رواية سجينة العادات للكاتبة نرمين قدري الفصل الخامس عشر
قالت سحر: في ايه يا نورما الحاجات دي بتاخد وقت يومين ايه اللي عاوزة تكوني فيهم في باريس انا بس على بال منقل شغل للوكالة هناك عاوزه شهر لوحده على الاقل.
قالت نورما بنفاذ صبر
- سحر. مش عاوزة كلام كتير جبيلي تأشيرة سفر و بعدين انقلي والوكاله على مهلك المهم اكون برا البلد في خلال يومين فاهمة سماعني بقول ايه يا سحر
+حاضر يا نورما بس افهم في ايه و ليه السربعة دي بس كده انتي هتلغبطينا و ما تنسيش الشغل المتعلق وفي أوراق كتير عاوزة امضيتك عليها.
-سحر بالله عليكي بالله عليكي يا شيخة مش عاوزة اسئله اعملي اللي اقولك علية من سكات احسن انا فيا اللي مكفيني ومش مستحملة اي سؤال من حد. ولا اي استفسار بالله عليكي اشتغلي من سكات.
+حاضر يا نورما خلاص متزوقيش. بس بكرة تأشيرة فرنسا تكون عندك و التذكرة احجزهالك كمان ولا تزعلي نفسك يا قمر بس قوليلي عاوزه تاريخ السفر أمتي.
-علي أول طيارة بعد متخلصي التأشيرة أن شله يكون امبارح فاهمة امبارح
+ ياااه لا انتي مستعجلة بجد بقي خير يا بنتي قلقتيني عليكي.
قالت نورما بعد نفذ صبر؛
- هو انا بتكلم انجليزي يا سحر بقولك عاوزة اكون على أول طيارة طالعة باريس في ايه هي كميا مش فاهمة انا بقول ايه صعب يتفهم.
شعرت سحر أن الوضع اخطر ما يكون
+ خلاص يا نورما اهدي اعتبرية حصل وانتي في فرنسا خلاص وبتتصوري عند برج ايفل كمان.
قفلت نورما تليفون وجلست تسترجع اللي حصل ودموعها سبقاها وهي تحاول جاهدة أن تتجاوز محنتها بمفردها
يارب انا هعمل ايه في المصيبة. اللي انا فيها دي حللها ازاي يارب حلها من عندك انا بجد تعبت قوي.
دخلت ليلي على نورما
ليلي: مالك يا نونو في ايه بس شكلك مش مظبوط انا ماما هتخبي على ماما حببتك انا حاسة بيكي يا قلب امك قوليلي فيكي ايه عنيكي مكسورة حد عملك حاجة احكي لامك مش هتلاقي حد يخاف عليكي قدي احكيلي اللي فيكي بس.
قامت نورما وقفت من مكانها و التفتت الناحية التانية حتى لا تري دمعها لامها.
قالت بدموع وشهقات متتالية: + احكي ايه ولا ايه احكي عن بعكم ليا لواحد معرفهوش ولا عمري شوفته واتجوزته وانا معرفش اسمة وكل ده تحت اسم عادات احكي عن ايه ولا ايه ولا ايه احكي يا امي عن حماتي اللي مفروض تكون امي تانية اللي باعت و اشترت فيها كاني واحدة من ابشارع احكيلك عن ايه ولا ايه ولا ايه بالله عليكي سبيني في حالي انا مش عاوزة اتكلم مع حد انا كرهت نفسي وكرهت المكان هنا و كرهت كل حاجة فيه يا ريت تسبوني يمكن الموت يجي ياخدتي و يريحني و يريحكم مني انا اصلا خلاص معتدش عاوزه. حاجة من حد خالص كل اللي طلباه منكم اعيش في حالي لا عاوزة اعرف حاجة عن حد ولا عاوزة حد يعرف حاجة عني استكفيت خلاص بجد استكفيت.
ليلي: ياقلبي بعد شر عنك كل ده في قلبك ومخبياه يا نونو.
قطعتها نورما بقهر شديد
اااااااه يا امي شر ايه مش اكتر من الشر اللي انا في يا امي اااه اااه نار جوايا ومحدش حاسس بيا اااه قلبي اللي انكسر. ونفسي انكسرت ارحموني وسبوني اعيش اللي فاضل في سلام داخلي مع نفسي وبس انا هكتفي بنفسي مش عاوزة حاجه خالص.
ليلي: حرام عليكي يا بنتي متعمليش في نفسك كده وانا مش هسيبك تاني انا نزله معاكي مصر. رجلي على رجلك.
نورما بضحكة بسخرية
مين قالك اني هقعد في مصر يا امي. انا سيبهالكم كلها انا مش قاعدة معاكم كلكم في بلد واحدة انا مسافره.
وفجاءة الباب اتزق دخلت جليله.
جليلة: علي فين العزم يا بنت ابني و هي امك مقلتلكيش أن الأرملة مبتقعدش لحالها عندينا الأصول بتقول اكده مافيش وحدة عزبه بتقعد لحلها عوايدنا أكده.
نورما التفتت ليها و قد جابت اخر صبرها انفجرت فيها وقالت بصوت يحمل كثير من الغضب:
+ طظ اه طظ في عوايدكم وتقاليدكم دي ااااااايه هو قرآن المفروض نمشي عليه كل شويه عوايدنا قالت عويدنا عادت و فين البني ادمين هما عاوزين ايه مش مهم المهم العوايد و التقاليد والعادات الأصول والواجب لكن البني ادمين عاوزين ايه بيحسو بايه كل ده طظ ملهوش لازمة عندكم أن شاله يموتو المهم العوايد والتقاليد.
وانا بقولها لك اهو يا جدتي طظ في عوايدكم انا مش هدفن نفسي بلحيا علشان خاطر العادات والتقاليد لاء كفايا مرة سكت لا مش هسكت تاني و هتكلم وهعالي صوتي انا مش قاعده هنا تاني مش قاعدلكم. فاهمين مش قاعدة وطظ والف طظ في العوايد والتقاليد بتاعتكم اللي مش بتعمل اعتبار لا للكرامة ولا لشعور.
قالت جليلة بعصبية
قولي بقي انك عاوز تمشي على حل شعرك بنت قليلة الرباية صوح
في دخلت فاروق
فاروق: امي من فضلك انا مربي بنتي صح و مستحل. تعمل كده
جليلة: يعني ايه ياولدي هتهملها تعيش وحديها وهي عزبه.
فاروق: وايه يعني نورما عاشت في فرنسا اربع سنين لوحدها مش هخاف عليها
جليلة: الناس عتاكل وشنا عاد كيف بنتك عزبه تقجعد لحالها أكده كيف.
فاروق: يا امي كفايا بقي انا كنت هضيع بنتي بسبب الناس و كلامهم وعاداتهم حرام بقي بنتي هتعمل اللي هي عوزازه ومعلش يا امي طول ما انا عايش محدش هيمشي كلامه عليها كفايا كسرتها و خيبت ظنها فيا مرة.
خرجت جليلة بدون ولا كلمة ولكن نظرات عينيها فيها غضب
ليلي: ربنا يخليك لينا يا فاروق ايوة كده.
رفع فاروق عينه في عين نورما.
ولكن اقتربت منه نورما وقالت بقهر شديد
بعد ايه يا حاج كان من الأول بعد ما خلاص ماعدتش في حاخة اسمها نورما بعد ما اتكسرت خلاص.
فاروق: حاج انا ابوكي ولا ناسيتي يا نورما.
نورما: للاسف مش انا اللي ناسيه انت يا حاج اللي نسيت اني انا بنتك و حبستني في نفس الأوضة دي وعينت امي سجان و بعتني ومسالتش. فيا سنة كاملة ولا كاني بنتك وسبت الكل هناك يبيع ويشتري فيا كاني مليش ظهر ولا سند وكل ده ليه علشان العادات والتقاليد بتقول كده.
فاروق: غصب عني يا حبيبتي مكنتش قادر احط عيني في عينك غصب غني.
نورما: خلاص حصل خير من فضلكم سبوني عاوزة انام علشان روايا سفر الصبح يكون في علمكم انا هنقل شغلي باريس وهقعد هناك علطول
ليلي: يعني انتي هتسبيني وتسافري اهون عليكي يا نورما تحرميني منك يا بنتي.
نورما: ما انا هونت عليكم سنة اشمعنا بقي
يلا يا ماما من فضلك بجد عاوزة انام تعبانه اليوم كان طويل جدا.
وفي سراية العزاوي.
يحبس امير في غرفة المكتب يفكر ماذا يفعل كي يستعيد نورما و الغيظ و الغصب على وجه.
- بقي كده ماشي. ماشي يا نورما هنشوف انا ولا انتي بس وحيات حبك في قلبي ما هسيبك انتي بتاعتي ومش هسيبك اهدي عليا بس. انا هطلعه عليكي كل ده.
دخلت هانم.
هانم: اباي عاد لساتك قاعد منمتش خير يا ولدي ايه شاغل بالك
امير: مافيش يا امي بس خروج نورما في الوقت ده لوحدها غلط ركبنا احنا الغلط قدام أهلها.
هانم: لاغلط والا غيرة عاد انت بكرة تدلي عنديهم وتمضي بنت المركوب دي على تنازل عن حقها في ورث الغالي مش تبقي وش بوم وكمان تورث في ولدي.
امير: بس ده حقها اللي ربنا قال عليه يا امي.
هانم: الله في سماه ما يحصل ولا تاخد مليم من ولدي.
امير: حاضر يا ا امي انا هروحلها الصبح واشوف هي عاوزة ايه
- يعني عاوزة ايه مفهماش انا.
+ يا امي يا امي الله يهديكي أنتي حجة بيت الله وعارفه كويس ربنا بيقول ايه ليه بس نغضبه انا نفسي اعرف نورما عملتلك ايه علشان تكرهيها كده.
- انا مش بكرها يا ولدي بس البت دي شوكتها حامية معرفتش امشي كلمتي عليها وكمان كانت واخدة اكمل خايك في حضنها. وكان بينفذلها اي حاجة تعوزها معرفش ليه كان ضعيف قدمها وده كان بيضايقني قوي.
+بس كل ده ما يعطكيش الحق في انك تكرهيها أو تحرميها من شرع ربنا في ميراثها.
هانم: اعمل اللي تعمله يا والدي انا زهقت انا داخلة انام احسن تتصبح بلخير يا ولدي
امير: تصبحي على خير يا امي.
وفي صباح اليوم التالي.
دخل امير سراية الجندي وجد الكل متجمع على فطار وشنط نورما كلها جاهزة. على باب السرايا قلبه اتخطف حس أنه هيخسرها الابد ضميره ارتاح اللي هيعملو.
قال امير السلام عليكم.
قام فاروق و الجد الكبير يرحبو با أمير. ونورما مكانها مرفعتش عنها من على الطبق.
الجد يامراحب يا ولدي اتفضل فطور عاد.
امير: تشكر يا حاج سبقتكم انا بس كنت عاوز مدام نورما في كلمتين
رفعت نورما راسها فاجأه و جحظت عيناها.
الجد: اه طبعا يا ولدي بس ليه عاوزها عاد بنتنا غلطة في شيء.
امير: لا ابدا يا حاج بس انا كنت عاوز أسلمها ورثها من المرحوم اكمل و لازم تمضي على شويه. اوراق بخصوص الورث.
جليلة: صحيح ياولدي انت كيف تهمل مرت اخوك تعاود عشية لوحدها مش عيب في حقكم ولا ايه وليه تخليها تعاود من أصله هي دي عادات ولا ايه مش الأرملة لأخ الزوج ولا ايه.
نورما: بااس في ايه يا جدتي انتي هتدللي عليا ولا ايه انا جواز مش هتجوز انا سيبالكم البلد كلها وماشية.
امير: وعلى فين العزم بقي أن شاء الله.
نورما: اظن دي حاجة متخصكش ملكش فيها.
امير: اعرف بس علشان لو في شغل متعطل علشان امضتك على حاجات اللي تخص اكمل اخويا الله يرحمه.
نورما: انا اصلا مش عاوزة حاجة وهكتبلك تنازل عن كده
امير: واحنا مش بناكل حق حد ولا بنقبل على نفسنا.
دخل الغفير العربية اللي هتودي مدام نورما المطار وصلت.
فاروق: طايب خد شنط طلعها وهي هتحصلك.
امير: مش هتمشي غير لما تمضي على الورق ده احنا مش بناكل حق حد.
نورما: اخلص هات الورق خليني اخلص مستعجلة معاد الطياره اخلص هات قلم ومضت نورما على كل الورق دون أن تقرأ وجرت هسرعة من غير. ما تسلم على حد تركب السيارة منجه نحو المطار.
امير عنيه دمعت بفارق اعز حبيب عنده
امير: استأذن انا و الف هنا على الفطار ثم رجع بضهره تاني هو صيحح نورما مسافرة فين.
فاروق: راجعة فرنسا هتشتغل في فرع الوكاله اللي هناك.
امير: بتعجب راجعة يعني هي كانت عايشة هناك ومعاها باسبور واخده تأشيرة قبل كده اوووف.
فاروق: ايوة يابني هو في ايه غريب في كده.
انتبه امير لنفسة لاء لاء يا عمي مافيش حاجة انا بستفسر بس
خرج امير مسرع من سرايا.
امير: الو أيوة يا احمد في باسبور حياخد تأشيرة لفرنسا عاوز تاريخ السفر ضروري.
رجعت نورما مصر. دخلت الوكاله وكان روحها رجعتلها مرة تانية.
نورما: سلام عليكم ياقوم وحشتوووني.
فجأة الكل اتجمع حولين نورما يرحب بيها.
سحر: اهلا المديرة الشقية وحشتنا شاقوتك يا مديرة.
نورما: اهلا سحر خلصتي اللي طلبته منك
سحر: عيب عليكي انا سحر بردو اللي بتسلك في الحديد.
نورما: طيب ياختي وريني الباسبور ويكون في علمك قدامك اسبوع بس تكوني خلصني ورق نقل الوكاله.
دخلت نورما مكتب تلم أورقها وحاجتها
دخلت سحر
سحر: مالك يا نونو ممكن اعرف مش دي نورما اللي كانت عنيها كلها شقاوة و حياة ايه إلى طفاكي كده يا قلبي.
نورما: سحر متفتحيش في جرح لسة حي و بينزف يمكن لما يخف اقدار احكي لكن طول ما هو بينزف سامحيني مش هقدر.
سحر: الله يكون في عونك حببتي شكلك تعبني قوي بس معلش عدت شدي حيلك
نورما: باستهزاء اه عدت عندك حق روحي بقي خاليني اخلص لم حاجتي طيارتي كمان اربع ساعات اتاخرت.
سحر: ولمحت دموع في عنين نورما حاضر يا نونو بس هعرف ععرف انا سوسو بردو
نزلت دموع من نورما غصب عنها جرحها لسه في أوله و صعب يتلم بسرعة.
سلمت نورما على كل أصدقائها في الوكالة و خرجت على المطار
دخلت نورما المطار مسىرعة متأخرة كالعاده
قدمت نورما الباسبور
الموظف: انا اسف يا مدام حضرتك ممنوعة من السفر
نورما: نعم هي مين دي اللي ممنوعة شوف الاسم كويس من فضلك اكيد في حاجة غلط وحضرتك مش واخد بالك.
الموظف: ايوة هو الاسم نورما فاروق الجندي حرم أمير العزاوي زوج حضرتك اللي منعك من سفر.
نورما: اهدي كده وعيد الكلام تاني حرم مين قلت أنا مش متجوزة اصلا.
الموظف: ازاي يافندم قسيمة جوازك اهي قدامي وحضرتك ماضية عليها زوجك مانعك من سفر.
خطفت نورما الورق. من أيده بصت فيها و برقت جامد.