رواية سم القاسي للكاتبة ماهي أحمد الفصل الثاني والأربعون
بدور وقتها اتمشت في الصحرا بعيد عنهم وبقت تمشي لوحدها تمشي لحد ما لاقت بحيره صغيره تحفه جدا والمايه بتاعتها صافيه اوي والملح حوالين البحيره بطريقه غير طبيعيه
بصت شمال ويمين مالقيتش حد حواليها والمكان فاضي خالص ونزلت البحيره وبقت تعوم فيها وهي مبسوطه جدا غمضت عنيها وبقت سايبه نفسها للمايه.
مره واحده سمعت صوت وراها اتعدلت بسرعه وبصت وراها
بدور: مين.
بصت شمال ويمين مالقيتش حد
ادت ضهرها للصوت ولسه هتطلع بتبص وراها لاقت عاصي وراها في المايه معاها
عاصي: (بصوت حنين) طيب ينفع تنزلي في مكان زي ده لوحدك بالليل وانتي عريانه كده
بدور: عاصي
بدور: انت. انت بتعمل ايه هنا
عاصي: (بابتسامه بسيطه) ردي عليا. ينفع حد يعمل اللي انتي عملتيه ده وينزل في المايه لوحده ساعه زى دي.
بدور: (بدور شافت ابتسامه عاصي ابتدت ترتاح شويه وتهدي) اصل. اصل.
عاصي: (رفع ايديه وحط في ايديه شويه مايه وبقي بينزل مايه على شعر بدور. بدور وقتها غمضت عنيها وميلت رقبتها لورا وهي مغمضه ومبتسمه ابتسامه قمر زيها.
عاصي مره تانيه اخد في ايده شويه مايه ورفع ايده وبقي بينزل المايه على وش بدور وهي مغمضه وقطرات المايه بقت تنزل على رموشها وخدودها وأكنها حبات لؤلؤ بتنزل على خدها فتحت عنيها بالراحه اوي وهي بتبص لعاصي ورموشها التقيله اللي كانت حبات المايه بتنزل منها. مره واحده وهو باصص في عنيها رفع صوابعه وبقي يرجعلها خصل من شعرها جايه على جبينها على ورا بدور قرب عاصي منها بيخليها تروح في حته تانيه خالص اتنهدت تنهيده طالعه من قلبها بجد عاصي لمس رقبتها بكل حنيه وقربها منه وهو بيبص لملامحها نظرته ليها مش نظره عاديه نظره عاشق بيعشق من قلبه بجد. مره واحده وهو بيبص في عنيها بدور داست على شفايفها بسنانها حاجه بسيطه عاصي نزل بنظره على شفايفها وبدور غمضت عنيها.
وهي مغمضه عنيها كان عاصي بيلمس بأيده على شعرها
بدور: (وهي لسه مغمضه عنيها) بتحبني؟
عاصي ابتسم وقلبه دق اوي للكلمه دي وبدور كانت مستنيه تسمع رده وقلبها اكاد اجزم اني شويه وكان هيطلع من مكانه مره واحده عاصي بيبص لقي فلاش ابيض بينور.
بدور كانت مغمضه عنيها ومكنتش حاسه بنفسها اصلا عشان كده ما اخدتش بالها من الفلاش عاصي بسرعه جدا نزل راس بدور تحت المايه واول ما نزل راسها في المايه مابقيتش فاهمه هو في ايه؟
عاصي بص شمال ويمين بسرعه حواليه لقي اللي بيجرى من بعيد ساب بدور وبقي يعوم بسرعه لحد ما طلع على الشط ولف من الناحيه التانيه عشان يلحقه ويمسكه.
بدور: (بدور طلعت راسها من المايه وبقت تنادي على عاصي وهو بيجرى) عاصي. عااااصي هو في ايه، عااااصي
بس عاصي طبعا ماردش عليها
بدور بصت شمال ويمين مالقيتش حد طلعت ولبست هدومها بسرعه جدا وفي لحظه عاصي كان اختفي من قدامها ومبقاش موجود ورجعت لوحدها لمكان التخييم بتاعهم وهي بتسأل نفسها هو ايه اللي حصل.
احسان كانت بدور على عاصي بتبص لاقت مس فريده قدامها.
احسان: هاي ازيك. ماشفتيش عاصي
مس فريده: هاي لا والله ماشفتهووش. ممممم انا شوفتك قبل كده اعتقد انك جايه مع مستر عاصي في عربيته صح كده
احسان: (بابتسامه) ايوه انا
مس فريده: اكيد انتي مراته صح.
احسان: (اتحرجت وبصت في الارض وهي مبتسمه) ممم
مس فريده: انا اسفه اني بسأل بس عاصي من وقت ما اشتغل في المدرسه وهو منغلق جدا على نفسه ومانعرفش حتى اذا كان مرتبط او لاء
احسان: يشتغل في المدرسه. انا مش فاهمه حاجه.
مس فريده: هو مش انتي مراته ازاي ماتعرفيش انه بيشتغل معانا في المدرسه
احسان: (فهمت بسرعه انه بقي في المدرسه عشان بدور)
ممممم لالا انا مش مراته احنا مجرد اصدقاء مش اكتر
مس فريده: انا اسفه مكنتش اعرف هو عاصي متجوز
احسان: (بغضب) لاء مش متجوز
مس فريده: (بابتسامه) okay
احسان اخدت نفس عميق واتنهدت بتبص لاقت بدور جايه وشعرها مبلول
احسان: كنتي فين يابدور
بدور: (بتوتر) انا. انا كنت بتمشي شويه مش اكتر.
احسان: واللي بيتمشي شعره بيبقي مبلول كده.
بدور: ااه. ااه اصل كان في بحيره حلوه اوي نزلت فيها شويه
احسان: كنتي لوحدك ولا كان معاكي حد
بدور: (بتوتر وهي بتودي وشها الناحيه التانيه) اه. اه طبعا لوحدي
احسان عرفت ان بدور بتكذب عليها عشان ماتجرحهاش.
مره واحده ال d. g وقف وقرروا انهم يلعبوا كلهم لعبه سوا
غالب شاف بدور جه عليها
غالب: بدور كنتي فين
بدور اول ما شافته ابتسمت وأكنها كانت عايزه اي حد يبعدها عن احسان عشان ماتجرحش احسان اكتر من كده
بدور: (بابتسامه) غالب انا موجوده بس انت اللي مشغول معاهم
غالب مد ايده لبدور ومسك ايدها
غالب: طيب تعالي معانا
بدور: هنروح فين
غالب: (شد بدور وراه راحت بدور بصت وراها لاحسان) اسفه يا احسان هسيبك بقي.
احسان: طيب يابدور
غالب راح لسجده وثائر وكلهم كانوا واقفين ومره واحده عملوا دايره كلهم سوا وجابوا ورقه كوتشينه وبيحطوها على شفايفهم وكل واحد بيمرر ورقه الكوتشينه دي للتاني بس بشفايفه واذا ورقه الكوتشينه وقعت من شفايفه وهو بيمررها للتاني شفايفهم بتتلاقي
بدور وقفت وهي شايفه اللي بيحصل
جه صاحب ثائر اللي كان بيعاكس بدور وقف جنبها
فارس: اي رأيك لو وقفت جنبك
غالب مد ايده بسرعه وحط بدور ورا ضهره.
غالب: طيب ايه رأيك بقي لو انا اللي وقفت جنبك
بدور: شافت غالب ابتدى يتحول على الوش التاني راحت لمست دراعه بأيديها
بدور: غالب اهدى انت وعدتني
فارس شاف الشر في عنين غالب راح رجع خطوه ورا وشاف مكان تاني
غالب: تعالي هنا انتي هتقفي في النص بيني انا وسجده انتي فاهمه
بدور: اهدى طيب فاهمه.
اللعبه ابتدت وبقي كلهم واقفين في دايره حوالين بعض وبيمرروا ورقه الكوتشينه بشفايفهم بدور بقت تاخدها من غالب وتديها لسجده سجده وهي بتديها لثائر بشفايفها وقعت منهم وشفايفهم اتلاقوا.
والكل بقي يصفرلهم والاتنين طلعوا من الدايره غالب بص جنب بدور لقي اللي مكان سجده بنت زيها وابتدوا اللعبه من جديد وهكذا.
عاصي رجع للخيمه بتاعته وهو هدومه كلها مليانه مايه واطراف البنطلون كلها رمله لازقه فيها من المايه احسان بصيتله كده فهمت على طول انه كان مع بدور.
دخل وغير هدومه. وبعدها طلع من خيمته وهو بيبص شمال ويمين على بدور
احسان عنيها لمعت والدمعه كانت خلاص شويه وهتنزل من عنيها بس اتماسكت واتنهدت واخدت can bera من طالبه واقفه وبقت تشربه ومع انها اول مره تشرب بس كانت عايزه اي حاجه تنسيها الوجع اللي في قلبها قعدت على صخره بعيده وبقت تشرب لوحدها.
عاصي بقي يدور على بدور لحد ما لقاها بتلعب معاهم وكان شايفها من بعيد قرب منها بيبص لقاها بتقرب من غالب وبتاخد منه ورقه الكوتشينه عاصي اول ما شاف كده اتضايق جدا. بدور مهما كان صغيره ومش عارفه ومش فاهمه عاصي بيحبها قد ايه؟
عاصي الدم غلي في عروقه واول ما شافها كده قرب منها ولسه كان عايز يجيبها من شعرها لقي احسان وقفت قدامه
احسان: مش هينفع ياعاصي.
مش هينفع تخلي الطلبه كلهم يتفرجوا عليك والحب باين في عنيك ليها اوي كده
عاصي قبض على ايديه وداس على سنانه والغل كله كان باين على وشه احسان شدته من ايده
احسان: بص حواليك ياعاصي. كل المدرسين والطلبه واقفين
عاصي مشي بعيد مع احسان ورجع في كلامه
بدور: غالب انا زهقت من اللعبه دي
غالب: انا كمان زهقت مع اني كان نفسي المس شفايفك بس ماليش حظ المره. دي
بدور: غالب انت على طول كده
بدور وغالب مشيوا سوا.
غالب: يعني ايه على طول كده مش فاهمك
بدور: يعني على طول بتعاكس اي حد. ده انت ناقص تعاكس احسان
غالب: ليه انتي شوفتيني عاكست مين
بدور: مس فريده مثلا
غالب: مس فريده من النوع اللي يتمشي معاها. تهزرى معاه. كلمتين حلوين على ضحكه حلوه اكتر من كده لاء
بدور: طيب ولينا اللي لزقالك
غالب: لينا دي للمزاج لما يبقي ليا مزاج لحاجه ابقي روحلها مش اكتر
بدور: للدرجه دي البنات سهله اوي كده معاك.
غالب: ممممم مش كلهم في واحده مغلباني شويه
بدور: بقي غالب في بنت تغلبه ده حتى عيب على اسمك
وياتري بقي بتحبها
غالب: (وهو بيقرب من بدور وبيبص في عنيها) ممممم مش عارف بس كل اللي اعرفه ان لو حد قرب منها ببقي عايز ادفنه مكانه
بدور حست انه بيتكلم عنها اتوترت
بدور: طيب. طيب انا لازم امشي اصل تعبانه اوي هاروح ارتاح شويه في الخيمه
غالب: ايه هتنامي
بدور: اه بجد تعبانه اوي من الصبح وانا مانمتش.
غالب: طيب يابدور تصبحي على خير
بدور وهي رايحه الخيمه بتاعتها عنيها كانت بتدور على عاصي في كل حته
بدور: (دخلت الخيمه بتاعتها وبقت تكلم نفسها) ياترى سيبتني ومشيت ليه؟ ممكن عشان سألته اذا كان بيحبني ولا لاء.
وبقت تفتكر اللي حصل ما بينهم وهو قريب منها ولما ايديه لمست خدودها وشفايفها غمضت عنيها وبقت بصوابعها تلمس شفايفها المكان اللي عاصي لمسها فيه وهي بتتنهد ومبسوطه اوي ان عاصي حاسس بيها ضربت بأيديها على المخده اللي هي بتنام عليها وهي فرحانه جدا وكانت مستنيه النهار يطلع بفارغ الصبر عشان تشوفه ويتكلموا سوا.
احسان وعاصي كانوا قاعدين مع بعض على الصخره بعيد اوي ومكانش في حد معاهم وابتدت كل الطلبه تدخل على الخيمه بتاعتهم وطفوا النار اللي كانوا مولعينها.
احسان: (وهي قاعده على الصخره وبتشرب وبتبص للسما)
احسان: (وابتدت تسكر وماتحسش بنفسها) الحب ده غريب اوي. مين فاهمه
عاصي: فعلا عندك حق. فعلا الحب غريب اوي
احسان: قولتلها انك بتحبها
عاصي: (كان ماسك ازازته وبيشرب منها) لاء ماقولتلهاش
احسان: وليه ماقولتلهاش.
عاصي: (حط الازازه على بوقه) كنت هقول بس حصل حاجه كده خلتني اسيبها وامشي
احسان: طيب وناوي تعترفلها امتي
عاصي: مش لما هي كمان بتحبني ولا لاء.
احسان: (وهي بتضحك والازازه في ايديها ضربت على كتف عاصي) وانت في حد ما يحبكش
عاصى: وهو شارب ومش شايف قدامه ابتسم
عاصي: اتحب انا. هاااا
احسان: عليك شخصيه كده. وبترسم نفسك قدام الكل بس ايه ليك هيبه مش موجوده عند حد
عاصي: انا مكنتش كده الاول
احسان: ليه حساك خايف انك تقولها انك. هىء. بتحبها
عاصي: انا كبيييييييييير اوي عليها
احسان: بس هي بتحبك
وانا كمان بحبك. هههههه. وفيروزه كمان كانت بتحبك.
عاصي: لاااا. انتي باين عليكي سكرتي انتي بتشربي ايه
بص كده لقاها can bera ضحك
عاصي: ههههههه انتي سكرتي من دي. انتي اول مره تشربي ولا ايه اومال لو شربتي من اللي معايا بقي هيحصلك ايه؟
عاصي بيبص لقي احسان راحت في النوم وراسها على كتفه
عاصي: (وهو مش قادر يفتح عينه) اي ده انتي نمتي.
اخدها وهو اصلا بيطوح وبقي ساندها على كتفه وبتتحرك معاه بالعافيه دخلها خيمته وهو اصلا مش حاسس بنفسه ونيمها مكانه عاصي لما بيشرب مابيحسش بنفسه وهي نايمه قعد جنبها ومره واحده اتخيل انها بدور قرب منها ولمسها وهي نايمه واحسان مكانتش حاسه بنفسها واتجاوبت معاه
طلع عليهم النهار تاني يوم ومع اول خيط شمس احسان صحيت بتبص لاقت نفسها نايمه جنب عاصي من غير هدوم.
صوتت بسرعه واخدت الملايه وغطت بيها نفسها وفي دم جنبها
عاصي صحي بسرعه بيبص لقي احسان عريانه جنبخ وبتعيط وهو كمان عريان
عاصي: احسان.