رواية صغيرة العاصي للكاتبة ندى أحمد الفصل الثامن والعشرون
عاصى بليل معرفش ينام و مضايق من رفض فيروز له.
عاصى بزهق: الو يا زفت بقولك ابعتلى واحدة على شقة الزمالك ماشى
و قام يلبس و خرج من اوضته و ركب العربية و وصول الشقة و قبل ما يطلع.
عقله: يا عاصى اصبر فيروز بس لسه مش متعودة اديها وقتها انت بتحبها و هي بتحبك لو عملت كده هتندم عمرك كله
عاصى فجأة ركب العربية تانى و رجع البيت و دخل البيت بلهفة و حمد ربنا انه فاق في الوقت المناسب قبل ما يعمل حاجة يندم عليها بعد كده.
فيروز اول ما لقيت عاصى دخل البيت جريت عليه
فيروز: عاصى كنت فين النور قطع و كنت خايفة و انا قاعدة لوحدى.
عاصى: اسف يا روز نزلت شوية و جيت، انتى مش كنتى نايمة ايه اللى صحاكى
فيروز: اصل حسيتك زعلان منى قولت اشوفك قبل ما تنام.
رواية صغيرة العاصى بقلم ندى احمد
عاصى باس ايديها: عمرى ما ازعل منك يا روز و فجأة شالها على كتفه.
فيروز: ايه يا عاصى في ايه
عاصى: هتنامى انهاردة في اوضتى.
فيروز: لاء و نزلنى
عاصى: علشان كده شيلتك لو كنت قولتلك كنتى هربتى ده قرار يا قلب عاصى.
فيروز: اشمعنا انهاردة
عاصى: خلاص كل يوم هتنامى معايا في الأوضة و هدومك هتتنقل اوضتى يا روحى.
فيروز: عاصى لاء بلاش ممكن شوية وقت
عاصى نزلها على السرير و قعد جنبها.
عاصى: متقلقيش يا روز مفيش حاجة هتتغير انا بس حاسك اخدة جنب منى و بتبعدى انا عايزك تعرفى انى عمرى ما هغصبك على حاجة يا روزتى انا بحبك و بخاف عليكى حتى من نفسى يا روز
فيروز: و انا كمان بحبك يا عاصى.
عاصى وهو بيحاول ميتهورش و يبقى هادى: يلا ننام علشان بكرة هنسافر دهب زى ما وعدتك
فيروز حضنت عاصى بعفوية: بجد شكرا يا احلى عاصى في الدنيا.
عاصى و هو مبسوط على فرحتها الطفولية: يا رتنى كنت قولتك هنسافر من بدرى بجد
فيروز بعدت شوية لما فاقت: اسفة.
عاصى: مفيش واحدة تعتذر انها حضنت جوزها يا روز
و نام عاصى و فيروز ناموا و الصبح حضروا الشنط بسرعة.
فى العربية
فيروز: ممكن سؤال.
عاصى: اتفضلى طبعا
فيروز: هو انت كنت بتحب هند او معجب بيها.
عاصى: ايوة كنت
فيروز زعلت و فضلت قاعدة ساكتة طول الطريق و وصلوا و في الفندق فيروز أصرت انها مش هتبات مع عاصى في نفس الأوضة.
عاصى: مش عايزة تقعدى معايا ليه
فيروز: انا حرة.
عاصى: لاء مش حرة انتى مراتى و هتقعدى معايا فاهمة
فيروز طلعت الأوضة قبله و عاصى طالع بعدها بشوية.
لسه هيفتح الباب سمه فيروز بتتكلم في التليفون
فيروز: الو، ايوة يا مروان، لاء تحت لسه، و انت كمان، سلام شكله طالع، باى.
عاصى برة مصدوم و مش مصدق و وشه احمر من الغضب.