رواية الوقح والراقية جزء 2 للكاتبة ياسمين علاء الدين الفصل التاسع
عادو إلى البيت
شذي كانت سعيده بوجود مريم في أحضانها وهي سليمه لم يصبها مكروه.
انتهي هذا اليوم الذي كان كالكابوس...
هربت صفيه بعيدا عن فيصل فهي تعلم أنه أن يتركها. بينما قدم الرجل شكوي في هاني أنه سرق النقود منه
وبعد يومان تم القبض على هاني بتهمه السرقه واستعاد الرجل النقود وهاني تم سجنه.
بعد اسبوعين
تحسنت حاله رحمه وذهبت مع تالا وتاليا إلى حازم بعد أن قامت بعمل اشاعه على قدمها
فك حازم الجبس: حمد لله على السلامه يا انسه
رحمه: الله يسلمك يا دكتور
حاولت الوقوف ولكن تشعر أنها لا تستطيع أن تسير عليها جيدا
تاليا: لسه بتوجعك
رحمه: مش عارفه امشي كويس
حازم: ده ئ طبيعي، ممكن نعمل جلسات علاج طبيعي. وترجع زي الاول
رحمه: ان شاء الله، شكرا يا دكتور
حازم بابتسامه: العفو.
مريم كانت في البيت لم تخرج منه طوال هذا الاسبوعين...
شذي كانت حزينه لذلك.
دخل حاتم إليهم: السلام عليكم
شذي: وعليكم السلام
حاتم: فين مريم
شذي بحزن: في أوضتها
حاتم: مش ناويه تخرج من الأوضه
شذي: حاولت معاها كتير يا حاتم، هي مش راضيه
حاتم: انا هتكلم معاها، ممكن تقوليها تخرج تكلمني
شذي: حاضر يا حاتم
ذهبت شذي إلى غرفتها لتخبرها أن حاتم بالخارج يريدها.
خرجت له مريم بخجل فهي منذ ذلك اليوم وهي تشعر بمشاعر غريبه بسبب احتضانه لها
حاتم وهو يمزح: اهلا بالمستخفيه
ابتسمت بخجل
شذي تركتهم وذهبت إلى المطبخ
حاتم: مش عايزه تخرجي من الأوضه و له عايزه تروحي الجامعه ليه؟
مريم: مش عايزه
حاتم: ليه بقي
مريم: كده وخلاص
حاتم: ايه السبب يعني، عايز افهم
تنهدت: مش عايزه وخلاص. صحابي بيبعتو المحاضرات وهروح على الامتحانات
حاتم: وهتفضلي خايفه كده كتير؟
مريم: انا مش خايفه.
حاتم: خايفه يا مريم. لازم تفهمي أن محدش فينا هيسمح أن أي مكروه يصيبك، كلنا هنحميكي، انا اول واحد هحميكي.
رفعت عينها إليه بتسأل...
ليبتسم: هتروحي الجامعه
حركت رأسها برفض
حاتم: جامعتك عملي يعني مش هينفع تغيبي و قولتلك انا مش هسيبك، بكره هجيلك الصبح ونروح مع بعض.
كانت ستعارض ليقترب برأسه إليها ابتعدت بخجل
حاتم: عندك اعتراض
حركت رأسها بلا توردت وجنتيها.
ليبتسم: بحسب.
وقف وهو يبتسم على وجهها الذي أصبح احمر من الخجل ليفتح الباب ويخرج وهي جلست في مكانها تنظر إلى الباب باندهاش: مجنون ده وله ايه، وانا ايه الهبل ده ساكتله ليه، ها
دخلت شذي وهي تحمل مشروب لحاتم: هو فين حاتم
مريم: خرج
شذي: بسرعه كده، مش كنتي قولتيله يقعد يشرب حاجه
مريم: لا مش هقوله، واصلا مش عايزه أكلمه
شذي: ليه هو زعقلك تاني
مريم بتوتر: ااه، علشان الجامعه، هو ماله هو اروح وله لا.
شذي: حبيبتي كلنا خايفين على مصلحتك ومش بعد تعب السنين دي كلها في الاخر هتضيعي سنه من عمرك. مفيش مكروه هيصيبك طول ما انتي بتصلي وانا وبابي على طول بندعي أن ربنا يحفظكم من كل شر
ضمتها مريم: مامي انا خايفه اخرج، عندي احساس أن الراجل هيرجع تاني وياخدني
شذي: بابي اتاكد أنه سافر بلده وغير كده عرف أن هاني اتسجن و صفيه مختفيه
مريم بدموع: انا مش بحبها، في ام تعمل كده في بنتها.
نظرت لها شذي بحزن. قبلتها مريم من وجنتيها: انتي بس اللي مامي، انا بحبك اكتر من اي حد في الدنيا دي كلها
اتسعت ابتسامه شذي: صدقيني يا مريم انتي بنتي وانا بحبك زي عمير وجبل والولد صخر الوقح
ضحكت مريم: انا بحبك اكتر يا احلي مامي في الدنيا دي.
في مركز التجميل كان جبل قد انتهي من بناءه
مكون من ثلاثه طوابق مثلما يريدون
ذهبت تالا وتاليا ومعاهم رحمه إلى المكان.
كان جبل يقف مع العمال ليسمع صوت خلفه
تالا: الله ينور يا بشمهندس
التف إلى الصوت ليجد تالا والبنات
جبل: بنورك يا تالا، اخبارك ايه
تالا: الحمد لله
تجاهل تاليا لينظر إلى رحمه: حمد لله على السلامه
رحمه بخجل: الله يسلمك
تاليا: ايه مش شايفني وله انا هوا قدامك.
جبل وهو يتجاهلها: تالا كده احنا خلصنا المركز
لتستشيط غضبا حتى أن وجهها احمر
تالا: ازاي يعني ده مش مبيض
جبل بعدم فهم: يعني مبيض
ضحكت رحمه: قصدها. فين الدهانات
جبل: لسه. المكتب بتاعي بيخلص كل حاجه. بس قصدي أننا خلصنا البنا ودي اهم حاجه
تالا: اها، بحسبك خلصت وهتمشي
ابتسم: لا متخفيش معاكم.
سمعو صوت بوق سياره
جبل نظر ليجد صخر أشار له أن يقترب: تعال
تالا كانت تتهرب من صخر ولا تجيب على اتصالاته لانها شعرت أنه يلعب بها فهي لا تعلم ما حدث لمريم وجعله مشغول عنها
نزل من السياره
همست تالا إلى اختها: تاليا يلا نمشي
تاليا: اوك. يلا
تالا: عن اذنك يا بشمهندس هنمشي احنا
جبل: تمشي فين. استني بس انا عايزك في موضوع مهم
تاليا: موضوع ايه ده
جبل ؛ انا بكلمها هي
تاليا بغضب: وانا اختها وكلمني بأسلوب كويس.
جبل بغضب اكبر: انا اتكلم براحتي مش انتي اللي هتعلميني اتكلم ازاي
تاليا: انا اللي هعلمك لانك مش عارف تكلم بنت
جبل: علمي نفسك الاول وقبل ما تنتقدي تصرف حد، بصي لنفسك
اسرع صخر وهو يتمم في نفسه ؛ الواد ده باف مش بيعرف يعامل الجنس اللطيف كويس
امسك أخيه وتالا ابعدت اختها هي ورحمه
صخر: في حد يعامل النعمه كده، انتي مش اخويا يلا
جبل: اوعي بس البت دي عايزه تتربي دي نعمه دي نقمه
صخر: حرام عليك، النعمه هتزول من وشك.
جبل: مش عايز نعمه انا
صخر: اهدا بس، هي عملتلك ايه لده كله
صمت الآخر ايخبر أخيه أنها كانت تتغزل في ابن عمته حازم. لن ينساها لها.
تالا: يا تاليا بس بقي
تاليا: انتي مش شايفه بيعاملني ازاي
رحمه: خلاص اهدي، بصراحه هو زادها اوي
تالا: احنا نمشي احسن. يلا
أدار رأسه صخر ليجدهم سيرحلون ليسرع إليهم
: على فين
تاليا بغضب: ايه مش شايف يعني، اتعميت
صخر بغضب: اتكلمي كويس معايا، فكرتني هسكتلك لا انا مش متربي اصلا
تالا بغضب: هتعمل ايه يعني
صخر نظر لها وتشنج وجههه، ليضطر جبل أن يذهب إلى أخيه فهو يعلم جنونه
جبل: خلاص يا صخر.
صخر: مش شايف بتكلمني ازاي
جبل: اهدا علشان خاطر تالا
زفر الهواء من رائتيه: اعوذ بالله من الشيطان الرجيم
كانت سترحل ليقترب منها: تالا عايز اتكلم معاكي
تالا: مفيش كلام بينا
صعدت إلى السياره وأغلقت الباب بقوه واختها ورحمه أيضا
جبل بصوت عالي: غوري في داهيه
نظرت له بصدمه وحزن...
تاليا: انت اللي تغور في داهيه انت واخوك
صخر: انا يا بنت ال
لم يكمل لأن جبل وضع يده على فمه سريعا وكتم باقي الكلمه
(مجانين ).
ابتعدت سياره البنات وترك جبل أخيه
صخر: يا عم كنت سبني استمعت دي عايز تتربي
جبل بضيق: خلاص يا صخر متتكلميش عليهم. بس انت كده قلبت على تالا وهي بصراحه ملهاش ذنب
صخر: البت اختها دي هي اللي هتخرب عليها، أخطب ازاي وهي مكسوره في كل حاجه
جبل: هي مالها يعني يا صخر. انت هتخطب اختها مش هتخطبها
صخر: انا مش هسكتلها ممكن اضربها اقسم بالله ما يهمني
جبل: انت عبيط يلا، هتمد ايدك على بنت.
صخر وهو يضرب كف على كف: انا اصلا متربتش والبت بنت ال#
نفخ جبل: ما تلم نفسك يا اخي بتشتم ليه
صخر: انصرف معانا انت وربيها علشان اقسم بالله هخنفها
جبل: انت بجد اتهبلت
صخر: لو بتحبني يا جبل، اتصرف مع البت دي، انا عايز اتجوز تالا وهي مش هتخلي الجوازه دي تتم
نظر جبل إلى أخيه فهو قد كرر الابتعاد عن تاليا
جبل: يعني هتعمل ايه يا صخر، لو تالا بتحبك مش هتبعد عنك
صخر: ما هي الزفته دي هتبعدها، انت مش شايف.
أسلوبها، عايزه تتربي وانت اللي هتربيها
جبل: بطل هبل، انت قول لماما تروح هي تتكلم مع تالا وهتقنعها
صخر: برضو البت تاليا مش هتخلي الموضوع يكمل وانا بقولك اهو ذنبي في رقابتك
تركه صخر وذهب لسياره ليصعد إليها ويرحل، بينما وقف جبل ينظر إلى السياره وهي تبتعد
ماذا سيفعل ما تلك العنيده ذات لسان طويل؟!