قصص و روايات - قصص رومانسية :

رواية حطمتي حصوني الجزء الثاني للكاتبة بسنت شريف الفصل الثاني عشر

رواية حطمتي حصوني الجزء الثاني للكاتبة بسنت شريف الفصل الثاني عشر

رواية حطمتي حصوني الجزء الثاني للكاتبة بسنت شريف الفصل الثاني عشر

زين ماصبرش يرد عليه وضربه بالقلم
اسر بتفجئ، في اي انا مش فاهم حاجه ممكن حضرتك تفهمني انا غلطت ف اي
زين، يابجحتك ياخي يابجحتك بجد ماتردي ياسنيوره قوليلو غلط ف اي
اسر اتلفت للمكان اللي بباه بيتكلم فيه و اتفجئ بوجود مروه هو مش عارف هي جت هنا اذاي ولا هي بتعمل اي هنا
اسر، انتي جيتي هنا اذاي صدقني يا بابا انا معرفش هي اي اللي جبها جمبي.

مروه بصدمه، يعني اي مش عارف انت هطلع نفسك ملاك قدام ابوك زين بيه مش تصدقو هو عارف كل حاجه وجريت مسكت ايد زين وباستها ابوس ايدك ماتفضحنيش انا مش هعرف ارفع راسي ف وش الناس ابوس ايدك خليك جنبي
اسر بصلها بزهول من اللي بتقوله، انتي بتقولي انتي اتجننتي انا جيت جمبك يابت انتي وراح عشان يمسكها استخبت ورا زين
زين وقف قصادها، هتعمل ايه.

اسر: يا بابا دي كدابه اقسم بالله ما اعرف هي جت هنا اذاي رددددددي انتي عايزه اي
زين: كلمه تانيه هيكون ليا تصرف معاك مش هيعجبك غير هدومك هنروح نتطمن على اختك ونرجع تكتب عليها و تغور من هنا
اسر بصله بزهول، يعني اي
زين، يعني من لحظه دي انت ميت بالنسبه ليا وخليك ف القذاره بتاعتك دي ومش هتاخد مني مليم واحد وابقي وريني هتشتغل اذاي بشهادتك.

اسر، انا معملتش حاجه صدقني انا مجتش جمبها حتى بلاش تعاقبني على حاجه انا معملتهاش من فضلك يا بابا اديني فرصه افهمك اقسملك بالله
زين بانفعال، اخرص خاااااااالص ماتقولش بابا دي تاني انت ميت بالنسبه ليا فاهم يعني اي ميت
ومسكه من التيشرت اللي لبسه، واللي عملته دا انا هندمك عليه يازباله عشان تضيع تربيتي ليك ف الارض ياقذر وانتي لمي هدومك عشان هتغوري معاه
مروه بضياع، انا انا.

زين، مش عايز كلام كتير حسابك هتاخديه وانتي ماشيه وتجهزي نفسك عشان يكتب عليكي وتغورو من هنا مش عايز اشوف وشكم تاني وياولكم لو لمحت حد منكم بالصدفه حتى ف اي مكان هيبقي هو الجاني على نفسه و سابه و خرج واسر خرج وراه و وقف قصاد زين، بابا صدقني انا معملتش حاجه انت مربيني كويس انا عمري معمل حاجه تغضب ربنا والله العظيم انا ما عارف هي جت جنبي امتي.

زين بانفعال، اخرسسسسسس خالص مش عايز اسمع صوتك مش مكفيك المصيبه اللي احنا فيها واختك بين الحياه والموت وانت بتتسرمح وف بيتي ياقذر يا زباله
ريماس جت تجري على صوت زين ويزن خرج هو كمان
ريماس باستغراب، في اي يا زين اي اللي حصل
اسر، ماما قولي لبابا فهميه اني معملش حاجه غلط
ريماس بصتله باستغراب، في ايه طيب.

زين، معملتش حاجه غلط على اساس ان حد قالي مش انا اللي شايفها ف اوضه نومك يازباله و هي نايمه جنبك هو كان حد قالي
ريماس، اوضه اي ومين دي فهمنا يا زين انا مش فاهمه حاجه
زين، الزباله اللي جمبك دا من هنا ورايح مات بالنسبه لينا ومالوش اي حقوق عندي فاهمه وياويلك يا ريماس لو عرفت ان كلمتيه
ريماس بصتله بزهول هي مش مستوعبه اللي بتسمعه سواء من زين
يزن، طيب اهدي بس يا بابا هو عمل اي عشان كل دا انت عملت اي يا اسر.

اسر، معملتش حاجه صدقني معملتش حاجه
زين، انت مش هتبطل كدب اللي جمبك دا دخلت عليه الاوضه كانت الخدامه نايمه جنبه على سرير وبيقول مهببش حاجه قولي كانت بتعمل اي جنبك في اوضتك يا محتتتتتترم
ريماس و يزن بصو لبعض بزهول و بصو لزين...
ريماس، انت عملت كدا يا اسر
اسر، معملتش حاجه صدقيني معملتش حاجه انا فجاءت بيها اما بابا كان بيتكلم معرفش جت اذاي اقسم بالله ما اعرف جت اذاي و الله العظيم انت فجئت بيها جنبي.

زين، الكلام خلص انا هروح اطمن على ريما وانا راجع الماذون هيكون معايا والموضوع خلص على كدا وسابهم ودخل الاوضه بتاعته
اسر، يزن كلمه انا معملتش حاجه صدقوني معملتش حاجه
يزن، اهدي بس هو اي اللي حصل طيب فهمني.

اسر، انا كل اللي فاكرو انها طلعت بليل جابتلي عصير وشربته وبعد كدا قولتلها تخرج عشان انام وصحيت انهارده على صوت بابا وهو بيزعق وهي نايمه جنبي انا معرفش اي اللي حصل ولا اعرف اكتر من كدا صدقني يا يزن انا مكدبتش ف اي حاجه
يزن، امممممم طيب اهدي ماتقلقش انا هشوف الموضوع دا
يزن سابه و نزل ودخل المطبخ كانت مروه واقفه بتفرك ايديها ف المطبخ وباين عليها التوتر
يزن، تعالي عايزك
مروه، اااانا.

يزن، ايوه انتي تعالي عايزك
مروه رايحه وهي مرعوبه و بتتكلم بتوتر، نننعم يا يزن بيه
يزن، مالك متوتره لي كدا
مروه، هو حضرتك معرفتش اللي حصل يعني
يزن، لا عايز اسمع منك
مروه بارتباك: تسمع ايه
يزن: اللي حصل بالظبط
مروه وطت راسها: مهو زين بيه قال اللي حصل
يزن: انا عايز اعرف اللي حصل قبل زين بيه مايشوفكم
مروه بتوتر: هو نده عليا اطلع ليه اوضته و شربني عصير و بعد كدا صحيت على صوت زين بيه.

يزن: تمام قصدك انه نزل المطبخ اخد العصير كن هنا
مروه بارتباك: ايوه نزل اخد العصير و قالي تعالي عايزك فوق
يزن. نده بصوت عالي: وصصصصصصيفه
وصيفه خرجت تجري، ننننعم يا يزن بيه
يزن: انتي مديره البيت مش كدا قوليلي يا مدام وصيفه هل اسر نزل امبارح المطبخ
وصيفه بصت ليزن بتوتر: لا يا دكتور هو في ايه
يزن: متاكده انه مش دخل المطبخ امبارح
مروه: لا دخل و انتي مش موجوده.

وصيفه: لا يا فندم هو فعلا مادخلش انا متاكده انا مش بتحرك من المطبخ غير اما اتاكد ان كلكم نمتو هو في حاجه ولا ايه
يزن ابتسم و بص لمروه، لا اتفضلي انتي على شغلك
مروه لسه هتتكلم تبرر قبل يزن ما يتهمها بحاجه بس اتفجئت بكلامه، بابا طلب منه يتجوزك وزين الحديدي مش بيرجع في كلمه قالها
مروه بصتله بتفجئ: هو انت صدقتني
يزن: اكيد طبعا وارد تكون هي مش شافته و خلاص الموضوع هيتحل بس انتي ليه شكلك متوتر كدا.

مروه عيطت بس المره دي بجد لانها فعلا مرعوبه منهم، من اللي حصل يابيه من اللي هشوفه اخوك ضحك عليا وكسرني قدام نفسي
يزن بصلها من فوق لتحت، متاكده
مروه بتوتر، اااقصدك اي اه قول بقي كدا انت جاي تهددني عشان اخوك ينجي بعملته حسبي الله
يزن بانفعال، بتتتتتتت انتي اتعدلي مش يزن الحديدي اللي يعمل الحوارات الرخيصه دي وبعدين البيه دا خلاص مبقاش يهمني
مروه، يعني اي.

يزن، يعني بقي بالنسبه لينا كلنا انه مش موجود حته ورثه مش هياخده ولا انه يبقي ظابط كمان بتليفون صغير منه هيتوقف عن شغله وانتم الاتنين تقعدو مع بعض بعيد عننا
مروه بزهول، انت انت بتقول اي اذاي كدا بس دا حرام يعني اي تاخدو الورث منه دا حقه
يزن، غرببه انك خايفه عليه ورثه المفروض تكوني مش طيقاه و تفرحي فيه عشان اذاكي وحقك رجعلك ولا اي
مروه بارتباك، ها اه اه
يزن، تمام جهزي نفسك بقي
وسابها وخرج.

مروه، يالهوي هو ممكن يكون اكتشفني انا خايفه اوووي اعمل اي طيب دا لو عرف الحقيقه ممكن يقتلني فيها انا لازم اهرب اضمن عشان مايكتشفوش اللي حصل الله يخربيتك يامها اناغلطانه اني مشيت وراكي
ريماس استنت زين يخرج من الحمام و هي بتفكر في اللي حصل كله و مخها واقف عند فكره طرد اسر من البيت و اما شافت زين خارج من الحمام راحت وقفت قصاده، زين انت بجد هتطرد اسر من البيت.

زين، ريماس موضوع الواد دا تقفليه نهائي انتي فاهمه وانسي انك خلفتيه
ريماس، انسي اي يازين دا ابني حته مني مقدرش مقدرش يازين
زين، دا اخر كلام عندي هتيجي معايا عند ريما ولا لاء
ريماس، زين احنا لازم نتكلم القرار مش قرارك لوحدك بدل ما تقف جنب ابنك بترميه
زين، انا قولت اللي عندي ومفيش غيره هيتنفذ.

ريماس، انتتتت اذاي كدا حرام عليك دا ابنك ااذاي ترميه كدا و كمان عايز تقضي على مستقبله اللي بيحلم بيه ليه يا زين ليه حرام عليك.

زين بغضب، عشاااااان انا معرفتش اربيه عرفتي لي عشان طلع سافل وحيوان ورخيص وبيلعب ببنات الناس ويرميهم و رايح يضحك على بت غلبانه و فاكر ان مش وراها حد و يتسلي بيها يومين و يرميها اناعارف انه بيهزر ويضحك لكن كنت معتقد انه عمره مايعمل حاجه غلط لكن ابنك خزلني عارفه يعني خزلني ف تربيتي ضيع السنين اللي تعبت فيها عشانه عشان اطلعه شخص محترم رمها ف لحظه طيش مافكرش ان اللي عمله دا يترد ف اخته وممكن حد يعمل فيها كدا فهمتي ابنك عمل اي ابنك كسرني قدام نفسي حسسني قصرت ف تربيته انتي مش متخيله احساسي و انا شايفه في الوضع الهباب دا.

ريماس، بس انا واثقه ف ابني انه مايعملش كدا انا مربياه كويس وهو مش بيكدب
زين، واثق فيه! اتمني كلامك يطلع صح
ريماس: انت ليه مش عايز تصدقه.

زين بانفعال: اصدق ميييييين بقولك شايفهم بعنيا و هي نايييييمه جنبه عيزاني اكدب عنيا و اقوووول لاااااا هو كدااااب و ندل و مش عايز يعترف باللي هببه عشان يرمي البت المسكينه اللي هو واثق انها ملهاش حد فهمتي الببببيه المحترم ابنك وياريت نقفل نقاش دا عشان انا مش هغير حاجه من اللي قولتها اتفضلي اجهزي عشان نروح نشوف ريما
ريماس بصتله بضيق و مشيت لان هي عارفه مدام زين قرر حاجه مش هيرجع في قراره.

و بعد وقت كانت خلصت و نزلو وكان يزن قاعد بيفكر في الموقف اللي حصل
زين، يزن
يزن، نعم يابابا
زين، يالا مش هتيجي تشوف اختك
يزن، هحصلكم على هناك ورايا مشوار مهم بس هخلصه واجي وراكم على طول
ريماس بلوم، مشوار اهم من اختك يا يزن
يزن، معلش يا حبيبتي مش هتاخر والله و هحصلكم
اسر، بابا انا مممكن اجي معاكم اطمن على ريما.

زين، لا وانا بحذرك يا اسر رجلك تعتب المستشفي صدقني هيكون ليا تصرف تاني انت نفسك هتتفجئ بيه انت مجربتش غضب زين الحديدي ومانصحكش انك تجربه
اسر و دموع ماليه عنيه، بس انا قلقان عليها اووي وهموت واشوفها واطمن عليها ارجوك يابابا اشوفها بس و همشي و هعمل كل اللي انت عليه بعد كدا
ريماس، زين عشان خاطري خليه يجي. يطمن على اخته.

زين بعصبيه، كلامي مش هيتغير مش هيجي المستشفي فاهم وتنسي انك كان ليك عيله انا ميشرفنيش ان واحد ذيك يشيل اسمي
ريماس، زين بس استني ارجوك
زين قاطعها، الكلام خلص يالا قولتلك و شدها من ايديها و خرج
اسر قعد على اقرب كرسي وانهار من العياط
بيتعاقب على ذنب هو ماعملهوش وعقاب قاسي اوي اكبر من انه يتحمله وهو بيعشق حاجه اسمها عيلته مش هيقدر يبعد عنهم.

يزن، اهدي يا اسر وكل حاجه هتتحل ماتقلقش وانا هعرف اي حكايه البت دي هي اكيد وراها سبب و هيتعرف
اسر بصله وقام جري دخل على مطبخ ويزن وراه
اسر اول ماشفها مسكها من شعرها، بسبك خسرت عيلتي كلها لي عملتلك اي اذيتك ف عشان تعملي فياااااا كدة ردددددي عليا
يزن بعده عنها، خلاص بقي ابعد عنها و سيبها و اخد اسر و خرج من المطبخ ودخلو اوضه المكتب.

يزن، ممكن تهدي بقي شويه انفعالك دا مش هيفيد بحاجه بالبعكس هيذيد الموضوع سوق مش اكتر
اسر، اهدي اي اهدي اي وانا حياتي كلها ادمرت
يزن، ماتخفش طول منا جمبك
اسر، بجد انت مصدقني صح
يزن، لو مش مصدقك مكنتش بقيت قاعد معاك دلوقتي
اسر بحزن، طيب ليه بابا مش مصدقني يايزن لي اشمعنا انت وماما مصدقني وهو لا ليه مش واثق فيا دا انا تربيته.

يزن، هو مش تبرير ليه بس يمكن عشان هو اللي شاف المنظر بعنيه يا اسر. صعب على اي اب ان يحس ان تعبه على ولاده راح ف الارض و
زين وريماس وصلو المستشفي ودخلو اوضه ريما كانت ايلين قاعده معاها
زين دخل باس دمغها، عاملها اي ياحبيبتي
ريما بصت ليهم باستغراب ولاحظت ان ملامحهم متغيره و حست ان في حاجه، الحمدلله هو في ايه مالك يا مامي
ريماس، مفيش ياحبيبتي كنت قلقانه عليكي بس
ربما، انا كويسه اهو ماتقلقيش.

ريماس، الحمدلله ربنا يعفي عنك يارب
ريما، غريبه امال فين يزن واسر هما ماجوش معاكم ليه الاندال دول
ريماس بصت لزين والدموع اتجمعت ف عنيها، عندهم شغل.

ريما، شغل اي دا اللي اهم مني بقي كدا يعني ماشي ام اخرج من هنا بس طيب يزن مشغول على طول مش جديد يعني طيب والزفت اسر وراه اي دا لسه قدامو اسبوع ويستلم شغله مجاش ليه بقي دانا حتى تؤمه والمفروض يكون اول واحد يجي لا بجد انا زعلانه منه اوي معقول انا هنت عليه مش يجي يطمن عليا
ريماس مقدرتش تسمع كلام دا ان ولادها يزعلو من بعض وحاله اسر ودموعه وهو بيترجي زين عشان يجي ف بصت ناحيه تانيه عشان تتحكم في دموعها.

زين مقدرش يشوف ريماس ودموعها ف سابهم وخرج
ريما باستغراب، في اي بابي خرج ليه هو اي اللي حصل وانتي بتعيطي لي هو في حاجه حصلت في البيت
ريماس مسحت دموعها، لا يا حبيبتي مفيش حاجه انا بس كنت خايفه عليكي وفرحت انك بقيتي كويسه
ريما، بجد ولا في حاجه
ريماس: لا مفيش اطمني انتي بخير دلوقتي
ايلين واقفه متابعه بس حاسه ان في حاجه غلط بس هي مش عارفه اي وقطع شروده صوت موبيلها و انتبهت انه رقم اسر ف بصت ليهم و ردت.

ايلين، الوووو
يزن، الو يا ايلين انا يزن ماتقوليش اسمي
ايلين باستغراب، افندم طيب في اي
يزن، انتي ف المستشفي
ايلين، اه
يزن، ادي التليفون لريما وقوليلها واحده صحابتك وقولي اي اسم
ايلين، اذاي يعني
يزن بانفعال، هو اي اللي اذاي روحي ادي الموبايل لريما و قوليها واحده صاحبتك عايزه تكلمك اي صعب في كلامي
ايلين: مش هرد عليك عشان الوقت بس
راحت لريما، مريم عايزه تكلمك تطمن عليكي
ريما، ماشي الو يالوكا عامله اي.

اسر، عامله اي ياحبيبتي
ريما بصت لايلين باستغراب و ايلين رفعت كتفها انها مش فاهمه ف عملت ليها اشاره بايديها انها تكمل، الحمدلله وانتي عامله ايه ماجتيش لي تشوفيني انتي كويسه
اسر، حقك عليا غصب عني المهم انتي عامله اي طمنيني عليكي انتي كويسه
ريما، اه كويسه
يزن، كفايه كدا اقفل بقي عشان بابا مش يلاحظ حاجه
اسر، ماشي ياحبيبتي عايزه حاجه
ريما، لا.

ريما قفلت مع اسر وهي تايها حست انه مخنوق و واقع ف مشكله بس مش عارفه اي هي و ليه بيكلمها في الموبايل ليه مش جيه ياتري في ايه
بعد مده من الوقت زين وصل البيت ومعاه الماذون
زين نده لواحده من اللي بتشتغل ف البيت تبعت لاسر ولمروه
ودقايق وكانو وصلو
الماذون، مين واكيلك ياعروسه
زين، هما الاتنين وكلاءنفسهم وشهود اهم اتنين من اللي شاغلين هنا هيشهدو على عقد الجواز بتاعهم طلعو بطايقم.

اسر بيبص لزين وبيترجاه انه يصدقه.

الفصل التالي
بعد 20 ساعة و 15 دقيقة.
جميع الفصول
روايات الكاتب
روايات مشابهة