رواية حطمتي حصوني الجزء الأول للكاتبة بسنت شريف الفصل الثاني
لين ملاحظه شرود ريماس ف بصت ليها و ضحكت و حطت ايديها على خدها، يعيني يعيني اي يا حميل سرحانه في ايه
ريماس بسعاده: انا مبسوطه اوي يا لين اني هدرب في شركه الحديدي
لين: الله يسهلو يابا
ريماس: انا فرحانه اوي اني هشتغل في المؤسسه دي واخير هقدر احقق حلمي انتي متخيله يا لين التدريب دا هيضيف ااذاي لل cv بتاعنا.
لين ضحكت و غمزتلها: مؤسسه باردو ماشي هعديهالك وابتسمت ليها بحب ان شااءالله ياقمر تحققي كل اللي بتتمنيه
ريماس ضحكت: انتي فهماني غلط على فكره
لين لفت ايديها حوالينا رقبه ريماس و مشيت بيها، ايوه انا عارفه انا عارفه انتي تفكيرك كله شغل و بس
ريماس كملت يومها في جامعه واما خلصت رجعت بيتها وداخله تنده على مامتها بصوت عالي
ساميه خرجت من المطبخ: في ايه ياريماس عامله دوشه كدا ليه.
ريماس بتسقف و جريت عليها حضنتها، باركيلي باركيلي
ساميه: في ايه يابنتي جالك عريس
ريماس كشرت: عريس
ساميه: اه دكتور ولا معيد حاجه كدا من الحاجات اللي تشرح القلب دي
ريماس: عريس اي بس يا ماما انا لسه صغيره لا مش عريس
ساميه: منا انتي يجي منك حاجه عادله جايه تجري و تنتطي ذي عيال ليه كدا يا اخره صبري
ريماس بسعاده: اخيراااااااا و بعد طول انتظار هنزل تدريب في شركه الحديدي للمعمااااااار.
ساميه بصتلها و كشرت و ريماس ضحكتها تلاشت، ايه في ايه مالك ساكته كدا ليه
ساميه: انتي عامله المهرجان دا كله عشان هتنزلي تشتغلي و انا كنت قصرت معاكي في حاجه
ريماس: لا والله ابدا انتي مش مخلياني محتاجه حاجه
ساميه: امال انتي عايزه تشتغلي ليه انا عيزاكي تركزي في دراستك و بس
ريماس: التدريب دا هيكون تطبيق على اللي انا هاخده في كليه
ساميه بصت ليها بقلق
ريماس: اساليني بقي دي شركه مين بقي.
ساميه: مين يا اخره صبري.
ريماس ببتسامه واسعه، زين الحديدي
ساميه: اهااااا قولتيلي عشان كدا بس اذاي يعني اشتغلتي في شركته انتي مش قولتيلي قبل كدا ان تعين عنده صعب
ريماس: حصل طبعا مهو دا بقي دعايا يا سماسيمو يا جمر انتي
و حكتلها الكلام وكانت سعيده جداا و هي بتتكلم
ساميه: طيب و دراستك يا ريماس انا مش عايزه شغلك دا يعطلك عنه اانتي ثمرتي يا بنتي.
ريماس: ماتقلقيش هعرف اظبط كل حاجه مش هخلي حاجه تاثر على دراستي انا مبسوطه اوووي يا ماما اووي
و حضنت امها بفرحه
ساميه ابتسمت و مسحت على شعرها، ربنا يفرح قلبك يا حبيبتي
ريماس دخلت اوضتها و كانت مش مصدقه نفسها مش مصدقه انها اخيرا هتشوفه و فتحت صورته من على موبايل و بصت ليه و ابتسمت، اخيرا هتقابل معاك و ضحكت من انهارده مش هبص لصورتك و اتخيل اني بكلمك و انك بترد عليا.
زين قاعد في مكتبه ماسك الورقه اللي فيها اسماء الطلبه اللي هتدرب عنده في شركه و بيتمني انها تكون من ضمنهم و ساب الورق من ايده و ضحك مش مصدق انه وصل لكدا انه في واحده وصلته للحاله دي دايما بيشوف بنات كتير بتتمني اني ابصلها و ضحك على نفسه و تيجي انتي يا اوزعه و تشقلبي حالي كدا من اول نظره و بعدين معاكي يا تري اي اللي مستخبي تاني منك و بجد بتمني انك تكوني منهم
صباح يوم جديد.
ساميه داخله تصحي ريماس اتفجئت انها صاحيه
ساميه: ايه دا انتي صحيتي امتي
ريماس قعدت على سرير، انا مانمتش اصلا
ساميه: ليه
ريماس: مش عارفه حاولت انام كتير بس معرفتش النوم كانه طار من عنيا
ساميه: طيب ليه كدا قومي طيب اجهزي عقبال ما احضر ليكي الفطار
ريماس: ماشي
ريماس قامت فتحت الدولاب عشان تختار هتلبس ايه
ريماس جهزت بعد وقت و خرجت كانت لين مستنيها.
لين اول ما شفتها صفرت باعجاب، دا ايه الجمال و الشياكه و طعامه دي كلها
ريماس ضحكت، دا اقل حاجه عندي
لين: يخربيت التواضع اللي عندك يا شيخه
ريماس ضحكت
لين: لا بس قمر قمر عيزاكي بقي اي توقعي الواد و نفرح بقي
ريماس باستغراب: واد مين
لين ضحكت: اللي مطير النوم من عينك حبيبك الخيالي مش يمكن يبقي واقع و يحبك هو كمان
ريماس: انتي هبله زين الحديدي هيبصلي انا
لين: ليه يعني مش يبص ليكي انتي مش شايفه نفسك.
ريماس: مالي يعني بنت ذي اي بنت و بعدين هو بيتعامل مع بنات احسن مني بكتير و اجمل مني بكتير و اهم من دا كله من مستواه ماتحلميش بحاجه مستحيل تحصل
لين: مفيش حاجه اسمها مستحيل انتي ماتعرفيش ربنا كاتب ايه
ريماس: اكيد بس باردو لازم نكون واقعين و ياريت تفوقي من احلامك الورديه دي
زين قاعد في مكتبه بيحاول يهدي نفسه
نفسه الوقت يمر بسرعه.
و بعد وقت كانت لين و ريماس وصلو عند الشركه و وقفو الاتنين يبصو للشركه بانبهار لحجمها الضخم جداا
ريماس دخلت وكل خطوه بتمشيها قلبها كان بيدق جامد جدا
رانيا: زين بيه الطلبه موجودين ف الميتنج روم
زين: تمام يارانيا انا جاي
زين قام من على مكتبه وبياخد نفس طويل عشان يهدي و وصل للاوضه المتجمعين فيها الطلبه وقبل مايفتح الباب ا تمني تكون من ضمنهم وقلبه بيدق جامد جدااا.
زين دخل الاوضه و ماشي بخطوات ثابته و راح قعد على راس الترابيزه
زين: اهلابيكو ف مؤسسه الحديدي واتمني تستفادو كويس من المده اللي هتقضوها هنا و تكون اضافه ليكم في الكرير بتاعكم
زين كان بيكلم وبيدور بعينه عليها واول اما شافها قلبه دق لدرجه ان حس ان كل اللي حوليه سامعين صوته و كانت ريماس في عنيها نفس نظره اللي شافها في الجامعه.
زين فضل باصص ليها بثواني بس محبش حد ياخد باله من تركيزه معاها ف كمل كلامه بجديه
زين: طبعا كل فرقه هيبقي ليها تدريب خاص بيها على حسب وصلت لفين والمطلوب منكو حاليا انكو تقدمو افكار جديده عشان الكمبوند اللي بيتم انشاءه حاليا تمام قدامكو اسبوع وطبعا كل واحد فيكو هيدي الافكار للمدرب بتاعه بحيث انه يرتبها كل حاجه تمام في اي سؤال
زين كام بيتكلم معاهم و كان بيحاول يخطف نظرات لريماس من غير ما حد ياخد باله.
و بعد وقت كانت طلاب خرجو
ريماس وقفو على جنب بتحاول انها تهدي نفسها
لين بقلق: مالك في ايه
ريماس: مفيش بس حاسه ان نبضات قلبي سريعه اوي
زين خرج من الاوضه شافها واقفه مع صاحبتها ف نده على حد و وقف يتكلم معاه بس عينه على ريماس و لاحظ ان فيها حاجه ف راح ليها و اتكلم بحزر، انتي كويسه
ريماس بصت له بصدمه، هاااا
زين استغرب صدمتها، انتي كويسه شكلك تعبان
ريماس بارتباك: ها لا انا اه كويسه.
زين شاور لشخص، هات ازازه مايه
الشاب جاب ليه مايه، هات عصير كمان
زين: اشربي يمكن تهدي
ريماس بتبصله و متنحه
لين خبطتها براحه: زين بيه بيكلمك ردي عليه
ريماس: انا كويسه كويسه شكرررااا لحضرتك
زين اخد العصير من الشاب، اتفضلي اشربي العصير اقعدي طيب عشان ترتاحي
ريماس بتبلع ريقها بتوتر، ااانا كويسه شكرا لحضرتك
زين ابتسم ليها، العفو المهم انك بقيتي كويسه يا.
ريماس بصاله مش مصدقه انه واقف قصاده و بتتكلم معاه الحلم اللي عاشت تحلم بيه بيتحقق قدامها هي كانت بتتمني تسلم عليه معقول هو بنفسه واقف قصادها
زين بصلها باستغراب لان واضح انها سرحانه
لين بصتلها بغيظ، ريماس اسمها ريماس يا زين بيه و خبطتها و اتكلمت بصوت مكتوم، زين بيه بيكلمك
زين بينه و بين نفسه، حتى اسمك جميل ذيك
زين ابتسم ليها و مشي
و لين و ريماس خرجو من شركه
لين بتسقف، شكل الصناره غمزت و غمزت ليها.
ريماس بصت ليها باستغراب: مش فاهمه صناره ايه
لين: قصدي انه اعجب بيكي انتي ماشوفتيش كان بيبصلك اذاي
ريماس: انتي هبله يا لين انتي اي الهبل اللي بتقوليه
لين: سيبك من نظراته وقفته قصادك
ريماس؛انه شخص محترم مثلا
لين بغيظ: يا اخره صبري محترم ايه اكيد مش هيعمل كدا من فراغ غير و ان هو اعجب بيكي.
ريماس: لا يا شيخه خليني ورا كلامك العبيط دا اي المبهر اللي فيا اللي يخليه يسيب كل البنات اللي بيقابلها دا بيقابل ملكات جمال يا بنتي
لين: اصوت و يقولو بت اتجننت، يا اخره صبري انتي مش شايفه نفسك دا انا كابنت معجبه بيكي
ريماس ضحكت، امشي يا لين خليني امشي و انتي بطلي هبل
لين: ماشي انا هسكت عشان ما اتشلش بس بكرا تشوفي اني صح و ساعتها هتشوفي
ريماس ضحكت و مشيت و ماركزتش في كلامها.
عدي الاسبوع وزين بيحاول يراقبها من بعيد بحزر عشان محدش ياخد باله ان زين الحديدي في طفله بالنسبه ليه شاغل نفسه يعرف عنها كل حاجه بس كبريائه منعه بيحاول بقدر الامكان انه يسيطر على مشاعره مايمشيش وراها
زين: جمعيلي الطلبه والمدربين المسؤولين عنهم
بعد مده الكل اتجمع
وزين لاحظ ملامح الفرح على عيون ريماس و ابتسم ليها و كان عنده فضول يعرف في ايه اللي مفرحها.
زين: دلوقتي كل ليدر يقوم يشرح فكره عامه عن الفايل اللي معاه وبعد كدا هيبقي دور كل مهندس منكم اتفضلو
وفعلا ابتدا كل مدرب يقوم يقول أفكاره ويوضح افكار الطلبه وهم قدمو اي لحد ما جيه دور لميا مدربه ريماس
قامت لميا و ابتدت تقول الافكار وكانت صدمه انها نسبت افكار ريماس ليها
ريماس حست ان مجهودها ضاع وان تعبها راح و ابتدت الدموع تتجمع ف عينها و بصت ل لين.
لين فهمت نظرات ريماس كانت حكيلها عن التصميمات دي، وقامت مره واحده تزعق، اي دا انتي اذاي كدا اذاي تاخدي مجهود حد غيرك و تنسبيه لنفسك
الكل انتبه ليها
زين اتلفت ليها و بصلها باستغراب، في اي يا بشمهندسه مجهود اي ومجهود مين اللي بتكلمي عليه وقطع كلامه ان لمح ريماس وهي بتعيط
لميا بانفعال: انتي اتجننتي اذاي تكلميني كدا انتي مش عارفه انا مين ولا اي اذاي تكلمي معايا كدا.
لين: لا والله معرفش مين حضرتك بس اللي عرفه انك سرقتي مجهود صاحبتي
زين. : مممكن افهم في اي واتكلمي بوضوح يا انسه
لميا بتحاول تغلوش، انتي اي اللي بتقوليه دا انتي تجاوزتي حدودك
زين بانفعال: اسكتي يا لميا مش عايز كلمه زياده، و اتفضلي يا انسه فهميني في اي و اتكلمي على طول و بوضوح.
لين: حضرتك الافكار دي افكار ريماس صاحبتي هي حكتلي عليها امبارح يبقي اذاي انهارده تبقي افكار الاستاذه و ورتني الرسومات كمان بتاعتها
زين بص للميا بضيق و بص لريماس و شافها و هي بتعيط ف اتكلم بانفعال، و صاحبتك معيناكي المحامي بتاعها
لين شدت ريماس تقوم تقف، قومي يا ريماس اتكلمي
زين بضيق: الافكار دي بتاعتك ذي ما صاحبتك بتقول
ريماس بتعيط وبتهز راسها باه.
زين مش قادر يشوف دموعها اكتر من كدا ونفسه يطربق الاوضه على دماغ لميا لان هي سبب ف دموعها دي ف اتكلم بانفعال و خبط على ترابيزه بقوه، كفااااايه عياااط يا انسه و اتكلمي
ريماس اتخضت و بصتله بخوف
زين هدي نفسه وبصلها، ممكن كفايه عياط و تتكلمي
ريماس مسحت وشها، هي فعلا فكرتي وانا ادتها الفايل امبارح وفي كل التفاصيل
زين: مممم طب اهدي و قوليلي الافكار بتاعتك
لميا: انا انا انتي بتقولي ايه انا.
زين بتحذير: قولتك اسكتي وحسابك هيبقي معايا انا و مش عايز اسمع كلمه منك ذياده غير اما اسمح ليكي و اسالك و بص لريماس، كملي.
ريماس: انا فكرت انه كمبوند يكون مختلف بحيث ان يكون البوابه بتاعته عباره عن شكل معبر عن الحضاره الفرعونيه ويكون على شكل تاج بحيث ان نثبت ان مصر هي الملكه لكن كمبوند من جوه العمرات اللي هتكون فيه متقسمه كل مجموعه عناير هتكون على طراز محدد يعني مجموعه على شكل اليوناني و الايطالي و الطراز الفرنسي مثلا
و بكدا نكون جمعنا كذا حضاره في مكان واحد و رضينا كل الازواق.
زين عجبته الفكره جدا لانها جديده ومختلفه وفهم انها فكرتها هي وان لميا فعلا سرقتها منها لانها كانت بتشرحها بثقه و فهم لكل حاجه
زين: تمام يا ريماس و بص للميا، ترقيتك اتمعنت و و هتنزلي درجه كمان من مكانتك و مخصوم منك نص مرتبك
لميا بصله بصدمه: بس يا زين بيه كدا كتير وانا
زين بحده: كلمه زياده منك و هقولك باره شركه تماما اتفضلي على مكتبك و الكل يخرج الاجتماع خلص، ريماس استني
ريماس بصتله بقلق، انا ليه.
زين استني الكل خرج و ريماس كانت ماسكه في ايد لين
زين بص للين: انا قولت ريماس بس اللي تفضل
لين خرجت باحراج و ريماس كامت معتقده انه هيزعق ليها او هيتهما انها بتكدب
ريماس بصتله بخوف، في ايه
زين: اقعدي يا ريماس
ريماس قعدت و بصتله بقلق
زين: ماتزعليش من اللي حصل وفعلا فكرتك كانت افضل فكره من الافكار اللي اتقدمت وانا هنفذها
ريماس بفرحه: بجد يعني حضرتك هتنفذ الفكره بتاعتي كلها.
زين بصلها و ابتسم لفرحتها: اها طبعا تقدري تخرجي دلوقتي
خرجت ريماس وهي فرحانه ان تعبها مرحش بل كمان الكمبوند تنفيذه هيبقي على فكرتها.
لين: ايه اللي حصل
ريماس بسعاده، زين بيه قرر انه ينفذ فكرتي
لين: نفذ كلامه
ريماس بفرحه: اااااه و اعتذر مني انا مبسوطه اوووي يا لين
لين غمزت لها، الله يسهلو بقي واخده بالك انه مهتم اذاي
ريماس: تعرفي تسكتي امشي
لين: مااااشي مااااشي
زين اتصل برانيا، رانيا ابعتيلي حسام
بعد دقايق وصل حسام
حسام: خير يا زين بيه
زين بص في ملف قدامه بيمثل انه مشغول، عايز ال cv بتاع ريماس
حسام باستغراب: ريماس مين.
زين: ريماس المتدربه طالبه
حسام باستغراب اكتر، اشمعنا يعني
زين بانفعال: و انت مالك انا اللي قوله انت تنفذه وبس يالا
حسام: تحت امرك ثواني و هيكون عندك
زين: تمام و مسك ورق بص فيه، ابعتهولي في ايميل.