه ازاي. افرض في حاجه مهمه
فيصل: انا مبحبش مراتي يكون ليها اي صله باي راجل. مش عايزين فلوس.
نظرت له: دول حقي
فيصل: انتي ناقصه حاجه
شذي: لا
فيصل: مصروفك اللي بتخديه بيقضيكي وله لا
شذي: انا مش بعمل حاجه بالمصروف. وبحوشهم
فيصل: في حاجه من حاجاتك الشخصيه واو اي حاجه محتاجها ناقصه.
شذي: لا. كل حاجه زياده. انا مقولتش انك مش بتصرف وله بتخليني مختاجه حاجه
فيصل: ليه بتدوري على الفلوس
شذي: مش بدور. انا قولتلك دورت. بقولك المحامي كلمني عشان ده حقي
فيصل: وانتي مش محتاجه فلوس وله انا هسمح انك تصرفي قرش واحد على نفسك منهم. اليوم اللي يحصل فيه كده مش هتكوني على زمتي
قضمت شفتيها وهي تنظر له بصدمه هل من الممكن ان يفعلها.
شذي بدموع: هتطلقني
وقفت ودخلت غرفته لينفخ ويدخل خلفها.
فيصل: انتي يا هبله. انا قولت اطلقك
شذي: اه قولت من شويه. انا مش مسامحاك انت قولتلي مش هتبعد عني. لكن انت زيهم كل هتبعد عني.
بابي ومامي الاثنين سبوني مع بعض وانا مش ليا حد
كانت تبكي بحرقه ليضمها هو: انا بحبك ومش هبعد عنك. افهمي. الفلوس دي مش محتجنها. انا بشتغل وبتعب عشان اصرف عليكي. مش زي الرجاله اللي بتبص ل فلوس ست وتمد ايدها عليهم. هقطع ايدي ومخدش من فلوسك او اي واحده غيرك.
شذي: بعد الشر عنك. متقولش انك هتبعد عني تاني. معنديش حد غيرك، انت كل حاجه ليا.
فيصل: وانا مش عايز غيرك انتي. وله حبيت غيرك. م. انتي الوحيده اللي دخلتي قلبي. يا بسكوته
ضحكت ليمسح دموعها. وهو يضمها بقوه. لا يحب ان يراها حزينه
شذي: بص هو المحامي خد اتعابه والباقي في حسابي بالبنك وبعتلي صوره الوصل. ماشي
فيصل: ماشي. متكلمهوش تاني بقي. ولو في اي حاجه خليه يكلمني انا. انا الراجل بتاعك.
ابتسمت بحب: ايوه طبعا. انت سي فيصل
ضحك: شكلي بتثبت
حركت راسها وهي تضحك بطفوله: اه
تنهد وهو يحاول ان يطرد ذلك الشعور السئ الذي يشعر به. كل ما يهم انها معه. هي ايضا لم تعد تهمها الاموال فهي لم تاخذ شئ من وجود الاموال سوي مظاهر خداعه وناس غشاشين. ولكن هو من وقف معاها وحماها فقط من اجلها هي ومن اجل حبه له.
ستتخلي عن كل شئ لاجله هو. تريد احساس الامان فقط.