رواية حطمتي حصوني الجزء الثاني للكاتبة بسنت شريف الفصل الرابع
زين قاعد على سفره هو و ريماس و ملاحظ انها بتاكل يزن و مش بتاكل
زين: سبيه هو بيعرف ياكل لوحده و كلي انتي
ريماس: انا لسه واكله من شويه و مش جعانه و بعدين انا بحب ااكله
يزن: و انا بحب اكل من ايديكي يا مامي قصدي يا ماما
زين: بتعدل ايه ما الجمله كلها بايظه ماتكل نفسك يا حبيبي هو انت صغير اي بتحب تاكل من ايديها دي
يزن ضحك: بابا غيران مني عشان ماما بتاكلني و هو لا انا صغير انت صغير.
زين بصله بتفجئ: شايفه ابنك بيقول ايه سامعه
ريماس ضحكت: فهمك
زين بصله بغيظ: ماشي يا زفت لولا انك بس بتاكل كان بقي ليا تصرف تاني معاك و قام وقف
ريماس: رايح فين
زين: اكلت الحمدلله هقوم بقي يدوب الحق اجهز عشان عندي معاد مع حاتم
ريماس: ماشي يا حبيبي اطلع اجهز ليك هدومك
زين ابتسم: ماشي تعالي
يزن: يامامي انا جعان لسه و بدل بابي في دولاب و كلها لون واحد يختار اي وحده.
زين مسكه من هدومه و وقفه على كرسي، ياض انت حد مسلطك عليا
يزن ضحك: انا عملت ايه
زين: عمايلك سودا انت مش بقيت تشاركني. فيها بس لا انت بقيت واخدها ليك لوحدك و بعدين يعني
يزن: مهي مامتي و انا بحبها
زين مسكه من تيشرت بغيظ، ماشي يا زفت اترزع و كمل اكلك
ريماس بصتله و ضحكت، هاكله بسرعه و اطلعلك
زين بغيظ: وعلى ايه اكلي البيه خليكي معاه و طلع
شهيره راحت بسرعه على مكتب حاتم كان قاعد بيقرا ورق و اتفجئ بهجوم شهيره.
حاتم باستغراب: في ايه مالك
شهيره: مراتك المجنونه بتضرب جايدا في مكتبها تعالي معايا الحقها قبل ما تموتها
و خرجت تجري و حاتم وراها و راحو مكتب لين كان الموظفين واقفين قصاد مكتب لين
شهيره: عجبك الفضايح اللي مراتك عملاها دي
حاتم ماردش عليها، ياااالا كل واحد على مكتبه واقفين كدا ليه يالا اتحركو.
حاتم فتح المكتب و دخل شد لين و بعدها عن جايدا و شهيره قومت جايدا و كان شعرها منكوش و متبهدله جدا من ضرب لين فيها و عيطت اما شافت حاتم، شوفت يا حاتم شوفت مراتك المجنونه عملت فيا شوفت بهدلتني اذاي
لين: انا مجنونه والله ما هسيبك هوريكي الجنان على حق
حاتم بص للين و ابتسم و كتم ضحكته، بس بقي اسكتي، حقك عليا يا جايدا.
جايدا: سوري يا حاتم انا مش هقبل اعتذارك لانك معملتش حاجه انا هروح اقدم فيها محضر في القسم المتوحشه دي
لين حاتم ماسكها عشان مش تروح ليها و بصت جنبها مسكت الفازه، تحبي افتحلك دماغك كمان عشان تروحي بقضيه غووووري يا بت من هنا بدل ما احدفها ف دماغك
حاتم بيضحك و هو باصص للين، خوديها يا شهيره و روحي مكتبك دلوقتي يالااا
شهيره بصت بغضب للين و خرجت و معاها جايدا و حاتم اخد لين و قعد، ينفع اللي انتي عملتيه دا.
لين: هي اللي عصبتني
حاتم ؛تقومي تضربيها كدا دا ينفع يعني يا لين كدا غلط احنا المفروض كبرنا و عقلنا
لين: يا حاتم انت ماتعرفش هي عملت ايه
حاتم: عملت ايه
لين حكت ليه كلام اللي جايدا قالته ليها، المفروض بقي اعمل ايه و انا بسمعها بتقول كدا يا حاتم
حاتم: يا حبيبي انا معترض على همجيتك دي كدا هتعملك مشاكل
لين و دموع ماليه عنيها، هي جرحتني يا حاتم.
حاتم حضنها، ماتزعليش نفسك مفيش جرح ولا حاجه ماتخديش على كلامها دي واحده متخلفه ماتركزيش معاها انا هروح اشوفها
لين: تشوفها اذاي يعني
حاتم ضحك: البت اتشلوحت خالص يا حبيبتي و هي في شركتنا ماينفعش نرضيها بكلمتين يعني
لين: تفتكر هتروح تعمل محضر
حاتم ضحك: ربنا يستر المشكله دلوقتي في وسط العك دا كله ان عندي معاد مع زين بيه اختيارك للوقت غير مناسب خالص
لين ضحكت: لا ماتقلقش زين مننا و علينا مش غريب يعني.
حاتم: لا والله
حاتم خرج كان زين جيه ف وقف سلم عليه، اهلا يا زين بيه اتفضل نورت الشركه
زين: متشكر
لين خرجت تمنع حاتم لقته واقف مع زين ف راحت ليهم و هي مبتسمه، اذيك. يا زين
زين: الحمدلله
و زين واقف معاهم خرجت شهيره و هي مسنده جايدا و زين بصلهم بتفجئ
شهيره بصت للين بغيظ، انا هاخد جايدا على مستشفي
حاتم: تمام و انا بجد بعتذر منك عن اللي حصل
جايدا: لالالا انا اسفه انا اتبهدلت بجد يا حاتم شوفت عملت فيا ايه.
زين بص للين و هي ضحكت و هزت راسها باه
جايدا: انا هروح اعمل محضر بالواقعة انا اتبهدلت و لازم اجيب حقي بالقانون
لين: اخر شارع يمين تحبي اوديكي
جايدا: هو ايه دا
لين: القسم تحبي اوصلك ليه عشان تعملي فيا محضر اللي انتي عيزاه
زين: لين و بعدين و انتي يا جايدا حصل خير ماتكبريش الموضوع خلاص
جايدا: اكبر الموضوع يا زين بيه حضرتك مش شايف شكلي.
زين: شايف طبعا بس باردو حاتم اعتذر منك و لين كمان هتعتذر مالوش لازمه الاقسام و البهدله دي
شهيره بصت لزين باعجاب: خلاص يا جايدا عشان خاطر زين بيه أتدخل اقبلي الصلح معاها مقام زين بيه كبير اوي
زين بصلها و معلقش و لين بصتلها باستغراب و استغربت تغير شهيره
جايدا: اوكاي قولها تعتذر و تطلب مني السماح
زين بص للين و هي بصت ناحيه تانيه بضيق
لين: سوري يا جايدا اني ضربتك معلش
زين: مش يالا يا بش مهندس حاتم.
حاتم: اااه طبعا اتفضل يالا يا لين و اخدهم و مشي
شهيره: بقولك ايه روحي انتي المستشفى و كلميني قوليلي عملتي ايه
جايدا: ايه انتي هتسبيني كدا
شهيره بتوتر: عشانك باردو انا مش عارفه الحربايه دي ممكن تقوله ايه و تخليه ييقي في صفها لازم اكون قاعده و افهم الدنيا بتحصل فيها ايه
جايدا: اه صح معاكي حق اوكاي و انتي ابقي كلميني. احكيلي اي اللي حصل.
شهيره: اوكاي يالا باي و سابتها و دخلت المكتب كان زين قاعد لوحده و حاتم و لين بيجهزو
لين اتلفتت و بصت لشهيره باستغراب
شهيره قعدت جنب زين: تشرب حاجه يا زين بيه
زين رفع وشه من الورق و رجع بص تاني، لا شكرا
شهيره: لا اذاي لازم تشرب حاجه
لين رفعت حاجبها باستغراب لطريقه شهيره ف راحت قعدت معاهم و بقت تتكلم مع زين ف شغل عقبال حاتم ما يرجع
و طول الوقت شهيره بتحاول تتكلم مع زين و تلفت انتباهو.
و بعد وقت كانو خلصو و زين قام وقف عشان يمشي
لين: سلملي على ريماس و يزن كتير
زين: حاضر
لين: انتي مش متخيله يا شهيره زين دا بيحب مراته اد ربنا يسعدهم يارب مش كدا يا زين
شهيره بصت ليها بارتباك
زين بصلها و ضحك، اكيد طبعا دي اغلي حاجه في حياتي هستاذن انا بقي و سابهم و مشي
حاتم مشي مع زين و لين قربت من شهيره، سمعتي
شهيره بتوتر: سمعت ايه قصدك ايه
لين: كلام زين
شهيره: وانا مالي دي حاجه متخصنيش.
لين: اه منا عارفه طبعا انا قولت بس اسمعك يعني زياده تاكيد يعني و سابتها و مشيت
زين بعد مده كان وصل البيت و اول ما دخل شاف بنت نازله تجري و بتنده على بنات اللي شغالين معاها، يا هنااااا يا نععععمه
زين راح ليها بسرعه و سالها بلهفه و خوف، في ايه مروه
مروه: ريماس هانم مغمي عليها.
زين طلع يجري ليها دخل الاوضه لقاها واقعه على ارض وطي شالها نيمها على سرير و بقي يحاول يفوق فيها، ريماس حبيبتي فيكي ايه ريماس و بص لمروه، هووووو ايه اللي حصل
مروه: انا طالعه اطمن عليها لقيتها واقعه على ارض خرجت انده البنات
زين باصص ليها بخوف و بيخبط على وشها بخفه و مروه جنبها بترش ليها برفان و بعد دقايق كانت ابتدت تفوق
زين اخد كوبايه المايه من جنبه و شربها ليها، اشربي مايه يا حبيبتي في ايه اللي حصل.
ريماس: مش عارفه كنت راحه ليزن فجاءه مش حسيت بنفسي
مروه: يمكن من قله الاكل اصلها مش اكلت حاجه طول اليوم
زين: نعممممم اذاي يعني
زين: اه والله هي مش فطرت معاكم الصبح و جيت اطلع ليها الاكل كانت نايمه و فضلت نايمه لحد ما راحت تجيب يزن رجعت نامت تاني
زين بص لريماس بضيق، طيب يا مروه انزلي هاتي الاكل ليها
مروه: هو انا كنت لسه جايبه اهو اتفضل عن اذنك و خرجت و قفلت الباب.
زين: ينفع الحاله اللي وصلتي ليها دي بسبب قله اكلك
ريماس: مش كنت جعانه طيب
زين: مش كنتي جعانه اذاي كلي يا ريماس
ريماس لسه هتعترض بس زين سبقها، كللللللي قولتلك
ريماس بضيق: طيب
زين بقي ياكلها بايديه وهو ساكت
ريماس. : شبعت
زين: كلي
ريماس: يا زين شبعت خلاص
زين: ممكن اعرف اي اللي مش مخليكي تاكلي طول اليوم كدا
ريماس: كنت نايمه
زين: هو اي حكايه نوم معاكي.
ريماس، : مش عارفه طول اليوم كسلانه اوي و نايمه واضح اني اخدت برد ولا حاجه
زين: اوديكي للدكتور
ريماس: مش مستهله انا كويسه اطمن عملت ايه في اجتماعك مع حاتم
زين ضحك: روحت لقيت صاحبتك ضاربه بنت
ريماس تنحت: مين شهيره
زين: شهيره كانت هتضربها بس كنت حاسس انها بتصبر عليها شويه لا مش هي جايدا البنت متبهدله خالص يعيني و كانت هتروح القسم تعمل فيها محضر و اقنعتها انها تلم الموضوع ودي.
ريماس ضحكت: كنت متوقعه انها هتعمل كدا هي تستاهل بصراحه
زين ضحك، فصيله صاحبتك دي مش طبيعيه بجد
ريماس: مش واحده عايزه تاخد جوزها يا زين المفروض تعمل ايه
زين: لا مش على جوزها خالص
ريماس: امال على مين
زين: اخت حاتم كانت عماله تلطف معايا من وقت ما روحت و حضرت الاجتماع المهم بعد ما خلصت لين قعدت تقولها دا بيحب مراته ها واخده بالك بيحبها اوووي مش كدا يا زين بت مشكله بجد.
ريماس. : اخت حاتم بتلطف معاك اذاي يعني عشان افهم بس
زين: بتضايفني يعني
ريماس بصتله بشك، لا والله
زين ضحك: اي النظره دي في ايه
ريماس: و انت عملت ايه بقي و هي بضايفك كدا
زين: قولتلها اني مش بحب حد قد مراتي
ريماس ابتسمت بسعاده: بجد قولتلها كدا
زين: اسالي صاحبتك و بعدين مالك في ايه
ريماس: مفيش
زين قربها ليه و لف ايده حواليها، الجميل مايسرحش في حاجه مستحيل تحصل ها
ريماس: ماشي مش هسرح انا واثقه فيك
صباح يوم جديد.
اليوم مشي ذي كل يوم و ريماس راحت تاخد
يزن من المدرسه قابلت نهله ف بصت ليه و ابتسمت بتوتر و راحت ليها نهله
نهله: انا مش عارفه بصراحه اقولك ايه انا محرجه منك جدااا يا ريماس بسبب طريقتي معاكي
ريماس كانت حاسه انها بتدوخ ف مسكت ايد يزن جامد، مفيش حاجه.
نهله: انتي ام ذي صح و اكيد مقدره خوفي و لهفتي عليه انا والله فاهمه نيتك كويس و خوفك على سامر و انا متاكده انك بتعامليه ذي ابنك انا بس كان عندي ضغط و كنت هكلمك اصلا تاخديه بس اما الوقت اتاخر قولت انتي اكيد مشيتي
نهله. فضلت تتكلم و ريماس بتبصلها بتعب و حاسه انها غير متزنه و دنيا كلها بتلف بيه
نهله لاحظت ان ريماس شكلها تعبان: ريماس انتي كويسه.
ريماس حاسه انها بتفقد وعيها: يزن يزن و وقعت اغمي عليها و نهله سندتها و حرس جم يجرو عليها
نهله بخوف سندتها و حارس منهم ساعدها و ركبوها العربيه
نهله: اتحرك بسرعه على اول مستشفي تقابلك بسرررعه
السواق: انا هبلغ زين بيه باللي حصل
نهله: لا استني اما نوصل الاول عشان تقوله احنا ف اي مستشفى عشان مش يقلق على فاضي
وبعد وقت كانو نزلو عند اول مستشفي قابلتهم و السواق اتصل ب زين يبلغه.
زين كان قاعد في مكتبه بيقرا ورق و اما موبايله رن برقم سواق رد بقلق، الو يا عزوز في ايه
عزوز: الهانم وقعت اغمي عليها و هي في مدرسه بتجيب يزن
زين بخوف: انت بتقول ايه اذاي دا حصل و هي فين دلوقتي
عزوز: الدكتوره نهله خادتها على مستشفي كدا قابلتنا في طريق هبعت لحضرتك اللوكيشن دلوقتي
زين: تمام تمام و خرج بسرعه من شركه ركب عربيته و اتحرك بيها على مكان اللي بعته ليه عزوز.
نهله قاعده باره مع يزن و سامر و بتطبطب على يزن عشان بيعيط، اهدي يا حبيبي كفايه عياط بقي متخفش ماما كويسه و بخير و شافت دكتور خارج راحت ليه تساله عن حاله ريماس
زين وصل المستشفي و كان بيجري و يزن اما شافه جري عليه و زين شاله و حضنه، اهدي يا حبيبي ماتخفش اهدي ماما كويسه ماتقلقش
نهله راحت لزين و هي مبتسمه: اذيك يا زين
زين بخوف: في ايه مالها ريماس هي فين
نهله: ماتقلقش هي كويسه دلوقتي.
زين: كويسه اذاي سواق قالي ان اغمي عليها في شارع هي فين دلوقتي
نهله: في الاوضه جوا بس اهدا عشان افهمك حالتها بس و سبب انها وصلت لكدا
زين بخوف: في ايه يا نهله اتكلمي على طول في ايه
نهله ضحكت: مالك متعصب كدا ليه مراتك حامل بس و ان يغمي عليها دا امر طبيعي بس هي بخير والله
زين بصلها بتفجئ: حامل انتي متاكده.
نهله: ايوه دكتور عملها تحليل و اتاكد و هينقلوها دلوقتي قسم النسا عشان يعملو ليها سونار و تطمنو عليها و على بيبي
زين ابتسم، طيب خلي يزن معاكي و دخل الاوضه لريماس وقعد قصادها على سرير و مسك ايديها و باسها و ريماس ابتسمت ليه، هتبقي بابا تاني
زين ابتسم: ربنا يقومك بالسلامه يا حبيبتي بس كدا تخضيني عليكي
وسمع خبط على باب و دخلت الممرضه، اتفضلي معايا يا مدام عشان تعملي سونار الدكتوره في انتظارك.
زين سند ريماس و خرج بيها و يزن راح ليها بسرعه، مامي
ريماس نزلت لمستواه و حضنت وجه بايديها، اي يا حبيبي
يزن: انتي كويسه انا خوفت عليكي اوي
ريماس حضنته و مسحت على شعره بحنيه، انا بخير يا حبيبي اطمن
يزن بعد عنها و ابتسم: انتي بجد. هتجبيلي نونو يا ماما طنط نهله قالتلي ان في بيبي جاي العب معاه
ريماس. : اه يا زنزون
زين قومها، قومي يزن خليك مع طنط نهله لحد ما نرجع
يزن: انا عايز اجي معاكم.
زين بص للممرضه ف هزت راسها بلا
زين: احنا دقايق و جاين مش هنتاخر خليك مع سامر ماشي
يزن بضيق: طيب
زين اخد ريماس و راح للدكتوره و قعد جنبها و دكتوره عملت ليها سونار
دكتوره: اول مره تعملي سونار
ريماس: اه انا لسه عارفه اني حامل
دكتوره ابتسمت: مبروك و بصت على شاشه جهاز و بصت ليهم المدام حامل في توؤم
زين بصلها بتفجئ: توؤم
دكتوره: ايوه اهو بص اتنين اهم
زين ضحك و بص لريماس و مسك ايديها.
الدكتوره قامت وقفت، حاله الاجنه كويسه المهم انتي كمان تخلي بالك من صحتك و تاكلي كويس عشان انتي اللي هتوصلي ليهم الغذا الكافي
زياد اتصل بنهله لانه في البيت و هي اتاخرت و انتظر ردها، اي يا نهله انتي فين انا في البيت
نهله: ريماس تعبت شويه ف جيت معاها على مستشفى
زياد: ليه مالها
نهله: حامل
زياد ابتسم: لا والله ربنا يقومها بسلامه و زين عندك و لا لسه معرفش
نهله: لا سواق كلمه و جيه.
زياد: تمام انتي فين انا هاجي اخدكم
نهله: ماشي صح انا كلمت ريماس و اعتذرت منها
زياد: طيب كويس
نهله: كنت قليله الذوق انا معاها صح
زياد ضحك: صح فعلا
نهله: منا خوفت عليه طيب اعمل ايه و انا عارفه باردو ان ريماس متفهمه و طيبه و هتقدر موقفي و اتلفتت و هي بتتكلم شافت يزن قاعد لوحده ف بصت حواليها، استني يا زياد يزن سامر فين
يزن: معرفش هو كان جنبي دلوقتي انا لسه كنت بطلع لينا اكل من لانش بوكس.
نهله بصت حواليها برعب، سااااامر يا ساااامر
زياد بخوف: في ايه يا نهله
نهله برعب: سامر مش موجود يا زياد يا ساااااااامر
زياد: مش موجود اذاي. انا جايلك سلام و قفل معاها و راح يجيب مفاتيح عربيته و سمع صوت استلام رساله ف فتح الموبايل اعتقد انها من نهله بس كانت من رقم غريب
انت سجنت ابني و ابنك فداه مع سلامه يا حضره ظابط.