رواية الوقح والراقية جزء 2 للكاتبة ياسمين علاء الدين الفصل الثاني
في جامعه
كانت مريم انتهت من المحاضرات وتجلس برفقه صديقاتها
لتسمع اصوات عاليه
نظرت للخلف لتجد حاتم ابن عمتها يتشاجر مع شخص آخر، صديقتها: شكلها خناقه
مريم. بخوف: ده حاتم.
ذهبت إليه سريعا: حاتم في ايه. بتتخانق ليه
نظر لها بغضب: وانتي مال اهلك. امشي بعيد
احست بالحرج لتصرفه الوقح معها، احمر وجهها وتجمعت الدموع بعينها.
بينما هو لكم الشخص الآخر. الطلاب ابعدو بينهم بصعوبه.
كانت تجلس مع صديقاتها تبكي. لتشعر بيد تقبض على رسغها بقوه
رفعت راسها لتجده يقف أمامها وهو يستشيط غضبا
حاتم بقوه: قومي
كانت ستعارض ولكنه شدها من يدها
صديقتها: ايه الأسلوب الهمجي
حاتم: اتلمي يا بت وخليكي في نفسك
اخذت مريم حقيبتها وخرجت معه وهي تبكي.
في مكتب جبل
كان يجلس بتابع عمله ليدخل السكرتير ويخبره أن هناك عميله بالخارج
وقف جبل في استقبلها لتدخل تالا بابتسامه رقيقه
: السلام عليكم
عبس وجهه وهو يتمتم: وعليكم السلام
تالا: انا تالا مختار
عقد حاجبيها لانه يتذكر أن اسمها كان تاليا
تالا: متستغربش كده. انا تالا اخت تاليا التؤام
جبل: انتي بتشتغليني صح
ابتسمت تالا: لا والله
أخرجت الهاتف المحمول: اهو دي تاليا وانا تالا.
ضحك جبل: اسف. اصل انتم الاثنين شبهه بعض. افتكرت أنها جايه تزاولني
تالا: عادي. كتير بيفتكرونا نفس الشخص
جبل: اتفضل ارتاحي. تشربي ايه
تالا: شكرا مش عايزه حاجه. انا بس جايه اتاسف على أسلوب تاليا. هي طيبه جدا. بس أسلوبها في الكلام كده
جبل: الموضوع خلص خلاص. ومكنتش فيه داعي تتعبي نفسك
تالا: لا ازاي. انا اسفه مره تانيه.
جبل: حصل خير
تالا: هتبدا أمتي بقي في مشروع بتاعنا
جبل: بس انا رفضت.
تالا: لا ا ارجوك. احنا منعرفش حد هنا في مصر غيرك. وعمو مراد قالنا انك مهندس ممتاز.
جبل: انتم مش من مصر
تالا: نص مصري ونص تركي. بابي مصري. وهو ومامي عايشين هناك في تركيا
جبل فكر في الأمر فهما بحاجه لمساعدته: عشانك انتي بس. موافق
ابتسمت بسعاده: شكرا جدا يا بشمهندس
ابتسم لها أيضا: العفو على ايه. ده واجبي.
تالا: ينفع نتكلم على التصميم
جبل: اه. طبعا.
تالا: انا عايزه المركز من بره على شكل...
اكملت كلامها.
جبل: خلاص اتفقنا. اول اما اخلص تصميم المركز التجميلي هتصل بيكي
تالا أعطته رقم هاتفها: تمام. اتفقنا
جبل: اتفقنا. اي حاجه محتاجنها اتصلي بيا. بما أن انتم لوحدكم هنا في مصر
تالا بشكر: شكرا جدا لحضرتك. عن اذنك
خرجت تالا وهي تبتسم. بينما جبل كان يضحك
: سبحان الله الاتنين تؤام وكل واحد ليه طبع غير التاني
جبل: مش مستغرب. ما انا وصخر كده برضو.
في السياره
كانت مريم تبكي من معامله حاتم لها
حاتم بغضب: أخرسي. صدعت منك
مريم ببكاء: نزلني هنا.
حاتم: عندك امك. هنزلك عند امك و ابوكي يا مريم
لم تسأله عن شئ فقط تبكي
وصل حاتم ومريم إلى الفيلا التي بها شذي
نزلت اولا وهو خلفها
قابلت شذي اولا لتنظر لها بقلق: مريم مالك يا حبيبتي. بتعيطي ليه
رمت نفسها في احضان شذي وهي تبكي.
سمعت صوت حاتم: اذيك يا مرات خالي.
تشنج وجهه: ايه التلوث ده. اسمها مرات خالي. ميت مره قولتلك متقوليش الكلمه دي
حاتم بلا مبالاة: فين خالي
شذي: وقح
حرك رأسه بالموافقه: هو فين
شذي: هو ايه اللي هو فين. عملت ايه يا مريم.
حاتم: لسه معملتش. بس هقطع رقابتها لو اتكررت تاني
شذي بعصبيه: نعم. انت مين علشان تقطع رقابتها. والله لقول ل لوزه تربيك
حاتم: تربيتي على ايه. دي اللي عايزه تتربي
كانت مريم تشهق وتبكي بحرقه.
شذي: بس يا مريوم متزعليش. اطلعي على اوضتك دلوقتي. لحد اما التفاهم مع الإنسان ده
ابتعدت مريم عن شذي وتركتهم وصعدت
والآخر يقف وقفه البلطجيه لتلكمه شذي في كتفه: انت واقف كده ليه. مفيش احترام. مش هتبطل اسلوبك الوقح والزباله ده
حاتم: انا
شذي بحزم: انت ايه. هتكبر عليا. نسيت نفسك وهتكبر عليا انا اللي كنت بغيرلك البامبرز وانت صغير
تشنجت عضلات جيده بالكامل: بامبرز ايه اللي كنت بتغيريه يا مرات خالي.
شذي بعصبيه: برضو مرات خالي انت مش يتفاهم يا ولد. اسمي شذي أو قولي يا خالتو.
حاتم: هنسيب ام المشكله ونمسك في اسمها ايه.
شذي: اما انت انسان وقح حقيقي. دي اساسيات واداب
حاتم: ربي بنتك يا حاجه
شذي: مالها بنتي بقي يا حاتم. متربيه احسن تربيه والكل بيشهد بكده. انت اللي عيل نفسيه
حاتم بغضب: انا نفسيه
نزل عمير على صوت حاتم: في ايه. بتتخانقو ليه
حاتم: امك بتقولي نفسيه
أغمضت عينها بغضب وتقزز: اسمها امك.
عمير ضحك: معلش يا ماما. انسان وقح
حاتم: متجننيش
شذي: والله لو ما اتعدلت يا حاتم في الكلام لهعدلك
حاتم نظر إليها. ليتدخل
عمير: في ايه يا حاتم. انت جاي متعصب ليه.
حاتم: اختك كنت بتتخانق مع واحد في الجامعه ودخلت وسطنا و تقولي في ايه يا حاتم. بتتخانق ليه.
شذي: وايه المشكله يا متخلف
حاتم بغضب: المشكله أنها داخله وفي شباب في المكان. لو حد ضايقها وله لمسها.
عمير: كان لازم تفهمها براحه وتوضح النقطه دي واكيد هي قربت اما شافتك انت.
حاتم: ايه ياض البرود اللي انت فيه. انا بغلي ويحرق في دمي وانت جاي تتكلم ببرود
شذي: ده مش برود ده العقل. لكن انت عشان اسلوبك زباله مش عاجبك اي كلام.
حاتم: برضو هتقولي اسلوبي زباله. انا هقول لخالي فيصل هو اللي يتكلم
شذي: قوله. وتأني مره متزعقش لمريم.
نظر لهم. بغضب وتركهم ورحل.
عمير وشذي صعدو إلى مريم التي كانت تبكي في غرفتها
شذي: مريوم لسه بتعيطي
مريم: زعقلي يا مامي قدام الجامعه وانا معملتش حاجه
شذي: وله تزعلي. هو انسان وقح. انا هقول للوزه تربيه. متعيطيش يا حبيبتي
عمير اقترب منها: نكدو. اضحكي
مريم: بس يا عمير
عمير: اتصرف بقي انا..
دغدغها وهي ضحكت من حركته
لتضحك معها شذي بحب. ضمنهم الاثنان إليها
؛ ربنا يخليكم لبعض ويخليكم ليا
مريم بحب ؛ ويخليكي ليا يا مامي.
عمير: يخليكي ليا يا ست الكل.
عاد حاتم إلى بيت وهو يستشيط غضبا ويسب في نفسه
لوزه: مالك يا واد
حاتم: ونبي ياما سبينس في حالي
لوزه: اما
ملك: ماله ده
صفعها على مؤخره رأسها لتصرخ بالم
حاتم: اتكلمي كويس يا بقره انا خالك
ضمتها لوزه: اخس عليك يا حاتم. بتضربها ليه. هي يعني قالتلك حاجه
حاتم: أنا مش طايق نفسي. أخرجو وسبوني
خرجت لوزه وملك. ليجلس حاتم بمفرده في الغرفه بالظلام.
في متجر الاقمشه يجلس فيصل. هو ينظر إلى صوره والده الراحل
فيصل: وحشني يا حاج. ربنا يرحمك ويغفر لك
قرأ له الفاتحه على روحه وعلى روح اموات المسلمين
ليسمع صوت خلفه ليس غريب: فيصل عامل ايه
التف خلفه ليجد امرأه في اواخر الاربعين تقف وهي ترتدي جلباب اسود وطرحه بنفس اللون وخصله من شعرها الأحمر تخرج من الحجاب وتضع احمر الشفاه الأحمر وتمضغ اللبان بقوه
وقف بهيبته وطوله الفارغ وهو ينظر لها: صفيه.
ضحكت هي: ايوه صفيه يا فيصل. اخبارك ايه. ليك وحشه
فيصل: متشفويش وحش. خير ايه اللي رماكي عليا
صفيه: اللي رماني عليك. بنتي يا خويا
فيصل: بنتك مين لا مؤاخذه.
صفيه: مريم يا راجل.
فيصل بصوت جهوري: اتكلمي عدل يا وليه. ملكيش بنات هنا. يلا غوري مكان ما جيتي
صفيه بخوف منه فهي تعلم جيدا فيصل عندما يثور: بس اسمعني. انا عايزه اشوف بنتي وحشاني.
فيصل: بعد عشرين سنه جايه تقولي بنتك وحشاكي. مش دي اللي رميتيها وهي حتى لحمه. ده منظرها كان يقطع القلب. جعلته وهمومها متقطعه ومبلوله.
صفيه: كنت صغيره وقتها. بس دلوقتي ندمت على كل حاجه ونفسي اشوفها. عايزها تيجي تقعد معايا
فيصل: انسي يا صفيه. انسي انك تلمحي طرفها بس. شذي ربيتها احسن تربيه. و هتكون دكتوره.
صفيه: ده حقي. هتحرمني منها. انا اللي امها.
فيصل: الام هي اللي ربت وتعبت وسهرت. مش اللي رمت بنتها وراحت اتجوزت
صفيه وهي تمضغ اللبان بطريقه مستفزه شهقت: هو الجواز. حرام يا فيصل
فيصل بغضب: اسمي ابوجبل يا. متقوليش اسمي على لسانك اللي عايز قطعه ده.
الجواز مش حرام. الحرام انك ترمي بنتك كل السنين دي وله مره تسالي عليها وله مره تشوفيها.
صفيه بكدب: ءء. انا كان عندي ظروف. وبعدين انا مرمتهاش. انا سيبيها لابوها. مش في الشارع.
فيصل: بلا ظروف بلغ جوابات. أقطع دراعي من هنا يا صفيه. انتي لو مكنتيش خائفه مني لكنتي رمايتي البت في الشارع. اصل انتم عيله $
صفيه بأسلوب سوقي: بقولك ايه. انا هاخد البت يعني هاخدها
فيصل: بقولك ايه انتي. وله هتعرفي تاخديها و اضربي دماغك في الحيطه. لا انتي وله اتخن تخين يعرفون يعملو معايا حاجه...
صفيه: ليه يعني هي سايبه
فيصل: اه. و أعلي ما في خيلك اركبيه. ويلا علشان هنرش.
تركته وهي غاضبه. بينما هو لعنها.
فيصل: كان يوم اسود يوم اما شوفتك واتخبطت في دماغي واتجوزتك. عملي الاسود في الحياه
ربنا بيخلص ذنبك يا شذي.