رواية للفهد عرين للكاتبة سلسبيل كوبك الفصل الثاني
اللي كان سايق العربية نزل بسرعة علشان يشوف ايه اللي حصل..
واحد من الناس اللي إتلموا: انتوا مستنين إيه يلا ننقلها على المستشفي بسرعة..
واحد تاني: إنت مستني إيه شيل معانا(كان بيكلم اللي خبطها)..
الشخص اللي خبطها شالها و ركبها في عربيته و معاه واحد من اللي كانوا واقفين..
في المستشفي..
الدكتور خرج من غرفة حبيبة بعد ما كشف عليها..
الدكتور: الأنسة اللي جوا تمام بس حصل خدش بسيط في رأسها و إلتواء في رجلها اليمين، و انا آسف يا فارس بيه لازم نبلغ البوليس..
-طب اللي المفروض نفهمه ان اللي خبط حبيبة -شخص مهم و اسمه فارس بس يا ترى ليه مهم؟!
فارس: ماشي اعمل اللازم..
مشي الدكتور.
فارس بعد عن الراجل اللي كان معاه و راح عمل مكالمة...
فارس: الو يا فهد..
فهد: خير يا فارس..
فارس: انا خبطت واحدة بالعربية و في تحقيق و بوليس..
فهد: انت في أي مستشفي؟
فارس: في مستشفي...
فهد: خلاص انا جاي..
في مكان تاني حيث حور و ندى في النادي قاعدين بيتكلموا.
حور: سنتين علشان تيجي جتك نصيبة مقرفة..
ندى: إنتي تطولي تقعدي معايا يا غبية إنتي..
حور: انا غبية يا بت احترمي نفسك و بطلي غرور..
ندى: انا حرة ليكي شوق في حاجة..
حور: ياااااااا ربي!
تليفون حور رن.
فحور بترد..
حور: الو مين معايا..
الشخص: حضرتك آنسة حور؟
حور: اه مين معايا..
ندى(بهمس): معجب صح معجب ها قوليلي؟عيلة زبالة.
الشخص: انا شغال في مستشفي(، )و صاحبة حضرتك عملت حادثة و احنا جبنا رقم حضرتك...
ملحقش يكمل حور قفلت السكة علطول اول ما سمعت ان صاحبتها في المستشفي..
قامت بسرعة و بتلم حاجتها و بتكلم ندى و تقول ليها
حور: ندى قومي بسرعة حد من صحابنا عمل حادثة..
ندى: طب يلا بسرعة..
حور و ندى ركبوا العربية و حور كانت بتسوق بطريقة غبية و سرعة كبيرة و كانت هتعمل كذا حادثة...
لحد ما وصلوا و نزلت بسرعة من غير ما تركن العربية..
كان قبل ما حور ما توصل فهد كان وصل قبلها بشوية و كان عند موظفة الاستقبال..
حور دخلت بسرعة و راحت على موظفة الاستقبال بتسألها..
حور(بلهفة و خوف): لو سمحت في حد لسة جاي هنا في حادثة من شوية..
الموظفة: اه غرفة رقم 104
ندى: شكرا..
فهد كان مركز مع حور لدرجة منتبهش لموظفة الاستقبال و هي بتسأله..
موظفة الاستقبال: حضرتك كنت بتسأل على مين؟
فهد: قالها لا شكرا..
كانت حور و ندى و صلوا الاوضة بسرعة و حور فتحت الباب لغاية ما شافت حبيبة نايمة على سرير المرضي جريوا عليها..
حور(بدموع): حبيبة اصحي..
ندى: حبيبة متهزريش انتي عارفة مبحبش كدة الله..
حبيبة كانت بدأت تفوق و تغمض عنيها و تفتحهم لغاية ما فتحت عنيها لقت حور و ندى و بعدين افتكرت اللي حصل ندى ساعدتها علشان تقعد على السرير..
حور: ايه اللي حصل احكي..
حبيبة لسة هتحكي الباب خبط..
ندى: مين؟ادخل..
دخل فهد و معاه فارس و اول ما دخلوا.
حور: انتوا مين و عايزين ايه؟
فارس: احم انا اللي خبطت الانسة..
حور(اتعصبت و كانت بتحاول تكتم غيظها): و المفروض اعمل ايه اسقفلك و لا اعمل ايه؟!
فهد: إحنا هنكتبلها تعويض و كإن محصلش حاجة
حور(كانت على آخرها بجد)قامت و وقفت قدامه
و نزلت كف خماسي على وش فهد لدرجة ان كله اتصدم حتى فهد عروقه بدأت تظهر و عيونه بقت كإنها بطلع نار...
و كان لسة هيتكلم لقوا الظابط المسؤل عن التحقيق دخل الغرفة و اول ما دخل سلم على فهد طبعا لانه الفهد كفاية سمعته في السوق..
الظابط: آنسة حبيبة ممكن تحكي ايه اللي حصل بالظبط؟
حبيبة حكت اللي حصل انها كانت ماشية و مش منتبهة و استاذ فارس خبطها غصب عنه..
حور كانت هتموت من الغيظ علشان كدة هو مش هيحصله حاجة و فهد كان بيتوعد لحور
فهد(في نفسه): هخليكي تندمي على اللي عملتيه هخليكي تعرفي مين هو الفهد..
بعد ما المحقق مشي...
و خلاص فهد و فارس هيمشوا..
حبيبة: أستاذ فارس..
فارس: إيه؟
حبيبة: اللي انا عملته معاك إنهاردة كان من باب الشفقة لا اكتر و لا اقل(كانت بتقولها بسخرية)..
فارس كان هيولع من الغضب..
قبل ما يمشوا-
فهد بص لحور بصة تحدي
و فارس بص لحبيبة بصة غضب
و بعدين مشيوا..
الدكتور دخل..
الدكتور: الانسة ممكن تخرج إنهاردة بس لازم راحة تامة...
ندى: شكرا يا دكتور..
ندى: انتي لازم تأخدي إجازة من شغلك يا حبيبة..
حبيبة: انا قدمت استقالتي و بسبب استاذ زفت محمد مكنش حصل اللي حصل..
حور(بتساؤل): ايه اللي حصل؟
حبيبة: هاحكي لما نروح..
حور: ماشي..
ندى: هتصل بمنة..
حبيبة و حور: اوك..
حور ساعدت حبيبة علشان تمشي و ركبتها العربية..
ندى بتتصل بمنة، لكن منة مردتش..
ندى: اوف يا ربي بقي ما تردي الله..
الخط فتح..
منة: ايه في ايه مش قولتلكوا محدش يتصل و انا في الشغل..
ندى: حبيبة عملت حادثة و هننقلها للبيت بتاعنا تعالي على هناك..
منة: إيه عدوا عليا بسرعة هاجي معاكوا..
ندى: ماشي..
ندى ركبت العربية.
ندى: حور روحي لمنة الشغل نجيبها معانا..
حور: اوك..
و حور مشيت بالعربية و كانوا مشغلين اغاني و هايصين و لا كإن حبيبة عملت حادثة و قاعدين بقي هايصين؟
حور وصلت لشغل منة و رنوا عليها..
الخط اتفتح..
منة: خلاص جاية، و قفلوا..
منة ركبت و روحوا كلهم على بيتهم..
و طلعوا شقتهم...
في مكان تاني..
فهد و فارس في العربية.
و فهد سايق و سرحان في اللي قدرت تمد ايديها عليه...
و فارس مضايق علشان كلام حبيبة...
وصلوا البيت..
فهد اول ما دخل طلع على اوضته من غير كلام..
اوضته كانت من اللون الاسود و كانت واسعة اوي..
إيناس(والدة فهد): ماله فهد يا فارس؟
فارس مسمعهاش لانه كان سرحان...
فإيناس نادت عليه..
إيناس: فااااااااااارس
فارس: إيه في إيه الله..
إيناس: قاعدة عمالة انادي عليك و مبتردش.
فارس: ماشي طيب سلام..
إيناس: تعالي هنا يا ولد..
فارس: اوف نعم..
إيناس: شوفلي أختك جودي فين بتصل بيها مش بترد..
فارس: هي بنتي و لا بنتك انا مالي...
إيناس: فاااااارس هتتعدل و لا اقول لفهد..
فارس: بتقولي حاجة يا ست الكل عيوني و ثواني و تلاقي جودي قدامك..
إيناس: ناس مبتجيش الا بالعين الحمرا..
فارس: الله يسامحك..
في مكان تاني..
جودي كانت قاعدة في مكان و كل ما تفتكر البت اللي خبطت فيها الصبح تغضب اوي..
-ايوه اللي جودي خبطت فيها هي حور و اللي حور خبطت فيها هي جودي؟
انچي(صاحبة جودي الفاسدة): ما خلاص بقي يا جودي دي واحدة متستاهلش تفكري فيها..
جودي: لازم اعرفها مقامها كويس انا جودي يتقالها زبالة و مكاني في الزبالة، عااااااا(غضبانة)
كرم(صاحبهم الفاسد): خلاص بقي فكك تعالوا نروح نسهر في ديسكو بليل..
جودي و انچي: اوكي..
و كل واحد روح بيته...
في بيت فهد..
فهد كان بيلعب ملاكمة في غرفة التمارين و كان متعصب...
دخلت الخادمة و بتقوله: :
الخادمة: فهد بيه العشاء جاهز..
فهد: ماشي...
كان الكل متجمع عليالسفرة
فهد دخل عليهم، و قعد معاهم
عبد الحميد(والد فهد): عملت إيه في الصفقة؟
فهد: تمام كسبناها...
عبد الحميد: ماشي و انا ناوي اسافر لندن علشان الشغل و هأخد امك معايا..
فهد: ماشي..
فارس: هتدلعي يا سوسو..
إيناس: ولد احترم نفسك..
عبد الحميد: ههههههه علشان تعرفي إني مش حارمك من حاجة...
إيناس: ربنا يخليكي ليا يا حبيبي...
جودي: و انا مليش في الحب نصيب..
عبد الحميد: ده إنتي قلبي يا بنت..
جودي: اضحك عليا اضحك..
وضحكوا كلهم ما عدا فهد اللي كان سرحان في حور...
في شقة البنات...
حور غيرت هدومها لترنج بيتي قصير
و منة غيرت هدومها لعباية بيتي قصيرة
و ندى غيرت هدومها لتيشرت و بنطلون بيتي
حبيبة غيرت هدومها لشورت قصير و تيشيرت بنص
و قاعدين بيتكلموا و بيضحكوا..
و فجأة تليفون حور رن، حور بتبص على التليفون لقيت يوسف أخوها اتصل عشر مرات و اهي ال 11
فتحت الخط بسرعة...
حور: الو..
يوسف: انتي فين ياحور قلقتينا عليكي..
حور: آسفة اصل حبيبة عملت حادثة و قعدنا كلنا معاها فنسيت اقولكوا اني هبات برا
يوسف: اممممم مش مرتاحلك يا حور..
حور: لا و الله مش بكدب..
يوسف: طب خلي بالك من نفسك و لو في حاجة قوليلي...
حور: حاضر يا احن اخ في الدنيا...
حبيبة: يا سلام على الحب..
حور: اسكتي يا بت..
منة: ها احكوا ايه اللي حصل..
حبيبة حكت كل اللي حصل و اللي استاذ محمد عمله...
حور: برافو عليكي انك قدمتي استقالتك..
ندى: الف مكتب يتمناكي..
منة: طبعا انتي ممتازة في شغلك..
حبيبة: بس انتي عملتي الواجب و زيادة مع اخو فارس...
حور لمجرد انها افتكرت انها اخدت حق صاحبتها لانه قال هنعوضها، ضحكت بابتسامة انتصار..
منة: لحظة لحظة مين اخو فارس؟
ندى حكت كل اللي حصل و ضرب حور لفهد و طبعا زودت التاتش بتاعها و قالت كمان..
ندى: ده حتة سكر يا منة طول بعرض دقنه حلوة يخربيت جمااله بجد...
حور(بسخرية): ده شكله زي بوز الإخص انتي اللي او؟ر...
حور: بس عجبتيني يا حبيبة لما رزعتي الواد كلمتين...
حبيبة و حور قعدوا يضحكوا..
و منة مش فاهمة اي حاجة
منة(بتساؤل): حصل ايه تاني؟
ندى قالت لها على اللي حبيبة قالتله لفارس..
و قعدوا هما الاربعة يضحكوا للساعة 2 بليل.
و بعدين دخلوا و ناموا...