قصص و روايات - قصص رومانسية :

رواية حطمتي حصوني الجزء الثاني للكاتبة بسنت شريف الفصل الرابع عشر

رواية حطمتي حصوني الجزء الثاني للكاتبة بسنت شريف الفصل الرابع عشر

رواية حطمتي حصوني الجزء الثاني للكاتبة بسنت شريف الفصل الرابع عشر

ريماس واقفه و لين شافت زين واقف بعيد
لين: انا هروح انادي جوزك و مشيت
ريماس مشيت بنفسها و شافت اسر بيحضن يزن ف اعتقدت انه بيودعه و هو ماشي ف غمضت عنيها
ايلين: اذيك يا طنط هي زياره خلصت عشان كدا انتي جيتي انتي و مامي يعني ولا ايه ولاحظت ان ريماس مش بترد، طنط ريماس حضرتك كويسه و اتلفتت تشوف حد فجئت ب ريماس اغمي عليها.

ايلين بصت ليها بخوف، طننننط طنط اي اللي حصلك يااااا اونننننكل يا ااااااسر يا يزنننننن
الكل جيه يجري على صوت ايلين
زين بخوف: في ايه حصلها ايه ريماس ريماس
ايلين: معرفش انا لقتها وقعت فجاءه
لين: زين هي تعبانه طلعها فوق و حد يطلب دكتور ليها
زين شالها و طلعها الاوضه و يزن اتصل بالدكتور و بعد وقت كان جيه و كشف عليها و زين متابعه بخوف و قلق
زين: خير يا دكتور طمني.

الدكتور: ضغطها واطي و واضح انها كانت بتعاني من ضغط نفسي كمان الفتره اللي فاتت هي صحيا كويسه لكن نفسيا لا ياريت تبعدوها عن اي ضغط نفسي
لين قعدت جنبها و طبطبت عليها و كانت ريماس مغمضه عينيها مش قادره تفتحها
الدكتور: انا محتاج بس دلوقتي الحاجه دي دلوقتي عشان هي محتاجه محلول يعوض قله اكلها
يزن: هات يا دكتور الروشته و اخدها منه و نزل
يزن بحزن: اتفضل يا دكتور معايا.

لين بتطبطب عليها، ينفع يا ريماس توصلي لكدا و تتعبي نفسك
اسر قعد جنبها، ريري بس عايزه تعرف غلاوتها عندنا مش اكتر غاليه والله يا ريري انتي اغلي حاجه في حياتنا كلنا
ريماس فتحت عنيها و بصتله و دموعها نزلت و حضنته، انا اسفه يا يا حبيبي اسفه حقك عليا اني مش قادره اعملك حاجه حقك عليا اسفه اني سيباك لوحدك كدا
اسر طبطب عليها، اهدي يس اهدي مش وقته كلام
دا.

ريماس بعدت عنه و حضنت وجه بايديها: انا مقدرتش اساعدك بس انا مش هسيبك تمشي لوحدك انا هاجي معاك في اي مكان مش هسيبك لوحدك أبدا
اسر باس ايديها، الموضوع اتحل يا حبيبتي
ريماس: اذاي
اسر: موضوع طويل بس المهم دلوقتي انتي ارتاحي عشان مش تتعبي اكتر
يزن رجع و معاه المحلول و لين خرجت من الاوضه
زين: انت متاكد انها كويسه مفيش اي حاجه مش محتاجه تروح مستشفي نطمن عليها يعني.

الدكتور: لا خالص هي كويسه صدقني النفسيه السيئه قادره تبدل وضع الانسان 180درجه و هي ضغطها واطي و واضح انها مهمله في اكلها ف ذي ما قولت لحضرتك كل دا تحت بند نفسيتها السيئه
زين هز راسه و شاور ليزن يدخل معاه و وقف هو على جنب و غمض عنيه بضيق للحاله اللي وصلت ليه بسببه
لين باندفاع: عجبببببك اللي حصلها بسببك انا مش مصدقه انك انت اللي توصلها للحاله دي.

زين بصلها و ماردش عليها و لين كملت كلامها باندفاع، ماصعبتش عليك و هي بتترجاك تسيب ليها ابنها انتتتتتت ايه يا شيخ الجبروت اللي فيك هو مش ابنك انت كمان ابنك و لا لااااااا تطرده و تقسي عليه عشان حته خدامه انتتتتت اذاي كنت بتفكر وقتهااااا
ايلين: اهدي يا مامي طيب اهدي
لين بانفعال: مش هههههدي مش ههدي عشان الحاله اللي هي فيها دي بسببه هو جاي بعد كدا تمثل خوفك عليها
يزن خرج هو واسر و اتفجئو بلين بتزعق لزين.

يزن بهمس: روح مع الدكتور انت
اسر: ماشي و اخد الدكتور و نزل و يزن راح ليهم
لين: و بعد كدا رايح تمثل و تقول انك خايف عليها
يزن: في ايه اهدي يا لين مالك في ايه يا بابا
لين بانفعال: في ايييييه انت كمان بتسال على اساس انك مش عااااااارف يعني
يزن بصلها باستغراب و عدم فهم، في ايه طيب اهدي مالك ايه اللي حصل.

لين: في ان ابوك هو اللي وصل ريماس للحاله دي بسبب قراره انه عايز يطرد اسر من البيت فهمت في ايه بسبب قساوته و ان كلمته هو اللي تمشي على كل طبعا مفيش حد يقدر يكسر كلمه لزين الحديدي حتى على حساب كل مش كداااااااا
يزن: يا لين الموضوع مش كدا اديني فرصه افهمك بس
لين: انااااا مش عايزه اعرف حاجه انا جايه اعرفك اني هاخدها تقعد عندي و خد قرارتك دي براحتك
زين: ريماس مش هتخرج من البيت يا لين.

لين: يعني اي مش هتخرج لا هتخرج انت ماسمعتش كلام دكتور انت عايز توصل لايه بالظبط عايز تنهي حياتها و تموتها
زين بصلها بتفجئ: ايه
لين: ايييييوه مهو اللي انت بتعمله دا مالوش معني غير كدا
زين بانفعال: انتتتتتي زودتيها اوووي لكن ماتوصلش لكدا انااااا هكون عايز اذيها انتي بتخرفي بتقولي ايه و بكررها تاني ريماس مش هتخرج منها مش هتخرج من هناااااا و اتلفت شاف ريماس واقفه ماسكه المحلول و بتبصلهم.

زين مقدرش يواجها ف بص ناحيه تانيه، دخل والدتك يا يزن و ماتخرجش من البيت انت فاهم عشان هتكون انت المسئول قصادي و سابهم و نزل
يزن راح لامه و سندها، تعالي يا ماما و دخلها الاوضه و علق المحلول مكانه
لين: شايف ابوك
يزن: يا لين اهدي الموضوع اتحل اصلا انتي مش مديه نفسك فرصه تسمعي اصلا كنتي اساليني و انا كنت هقولك
ريماس: اتحل اذاي يعني
يزن حكي اللي حصل و ريماس ابتسمت بفرحه و بصت لاسر، الحمدلله الحمدلله.

اسر قعد جنبها و لف ايده حواليها، بقي توصلي للحاله دي بسببي انا معرفش اني غالي عندك اوي كدا
ريماس: انت حته مني يا اسر
اسر هزر: عايزه تقولي يعني انك بتحبيني اكتر من يزن مش كدا
ريماس ابتسمت: كلكم غلاوه واحده عندي
اسر: لا يا ريماس قوليها بصراحه انتي بتحبيني اكتر و ليه تقوليها بالكلام هي اتقالت بالفعل اصلا
لين: الحمدلله ان الموضوع خلص على خير.

اسر ضحك: بس اي جبروت دا يا لي لي تقفي قصاد زين الحديدي و كمان تتخانقي معاه قلبك جابك تعمليها اذاي
لين: انا مايهمنيش حد على فكره و انا كنت مضايقه على حاله ريماس و هو اللي حصل بقي
اسر: اسد اسد يعني مفيش كلام
لين ضحكت: اسكت ات كمان مش وقت هزارك خالص
يزن: مش وقت ايه بس انتي طلعتي فيه و بقيتي تهجميه والغريب انه هو ساكت و مش رد عليكي.

ريماس بتعب: عشان هو عرفها و تاني حاجه انه هو اصلا محمل نفسه ذنب اللي حصل لوحده و عشان كدا مشي من غير ما يجي يطمن عليا
زين ركب عربيته و اتحرك بيها و رفض حد يجي معاه و فضل يلف بالعربيه شويه و حاسس انه مخنوق من كل اللي حصل معاه هو ابنه و كمل بموضوع ريماس و موبايله رن برقم زياد ف رد عليه، اي يا زياد
زياد: اي الاخبار عندكم هو في حاجه ولا ايه
زين: حاجه ايه.

زياد: اصل يزن كلمني و انا في اجتماع و طلب مني رقم حد في مباحث الاتصالات وانا اديته رقم واحد اعرف بس معرفتش افهم منه اي اللي حصل و بكلمه دلوقتي موبايله مقفول
زين اتنهد: اه كان في موضوع كدا بس اتحل يعني
زياد: مالك يا زين صوتك مضايق هو في حاجه حصلت ولا ايه انت كويس
زين: اه
زياد: انت فين
زين: مش عارف والله يا زياد انا عمال الف مش عارف انا فين
زياد: طيب ابعتلي اللوكيشن بتاعك و انا هجيلك
زين: ماشي و بعته ليه.

زياد: تمام انت قريب مني انا جايلك سلام
سامر واقف قصاد المستشفى اللي فيها ريما بتردد مش عارف ينزل ولا لاء جواه تضارب في مشاعره عايز يدخل بطمن عليها و عايز في نفس الوقت يمشي بس قلقه عليها كان اقوي و نزل بتردد و شاف دكتور خارج من الاوضه، هي ريما اتحسنت يا دكتور
الدكتور بصله باستغراب: انت مين حضرتك
سامر: انا قريبها من بعيد ممكن تطمني عليها.

الدكتور: هي اه اتحسنت و اتكتب ليها على خروج اصلا بس زين بيه مشي و احنا مش عارفين نتواصل معاهم بصراحه ف تقدر انت تاخدها
سامر بارتباك: طيب
سامر خرج من المستشفي بتردد و اتصل بيزن بس موبايله مقفول و كلم اسر بس مش بيرد و شافها قصاده
ريما بتتلفت حواليها بتدور على حد بس مفيش اي حد و شافت سامر واقف بس ماحبتش تروح ليه
سامر راح ليها بضيق: يالا عشان اروحك
ريما: شكرا لحضرتك.

سامر: يالا عشان تمشي انتي تعبانه و محتاجه ترتاحي يالا وقفتك في شارع دي ماتنفعش
ريما: و انا مش عايزه اعطلك اتفضل روح شوف شغلك انا هستني يزن هنا و زمانه جاي.
سامر: يزن مش هنا ف تعالي اركبي انا هوصلك
ريما بصتله باستغراب لطريقته المتغيره، يالا
ريما بصتله بتردد و سامر راح ركب عربيته و رجع بيها ليها، يالا اركبي
ريما ركبت معاه و سامر اتحرك بالعربيه و اتكلم و هو باصص للطريق، انتي كويسه دلوقتي.

ريما بتوتر. : ااايوه
سامر بص ناحيه تانيه و كمل طريقه في صمت
زياد وصل لزين و خبط على ازاز عربيه و زين نزل الازاز و بصله
زياد: انزل في كافيه هنا قريب ندخل نقعد في
زين هز راسه و نزل من العربيه و دخلو سوا
زياد: مالك في ايه
زين اتنهد: امبارح بعد ما روحنا من عند ريما في المستشفي دخلت اطمن على اسر لقيت بنت من اللي بيشتغلو فب البيت نايمه جنبه على سرير
زياد بصله بزهول: ايه اذاي.

زين: انا اما شوفت المنظر دا اتصدمت في ابني و سنين اللي ضاعت على ارض في تربيته مش عرفت افكر وقتها غير في حاجه وحده بس و هي انه يتجوزها و يمشي من البيت
زياد تنح: و عملت كدا
زين اتنهد: يزن لحقه على اخر لحظه و سمعني صوت البنت انها كانت مرتبه كل دا وانها تحط سم مفعوله بطئ لريما عشان يكون عندها سبب تدخل منه انا اللي هيجنني اني اذاي مقدرتش اشوف صدق ابني و صدمته انا شافها اذاي انا مفهمتش دا اذاي يا زياد.

زياد: عشان انت شوفتها من اتجاه الاب اللي عنده بنت و حبيت تستر عليها و عارف ان لو كنت سيبتها كانت هتواجه مصير مش كويس
زين بصله و هز راسه لان دا كان تفكيره فعلا، بالظبط و كانت نتيجه ايه في الاخر
زياد: ايه
زين مسح على وشه و حكي ليه اللي حصل لريماس و كلام لين معاه.

زياد ضحك: لين دي بجد مصيبه من صغرها و هي كدا بحس انها عامله ذي قنبله مستنيه اي حد يقرب منها تنفجر في وشه بس انت عارف انها بتحب ريماس و قالت كدا من خوفها عليها
زين: انا عارف دا بس كلامها وجعني لانها وجهتني بالحقيقه يا زياد انا دايما انا اللي بحل مشاكل لولادي و واقف جنبهم و بساعدهم و ريماس انا مش بسمح لمخلوق يضايقها او يزعلها بكلمه
انهارده انا كنت هضيع ابني و ريماس وصلت للحاله دي باردو بسببي انا.

زياد: ماتحملش نفسك ذنب كدا اللي حصل دا اي حد مكانك كان هيفكر كدا و ريماس شافت الأمور بعاطفة الامومه
لين و ايلين فضلو مع ريماس شويه و مشيو
وسامر وصل ريما البيت
ريما: شكرا
سامر: مفيش حاجه و حمدلله على سلامتك
ريما فتحت الباب و نزلت و سامر فضل متابعها لحد ما دخلت و بعد كدا اتحرك
لين و ايلين وصلو البيت كان حاتم قاعد بيقرا في ملف
ايلين: ينفع اللي حصل دا
لين: انتي اسكتي خالص انا مش قادره اتكلم.

حاتم باستغراب: في ايه مالكم
ايلين: في ان مامي هزقت الراجل في بيته
حاتم بص للين بزهول، راجل مين دا
ايلين: اونكل زين لا و كمان كانت عايزه تاخد طنط ريماس معاها و هي ماشيه
حاتم بزهول: كمان ليه اي اللي حصل
لين: انت ماشوفتش حاله ريماس كانت تعبانه اذاي
و هو كان سبب بسبب قراره
حاتم: براحه بس عشان خاطر افهم انا مش فاهم حاجه خالص
ايلين حكت اللي حصل كله لابوها و حاتم بيسمعها بزهول
حاتم: انتي قولتي كدا لزين.

لين: انت مش سامع قالتلك كان هيعمل ايه في اسر و الحاله اللي وصلت ليها ريماس
حاتم: سامع بس انا بتكلم على راجل اللي انتي اتكلمتي معاه باسلوب غلط تمام لا يناسب سنه و لا مكانته هو بيقدرك عشان خاطر مراته لكن دا مش معناه انك تذوديها كدا و تتكلمي معاه بالاسلوب دا و هما اصلا في الاول و الاخر اهل انتي مش هتبقي احن عليهم من بعض انتي غلطي و غلطك كبير جداا.

ريما بتبص حواليها بس مش لاقيه حد شافت يزن نازل و بيكلم في الموبايل و اما شافها قفل و راح ليها بسرعه، انتي جيتي اذاي
ريما: سامر جبني هو انت ليه مش جيت جبتني
يزن: انا معرفش انك خارجه انهارده و ماما كمان تعبت شويه المهم انتي عامله ايه
ريما: ماما مالها
يزن: ضغطها وطي شويه مش اكتر.

ريما طلعت تجري و يزن وراها و دخلت الاوضه كانت ريماس مغمضه عينيها و سانده راسها على ضهر سرير و انا الباب اتفتح فتحت عنيها اعتقدت ان زين رجع بس اما شافت ريما اتفجئت، انتي جيتي امتي و اذاي
ريما بخوف: مش وقته انتي مالك اي إلى حصل انتي فيكي اي حصلك ايه اي اللي تعبك روحتي للدكتور.

ريماس ابتسمت و رفعت ايديها على وجه ريما، انا كويسه يا حبيبتي و اه جبت دكتور هنا و قالي اني كويسه ماتقلقيش عليا تعالي يا حبيبتي و اخدتها في حضنها و طبطبت عليها، عامله ايه دلوقتي بقيتي احسن طمنيني عليكي
ريما: انا كويسه و انتي و ليه توصلي نفسك لكدا
ريماس مسحت على شعرها بحنيه، الحمدلله يا حبيبتي قومي روحي اوضتك يالا ارتاحي
ريما: لا انا مش هسيبك.

ريماس: انا كويسه و انتي لسه تعبانه يالا بقي قومي بلاش عند يالا
زين فضل وقت مع زياد و بعد كدا مشي ورجع البيت و وقف قصاد الباب بتردد انه يفتحه و مش عارف يواجه ريماس اذاي و لا عارف هيقولها ايه.

الفصل التالي
بعد 18 ساعة و 14 دقيقة.
جميع الفصول
روايات الكاتب
روايات مشابهة