رواية سجينة العادات للكاتبة نرمين قدري الفصل السادس عشر
الموظف: ازاي يافندم قسيمة جوازك اهي قدامي وحضرتك ماضية عليها زوجك مانعك من سفر.
خطفت نورما الورق. من أيده بصت فيها و برقت جامد
نوم
نورما: ايه التهريج ده في حاجة مش مظبوطه الورق ده مزور اكيد انا متجوزتش ايه هو انا مش هعرف نفسي اذا كنت اتجوزت ولا متجوزتش
وسرحت فجاءة
فلاش باااك.
امير: اتفضلي أمضي على الورق ده احنا مش بناكل حق حد يا مدام
نورما: اخلص هات الورق انا مستعجلة معاد الطيارة مش هيستناك لما تدلع
امير: امضي هنا وهنا وهنا شكرا. ااا قولتي بقي مسافرة فين
نورما: حاجة متخصكش وسابتة وماشت
امير: ابقي قابليني لو سافرتي
بااااك
نورما: يا ابن الااااا ماشي يا أمير ماشي والله ما هعدهالك
حملت نورما حقيبتها و خرجت من المطار في قمة غضبها.
وفجاءة وقعت عينيها على اخر واحد المفروض انها تشوفه قدمها ساعة دي
امير بابتسامة سخيفة.
حمد الله على سلامتك يا مدام اتفضلي وفتح لها باب العربية.
نورما في شده غضبها رمت شنط من يدها و بصوت كله غضب وحده: - انت جنسك ايه انت ازي تسمح لنفسك تعمل كده الجواز دي باطلة انت متعرفش أن ده ما اسموش جواز ده نصب واحتيال انا هوديك في داهيه انا هبلغ عنك انت لا يمكن تكون بني ادم انت شطان عارف يعني ايه شطان انا بكرهك وبكره اليوم اللي قابلتك في انت واحد معندكش قلب ولا ضمير.
قال امير بهدوء تااام
خلصتي اتفضلي اركبي.
حزت نورما على أسنانها وقالت بغيظ: - اركب فين انا هخش جوا و اقولهم الجوازاه دي باطله وانا متجوزتكش من أصله وده تذوير.
+ خوشي وانتي ايه اللي حيشك الحكومة ملهاش غير الورق وانا ورقي سليم وبستخدم حقي في اني امنعك من السفر و ده حقي حضرتك. مراتي بقي.
- نت ايه انت مش بني ادم انت استحالة تكون طبيعي اكيد انت مختل عقليا.
+لا طبعا مش طبيعي أنا صناعني مصنوع من بلاستيك. خلصتي اتفضلي اركبي بقي علشان انا صبري بداء يخلص.
- اركب على فين انا مش فاهمة اوعي تكون فاكر أن ممكن يجمعنا مكان انا وانت تبقي بتحلم.
زفر أمير انفاسه وحاول أن يتملك غضبة ولكنه استفذ الصبر وجاب أخره
مسك يدها و دفعها داخل العربية و وضع حقيبتها في الخلف.
نورما بغضب: - انت بتعمل ايه افهم بس واخدني على فين.
قال بنفاذ صبر
- بااااس ممكن تسكتي شوية ممكن تتفضلي بقي اقعدي عدل علشان اعرف اتهبب اسوق
وطلع امير بالعربية على أقصي سرعة و هو في قمة غضبه
وقف امير أمام ?لاتهم في القاهرة.
التفت نورما حولها وقالت
+ انت وقفت هنا ليه هو انت فاكر أن في مكان هيجمع بيني وبينك انت بتحلم يا امير انا اصلا مش قادرة ابص في وشك هقعد معاك ازاي لو سمحت بكل هدوء بقي ورجعني على بتنا اللي هنا.
امير: متهيقلي يا مدام الست بتكون مطرح ما جوزها بيكون ولا انا بقول حاجة غريبة يا بنت الاصول.
نورما: انت هتكدب الكدبه وتصدقها الجوازه دي باطلة و لا حضرتك مش واخد بالك ولا قاعدك في بلاد بره نساتك شرع ربنا بيقول ايه انا موافقتش من شروط صحه العقد القبول.
امير: . اتفضلي ا نزلي وابقي اسبتي أنها باطله ولحد ما تثبتي كده انتي مراتي وتقعدي في المكان اللي انا فيه متهيقلي كلامي واضح
ثم فرغ صبره وقال وبصوت مرتفع: اتفضلي يلا انزلي وعدي يومك ده بقي علشان خلاص جبت اخري
نزلت نورما تهبد برجيلها مثل الاطفال تتحدث بكلام غير مفهوم
ابتسم امير على شكلها الطفولي و طريقة غضبها شبه الطفل اللي اخدت منه لعبه بتاعته.
امير: ااااه شكلك هتتعبيني قوي يا بنت قلبي بس كله يهون واقدر اعوضك عن اللي عملته معاكي عارفة يا قلبي اني كسرتك بس وغلاوتك لاعوضك عن كل دمعه نزلت من عينك انا هخليكي ملكة قلبي وروحي وعمري عارف يا بنت قلبي أن الجوزاة باطله وعهد عليا مش هلمسك غير لما ترضي و تطلييها مني وان شاء الله هيحصل قريب وبرضاكي يا بنت قلبي وروحي وعمري كله يا اول نبضة دخلت قلبي
دخل امير وجدها تجلس في الصالون وهي في قمة غضبها.
امير: مطلعتيش فوق ليه اتفضلي اطلعي واختاري الاوضة اللي تعجبك واعتبريني ضيف عندك وانتي صاحبة البيت انا هقعد هنا تلات ايام بس كل اسبوع علشان شغلي وانتي مارسي حياتك عادي كأني مش موجود معاكي.
نظرت له نورما ومن غير ولا كلمة حملت حقيبتها و صعدت لأعلي اختارت غرفة و وضعت فيها حقيبتها وأغلقت عليها الباب وسرحت شوية مع نفسها
- اااه وبعدين في قلبي ده انت مش عاوز تبطل دق ليه البني ادم ده ما يستهلش دقة واحدة علشانة ده كسرك وكسر كل حاجة حلوة جوايا و ضيع اجمل فرحة كنت مستنياها معاه أيوة معاه ومش مع غيرة انا قلبي مدقش غير له هو وبس أيوة هو سرق اول نبضة ليا.
وفجاه فاقت ايه يا نورما لا فوقي كده وبطلي هبل دقة ايه وقلب ايه لاء انا مش ههتم غير بشغلي وبس محدش يستاهل اهتم بية وماسكة تليفون
الو الو أيوة سحر.
سحر: نونو انتي مفروض تكوني في الطيارة دلوقتي حصل اية
نورما: مسافرتش بقولك أجلي شوية موضوع نقل الوكاله ده لحد ما اشوف هعمل اية وحضري كل الشغل المتأخر انا ساعة وهكون عندك.
سحر: نورما انتي بتكلمي جد انت هترجعي معانا تاني يا يا هوووو ده اجمل خبر سامعتة انهاردة.
نورما: اقفلي طايب علشان متاخرش سلام يا مجنونه.
قامت نورما اخدت شاور و ارتدت اشيك طقم لديها و ظبطت حالها ثم نظرت لنفسها في مرآيا ماشي يا أمير انت اللي بدأت استحمل بقي
نزلت نورما في قمة شياكاتها وجمالها
لمحها امير تنزل على الدرج بهدوء أنصدم من جمالها.
امير: على فين العزم أن شاء الله.
نورما: علي شغلي اظن حضرتك معندكش مانع انا شغلي اتعطل بما في كفايا
امير: لا طبعا معنديش مانع بس هتروحي الشغل كده.
نظرت نورما لنفسها ثم رفعت عينها اتجاه وقالت
+ وماله كده وحش ولا لازم اروح بالبيجامة علشان يعجب ساعتدك.
امير: لا بلعكس ده حلو وحلو بزيارة كمان بس اللبس ده يتلبس وانتي رايحة فرح مش رايحة شغل و هتقابلي العملاء
نورما: بص بقي علشان تكون على نور من اولها انا شغلي في مجال الدعاية والإعلان وانا صاحبة الوكالة لازم اكون وجه الوكاله
فا ياريت بس بعد اذنك ملكش دعوة بلبسي وشغلي.
امير: وانتي لازم متنسيش انك مراتي ومسؤلة مني ولو شوفت اي حاجة مش عجباني هتكلم عادي.
نورما: مراتك مؤقتا لحد ما أثبت أن الجوازه باطل.
امير: بضحك ماشي يا فؤاده اتكللي على الله شوفي شغلك وقاعد يغني جواز عتريس من فؤادي باطل باطل ويرقصلها بكتافة باطل.
ادارات نورما رسها تداري ضحكتها
انا ماشية اتاخرت.
امير بصوت مرتفع
اضحكي اضحكي ما تخفيش وشك مش هيشقق.
خرجت نورما وعلى وشها ابتسامة غريبة.
نورما: صباح الهبل انا هفضل اضحك كده كتير.
دخلت نورما الوكاله وجدت في حركة غريبة و الموظفين كلهم في حالة انبهار والكل مشغول في الاوراق قدامة و نشاط على غير عادة
دخلت نورما صباح الخير يا شباب خير في ايه حاسة كده أن في حركة غريبة خير
محمد: مدام نورما حدثت طفرة مهوله في والوكاله عندنا هتنقلنا كلنا نقله تانية.
نورما: خير مش فاهمة حد يفهمني ايه اللي بيحصل وايه سر الاهتمام الزائد بالورق اللي قدمكم ده.
سحر: هقولك انا اكبر شركة استثمارية في وامريكا هتنقل شغلها كله مصر و ووكلت الوكاله بتاعتنا أنها تمسك قسم التسويق كله و الدعايا والاعلان و والوكيل الرسمي بتعاهم جاي تقريبا كده كمان ساعة علشان يقابلك و هتنفق على شروط العقد
نورما: كنتي اديني خبر يا سحر مش اتفجاء كده.
سحر: احنا كمان اتفاجاءنا لسة عارفين من نص ساعة بس.
نورما: طيب الشركة دي شغاله في ايه بلظبط يعني.
هنسوق ليهم ايه ودعايتنا هتكون عن ايه.
سحر: بصي انا معرفش بلظبط بس من الواضح أنها بتشتغل في اكتر من مجال الموضة والأزياء والمكياج والتجميل والعطور والاكسسوارات والمجوهرات والأحذية شامله كله يعني بتاخد الموديل من راسها لرجليها زي ما بيقولوا مش بيجيبوا حاجة من برا.
نورما: واوووووووو شركة بالحجم ده دي اكيد استثمارها ميقلش عن ملاين تمام بس هما عرفوا الوكاله. عندنا منين.
سحر: في ايه يا نورما انتي مستقلية يشغلنا حضرتك واخده دكتوراه من فرنسا في مجال التسويق و الدعاية و شغل الشركة مسمع.
نورما: علي خيرة الله أن شاء الله خير بص يارب يكون العقد الشروط في معقوله اصل شركة بالحجم ده اكيد حتأمن نفسها كويس ربنا يستر هنشوف لما يوصل الوكيل.
وفي الصعيد في سرايا العزاوي.
هانم: اباي وبعدهالك عاد يا مرت ابني عتفضلي تدلعي كتير خلاص بقي عاد دلعك بقي ماسخ انزلي تحت مع حريم الدار شغل كتير تحت.
ماهي: انتي بتكلمني انا يا ماما.
هانم: لع بكلم خيالك عاد.
ماهي: في ايه يا ماما عاوزة مني ايه بس.
هانم: عاوزاكي تسيبي المحروق اللي في ايدك ده وتنزيل تخدمي مع الحريم تحت.
ماهي: اولا اسمة موبايل مش محروق ثانيا انا مش بخدم علشان انا بتخدم سوري يا ماما كان نفسي اساعدك بس للاسف أما مش بعرف اعمل حاجة خالص.
هانم: اباي عاد على دلع الحريم ده.
في دخلت امير ايه صوتكم عالي ليه.
ماهي: بدموع الحقني يا أمير مامتك وبعياط هيستري.
امير: في ايه اهدي كده علشان اسمع في ايه يا امي حصل ايه
هانم: بحده ما خبرش عاد أسألك مرتك.
ماهي: انا كنت قاعده على الموبايل مش بعمل حاجة لحد فجاءة ماما جت شدت موبايل من ايدي ورمته وعاوزاني انزل اخدم تحت مع حريم.
هانم: وه وه وه انا عملت اكده بنت جليله حيا.
امير: باااس انا لسة جاي من السفر وسايب روايا هم هناك في مصر مش اجي كمان الالقي قرف هنا لو سمحتم انا عاوز اعيش في هدوء احسن اقسم بالله انزل مصر و مرجعش هنا غير في الإجازات.
ماهي بدلع مصتنع
-خودني معاك مصر يا ميرو انا مش عاوزة اقعد هنا تاني
امير بخنقة: + مصر ايه اللي اخدك فيها دي انا كمان شغلي هنا و بقعد هنا اكتر ما بنزل مصر و
كمان مقدرش اسيب امي وابويا إذا كان عجبك
بصي يا بت ناس العيشة على كده ماشي مش عجباكي هي حته ورقة تقطعها ونخلص بقي من وجع الدماغ ده و يكون في علمك من بكرة هتنزلي تعملي شغل البيت زي ما امي بتقولك انتي قاعده وعاوزة اللي يخدمك.
ماهي: هو في ايه يا أمير انت واخدني وعارف اني مش بعرف اسلق بيضة و أن شغلي واخد نص وقتي
وفجاءة جالها رسالة على موبايلها.
امير: خير. مين بيبعتلك رسائل في الوقت ده.
ماهي: مين يعني بصت في رسالة وشها كله اتغير بس لاحقت نفسها هيكون مين دي ماري بتوريني الكلوكشن الجديد بتاعها
امير: شكلك كده ايه حنيتي للشغل تاني.
قامت ماهي نطت من مكانها بصراحة قوي اللبس و الموضه و الاضواء و كله كله وحشني ليه هنرجع امريكا صح حنرجع ونبي نرجع بقي انا زهقت من هنا قوي وعاوزة ارجع أميركا.
امير: ماهي انتي هبله انا لسة بقولك مقدرش اسيب امي و ابويا تاني و قاعدتنا هتكون هنا انا مضربتكيش على ايدك علشان تسيبي شغلك و تيجي تقعدي معايا أنتي من نفسك اللي كنتي عاوزة كده.
و عند نورما
تمام كده يبقى حضرتك الوكيل الرسمي للشركه طايب فين المالك الأساسي نحب نتعرف عليه.
الوكيل: مدام نورما اعتبريني انا اللي ماسك كل حاجة انا معايا توكيل رسمي منه بإدارة كل اعماله ممكن بقي حضرتك تشوفي العقود علشان عاوزين نبداء الشغل حضرتك عارفه الامريكان بيحبو الدقة في مواعيد ازاي.
نورما: يعني افهم أن صاحب شركة امريكاني.
الوكيل: لا يا فندم هو مصري وكان قاعدة في امريكا و دلوقتي حابب يستثمر في مصر هينقل كل شغله هنا.
نورما: تمام وريني كده العقود اده بس العقود باسمك انت.
وكيل: أيوة يافندم ما التعامل هيكون بنا احنا هو مش هيظهر غير في الصفقات الكبيره غير. كده هو مشغول بشغل تاني
نورما: أوكيه ممكن بس اقري شروط العقد الاول.
الوكيل: براحتك. خالص و انا معاكي في أي بند مش عاجبك
وفجاءة نورما وقفت عند بند.
نورما: ايه شرط غريب ده.
وكيل: خير يا مدام أنه واحد فيهم.
نوما: هو واحد بس كل شروط عادية خالص في أي عقد لكن شرط ده غريب قوي.
الوكيل: ممكن حضرتك تقري.
نورما: في حالة إخلال أي طرف للعقد و تركه للشغل فجاءة وبدون اسباب يدفع شرط جزائي مليون دولار مش كتير كده افرض الشغل معاكم معجبنيش لا حضرتك كمان عامل أن مده العقد خمس سنوات كتير قوي كده وبعد كده ويتجدد العقد من تلقاء نفسه.
الوكيل: وانتي ايه مزعلك في الشرط زي ده المفروض احنا اللي نقلق متزعليش مني افرضي بعد ما ماضينا العقود لقيت شغلك مش عاجبني اصلا طريقتك في تسويق المنتج مش حلوة ساعتها هكون انا ملزم بدفع قيمة شرط الجزائي يعني الحكاية مافيهاش قلق واي عقد لازم يكونه له مده قابله للتجديد
أنفقت نورما و الوكيل على كل حاجة روحت نورنا على امل تشوف امير دخلت ولكنها وجدا البيت فاضي خالص مافيهوش حد.
نورما: في نفسها يعني مش قادر تبات هنا اول ليله ليا لوحدي في البيت يلا جت عليها.
طلعت نورما بدلت ملابسها و ارتدت ملابس بيتيه مريحه نزلت فتحت التلاجة وجدت كل انواع الجبن و العصائر و شيكولاتات بأنواعها و حاجات ساقعة و فاكهي التلاجة مليانه بخيرات ربنا
نورما واووو. اده كله جاب كل ده امتي وجدت ورقة على بابا تلاجة مكتوب فيها.
مساء الخير يا بنت قلبي اكيد جاية تعابنة تلاقي كان عندك شغل كتير متعطل
كل حاجة عندك موجوده في التلاجة وعلى البوتجاز في فرخة مشوية كلي كويس يا فؤاده
حبيبك و جوزك عتريس.
ابتسم نورما على كلامة و بدأت تحط الاكل وتأكل كانت جعانه جدا ويتردد كلمة يا بنت قلبي الله كلمة دي ليها طعم كده وإحساس غربب.
وفي الصعيد
ماهي: ينهار اسود ده شكله بيلعب في عداد عمره دكتور الغابرة ده انا مهيتاب اتهدد من حتة عيل
ماهي: الو جاك
جاك: ياااه انتي لسة فاكرة حد بالاسم ده أنا قربت انسي
ماهي: جاك وحياتك انا مش ناقصة تريقة انا عندي ببلاوي دنيا.
جاك: خير احكي ما انتي مش وراكي غير الهم.
ماهي: اسمع البلاوي اخير غارت الزفته اللي كان ممكن تسحب كل حاجة من تحت ايدي عملت حدوته الحمل و لبستهلها
جاك: تمام كده الدنيا حلوه عاوزة ايه تاني بعد كده.
ماهي: انا كمان قلت زيك كده انا غورتها وهحاول ارجع امير ليا تاني لكن ايه المنحوس منحوس
مش كفايه اني عاقر مش هخلف عمري غير الدكتور الزفت ده عمال يهددني و هيجي لامير يقوله اني مش حامل اصلا
جاك: يخربيته انتي مرضتهوش لما كان عندك وتعالي هنا أنتي عرفتي منين انك عاقر.
ماهي: ازاي بقي ده واخد مائه الف ابن اللذينه
عرفت كنت قبل ما انزل من أمريكا عاملة تحاليل شاملة ولسة بعتلي نتيجة دلوقتي على الايميل
جاك: طايب الزفت دكتور ده عاوز ايه تاني
ماهي: عاوز زيهم ومش عارفه هجبهملو منين.
جاك: أنتي هتغلبي يا ماهي بردو.
ماهي: جاك انت بتستهبل اجبهملو منين امير اصلا مش طايقني غير العقربه امه وقفالي على واحدة.
جاك: اخلصي منها خلي الملعب يفضالك اوعي تنسي أن أمير الوريث الوحيد لكل الهلومة دي.
ماهي: وانا اقدر انسي حاجة زي دي ان أمير هيورث كل ده بس أتصدق كانت رايحة عن بالي و اللي مش من نصيب نورما يكون من نصيب العقربه الكبيرة تمام كده يلا بقي علشان انزل اشوفها تحت بتهبب ايه.
أغلقت ماهي التليفون ثم قامت تفتح الباب علشان تنزل وجدت هانم تقف أمام الباب وهي تنظر لها في ريبه.