رواية شهوات رجل ظالم للكاتبة زهراء أمجد الفصل التاسع عشر
الغربه من ترجع الناسك...
وتحس جن ما عارفينك...
الوحشه من تذكر سوالف...
جان اهلها كبال عينك...
الخنكه من تشتاك تبجي...
والشماته محاوطينك...
جاسم: رغم انكسرها وقهرها بس هذا الشي خلق منها انثى تتحدى وتواجهه كلشي ومتخاف وين خوفج القديم وين طاعتج والله وتغيرتي يارفيف اني جنت شاد هذا الشي ببالي وادري بس تخلص هندسه تركب راسها لان حتشوف حياة جديده بس مستحيل اتنازل عنها.
اشبيك تباوع عليا تريد تاكلني قابل اول مره تشوفني شكو واكفه متخوصره واحاجي
هههههه والله وطلع لسانج يارفيف يابت مهدي وضايره توكفين وتراددين وتحجين وتحكمين وتقررين منو يبقى ومنو يروح كبرتي هواي وعليتي بس مو على رجلج وابو بيتج
منو منو منو ماسمعت كبرت على منو؟ عيدها بالله بروح جدك الماشافته عيني.
اول شي متعلى غير بس تعرف منو واذا انت عليت من اخذتني فاني اختلف جاسم اني رفيف تعرف شنو رفيف ومنو امها لرفيف هاي شغله والشغله الثانيه اني ماعندي رجال رجلي مات من سنين افتهمت لو لا واذا كلت انت منو فانت لاشئ بحياتي وماحاسبتك اصلا موجود وناسيتك وماافكر بيك لاعن قريب ولاعن بعيد طلعت من كلبي ومن كل حياتي ورفيف اشكد متتحمل من البشر بس اذا دارت وجهه لو تحترك الدنيا بعد ميرفلها جفن جاسم انت خلقت مني انسانه قاسيه مثل الحجر وفضلك هذا ماانسى طول عمري بدون متدري وبدون متحس خليتني قويه وبالف رجال واكدر اواجهه كلشي وحدي ومااهتم اني داخله لغرفتي واذا ردت تبات انطيني خبر واي تحتاجه دك الباب عليا واني بالخدمه.
درت وجهي وعفته ومشيت صح داخلي متحطم بس الحمد لله كدرت اتظاهر كدامه بالقوه والصلابه كدرت اغير فكرته عني عفت يمه الولد ودخلت للغرفه نزعت حجابي وخليته يم راسي وتمددت على فراشي وبقيت ابجي بدون صوت بس دموعي تنزل اريد هالحمل إلى على صدري يروح وينزاح كل يوم وحعي وقهري يزيد صارت ساعه 11 اجه حمودي كلي ماما بابا حيبقى يبات يمنه يكول فرشيلي بالهول لو اجي انام بالغرفه ماما خلي يمنه بالغرفه.
كتله لا حبيبي كايمه افرشله بالهول هسه البس حجابي واجي
اكلج ماما شو خالاتي ميلبسن حجاب من ابوهم ليش بس انتي وقبل جنتي متلبسين حجاب كدام بابا عود هسه كمتي تلبسين
اوووف ياحمودي اشكد تسال حبيبي جنت البس الحجاب هيج بره لان الرضع تعبان ماجنت محجبه بس هسه اتحجبت وخالاتك ميلبسن هنه بكيفهن اني شدخلني بيهن.
لاماما اني سالت بنات خالاتي وكالن هو ابونه وهي امنه عادي تبقى بلا حجاب مو حرام فانتي ليش لابسته ماما لان بعد متحبين بابا وميجي يمنه كمتي تلبسي بس تره بابا يحبج
حبيبي اسكت ومعليك بهاي السوالف يلا اني كايمه حتى افرش بالهول
لعد ماما فرشيلنه احنه هم يمه لان مشتاقيين لبابا واشلون جان ينام يمنه
صار تدلل لبست شالي ولفيته عدل وطلعت دااصعد اجيب فراش جان صاحني جاسم.
اكلج فوفه ليش تعذبين نفسج اني انام عالتخم مو مشكله اذا متحبين انام يمكم بالغرفه بس انطيني مخده وغطه عادي انام عالتخم مو مشكله
لا ميصير الضيف ينام عالتخم هسه اصعد اجيبلك فراش وجهالك رادو ينامون يمك هم حجيبلهم
زين ابقي انتي اني اصعد اجيب بمكانج انتي شيصعدج.
سبحان مغير الاحوال من حال الى خال جاسم إلى جان لو بالقمر يدزني إلى وميتحرك هسه شنو هالهدوء بس كلبي ناغزني وحاسه اكو مصيبه كتله لا حصعد اني صعدت شمرت فراش ومخاديد وبطانيات ونزلت فرشتهم هو بالوسط والولد واحد منا وواحد منا وسويت مميه لميمي وانطيتها الها وعفتهم ودخلت للغرفه قفلت الباب لان كلبي مامطمن بيومها بقيت للصبح كاعده لان خفت يروح ياذي جهالي ويكول بس هي بالبيت بقيت اطب واطلع للصبح صارت السبعه كمت غسلت وهي وسويت ريوك هو كعد شرب جاي وبدل وطلع وصل لباب المطبخ.
محتاجه مسواك اجيب ويايه الظهر صمون شي
مشكور كلشي عندي والصمون ادز حمودي واوكفله اني وهو يروح يجيبلي مثل كل مره متعلمين وحدنه
لدزي اني اجيب ويايه وطلع وسد الباب وراه.
بلشت اني تنظيف وطبخ صارت ساعه تسعه كعدو الولد ريكتهم وغسلو وكملو بدو يلعبون وصيت حمودي على اخوه وتمددت بالهول لان جنت كلش نعسانه نمت كعدت على صوت جاسم راجع كمزت لبست شالي على راسي عالسريع وكتله اشلون اطب بدون مادك الباب هو هيج جفت مدكول اكو بشر بالبيت ماخذ راحته يجوز يااخي نازعه داابدل بلا حجاب اجيت وجفتت.
رفيف تره هواي زوديتها اني رجلج صح غلطت بس مو هيج تعاملني تحقيرج إلى هواي زاد عن حده اجيتج واتنازلت عن كلشي وعاندت امي ورجعت كافي تحقيرين بيا.
شنوووو ليش انت قصرت نسيت شسويت ولك إلى دااسوي بيك هسه ذره من إلى سويته ميجي نسيت جاسم لو اذكرك هسه صايرلي ابو بيت واذكرتنه ولك سنين وانت متدري اشلون ناكل ومنين اجيب ولك وصلت بينه المواصيل اخلي شكر عالخبزه واحمي زيت واسوي جاي واكعد اتريك اني وجهالي ولك اروح لاهلي وابقى يمهم بحجه ضايجه لان ماعندي شي اطبخه لجهالج والي عندي يادوب اكدر اجيب بي حليب لابنك.
ولك كمت ابيع بمواعيني حتى اكدر اجيب اكل لجهالك خلف الله على خالاتي وبيبي إلى جانت تساعدني لان استحي اكول لماما جاسم ماموجود ولك حالتي تصعب عالكافر خلف الله على خالاتي إلى ماقصرن حتى ملابس لولدك جانن يدزن واني ساكته ومااحجي ماما يادوب تكفي مصروف الكليه
كمت ارجع مشي والطريق امشي اكثر من نص ساعه وتروح مشي لان ماعندي فلوس كروه ولك اكل بالبيت وهناك من يكعدون بالنادي اكلهم شبعانه مااشتهي لان ماعندي فلوس.
ولك اشتغل استنساخ بمكتب الجامعه بالرستات حتى احصل ملازمي ببلاش وانت هسه ادكولي رجلج وابو بيتج ولك 3 سنوات متدري بينه شنو ناكل وشنو نشرب ومنين اجيب لولدك
وهسه جاي ادكولي اني واني مريت بظروف تصعب عالكافر وكلت تهون وانت تلعب بالراتب وفلوس المولده لعب مافكرت عايف 2 بركبتي مافكرت اسلك غير طريق مافكرت اعوفهم واهج ومتلكولي اثر هذا كله ماحسبت حسابه.
بس اني جنت حاسبته لان افكر بجهالي قبل نفسي باجر عكبه يكبرون ويصيرون زلم عيب وخزي من واحد يعيرهم بامهم وبابوهم عيب من يكوللهم امكم مو زينه اتحملت الفكر والضيم لان اذا كالو ربو بالفكر موعيب بسبب اب لا اوبالي
بس عيب من يكلون ربو بفلوس حرام وعلاقات فخلي الطبق مستور جاسم تره طفح الكيل وكلشي زاد عن حده وصبري خلص خليني ضامه المر ومطلعه الحلو لتخليني اطلع المر وانفجر عليك واحرك الاخضر واليابس.
تره منطينتك الطويله اني احجي وهو بس منزل راسه ويشرب جكاير والجهال خطيه بس ساكتين يسمعون بس ميفتهمون شدنحجي ولك انتظر عاشور وصفر حتى اضم الاكل إلى يجيني واستفاد منه بعدين
ولك شفت فكر مامر على بشر وهاي امي ماكتلها ماعندي لحد ماهي سالت الجهال ليش يبجون كلولها نريد نشتري وماما متقبل ادكول ماعندي ونريد فاكهه ماعدنه بثلاجتنه مثلكم واجتي وشافت بعينها وكامت تبجي وتحجي عليا وكامت هي تتسوك النه.
مسواك كامل وكامت تنطيني فلوس يالله اشوكت عدلت اموري وهسه جاي تحجي وتعاتب روح جاسم تره اذيتك جبل ميتحملها وكتلك لتشوفني ساكته بداخلي بركان على ساعه يثور.
كمت من الفراش ولميته ودخلته للغرفه وطلعت صبيت الغده عالميز ومعدت وياهم لخاطر الولد لان اباوع فرحه بعيونهم بسبب وجود ابوهم ومشت ايامي وجاسم باقي يمنه بس مو كل الاسبوع يجي يومين او 3 والباقي بم اهله ومرات يجي عالغده ومرات يتعلل ويروح واني علاقتي بي على كد السلام ومااكعد يمه اصلا وحتى مرات يريد ياخذ الجهال ويفترون اروح وياهم بس اكعد وره وحمودي بالصدر وميمي يمي اخاف اعوفهم وحدهم وياه لان ميسيطر عليهم ودخلنه بشهر التاسع بسنه 2014.
بيومها كلنه متجمعين لان خالتي تغريد راجعه من السفر هي مقيمه مو بالعراق وكلنه مكيفين بيها وهو اجه سلم عليها وبقى اتغده وحده بالمطبخ ودزلي حمودي يريدني لبست حجابي عدل ورحتله ها جاسم شتريد
اكلج عيني اني حروح انام بالبيت وانتي تبقين لو تجين
هااا تنام لو تجيب كح، تره اني يم اهلي ومتشوفني الا فوك راسك وثاني شي ليش متروح يم امك شعندك ببيتي لو ظل البيت لام طيره وطارت بي فرد طيره.
رفيف بلا تجاوز وعيب هالكلام كتلج غلطه ومتنعاد اشلون نبقى العمر كله انك عليها
غلطه!؟ ولك ياغلطه هاي اسمعني وارجع واكلك لتشوفني ساكته تره داخلي بركان واعصار وهذا هدوء ماقبل العاصفه والجاي بس ربك يستر منه
اهووو انتي متملين ولا تكلين اروح للمهجوم انطمر احسنلي
اروح انطمر بس ابيش طالبه مهجوم هذا بيتي والله يعمره ويخلي إلى ولجهالي
طلع معصب وركع الباب حيل اجتي ماما.
شكو اشبيكم مدكوليلي اشوكت تعاملين وياه عدل ولد واجاج انتي ليش كلبج اسود وحقوده انسي وارجعي عدل ومشي المياه بمجاريها
انتي شتحجين ماما اسكتي اترجاج رحمه لبابا اسكتي عمرج كله تمشين ضدي وساكته بس ماتوقعتج بيوم تصيرين ضدي بهيج موقف وخري عني ماما وماناقصتج.
عفتها ادردم وتحجي كل هالدلال والتعب والترباه والصرف وادكوليلي امشي ضدج ولج مو إلى عدهن ابهات واخوان ماعايشين مثل عيشتج شتردين من الله بعد درت وجهي وكتلها
مااريد غير سلامتج انتي همج بس الفلوس حسبالج السعاده بالفلوس تره انتي غلطانه والج يوم حتى اني تخسريني من وره تفكيرج هذا.
عفتها ورحت للهول اباوع الكل فرحان ويضحكون ويسولفون اني الهم عايش ويايه وصاير ظلي صرت احلم بالفرح بس مالكه اتمنى اضحك مثل خلك الله اتمنى اعيش كبشر مو ك آله تادي واجباتها بس محد يكلبها لو يكلها اشبيج ومن تعطل بس يغيرون القطعه التعبانه ويرجعون يحملون عليها شغل محد يرحم بحالها.
كاعده وبالهول وصافنه على حظي العاثر والجهال ديلعبون بالحديقه والمطبخ بييت اهلي ملتمين كل اطفال العائله بحيث عددهم اكثر من الكبار تغدينه وخلصنه وناس كامت تنظف الهول والبيت وناس تنظف المطبخ وتغسل المواعين والي واكفه دتسوي جاي طلعت اشوف جهالي وين ووصيت الكل على جهالي لان هومه جانو اصغر شي بالذات ميني ادري بي هذا يطلع ميدير بال ميخالف اشكد مااحجي واخوف بي بس ميفيد وصلتهم واطمنت ماكو احد يطلع ورجعت لغرفه ماما لكيت بنات خالاتي وبنات خوالي كلها موجوده وكعدنه كعده احفاد وكل وحده تحجي على دوامها والي تحجي عاللبس والي تحجي عالكسسوارات ذكرني من جنت بنيه اشلون الحزن مرافقني وماما اشلون جانت تتحكم بكلشي قطعت الذكريات.
مالتي صوت صياح وهوسه بالمطبخ وصوت بجي طفل كمزت اجه ببالي ميمي اي هذا صوت بجي ميمي صار الطريق من غرفه ماما للمطبخ سنه واسمع جاسم يصيح اريد بعد امشي مااكدر رجليا وجسمي كله يرجف والف فكره اجتي ببالي.
وصلت للمطبخ شفت الكل ملتم وواكف كدام جاسم وجاسم شايل ميمي وهذا فحطان من البجي اريد اشوف ابني اشبي وحمودي واكف يم رجل ابوه وهم يبجي وماما تصيح وخالي واكف يهدي الموقف اريد افتهم شكو تقربت شفت ابني خده مصبوغ احمر واثر طبعات راشدي على خده.
اني ميمي ابد مااضربه لان مريض وطبعه مرح وحباب والاهم اسمه على اسم بابا واصغر حفيد اني شفته هيج روحي فارت جريته من ايد جاسم وصحت بنتره واخذته لحضني وهذا يرجف ويبجي جسمه كله يرجف كتله اشبي ابني ومنو ضربه احجو منو ضرب ابني كال جاسم.
اني ضربته انتي ادبسيز ملتهيه بالمكسرات والنت وعايفه ابنج وحده دايح بالشوارع لوما الشرطه واكفه ودكو الباب عليا والجرس وكالو ابنك اجاك يريد بدون وعي شلت ايدي على جاسم وضربته راشدي فقدت اتهسترت جروني خالاتي وخالي واني هنا طلعت ضيم كلبي.
وبدين اغلط واتجاوز عليه وطردته كتله ناقص وعار ومورجال ولك لو بيك حظ احجي مصايبك لو بيك صير على الدكه العوجه مالتك ولك لو انت رجال صدك جان حجيت وكلت قبل كم شهر ويامن خنتني ولك مصرف متنطي وماحجيت عايفنه سنين وهاجرني
من وفاه ابوك المشعول وهم ماحجيت خنتني بغرفتي وببيتي وهم ماحجيت عايش بخير امي وابويه الله يرحمه وماحجيت بس لهنا وكافي وكلشي اله حد اسمعني زين ابن سعديه السحاره.
دكايكم لهنا وكافي وامشي وراشدي ابني اطلعه منك بعشره افتهمت لو لا مو ابن رفيف إلى ينضرب وينهان واني تاج راسك مو ادبسز محد ادب سيز غير امك هذيج ام السحوره والك مو كتلك ابوك
بسحورتها ولم مو لكفت المسجات وكتلك امك سحاره ومافاد ولك مو فرقت بين اخوك وحبيبته ولك نسيت احلامي وكوابيسي نسيت كلما اروح لاهلك ارجع للمستشفى ولك حتى المراره شلتها وهي بت العشرين جاسم احجي لو كافي.
جاسم انت كلك على بعضك غش ولك هم الك عين وتحجي ولك جاسم دكاتك كبار ومتنحمل وكتلك داخلي بركان وعلى ساعه يثور احجي واصيح.
وابجي وادفع بي وهو يصيح اسكتي حقيره شوفي خاله اشلون تسب ابويه كام يبجي كتله مره اغبر ولك سنين وحامله قهرك ولك سنين واكول تهون بس لهنا وكافي مو ولد رفيف إلى ينضربون ولك هذا ميمي تاج راسك وراس عشيرتك وراس امك هذيج الحيه وروحلها كوللها بالعافيه عليج رجعلج ابنج بس شوف جاسم انت ربحت امك بيك وانت رجال واحد وعلى ساعه توكع.
بس اني ربحت 2 وخيرهم جاي دفعته ليبره واهلي كلهم حاولو يجرون بيا واني اطفر من بين ايديهم وماما كامت تصيح وخالي يهدي بيا وكلها حاولت تسكتني بس اني ثبرت الدنيا كلها دفعته للشارع وكتله لهنا وكافي ولك لو تصير ايه للاسلام هم مااريدك كواد ابو الكح، كلها تحاول تسكني واني مستمره وماسكتت طردته وطلعت للباب كتله ممنوع توصل للبيت والي بي بس هدومك تاخذهن وبس.
كلشي ماعندك ببيتي افتهمت لو لا مثل ماجبتهن بجيس اسود مال الزباله ترجع تاخذهن هم بنفس الجيس ركعت الباب حيل بوجهه وطبيت اباوع جهالي يكسرون الكلب ويتباجون اشرتلهم اجو يركضون خطيه حضنتهم وهومه يرجفون ويبجون اجو اهلي كلهم التمو عليا دخلوني اني وجهالي وطبعا ماما نزلت عليا دوسه ونص ورزاله غسل ولبس.
ادبسزز مامربايه ماعرفت اربيج كبرتي وعلى صوتج وصايره تراددين اشك حلكج اذا حجيتي هيج وياه عمي والله الولد فقير وابن اوادم اني بتي العرمه والوكحه العيب بينه مو بالناس الناس متربايين ولج اكو بنيه تغلط وتسب رجلها هي تحجي واني مالي خلك ارد عليها بس خالاتي كلهن كالن اوكفي خلي نفتهم السالفه لادومج تفزعين للغريب ضد بتج مستحيل رفيف تسوي هيج بدون سبب.
وكعدت احجيلهم كل مصايبه حتى روحته مال ايران وكلي ملتحق جان ادكولي خالتي بلاسم.
بلاسم: اسمعي رفيف حكلج شي وهاي كدام الكل وداعت صحتي وداعت بناتي ومستعده احلف يمين وحق كلام الله رجلج من اجيتكم ولكيتج تبجين وكلتي صارلي ست ايام ملتحق بيومها الصبح شفته يم التربيه ديمشي وياه بنيه بس اني جنت بالسياره وماردت اكول لرجلي واوكفه خفت من المشاكل بس هسه الاوراق انكشفت ولازم تعرفين حقيقته ومن اجيت العصر وكتيلي ملتحق وهمت نفسي وكلت هذا لعد مو جاسم بس خاله نصيحه مني جاسم ميفيدج وعينه زايغه وابو بنات.
ام رفيف: اكلج بلاسم انتي مو تكرهي انتي وخواتج وهسه بس صارت مشكله تردن تخربن بيت بتي وطلعنه موخوش ولد الولد فقير وحباب هاي شلج بيها هو جان مسافر وين لكيتي ووين شفتي.
بلاسم: ام رفيف كلنه نعرف جاسم شنو وامه شنو كافي لخاطر بتج ارحمي بحال هالطفله اريد اهجم بيتها شنو شو انتي متعرفين تحجين اكلها اني شفته ويه وحده ادكولي اهجم بيتها وحتى لو اني ماشفته وهي من لكفته هم مو هو ام رفيف اتقي الله وكافي تاذين بتج ماعندج لكمه توكليها اني اخذها هي وجهالها شجاج شو فلوسج للشارد والوارد وصلت يم هالمكروده كاعده تحسبين بالورقه والقلم.
ام رفيف: لافلوس اني بحال الفلوس واللكمه بس بيتها مااريده ينهجم شيكلون علينه الناس اخلي مطلكه ببيتي تالي عمري مو كافي ربيت يتيمه ارجع اربي يتامه من جديد براسهم توكع هي وجهالها غير براسي الرجال يغلط ويضرب ويسب ويقصر بت الحلال تتحمل وتصبر ليش يصيحولها بت حلال مو من اول غلطه تعوف كلشي وادكول مااريده شنو هو قميص ونذبه ونشتري غيره.
رفيف: كملتي حجي ماما باوعتها واحاجيها جان ادكولي انجبي وباوعي عدل ولتخلينه علج لحلك العالم.
كتلها اسمعيني زين مو حسبالج رفيف الطفله الفقيره إلى تمشي وراج حالها حال الخروف لا ماما انتي غلطاته رفيف هسه غير واذا عالعالم تحجي لانعل ابو العالم يابو الجابهم مشيت وياج عمري كله سمعا وطاعه بس هسه لا دار الوكت وامشي براسي وبالي يحلالي والي ميعجبه يطخ راسه بالف حايط اسمعيني زين مو رفيف إلى تصير علج وثاني شي طز بالعالم خلي تحجي اليوم باجر تمل وتبطل.
وتشوف غيري تحجي عليه وهي ماعايشه إلى اني عايشته ماشافت إلى اني شفته كلمن كاعد ببيته ومرتاح ورفيف بالقهر على شنو متحملته هو اي شي مامو بيناتنه ياعالم ياناس كمت تلبس منه ربطه لان صارلي 3 سنوات ماراصل يمي هاجرني ومقصر بكلشي التفت على علا وصابرين كتلهن احجن بحظجن وبختجن شنو بعت حتى اصرف مو بعت مواعين من بيتي لخاطر الخمسه والعشره اجيب بيها حليب لابني
كالن اي وهنه منزلات راسهن.
كتلهن مو انتن إلى جنتن ادزن فلوس وحتى رصيد وملابس إلى ولجهالي مو حتى النساتل والحلويات هسه صار جاسم خوش رجال مو سنين ابات وحدي اني وهالاطفال
وستر الله علينه هذا كله وادكوليلي بت الحلال تتحمل هاي طلعت مو بت حلال هاي طلعت بت النعال وسايبه وماعدها اهل اسمعيني زين انتي والكل يسمعني جاسم لو يصير نبي للاسلام هم مااريده.
وكلمن يذكر صاحبه بخير غير هذا ماعندي ومليت منج ومن جاسم ومن امه جزعتوني كرهت عمري كرهت روحي كرهت كلشي كافي مليت كافي تعرفين بي ديخون وساكته ومتقبلين احجي وحتى انتي زهره هم تدرين وساكته لان عدجن جاسم الاله المبجل لان جاسم حبيب الكلب بالنسبه الجن اثنينجن كافي تصومن وتصلن وانتن رب الظلم بابا حرام اتقن الله الساكت عن الحق شيطان اخرس وانت ساكتات احجن حق احجي انتي زهره احلفج بصومج وصلاتج والسبحه إلى متنزل من ايديج مو تدرين بكلشي سواه جاسم وساكته احجي.
نزلت راسها وكالت هااني شمدريني اني سمعت بس منج هو يكول جذب
اوك اذا هو يكول جذب مستعده اتواجهه وياه وبيناتنه يمين الله هو يحكم علينه اني مقصره بعد بشي احجو
جان ادكول علا: تره رفيف ماغلطانه واني من الناس شفته اكثر من مره بالسوك ولازم ايد بنيه ويفتر وياها ومتحجيت وصابرين شاهده شفناه اثنينه وهو من انتبهه علينه ابتعد وسوه نفسه ميعرفها تره.
جاسم مو خوش ومن البدايه كلنه وحجينه مو صح ام رفيف بس انتي شلتي البنيه وانطتيها وكلتي هي بتي ولحد يدخل مثل مااني مامدخله بحياة بناتجن انتن هم لتدخلن.
ام رفيف: هاهسه كلها طلعت شايفه جاسم وساكته انتن ليش تردن تهجمن بيت بتي متخافن من الله مدكولن عدها 2 منو عدها ابو اخو عم خال ويسندها اقلها رجلها على راسها وانتي انجبي واسكتي هيح احسن فضحتي الولد وقللتي نن قيمه مو قيمه الرجال من قيمه مرته وجهاله وانتي مسحتي بي الكاع هذا كله واتذبين الصوج بي والله عمي انتي المتنجرعين.
رفيف: اسمعيني زين لانعل ابو الرجال يابو قيمته انتي شدتحجين من كل وعقلج ابقى ساكته اذا شفتيني سكتت هذيج الفتره لان حسبالي صدك عندي ام وحتكون كد وعدها إلى وبقيت صابره لحد الامتحانات واخلصهن بس هسه لا رفيف حقها بعد متسكت عليه لو تنكلب الدنيا افتهمتي لو لا.
سكتني خالاتي وكالن إلى تردي يصير واحنه اليوم مجتمعين لخاطر خالتج خطيه ومو هيج نتلكاها اخذوني للغرفه وهي بقت بالهول ومشه اليوم والكل متوتر وكابه وساكتين بس عيونه تحجي وصار الليل وتعشينه واني ماخليت لكمه بحلكي معدتي ذبحتني من الوجع وكلت الجهال وغسلتلهم وبنات خالاتي خطيه حاولن ويايه يضحكني ويشاقن بس اني قفلت عالاخير وحتى شغلن اغاني بالدي جي مالت بيت خالتي وسون حفله بالهول حتى بس. اشويه يتلطف الجو واني كاعده اكابر وداخلي مكسور وصافنه على دنيتي وين حتوديني بعد وبقو خالاتي لل11 وبعدها كمن راحت لبيتها وخالي اخذ زوجته واطفاله وهم راحو لبيتهم حاولت ماما تفتح ويايه الموضوع بس اني قافله وبسرعه ختمت السالفه الانفصال إلى واله احسن واذا حجت كلمه وحده احرك روحي ومن يومها ماما سكتت بس الوضع بده يسوء وعلاقتي بيها خربت نحو الاسوءكلما تمر الايام اولادي يردون ابوهم ويبجون عليه بقيت زعلانه يم اهلي من يوم 22/9 وهذا جان تاريخ عيد ميلاد ميمي المفروض احتفل بي بوسط اسره واب وام بس صار العكس صار يوم انكساري وطلعتي من بيتي صار يوم انفجار البركان إلى بداخلي ومرت الايام وبعدها طلع اسم خالتي للحج بنفس السنه سنه 2014.
وراحت هي وزوجها وودعناهم وراحت بيبي يم بيت خالتي لان بنات خالتي وابنها وحدهم وعدهم صغار وهنا بدت ماما تعلن عليا الحرب حتى ارجع لجاسم
وجانت هاي اصعب فتره بحياتي صعب تعيش ببيت ومتلكه احد يساندك جنت انظف واسوي العشا واغسل المواعين وارتب هذا كله وماما ماعاجبها وبس تتضجور ودوم تفشلني كدام الكل من احجي على طبخ او تنظيف ادكولي انتي كضيتي عمرج كلشي متعرفين تسوين.
بس رغم هذا كله تحملت وبقيت استمر صبري من ربي وجان ثقتي بربي لازم يجي يوم وتفرج واموري تتحسن لازم بعد الضيق فرج وبدت المشاكل تزيد وبيبي ماموجوده حتى تفزعلي لحد ماوصلت
المشاكل طردتني من البيت اني وجهالي وحرت وين اروح بيتي مفاتحه عدها واخذته مني وماعندي مكان يلفيني خالاتي بعد مارفضت تدخل ازواجهن بعد ميحبون يتقربون مني.
لان ازواجهن منعوهن ودائما المره تتبع رجلها فليش اروح واحرج خالاتي خابرت لبيبي كالت اخذي تكسي وتعالي لبيت خالتج واني من يرجعون من الحج نرجع اني وياج اخذت ولدي واخذت جنطه خليت بيها كم قطعه ملابس وطلعنه حتى ماكلفت نفسها تسال لو ادكول وين رايحه دخلت لبيت خالتي وكت الغروب اذن وتوضيت وصليت وسلمت امري لربي ماعندي اي معيل او سند بالدنيا غير بيبي الله يحفظها إلى.
اباوع جهالي يكسرون الخاطر صافنين ميدرون شنو الموضوع بقيت ادعي على سجادتي ربي يسهلي امري وحلي هالمصايب إلى كل يوم وحده فوك راسي توجهت للامام العباس عليه السلام وكتله انت مو ادكول إلى ماعدها سند وماعدها اخو اني سندها وكفيلها مابقى عندي غيرك ياسيدي ويامولاي وحيدع ويتيمه والدنيا جارت عليا بجيت ابجي اجتي يمي بيبي.
الحجيه: يمه فوفه بعد امج يايمه لتبجين والله دمرتي كلبي مرد من الله لاينطيها لامج ولسعديه ام السحوره عساهن بالثبره صبرج عليت بس تجي خالتج لالعب بيها لعب واطيح حظها بس اصبري بقيت اهدء بيها اشويه سكتت حلفتها بروح ابوها وبداعت جهالها فسكتت بس مبينه مقهوره وحزينه وحقها مالومعا منين مدتميل تغرف ربي الماله اب اله رب وانت اعلم بحال هالطفله.
رفيف: لميت سجادتي ونزعت الايزار وكمت بس حيل ماعندي كوه امشي صعبه من تلكه روحك بالشارع وماعندك اي معيل وانوب بركبتي 2 اطفال هسه اني طز بيا تعلمت على ماما وقهرها بس هذوله شنو ذنبهم لليل خابرت بيبي لماما ورزلتها وهذيج بقت تحور بالكلام واني احب رفيف وشعندي غيرها واريد ارجعها لبيتها اني عشت بلا رجال وشفت الذله ومااريد بتي تتهجول مثلي كامت تجيبها منا وتردها لهنا بس بيبي ابد ماقبلت على تصرفها وكلتلها اني بس تجي اختج من الحج اخذ رفيف واكعد ببيتي اطلع منه النزل واكعد واني اعيش رفيف وجهالها مارايدين منج شي وسدت الفون بوجهه اباوع بيبي خطيه مره جبيره وترجف وتفرفح رحت يمها بوستها من راسها وكتلها فدوه اروحلج لتسوين بنفسج هيج تره ماعندي غيرج بالدنيا انتي الخيمه إلى على راسي وراس جهالي يمه اروحلج فدوه لتعصبين وربح مينسى عبده تنحل والله.
الحجيه: اباوعلها لرفيف اشلون تحجي رغم كل القهر والضيم بس تكابر يعين الله كلبج اجاج القهر من وكت ييمه وكل صوج امج كتلها ميخالف يمه لتخافين عليا مابيه شي وماطول خشمي يشتم الهوا مااخليج بعازه احد.
كامن بنات خالتها يمنه وبقن يسولفن ويحاولن يغيرن جو اشوفها صح تحجي وتجامل بس حزينه ومقهوره رفيف اني ربيتها من اول مااجتي واعرفها اكثر من امها امها وره وفاه ابوها رجعت تدرس معهد معلمات وعافت رفيف عليا اني إلى اوكل واغسل والبس امها بس عليها تصرف وهم جان نص مصروفها مني ومن جدها وراها فرشنه رفيف راحت هي وجهالها نامت بغرفه بنات خالتها واني نمت جوه بالهول اني وابن بتي كعدنه الصبح على صوت الباب ياستارمنو جاينه من الصبح لبست شيلتي وعباتي وطلعت فتحت الباب شفت رحاب وزهره جايات شلمن وطبن بس اني وجهي ثكيل عليهن خلي يولن شافن محد الها استغلنها فرصه اني الج بنات الكلب طبن للهول جان ادكول رحاب.
ام رفيف: يمه لعد وين رفيف شو ماكو؟ شنو بعدها نايمه؟
الحجيه: وانتي شنو برفيف مو طرديتها لخاطر نسيبج العار ولج بس فهميني عليمن طالعه هيج ولج لااني ولاابوج ولااحب من عدنه هيج عينه صلفه وماعنده رحمه طفله ماعدها غير الله وانتي هيج تبهذليها ولج ماخفتي الله بيها مو هاي امانه مهيدي الله يرحمه مو ديشوفج بس مابيده شي ولج لو موجود جان لعب بيج اني وهذاك الكواد وامه لعب بس اووف منين اجيبك يمهدي وتجي تشوف امانتك اشلون جايز عليها الوكت.
وج ماربيتج هيج اني الفلوس عمتج دوامج عماج وج انتي خلك معلمه ثابره العشيره ثبر مو كافي عينج ماانكسرت وج لامرض فاد بيج كسرت عزرائيل انتي ضكتيها وشفتي الدنيا مدوم لاحد اتقي الله بهالطفله هاي تره خطيه واذا هجت بتج وعافتج محد يلومها من ضيمج وقهرج مافكرتي طفله تنتحر تنهزم تسوي شي شغلي عقلج مو عليتي كلبي عل لو ميته انتي بمكان مهدي هواي احسن.
ام رفيف: هاي اشبيج يمه اكلتيني وشربتيني وقابل اني مااحبها شعندي غيرها بس اني اريدها ترجع لرجلها هذا سندها بالدنيا هي لاعدها اخ ولااب يحاميهاعاد هذا اسمه رجلها ومحد يكدر يدوسلها على طرف
الحجيه: ولج انتي تعرفين وتحرفين يارجل هذا إلى خانها إلى دور بنات إلى حتى مصروف مينطيها إلى عايفها وحدها بنيه حمره بيضه تبات ببيت هذا نعال مو رجال بس انتي بعد الدوام والفلوس عمتج.