رواية الوقح والراقية جزء 1 للكاتبة ياسمين علاء الدين الفصل الثاني
تناولو الغداء وبعدها جلست تهاني على المكنه تعمل على عمل مفارش السرير
كانت شذي تجلس بجانبها وهي تشهدها
شذي: هو انتي تعرفي المعلم جبل
تهاني: اعرفه من زمان. احنا متربين في حاره واحده وكنا واحنا صغيرين بنلعب مع بعض كلنا واما اتجوز مشي من الحاره وخد بيت وسكن فيه
شذي: هو شكله طيب وبيتكلم باسلوب احسن من ابنه الوقح الهمجي ده
ضحكت تهاني: متهيالك الاثنين نفس الطبع. بس جبل اما كبر هدي شويه.
شذي: ممكن. بس حسيت انه اطيب منه. التاني شرير اوي
تهاني: بس جدع وراجل شوفتي مرضيش ياخد فلوس الحاجه مع اني اتحيلت عليه قد ايه
شذي: هو مرضيش ياخد حقها عشان انتي هتعمليهم لاخته
موزه
ضحكت تهاني: اسمها لوزه.
شذي: اه. بس انتي هتعمليلها ايه
تهاني بتفكير: هعملها شويه قمصان كده على جلاليب
شذي: انا ممكن اساعدك واقولك تعملي ايه
تهاني: ياريت انتي عارفه في الموضه احسن مني. عايزه اعملها حاجه حلوه. عشان يجيلي زباين كتير.
شذي وهي تفكر كيف تساعد تهاني.
دخلت غرفتها واخرجت ورقه وقلم فهي تحب الرسم
ورسمت كذا شكل لاشياء رقيقه وفساتين.
خرجت بعد وقت لتجد تهاني انتهت من تفضيل بعض الملائات
تهاني: بصي كده يا شذي
شذي: الله يا داده. دول حلوين اوي. انتي شاطره في التفصيل
تهاني: دي هوايه عندي كده.
شذي: ممكن تعمليلي فساتين
تهاني: بس كده انتي تؤمري بس وانا اعملك اللي انتي عايزاه.
ضحكت شذي وقبلتها من وجنتها: طيب انا كمان عايزه اتعلم زيك. عشان اساعدك لحد اما القي شغل
تهاني: حاضر هعلمك
اخرجت شذي الورق الذي معاها: بصي يا داده الاستايلات دول. انتي ممكن تعمليلهم هيكون حلوين خروج كمان
تهاني: دول حلوين اوي. بس مش هينفع ينخرج بيهم هنا. المنطقه الشعبيه مش بيلبسو كده. ولوزه محجبه كمان. ممكن نفصلهم وتلبسهم في البيت
شذي: اه ممكن. وممكن كمان تطولي ده نوسعه شويه ويكون بكم. هيكون دريس خروج.
تهاني: صح. شوفتي بقي. انتي مخك حلو في الحاجات دي.
شذي: اه. انتي عارفه اني مهوسه باللبس
تهاني: انتي هقتوليلي. بتصرفي فلوس كتير على الهدوم
لتبتسم بحزن: كان يا داده.
تهاني وهي تربت على ظهرها: بكره ربنا يفرجها ويعوضك. خير ويرزقك يا بنتي
شذي: يارب يا داده. قومي ارتاحي شويه وبكره كملي عشان عينك
تهاني: انا متعبتش. وبكره ان شاء الله هروح للحاج جبل واقوله يبعت لوزه اخد مقاستها.
شذي: اه وممكن تعمليلها الفستان ده. ليكرا وهيجي على كل جسم.
تهاني: صح
اكملت تهاني عمل الفستان.
مع الحاج جبل
وقف واغلق ابنه المحل. وذهبو إلى بيتهم
دخل جبل مع فيصل البيت ليجد. لوزه في استقبالهم
لوزه: حمد لله على السلامه
قبلت يد والدها: الله يسلمك يا لوزه.
فيصل: ايه يا زفته. عامله ايه.
ليضربها على مؤخره راسها وضعت يدها بغيظ: ايدك تقيله
جبل: فيصل. بطل الحركه دي.
فيصل: بسلم عليها يا ابا
جبل: ايدك تقيله. انت عايز تعمي البت وله ايه
فيصل: لا وعلى ايه. هندبس فيها اكتر من كده.
لتنظر له بحزن وتدخل إلى المطبخ
جهزت الطعام فوالدتها متوفيه ومن وقتها وهي من تقوم بخدمه ابيها واخيها رغم انهم يستطيعون ان يحضرو لها خادمه ولكنهم لا يحبون ان تدخل غريبه بيتهم
وضعت الطعام على الطاوله ليتناولو الطعام
دخل فيصل غرفته واخذ حقيبه ظهره ليخرج
جبل: على فين
فيصل: على الجيم يابا. ما انت عارف
جبل: ولازمته ايه الجيم وانت بتقطع نفسك بالسجاير
نظر له وصمت.
جبل: فكرك ياعني عشان بقيت طولي مش هعرف بتعمل ايه من ورايا
فيصل: يا ابا انا مش بشرب غير اما بتعصب بس
جبل: بتحرق في صحتك. متشربش الزفت السجاير دي تاني
فيصل: حاضر يا ابا
جبل: ومتتاخرش
فيصل: حاضر
جبل: اتوكل على الله
خرج من الشقه. ليتوجهه إلى النادي الرياضي
دلف ليجد عبد الرحمن هناك
فيصل: ايه يا بندق.
بندق: ايه يا فيصل. اتاخرت ليه
فيصل: يا دوب خلصت اللي ورايا وجيت
بندق: مالك متعصب ايه.
فيصل توجهه إلى الاثقال ليرفعها: ابويا عرف ان بشرب سجاير واداني كلمتين
بندق: يعني انت صغير.
نظر له فيصل وسكت.
ليكمل تمرينه.
في اليوم التالي
استيقظ فيصل وجبل ولوزه كانت اعدت الافطار
جلسو يفطرو معا ثم ذهبو إلى محل عملهم
وبعد وقت استيقظت تهاني وشذي ليفطرو
ارتدت ملابس الخروج وذهبت للسوق لتشتري الطعام ثم ذهبت إلى محل الحاج جبل
تهاني: السلام عليكم يا حاج
جبل ؛: وعليكم السلام يا ست تهاني
تهاني: كنت عايزه لوزه تيجي البيت عندي اخد مقاساتها وبالمره تقيس الحاجه اللي عملتهالها
جبل: طيب ما تروحي انتي يا ست تهاني.
تهاني ؛ متخفش عليها يا حاج ده انا اشيلها على راسي. انا قاعده في الشقه لوحدي انا و شذي
جبل: ماشي يا ست تهاني. هكلمها واخليها تجيلك حاضر
تهاني: تشكر يا حاج. عن اذنك انا
جبل: اذنك معاكي
انشغل في بيع وشراء الاقماشه وعندما عاد إلى البيت
مع فيصل تذكر: اه صح. نسيت اقولك الست تهاني عايزاكي تروحي عندها عشان تاخد مقاساتك
لوزه: مقاسات ايه يا ابا.
جبل: اصلها بتفصل حاجات وظروفها على قدها. الناس اللي كانت بتشتغل عندهم ربنا يعافينا حصلتلهم ازمه وخسرو الفلوس ومات الراجل والست في يوم واحد. وبنتهم بعد اما كانت عايشه احسن عايشه اتدهور بيها الحال وجت تعيش في الحاره
فيصل كان يسمع كلام ابيه وعرف الان لما هي مختلفه هكذا ليبتسم
لوزه: يا عيني. بكره ان شاء الله اروحلها يا ابا
جبل: ماشي يا بنتي.
في اليوم التالي.
استعدت لوزه وارتدت العبائه السودا ولفت حجابها
اتصلت بوالدها: الو. ايوه يا ابا انا خلصت ولبست هنزل لخالتي تهاني
جبل: لا متنزليش لوحدك
خرج من المحل ولم يجد ابنه ليتذكر انه ذهب في مشوار
وجد بندق ليشير له: بندق. تعال
اقترب: نعم يا با
جبل: روح لخطبتك واستناها تحت البيت. ووصلها لبيت الست تهاني
بندق: حاضر يابا
جبل بتحذير: تحت البيت متطلعش
بندق: حاضر يابا. متخفش
جبل: مبخفش يلا. انا بخوف بس.
ضحك بندق وذهب باتجاه بيت لوزه فهو ليس بعيد
جبل: الواد بندق جايلك اهو
سمعت صوت نداءه: اه بينادي من تحت
جبل: انزلي واما تخلصي اتصلي بيا
لوزه: حاضر يابا
نزلت للاسفل لتجده يقف وهو يرتدي تيشرت اسود وبنطال جينس وشوز بنفس لون التيشرت
نظرت له بحب فهي تحبه من الصغر ولكنه لا يهتم بها قليلا ما يتصل بها
لوزه: ازيك يا بندق
بندق وهو ينظر لها من اعلي لاسفل ترتدي العباءه السوداء الواسعه والحجاب. ايضا اسود.
: الحمد لله. انتي عامله ايه
لوزه: الحمد لله
خرجو معا وهي تسير بجانبه
بندق: هو انتي على طول بتلبسي عبايه كده
لوزه: مش خارجه بعيده. انت كنت خارجتني بره وشوفتني لابسه كده
بندق: هتروحي وتشوفي الستات اللي على حق. هتشوفي البنت اللي قاعده مع تهاني عامله ازاي. دي بتنور
احست بحزن من داخله ونغزه في قلبها تريد ان تبكي ولكنها نظرت للارض واكملت إلى بيت تهاني
بندق: اما تخلصي اتصلي بيا اجي اوصلك
تهاني: شكرا.
صعدت على الدرج وهو لم يمشي حتى سمع صوت الباب يفتح ويغلق
في الاعلي كانت تهاني ترحب بلوزه بحراره.
تهاني: البيت نور والله يا لوزه. ماشاء الله كبرتي وحلوتي
لوزه: شكرا يا خالتي.
تهاني: مالك يا بنتي
لوزه: مفيش. انا كويسه اهو
تهاني ربتت على ظهرها: طيب تعالي اقعدي
جلست لوزه وهي تنظر لاسفل وتحاول ان تكبت رغبه البكاء التي تلح عليها. فبندق قاسي في التعامل معاها مثل فيصل اخيها.
تتذكر اليوم الذي علمت انه يريدها كان اسعد يوم في حياتها. وتخيلت ان بعد خطبتهم سيبدا في الاعتراف بحبه ويعيشون قصه حب، ولكن خاب املها فهو يزورها كل شهر مره واحده ومعظم الجلسه يتحدث مع فيصل ويتجاهلها. ولا يتحدث معاها على الهاتف سوي مرات قليله. تتحمل لانها تهيم به عشقا وهو كالحجر
خرجت شذي لتجد لوزه.
تهاني: تعالي يا شذي سلمي على لوزه
شذي: اذيك يا لوزه عامله ايه.
رفعت راسها لتجد شذي امامها جميله جدا هذه اذا الذي كان بندق يغازلها
لم تشعر بنفسها الا ودموعها تغادر عينها لتبدا بالبكاء
نظرت شذي إلى تهاني باستغراب
تهاني: مالك يا لوزه. مالك يا بنتي. مين مزعلك
كانت تضع يدها على وجهها وتبكي
لتربت شذي على كتفها وتبكي معاها فهي عندما تجد احد يبكي تبكي معه
تهاني: يوه يا بنات. بس الله الرحمن الرحيم. في ايه بس
اهدو كده واستهدو بالله.
بعد وقت هدات لوزه وشذي.
لتعطيهم تهاني عصير الليمون.
تهاني: مالك يا بنتي.
لوزه: مفيش
شذي: لا في. احكيلنا واحنا ممكن نساعدك
لوزه: ااصل خطيبي مش بيحبني. وبيتريق عليا
شذي: مين الحمار ده. بيتريق عليكي ليه. ده انتي قمر
تهاني: وهو يطول يخطب لوزه بنت الحاج جبل
شذي: سبيه. اللي مش بيقدرك سبيه. وبكره تتخطبي لاحسن منه
لوزه بدموع: انا بحبه
شذي: طيب هو بيتريق عليكي ليه.
لوزه: مش عاجبه لبسي وله شكلي.
شذي: انتي قمر. محتاجه بس شويه تعديل. تعالي معايا
احبتها شذي وحزنت لحالها لتاخذها إلى غرفتها وتخرج ادوات الميكاب
لوزه وهي تنظر إلى كل هذه الاشياء: ايه كل ده
شذي: الميكاب بتاعي.
لوزه: كل ده
شذي: اه. كل ده. انتي مش عندك ميكاب
لوزه: لا
شذي: ازاي. لازم تهتمي بنفسك عشان تكوني حلوه. في عين نفسك قبل عين اي حد تاني
لوزه: مش بعرف احط ميكاب ومش عندي.
شذي: انا ممكن انزل معاكي وانتي بتشتري واقولك على الحاجات اللي تشتريها وهعلمك كمان
لوزه: بجد
شذي: ايوه بجد. بس اوعديني متعيطيش على حد تاني. كبي نفسك. وخطيبك ده متساليش فيه وخليه هو اللي يجري وراكي
لوزه ضحكت لتبدا شذي في تجميلها ووضع بعض مساحق التجميل على وجهها. ابرزت جمالها
تهاني دخلت: ما شاء الله زي القمر يا لوزه
لوزه وهي تنظر لنفسها: بجد يا خالتي
تهاني: اه والله زي القمر.
شذي: هي اصلا حلوه من الاول. ودلوقتي جمالها ذاد.
تهاني: تعالي بقي قيسي الحاجه اللي فصلتها
اعطتها تهاني الملابس
وكان منها ملابس بيت. واعجبت جدا بهم لوزه
لوزه: دول تحفه يا خالتي...
شذي: اقلعي العبايه بقي وانتي ماشيه والبسي الفستان ده
وبعد كده البسي هدوم خروج
لوزه: انا اصلا مش بخرج
شذي: ليه. اخرجي واطلبي من والدك يخرجك والبسي كمان في البيت اما يجي البسي احسن حاجه عندك
تهاني: متلبسيش جلاليب في البيت قدامه.
كانت تسمع كلامهم باهتمام فهي لم تجد من تشتكي له والدتها متوفيه وتخاف ان تتحدث إلى اخيها والي ابيها في شئ.