رواية حطمتي حصوني الجزء الثاني للكاتبة بسنت شريف الفصل الأول
ريماس: ماشي بس من غير ما تزعق ليه و بعدين انت شديته جامد جدا كانه عمل مصيبه
زين بصلها بتهكم: و انتي شايفه انه اما يفتح الباب علينا و احنا سوا دا حاجه عاديه
ريماس بتبرير: هو مش بيفتح الباب غير اما بيخبط بس هو عارف ان احنا نايمين ف طبيعي مش هتسمع خبطته
زين: انتي بتبرري ايه يا ريماس هو غلطان و لازم يعرف صح من الغلط ويفهم ان الاوضه دي ليها خصوصيتها ماينفعش يقتحمها مهما كان سبب ايه.
ريماس: انت مكبر الموضوع اوي دا طفل يا زين يزن عنده 7 سنين مش شاب كبير
زين: بوصي يا ريماس انا مش بقولك اعملي ايه و ماتعمليش ايه يا بنت ناس و سايبك تدلعيه ذي ما انتي عايزه بس تربيته مسؤوليتي و ياريت مش تدخلي فيها و سابها و دخل الحمام و ريماس تبعته بضيق و خرجت من الاوضه و راحت لابنها كان قاعد على سرير و موطي راسه ف قعدت و ملست على شعره بحنيه و ضمته ليها بحب
يزن رفع وشه ليها و عيط، انا اسف.
ريماس مسحت دموعه و قعدته على رجليها، مش عيب ان احنا نغلط المهم انه مش يتكرر تاني
يزن هز راسه: حاضر
ريماس: قلبي شطور و باسته يالا عشان نجهز للمدرسه بقي و فضلت تزغزغ فيه و هو يضحك معاها بصوت عالي
و اخدته و دخلت الحمام و بعد وقت خرجت بيه
و بقت تلبسه لبس المدرسه و هو كان مكشر نفس تكشيره زين ف بصت ليه و ضحكت، مكشر ذي بابا كدا ليه يا زنزوني.
يزن بضيق: مش عايز اروح انا عايز انام انا معرفتش انام كويس من الكائن المزعج دا
ريماس ضحكت و قعدته على رجليها، ليه بس دا انا عامله ليك عصير حلو خالص عشانك
يزن: اشربيه انتي سبيني انام بقي يا مامي انا مش عايز اصحي انا نايم نفسي خالص و اتفجئ بزين بيشيله و بيرفعه لفوق و اتكلم بحده، هو انا مش قولتلك الف مره اسمها مامااااااا سامع ولا لاء
يزن بصله بزعل: حاضر يا بابي.
زين رفع حاجبه: يعني اقولك مامي لأ تقولي بابي انت عبيط
يزن: يا بابي هي قالتلي اقول كدا
زين: مين اللي قالك
يزن: ميس في school
زين بص لريماس بغيظ: عجبك المدارس الانترناشونال اللي دخلتيها للواد هتخليه يطلع مايع
ريماس باقتضاب: اي علاقه المدرسه بتربيته و بعدين هو لسه صغير اكيد اما يكبر هيبقي حاجه تانيه.
زين بصلها بضيق لطريقتها معاه المتغيره و بص ليزن و كمل كلامه و مسكه من القميص و اتكلم بانفعال: اسمع ياض اانت اسمها ماما فاهم مااااامااااا لسانك يتعوج كدا ولا كدا هعدلهواك بس بطريقتي انا و خبطه على وجه بخفه فاهمممممم ورفع حاجبه
يزن بصله بنفس طريقه و رفع حاجبه هو كمان، انا معملتش حاجه هو انا بقول ليها ريماس انا بقول ليها مامي ناس كلها تقول مامي مش ان بس.
زين: نزل حاجبك يالا شايفه الواد بيبصلي ذي ما بصله اذاي
ريماس: ابنك
زين رفعه لفوق، منا عارف انه ابني هو حد قالك انه ابن جيران بص ياض انت
يزن ضحك: نعم
زين: اتعدل ويالا البس عشان تروح مدرستك
يزن: اسمها school مش مدرسه
زين نزله و ضربه بخفه، انت كمان بتعدل عليا يا شبر و نص جهزيه يالا عشان اوصله في طريقي
ريماس: حاضر
ريماس خرجت من الاوضه و زين خرج وراها و مسك ايديها و دخل بيها اوضتهم، و بعدين
ريماس: ايه.
زين: هتفضلي مكشره كدا
ريماس: انا مش مكشره
زين: والله يا حبيبي انا بربيه انتي اي اللي مزعلك
ريماس: انت كل حاجه فيه بتنقدها يا زين دا طفل مش كدا انت هطلعه معقد كدا
زين: معقد! انا هطلعه معقد
ريماس: ايوه فوت ليه حاجه يا زين.
زين: و افرض الحاجه الغلط اللي عملها دي كررها تاني و معرفش انها ماتنفعش و كسفك قصاد ناس هل هتبقي مبسوطه ريماس انا بربي ابني بالطريقه الصحيحه انا مش عايز مخلوق احسن منه انا عايزه يبقي انسان ناجح و محترم عارف الصح والغلط و عارف يفرق ما بينهم و بعدين انا عمري مديت ايدي عليه ردي
ريماس هزت راسها بلا
زين: عمري عاقبته عقاب قاسي او اتسببت ليه في اذي نفسي
ريماس: لا.
زين: طيب قوليلي انتي بقي هطلعه معقد اذاي يا بنت الناس ريماس احنا نحب ولادنا و كل حاجه لكن دا مش مبرر نهائي ان احنا نتغاضي عن اغلطهم لازم نقف و نقول ان دا غلط لازم يتعرف ان في صح و في غلط في صواب و في عقاب دا مش غلط يا ريماس الغلط اللي بجد هو تسيب اني مش اعرفه اي صح من الغلط فهمتي يا حبيبتي
ريماس هزت راسها و بصت في الارض، انت معاك حق بس انا مش بقدر اشوفه زعلان.
زين: و ماله يا حبيبتي حبيه براحتك بس لازم يكون فيه وقفه في الوقت المناسب و حضن وجهها بايده، ماشي اتفقنا
ريماس هزت راسها باه و زين قرب منها و باس خدها
ريماس: انا هنزل بقي احضر الفطار و خرجت من الاوضه و نزلت تحضر الفطار بس الغريب انها كانت قرفانه من ريحه الاكل
بنت من اللي شغالين لاحظت تغير ملامح ريماس، في حاجه يا هانم
ريماس: تعالي معلش قطعي انتي لانشون و بعدها اعملي ليزن ساندوتش
البنت: حاضر بس انتي مالك.
ريماس: مش عارفه ريحته قويه اوي و ضايقتني جدا
البنت: دي مش اول مره تحصل لحضرتك و هو كويس جدا
ريماس: مش عارفه بقي كملي انتي بقي عقبال ما اخلص تحضير الفطار
ريماس خرجت الفطار مع البنات و قعدت تاكل يزن
زين ملاحظ انها مش بتاكل ف بصلها، انتي مش بتاكلي ليه يا حبيبي
ريماس: مش جعانه شويه و هاكل و بصت في ساعه يالا يا زنزوني عشان نتحرك و نروح المدرسه
زين: خليكي انتي انا هوصله.
ريماس: لالالا مستحيل لازم اجي معاه يالا يا حبيبي و مسكت ايديه و خرجو سوا و هي بتفتح الباب اتفجئت ب لين واقفه قصاد الباب و شكلها متغير كانها معيطه
ريماس بخوف: لين مالك ايه اللي حصل في ايه انتي كويسه
لين حضانتها و عيطت بانهيار
زين: احمممم طيب انا همشي يا ريماس عشان اوصل يزن يالا يا بطل و اخده و مشي و ريماس اخدت لين و دخلت البيت تاني
ريماس: في ايه اللي حصل اهدي بقي و كفايه عياط فهميني.
لين بانهيار: مامت حاتم عايزه تجوزه و اخته معاه
ريماس بصت ليها بزهول: ايييييه
لين انهارت اكتر و مقدرتش تتكلم و ريماس حضانتها، اهدي طيب اهدي و فهميني اي اللي حصل
لين غمضت عنيها و هي بتفتكر اللي حصل
فلاش باك: -
لين نازله على سلم شافت اخت حاتم واقفه مع البنات اللي شغالين بتتكلم معاهم عن تجهزهات اليوم
لين: صباح الخير يا شهيره.
شهيره ابتسمت ليها: صباح نور انتم فهمته كدا صح اي المطلوب مش عايزه غلط و ياريت كل اللي قولته يتنفذ من غير اي مشاكل مفهوووم و الاصناف اللي قولتها عايزها تكون موجوده انهارده على عشا
لين استنت ناس تمشي و بصت ليها باستغراب، هو في ضيوف جاين انهارده ولا ايه
شهيره قعدت و حطت رجل على رجل: اه صديقه قديمه للعيله كانت مسافره و رجعت قريب ف قولت اهو فرصه نعزمها عندنا اي رايك.
لين: اه طبعا فكره حلوه جدااا و حمدلله على سلامتها
شهيره: ميرسي يا لين المهم في موضوع انا عايزه اتكلم معاكي فيه و ياريت يعني تتفهمي كلامي هو مامي كانت عايزه تكلمك بس مش عارفه تجيبها ليكي اذاي
لين بقلق: في ايه يا شهيره انتي قلقتيني
شهيره: انتي متجوزه حاتم بقالك اد ايه
لين باستغراب: 6سنين ليه.
شهيره: و طول الفتره دي حملتي كذا مره و مايكملش و محدش فينا عارف اي سبب و حاتم وداكي لدكاتره كتير جدا عشان يعالجك و كل يقول دا حاجه من عند ربنا و هو راضي بس احنا لا يا لين
لين بصت ليها بارتباك، طططيب انا في ايدي ايه اعمله انتي قولتي اهو دي حاجه بتاعت ربنا انا ماليش دخل فيها.
شهيره: انا عارفه و مش بالومك بس احنا من حقنا نشوف طفل لحاتم اخويا مامي و بابي نفسهم يفرحو بيه يا لين نفسهم يشوفو ليه طفل يشيل اسم العيله
لين بتحاول انها تتحكم في دموعها: انا مطلوب مني ايه يا شهيره
شهيره: تسبيه يفرح
لين بصت ليها بزهول: انتي عايزه حاتم يطلقني
شهيره: لا طبعا انا عارفه ان حاتم بيحبك جدا انا بس عيزاكي تخليه يتجوز
لين بصت ليها و تنحت: ايه.
شهيره: انتي لو بتحبيه بجد يا لين هتتمني ليه سعاده و محدش قال انه هيطلقك هو يتجوز و انتي هتفضلي ذي مانتي على ذمته
لين فضلت بصلها بتوهان و عدم استيعاب لكلامها معقول هي عايزها توافق على كلام دا عايزها توافق ان هي بنفسها توافق ان تيجي واحده تانيه تشاركها فيه
باااااااااااااك
ريماس بتسمع كلام لين في صدمه و حزن على حزن صاحبتها
لين كانت بتحكي و هي منهاره من العياط، و مش هتصدقي لو عرفتي مين العروسه يا ريماس.
ريماس بحزر: مين
لين: جايدا فاكرها
ريماس تنحت: ااااايه
لين: رجعت تاني يا ريماس راجعه تاخده مني و تقهرني راجعه تدمر بيتي و حياتي كلها
ريماس: طيب و حاتم رأيه ايه في كلام دا انتي اتكلمتي معاه
لين: لااااا بس هو كان بيعاملها كويس اوي عمري ما شوفته بيعاملها كدا يا ريماس انا خايفه اوي خايفه يروح ليها و يسبني طيب هو انا ذنبي ايه في اللي بيحصل معايا دا انا ذنبي ايه يا ريماس دي اراده ربنا.
ريماس اخدتها في حضنها و طبطبت عليها، اهدي ماتخفيش و خليكي واثقه في جوزك حاتم بيحبك و مش هيقبل ب دا، دا اكيد تخطيط العقربه اخته اقولك حاجه
لين: ايه
ريماس: احنا نقطع شك دا و نحط لكل حاجه حد
لين: اذاي يعني مش فاهمه
ريماس: انتي اتكلمي مع حاتم و احكيله اللي اخته قالته
لين بحزر: و بعدين
ريماس: و بعدين دي بقي تعتمد عليه هو
لين بصت ليها بخوف: اذاي.
ريماس: يعني لو هو رفض فكره جواز هو هيوقفها عند حدها و ساعتها انا هاخدك عند دكتور شاطر جدا لسه عارفه و كنت هكلمك عليه لكن لو هو كان موافق بقي ف قرار هيرجع ليكي
لين: خايفه يا ريماس خايفه اوي انا مش هقدر اتكلم معاه
ريماس: لازم تتكلمي معاه يا لين حاتم هو اللي هينهي الموضوع دا قله كلامك مش هتفيد بحاجه غير انها هدمرك انتي و بس.