رواية حب بالإكراه للكاتبة ندى محمود الفصل الثالث والثلاثون والأخير
ملك: بيت ايه
عمر: بيتك
ملك: بيتى! ده مش بيتى. كان بيتى
عمر: انتى للدرجادى مش قادرة تسامحينى بعد كل اللى قولته ليكى
ملك: حاولت مقدرتش، فاكر لما قولتلك لما تعرف الحقيقة هايكون الوقت فات وانت اتأخرت اوى
اقترب منها ومسك يدها وقال بحنان: عارف انى اتأخرت بس ادينى فرصة اثبتلك انى بحبك وندمان على اللى عملته وانا اوعدك ان كل حاجة هاتتصلح وانى اتعلمت من غلطى ومستحيل اكرره تانى.
نظرت له نظرة حنان وكانت تود ان ترتمى في حضنه وتقول له انا ايضا احبك ولكن كلما تتذكر مافعله تخشى ان يأتى يوم مهذا ويتخلى عنها مرة اخرى ثم قالت بحزن: انا مش هارجع معاك ياعمر
عمر: ولو مرجعتيش معايا هاتروحى فين
ملك: اى مكان
عمر بانفعال بسيط: هو ايه اللى اى مكان دن
ثم دخلت حبيبة وقالت بابتسامة صافية: حمدالله عل. سلامتك ياملك
قالت بمضض: الله يسلمك.
عمر استغرب من قال لها ان ملك في المستشفى، ولكن لا يهم وجدها فرصة مناسبة ليستغلها لصالحه
وقال بسعادة: اهلا ياحبيبة من بدرى مشوفتكيش
حبيبة: يابنى انا مش من كام يوم كنت عندكم
قال في نفسه: هي مالها البت دى اتهبلت ولا ايه ده انا من ساعة المشكلة اللى حصلت بينى انا وملك مشوفتهاش. مش هاتفرق يومين يومين. ثم قال: اهااا فعلا، بس انا كنت بشوفك كل يوم
ملك بعصبية: كل يوم.
حبيبة بصوت هامس: هههه ياخربيتك ياعمر انت داهية
ثم قالت: لا مش للدرجة دى هو بيأفور شوية بس كنت بروح اقعد مع دينا من وقت للتانى
ملك بغيظ شديد: اممممم
عمر: ايه اخبار مامتك
حبيبة: كويسة رجعت النهردا من السفر
عمر: حمدالله على سلامتها
حبيبة: اللى يسلمك
حبيبة: ايه هاتاجى عيد ميلادى
عمر بتعجب: انتى مش عيد ميلادك في شهر 10
حبيبة بتمثيل الصدمة: ايه ده انت نسيت عيد ميلادى ياعمر.
ملك نظرت الى عمر وقالت بابتسامة غيظ وغيرة شديدة: اخس عليك ياعمر ازى تنسى عيد ميلادها
حاولت حبيبة كتم ضحاكتها بينما عمر ضحك بقوة وقال: مشاغل الدنيا بقى ياحبيبة لازم انسى
حبيبة: انا هانشى بقى والف سلامة عليكى ياملوكة، اوعى تنسى ياعمر بكرة
ذهبت وهب عمر ليذهب خلفها قالت ملك بغضب: رايح فين
عمر: رايح اشوف حاجة وجاى.
ذهب بسرعة وتركها تشيط غضبا كانت تتوقع انها اصبحت لاتحبه ولايوجد له مكان في قلبها ولكن هي مازالت تحبه مثل الاول واكثر ومازالت تشعر بالغيرة عليه، اسرع عمر خلف حبيبة وجدها تقف مع دينا ويضحكان بقوة قال لدينا: انتى ايه اللى جابك دلوقتى
دينا بغمزة: هاا ايه اخبار ملك سهلنا عليك الموضوع احنا مش كده
عمر: هو انتو متفقين مع بعض ولا ايه
دينا: ايوه
عمر: وانا فاكر البت اتهبلت.
حبيبة: ههههههههههه انت ما صدقت لقيتها فرصة
عمر: الصراحة بقيت كل حاجة تقوليها اقولك اه مع انى مش فاهم حاجة
حبيبة: ههههههههههه اى خدمة
عمر: هههههه طيب يلا امشوا علشان الوقت ميتأخرش
دينا: ماشى
رجع عمر الغرفة وجد ملك ملامح وجها لا توصف من كثرة الغضب ضحك وقال: مالك
ملك: روحت فين
عمر بمكر: روحت ورا حبيبة اصل كنت عايز اوصلها علشان الوقت متأخر بس مرضيتش
ملك بغضب: ياحنين انت.
ملك: لا طبعا بس انت عارف انى مش بطيق البت دى
عمر بخبث: عينى في عينك
ملك بارتباك: لا
عمر بحب وصوت هادئ: تعرفى انى وحشتنى اوى غيرتك دى ولسانك الطويل اللى عايز قصه وجنانك وهبلك
ملك ببرود متصنع: ايوه يعنى عايز ايه مش فاهمة
عمر: ياخربيت ام برودك بس تعرفى بعشقه رغم كده
ملك: هههههههههه
عمر: طيب ايه ما هاترجعى معايا برضوا
ملك: لا
عمر: لا انتى بتستعبطى بقى
ملك: ماشى بس بشرط.
عمر بفرحة شديدة: شرط واحد قولى عشرة عشرين الف اؤمرى ياروحى
ملك: مشوفكش بتكلم البت اللى اسمها حبيبة دى تانى لاحسن انا عفاريت الدنيا بتتنطط قدام وشى لما بشوفك بتكلمها وكمان متروحش عيد ميلادها ده
عمر: ههههههههههه بس كده ده انا اقطع علاقتى بيها لو عايزة، بس عل. فكرة مفيش عيد ميلاد ولا حاجة
ملك: ازى يعنى!
عمر: هي اصلا متفقة هي ودينا انها تاجى وتخليكى تتغاظى علشان دينا عارفة ان بتغيرى من حبيبة وهي مش بتاجى اصلا عندنا وانا ليا فترة كبيرة مشوفتهاش
ملك: ايه ده يعنى انا ظلمتها وطلعت كويسة ومش بتلف عليك ولا حاجة
عمر: اهاا شوفتى
ملك: بس برضوا بتقعد تهزر معاك وانا بتعصب
عمر: ههههههههههههههه.
في صباح اليوم التالى رجعوا الى المنزل واستقبلتها اما بسعادة شديدة وذهبوا الى غرفتهم
عمر: تعرفى مكنش ليا نفس ادخلها من غيرك
ملك: يابكاش
ملك: شوية
اقترب منها وقال بمكر: طيب اثبتلك ازى
ملك ابعدته بيدها وقالت ببرود: ابعد لو سمحت كده اصل انا تعبانة وعايزة انام
ذهبت ونامت على السرير وقال: لا ده انتى بيقتى باردة اوى
حاولت منع ضحكاتها وقالت ببرود: اووووف بقى ايه الازعاج ده عايزة انام.
عمر: ياسلام ازعاج، واقترب منها وقال: طاب ماتيجى اوريكى الازعاج اللى بجد
ملك: هههههههه اتلم وابعد كده
عمر: لا
ملك برقة: انا بهزر معاك ياحبيبى ايه مهزرش
عمر: لا هزرى براحتك ياقلب حبيبك.
مرت تسعة اشهر ودينا وزياد عقد زفافهم وتزوجوا....
افاقت ملك من نومها وكانت تتألم بشدة
ملك بتعب: عمر قوم
عمر بصوت نائم: نعم ياروحى
ملك: انا تعبانة
عمر وهو مازال يكلمها وهو نائم: انا قولتلك ياحبيبتى متتعبيش نفسك وارتاحى نامى وان شاء الله هاتبقى كويسة
ملك بتوجع شديد: ياعمر انا تعبانة اوى بجد
نهض بسرعة وقال بقلق: في مالك ياحبيبتى
ملك: بطنى بتوجعنى اوى مش قادرة.
عمر بقلق شديد: طيب دلوقتى الساعة 2 بليل اوديكى عند دكتور فين
ملك بصريخ: ااااااااه ياعمر مش قادرة بطنى بتتقطع اااااااااااااه
اخذها بسرعة الى المستسفى وادخلوها غرفة العمليات وكان يسير يمينا ويسرا امام غرفة العمليات وهو يقول: استر يااارب
امل: اهدى ياحبيبى ان شاء الله تقوم بالسلامة
عمر بقلق: دى في السابع ياماما
خرج الدكتور من الغرفة ذهب له بسرعة وقال بلهفة: حير يادكتور.
الدكتور: الطفل والمدام بخير الحمدالله بس هاندخل الطفل الحضانة
عمر بارتياح: الحمدالله نقدر ندخلها
الدكتور: ايوه بس لما ننقلها غرفة عادية
دخلوا لها بعد ان تم نقلها الى غرفة عادية
عمر بسعادة: حمدالله على سلامتك ياروحى
امل: مبروووك ياحبيبى ربنا يخليها ليكم
ملك: هي فين بنتى ياعمر
عمر: الدكتور قال هاندخلها الحضانة
ملك بقلق: هي كويسة
عمر: ايوه متقلقيش
دينا: طالعة شبه ابوها
ملك: لا شبهى انا طبعا.
عمر بحب: ربنا يخلهالى هي وامها
دينا: هاتسموها ايه
ملك: شهد.