رواية شهوات رجل ظالم للكاتبة زهراء أمجد الفصل الرابع والعشرون
صووتووو للبارت ليش مديوصل تصويت فوك الالف إلى ممصوت للقصه يرجع يصوت
ووصلت تركيا وخلصت من العراق ومشاكله وقررت بعد كلشي بالعراق انسى وابدي حياتي من جديد
وصلت تركيا والحمد لله والشكر سلمونه الغرف اخذت جهالي وصعدت لغرفتي وابالي الف فكره وفكره.
خابرت لصديقه ماما إلى مسافره ويانه كتلها تعالي لغرفتي وره مترتاحين حتى نطلع الجهال هم نتعشه وهم نفتر بالمنطقه القريبه عالفندق نزعو الجهال ملابسهم واني نزعت حذائي وشالي ودخلت سبحت وغيرت ملابسي وسبحو وراه الجهال وخابرتني المره كالت اني حنزل للرسبشن انتظرج هناك كتلها اوك.
كملت اني وجهالي وطلعت قفلت غرفتي ونزلت للمره لكيتها كاعده منتظرتني سلمت مفتاح الغرفه للفندق وطلعنه بقينه نتمشى بالمنطقه واكو مطعم قريب عالفندق هم بمنطقه اقسراي باسطنبول كعدنه بي طلبنه اكل حاجيتها على موضوع انو ابقى هناك المره كالت.
شوفي رفيف بت اختي طالعه صارللها اربع سنوات هنا بس بيلوا مو باسطنبول تردين احاجيها الج وارتبلج الوضع شعندج راجعه شو جهالج وياج وامج صح هي صديقتي بس صعبه ومتنجرع احسن تفكير فكرتي بي هو الهجره
وانتي بسرعه يمشوش لان منفصله وبعدج عمرج ثغير وعندج اطفال فشغلتج سهله اني اليوم حخابر لبت اختي وارجعلج خبر.
رفيف: اي والله خاله ياريت لان اني تعبت وبعد ماعندي احد هناك وشفتي شحصلت من العراق غير الاذيه انتظر منج خبر خابرني على خط الفندق لان خطي غالقته مااريد افتحه
ماشي بتي بس نرجع اكنك واحاجيها اني هم اريد اشوفها مشتاقتلها من طلعت لسه مااجتي ابد وباقين بس عالنت وياها.
رفيف: جابولنه الطلب وكعدنه ناكل طبعا كعدنه على ميز واحد بس كل واحد وطلبه وهو يدفع حسابه كملنه افترينه اشويه ورجعنه للفندق وبقيت انتظر من المره جواب.
ام رفيف: اليوم سافرت رفيف لتركيا احس بروحي تورطت لان خليتها تروح خاف تسويها وبعد مترجع اني اشلون اخليها تسافر صح هي فقيره وبس هوسه بس كلشي يصير ودعنه رفيف ورحنه للمستشفى ويه صابرين اليوم ولادتها وعدها موعد بالمستشفى بدلت ورحت اني واني وزهره وتغريد للمستشفى.
ولحكتنه علا هم دخلوها للعمليه واحنه كلبنه يمها خابرت على رفيف جانت بعدها بالمطار اتاكدت وصلت لمطار النجف وكتلها اول متوصل اطمني وطلعت صابرين من العمليه وجابت بنوته جنها كمر تخبل صح هي رادت ولد لان ماعدها بس اهم شي تمام الخلقه وهاي رزق الله طلعونه صابرين من البنج تهذي وتبجي لان جابت بنيه والله يعينها البنيه بلوه اللهليرزق احد ببنيه خابرتني رفيف تريد تطمن على صابرين وكتلها ماكو شي كالت.
رفيف: ماما احنه بالطياره وحنطير
ام. رفيف: ماشي ماما ديري بالج عالجهال وعلى روحج وخابريني من توصلين بس كلبي يكول رفيف مراح تخابر كلبي ناغزني مااعرف ليش ربي عدي اليوم على خير سديت منها الخط وبقيت الوج اني شورطني وبعدتها انوب ردت اصلح حال وشصلح وهذا مشمور بالسجن هي دائما متجي عدله ويايه.
التهينه بالمستشفى والطفله واني عين عالموبايل وعين عالي يجي للمستشفى صار الظهر ورفيف ماكو وللمغرب ماكو اتصل عليها جهازها مغلق بديت اقلق عليها كلت خاف مالحكت تشتري خط وحاجتني عالنت واني هنا بالمستشفى ماعندي نت خلي اكوم ارجع للبيت بحجه اسبح وابدل وارجع للمستشفى.
بلكت الكه منها رساله شي سلمت على صابرين وكتلها اسبح واجيج اخذت تكسي ورحعت للبيت كنكت فتحت الماسنجر ماكو اي رساله دورت بالفايبر هم نفس الشي رحت عالواتس اب كلها اخر ظهرر البارحه ياربي هاي وين ولت اتصلت ماكو نت سبحت عالسريع وبدلت ملابسي وكلت اروح للشركه استفسر منهم هاي وين ولت بت مهيدي رحت للشركه سالتهم كالو وصلو من الظهر ومابيهم شي وبالفندق اكو نت وكلها اتصلت باهلها.
سالت عليها واتصل الموظف مباشر بمسؤول الكروب كله اي هستوها طلعت هي ومره ثانيه والجهال اتشكرت من الرجال وطلعت للمستشفى واني بالي يقره ويكتب هاي المصخمه وين ولت وليش مااتصلت اني اعلمها بسيطه خلي افض هاي العله وارجعها للبيت وبسيطه
رحت للمستشفى وكلبي يفور بس مااكدر احجي شكول وشحجي كلها تلومني وتحجي عليا خلي اسكت واشوف منا ليوم يومين اذا كلش افيز والحكها لو اخابر صديقتي بلكت احصل منها جواب افتهم الموضوع.
بقيت بايته بالمستشفى يم صابرين وكاعدين للصبح ثاني يوم اجتي الدكتوره شافتها وكالت يصير تطلع عادي العمليه نظيفه وماكو شي اجه زوجها وجايب وياه خطيه الريوك والجاي واجتي علا هم جايبه ريوك.
كمل زوجها الخروجيه وتريكنه وطلعنه واني بس اريد ارجع الله لايوفقج يارفيف على هالدكه اني اعلمج وين تروحين مني رجعت لبيت صابرين فتحت النت ماكو رفيف ياحس ولاخبر ولامسج وحتى مافاتحه نت من جانت بالعراق الفار بده يلعب بعبي بس لاهاي سوتها وطفرت بس رفيف مدبرها مو وكحه وصلفه فقيره بتي واعرفها بقيت انتظر للمغرب وماكو.
رفيف: كضيت اليوم طالعه اني والمره صديقه ماما وافترينه واكلنه سوه جانت كلش حبابه وصار الليل واحنه بره وهو اصلا احنه وصلنه العصر اتفقت وياها تخابر لبت اختها وترجعلي خبر صارت قريب ال2 بالليل خابرتني المره على تلفون الغرفه لان جهازي مخليته وضع طيران صار مجرد كام اخذ بي صور وبس بين مااشتري خط تركي وامسح كلشي واسوي برامج عالخط التركي
ام زهراء: اكلج فوفه عمري خابرت بت اختي وهستوني سديته منها.
رفيف: اي فدوه خاله بشري حمامه غراب
ام زهراء: ههههههه نعلالا كلبج لالا ان شاء الله حمامه. شوفي حبيبتي لازم تروحين للكنيسه وتقدمين عن طريق اليو ان وبديت احجيلها كلشي بالتفصيل وهي بس تسمع
رفيف: بعد مااخذت منها كل المعلومات سالتها زين خاله تكدرين تساعدني انتي وتجين ويايه اقدم لان تدرين بيا اخاف اروح وحدي وكلشي يصير عاد مره جبيره ويايه ميكلون جايه وحدها.
ام زهراء: صار بعيوني باجر نطلع ويه الكروب عادي ومن نرجع اخذج ونروح تدللين يلا خاله روحي ارتاحي ونامي وباجر يردون ب8 الصبح نتلاكه بالمطعم فوك يلا عيني باي وتصبحين على خير ولتفكرين اني يمج فوفه ماشي بتي
رفيف: تسلم عيونج خاله الله يخليج ويحفظج شعندي غيرج متقصرين هسه حروح انام وانتي بالف خير وسديته منها.
بقيت اتكلب بالفراش ساعه اكول وين ابهذل روحي وابهذل ولدي همه ولد ولايتي وبين اهلي وناسي ورحت بالرجلين انوب بدوله اوروبيه ومااعرف بيهااحد اشلون ادبرها خلي انام والصبح الله كريم طفيت الضوه ونمت.
حسيت الصبح عالمنبه باوعت الساعه بالسبعه هم يالله بين مااسبح وابدل اني وجهالي صايره ال8 كمت اخذت المنشفه ودخلت سبحت عالسريع ولفيت المنشفه وطلعت كعدت الولد وماقبلو يكعدون وميمي بقى يبجي ميقبل يكعد كوه يالله بالتواسيل كامو يفركون بعيونهم غسلتلهم وبدلتهم ومشطت وبدلت وكملنه وصعدنه للمطعم مال الفندق حتى نتريك باوعت ساعه 8 وعشره.
يبووو عفيه وقت شجاك تركض ركض دخلنه للمطعم لكيت ام زهراء كاعده ومنتظرتني حتى نتريك سوه كعدت الجهال ورحنه اني وياه للبوفي نجيب ريوك وكعدنه سوه اكلنه وكملنه نزل الكروب كله للباص حتى نروح نفتر لان عدنه برنامج كعدت اني وجهالي وهي وبتها ورايه اخذونه للميناء حتى مناك نروح لجزيره الاميرات.
طبعا اني حسبالي مثل مدينه دزني وكلها اميرات ورسوم وشخصيات كارتونيه بعدين طلعت كلشي مابيها بس ورد وحاره رطوبه تكتل وجزيره صغيره بقينه ساعتين ورجعنه بالعباره وبعدين بالباص واني الوج اريد بس ارجع حتى اروح اشوف وين حيذبني الوكت اريد اضبط وضعي ماطول هاي المره ويايه بعدين وين اهبد وحدي.
رجعنه العصر متاخرين قريب المغرب كالت هسه نبدل ونفسل ونطلع كتلها اوك صعدنه للغرف بعدني هستوني دخلت دك التلفون سديت الباب ورحت جاوبت السرعه
ام زهراء: الو هلو رفيف اكلج هاي امج لكيتها دازتلي مسجات كومه وادكول اذا رفيف مافتحت نت وخابرتني احجز واجيها وحاجيه اشكال وغلط ماما عيني دخابريها وانتي مشي امورج
رفيف: مااخابرها ولاالي دخل بيها شحصلت منها مو شبعتني ضيم وقهر.
ام زهراء: حقج واعرف امج وادري بيها وكحه ومتنجرع بس انتي جيبيها بالمسايس ابين منرجع وانتي بعد اطلعي من هذا السكن ووين تلكاج بعد اصلا روحي ليلوا هناك شيوصلها الج بس كسري فتنه انتي فوفه ام عقل الجبير يلا بنيتي فدوه لعينج
رفيف: ماشي خاله هاي لخاطرج ومااريد اسويلج مشكله هسه حفتح نت واتصل بيها باي وسديته.
طلعت الفون من الجنطه ياربي هسه شسوي مدري اكنك مدري لا بقيت بين نارين شفت كلام ام زهراء صحيح اني خلي اتواصل وياها ومن يرجعون اني ابقى واغير مكاني فتحت واي فاي ودخلت الرمز وماشاء الله بعده مالكف الشبكه وبدت المسجات تهلهل بالجهاز.
اريد الحك اشوف او اقره ماكو ياستار شنو الموضوع دخلت عالماسنجر بالبدايه لكيت مسجات من ماما طبيعيه وتسلم وتريد تشوفني وصلت لو لا بس بعدين بدت تغرد اني مالومها اذا غردت بتها واختفت حقها بس بنفس الوقت هذا نتيجه تعاملها ويايه لكل فعل رد فعل جمعت كل قواي واني ادري بروحي حواجهه اعصار مو عاصفه وضغطت اتصال ماكو يتصل بس مترد اول ماخلص الاتصال اتصلت بيا بت خالتي.
رؤى: الو هلو فوفه الحمد لله عالسلامه وينج من البارحت لليوم كسرنه الفون عليج وانتي ماكو خو مابيج شي انتي والجهال وخالتي حتى للشركه راحت وكالو ماكو شي واصلين احجي اشبيج
رفيف: هلو اشبيج اكلتيني وشربتيني وحده وحده منو راح للشركه ياخاله
امج غير كالت اذا ماكو احجز واروح وهي اصلا الفيزا بالمطار.
وين تحجز اني رايحه لبغداد وخالتج شتريد مني اني مو عاله عليها وعار وام الولد وماشافت خير من ورايه عفتلها الخير والعراق وجاسم وهجيت سمعت صوت عالي هزني هز عزه هاي ماما
ام رفيف: ولج رفيف هاي مجازاتي ولج ليش كح، لو مربيه جلب هم احسن منج اسمعيني زين مثل مارحتي تجين لاقسم بمحمد اخلي جاسم يشتكي عليج انهزمتي بالجهال واجيبج مثل الجلب
هههههههه.
هههههههه جاسم ياجاسم هذا إلى خايس بالسجن ولو موجود جان والنعم منج ومنه تشتكون وتعبرون لذاك الصوب بس ربج حفرلي حفره وهو وكع بيها ماارجع لو تموتون كافي شفت الضيم والمر جزعت بعد مااتحمل صبري خلصتي انتي وجاسم وامه والدنيا كلها ارحموني وماارجع لتعبين نفسج ماشي بيباي ماما ولتخافين عليا تره بجالج وبجال الوكت صرت رجال نسيت كل الانوثه العندي كافي الله يخليج ماما يلا بيباي وسديته.
كعدت عالجربايه بقيت ابجي مقهوره ليش ياربي إلى ديصير بيا والله صبري خلص الاهي قويني عالجاي ادري بي اصعب من الراح بس تعبت والله عبدك الضعيف ديتوسل بيك مروتك ارحمني يارب مسحت دموعي وكملت غسلت وجهي واتجددت وصليت اشويه من صليت ارتاحيت.
خابرت لام زهراء حتى اشوفها تطلع لو لا بس إلى صار من رجعنه بتها اتخربطت سديته منها واخذت جهالي ورحت لغرفتها وشفت صدك بتها مريضه ودتسويلها كمادات وتذب من راسها عفت الجهال يمها ونزلت للصيدليه جبت علاج لبتها ورجعت اتطيتها العلاج واخذت ولدي ونزلت للرسبشن ضايجه وين اولي طلعنه افترينه اني والجهال بالمنطقه ولعبوً. اكو حديقه عامه بيها العاب واخذتلهم صور وبقيت افكر بكلام هل ياترى تسويها وتشتكي وترجعني بقيت حسبه تجيبني وحسبه توديني.
حمودي: جنت العب اني وميمي بس ماما ضايجه اشبيها ماادري من خابرت لامها لسه ضايجه ومتحجي صحت اخويه واجينه كعدنه يم ماما سالتها اشبيج ماما...
رفيف: مابيه شي يروح امك لعبت حبيبي اتونست
حمودي: اي ماما حلوه تركيا خلي نبقى هنا مااريد نرجع
ميمي: واني مو وليدج ليش متحجين ويايه
رفيف: باوعته وضحكت يمه فديت وليداتي الحلوين طبعا انت وليدي واحبك مثل اخوك شعندي غيركم يلا تردون اكل لو تبقون تلعبون بعد وكت.
حمودي وميمي: لا خلينه كاعدين اشويه وناكل
فات رجال يبيع موطا
الولد: ماما نريد موطا اشترينه اذا عندج فلوس
رفيف: يابعد روحي اشتريكم لو اعرف ابيع من لحمي شعندي غير وليداتي يلا هاكم فلوس روحو اشترو
راحو جابو موطا وكعدو ياكلون مكيفين ربي ارحمهم وابد عنهم شر الحاسدين وشر العالم كلها ربي قويني حتى اكدر اقوم بواجبهم مااريد اقصر عنهم كملو اكل وعادي ميمي زرع الكاع وملابسه والدنيا كلها صارت موطا.
حمودي: ميمي شجاك هو هيج الياكل شو غركت بالموطا
ميمي: بنتره اهوو هي ماعت شسويلها يعني وانت شعليك ماما تقبل وهسه اغسل وملابسي ماما تغسلهن
رفيف: حبيبي ميمي ميصير هيج تحاجي اخوك الجبير عيب مااقبل تتعاركون كدامي تره اكوم ازعل وابجي وانقهر تقبلون انقهر وابجي
الولد: لالاماما بعد منعيدها احنه نحبج.
رفيف: واني اموت عليكم فدوه لعيونكم وليداتي يلا كومو خلي اغسللكم حتى نروح للمطعم نتعشى اخذتهم غسلتلهم ورحنه للمطعم وطلبنه شاورما دجاج ومقبلات ولبن وبدت حفله ميمي زرع الدنيا كلها وبقى حمودي يقلد عليه وهذا يضوج ساعات اصيح بيهم وساعات اضحك على سوالفهم غسلنه اني وياهم ودفعت الحساب ورجعنه نتمشى للفندق اخذت مفاتيح غرفتي وصعدت وخابرت ام زهراء اطمنت على بتها كالت صارت احسن سديته الخط منها طلعت موبايلي بقيت اكلب بالصور ويه اهلي وخالاتي وكرايبي اوووف ليش بس اني مكتوبلي افارك كل الاحبهم.