رواية شمس الصعيد الجزء الأول للكاتبة ياسمين علاء الدين الفصل الثالث والخمسون
زياد راح هو وقمر يجيبو الشبكه. وكانو الاتنين فرحانين.
زياد: يلا انزلي واختاري اللي نفسك فيه
قمر: مش عايزه حاجه غيرك
زياد: ايه. اكيد بحلم
قمر ضحكت بكسوف
زياد: وربنا بعشقك
قمر: يلا ننزل. لانك مش مضمون
زياد: انا برضو بقول ننزل. نزل هو وفتح باب العربيه.
زياد: اتفضلي يا قمر الزمان
قمر بتضحك ونزلت وهو مسك ايديها ودخلو محل مجوهرات اختارو دبله ومحبس وطقم دهب.
وبعدين راحو اتعشو مع بعض و زياد بيحكلها عن السفر واصحابه.
قمر: انت كنت بترخم عليا قبل اما تسافر اووي
زياد: انا بحبك من وانتي صغيره. بس كنت بتعصب اما اشوفك مش لابسه الحجاب. وشعرك الاسود الطويل كنتي قمر يا قمر
قمر: كان ممكن تفهمني بهدوء بدل ما تتعصب كل شويه
زياد: تعرفي اني كنت عايز اتجوزك قبل ما اسافر بس امي قالتلي انك لسه صغيره. قولتله خايف تروحي مني. وقالتلي انها هتحافظ عليكي علشاني
قمر: امممم. وسيادتك كنت خرابها.
زياد: يوووه انسي بقي ده ماضي فات. انا كنت بحاول اشغل نفسي عشان ابطل افكر فيكي.
قمر: طريقه غريبه في النسيان. بس متنساش انك وعدتني مش هتعرف بنات. لاني لو عرفت انك بتعرف بنات هبعد عنك
زياد: انا اما صدقت انك معايا. اكيد مش هضيعك من ايدي تاني. ثفي في حبي ليكي لانه كبير.
قمر: انا معاك لاخر العمر
زياد: بحبك وربنا
قمر: وانا بحبك. من زمان بس انت كنت غبي
زياد ضحك: بطلي طولت لسان يا روحي.
قمر: دي مش طولت لسان ده تعبير انك مش واخد بالك
زياد: اوكي يا قمر. بلاش تعبير باسلوب ده
قمر: اوك. اسفه
زياد: بحبك
قمر وزياد بيتكلمو و بعدين رجعو البيت والكل اتفرج على الشبكه وعجبتهم
عز كان في دنيا تاني سرحان وزعلان انه زودها مع جميله
عز لنفسه: لا متزعل وله تتفلق. انت عايز تكرر غلطه الماضي.
بيرد على نفسه: بس في فرق بين الاتنين. صافي كان بتفرد نفسها عليا. جميله لا. عندها كبرياء ومتمرده. وبعدين ماما وقمر وخالتو عارفينها وعارفين اهلها يعني في فرق
عز: لا انساها خالص. انت بتكره البنات
عز: انا بكرهم صح. بس شكلها كانت خايفه مني. واكيد بتدعي عليا. لو ماما عرفت وله بابا باللي عملته هتحصل مشكله
عز لسه بيكلم نفسه: انت بتبرر لنفسك. انت عايز تكلمها وخلاص. هي استفزتك وله يمكن عجبتك.
عز: لا معجتنيش. انا هاخد رقمها من قمر واطمن عليها
عز راح لزياد. عز: زياد انا عايز رقم جميله من قمر
زياد: جميله. جميله اخت عبدالرحمن
عز: اه
زياد: اشمعانه
عز: قبل ما اجي على هنا. خبطتها بالعربيه وعابز اطمن عليها
زياد: نهارك اسود. وحصلها حاجه
عز: لا. مش عارف عايز رقمها اطمن عليها من غير اما حد يعرف
زياد: انت قلقان عليها. بص انا هجبلك الرقم.
عز: هات الرقم من غير كتر كلام.
زياد في سره: يارب تحبها زدو اخلص عشان اتجوز بقي
زياد كلم قمر وخد تلفونها يشوف في حاجه. وبعت رقم جميله على الواتساب لعز وبعدين مسح الرساله على تلفونها.
زياد: شكرا يا قمري. انتي منمتيش ليه
قمر: مش جيلي نوم
زياد: تعالي نتفرج على التلفزيون
قمر: لا. انا هرجع اوضتي.
زياد: هكلمك لحد اما تنامي
قمر: ماشي
زياد رجع لعز: ها الرقم وصلك
عز: اه. تشكرا يا معلم.
زياد: بص البت جميله دي غير البنات اللي كنت تعرفهم فكلمها بادب. وكمان هي جميله اوي ورقيقه بسكوته كده
عز: انت هتحب فيها. انادي لقمر تسمع كلامك
زياد: وانت هتبتدي تغير عليها. يبقي اكيد بتحبها
عز: لا انت اتجننت. احب مين. انا شوفتها مرتين
زياد: في حب من اول نظره
عز: انسي. واطلع بره يالا
زياد بيغني: وماله لو ليلة تهنا بعيد وسبنا كل الناس
أنا يا حبيبي حاسس بحب جديد ماليني ده الإحساس
وأنا هنا جنبي أغلى الناس.
أنا جنبي أحلى االناس
وماله لو ليلة تهنا بعيد وسبنا كل الناس
أنا يا حبيبي حاسس بحب جديد ماليني ده الإحساس
وأنا هنا جنبي أغلى الناس
جنبي أحلى االناس
عز: اطلع بره يا بارد. صوتك مزعج
زياد: انا هطلع اغني لقمر احسن هي هتقدر موهبتي. سلام
خرج زياد
عز مسك التلفون واتصل برقم جميله ردت
عز: ازيك
جميله: مين معايا
عز: مش مهم تعرفي انا مين
جميله: وانا مش عايزه اعرف. وقفلت التلفون في وشه
عز اتصل تاني وتالت ورابع.
جميله بنرفزه: انت مصمم. عايز ايه متتصلش بيا تاني.
عز: طيب نتفاهم
جميله قفلت التلفون خالص. عز فضل يحاول يتصل بس مش بترد. اضايق كان عايز يطمن عليها
عز طول الليل بيفكر في جميله. طلع الصبح و
عز: ماما انا راجع قنا
شمس: ليه. انت لحقت
عز: اصل زين لوحده. وهو اللي شايل الشغل كله
شمس: خليك يومين معانا وانا هكلم زين يجي
عز: هرجع واخلص معاه واجيبه يقعد معانا. ماشي
شمس: تمام. قول لابوك الاول
عز قال لباباه.
عز: زياد هو بيت جميله فين
زياد: متقولش انك راجع قنا تتقدم ليها
عز: انت اتهبلت. لا طبعا. انا كنت عايز اطمن عليها
زياد: تطمن. ماشي. انا هسال قمر
عز: في المستخبي. بلاش فاضيح
زياد: عيب عليك
زياد راح لقمر
زياد: قمري ينفع اسالك سوال
قمر: اسال
زياد: عايز عنوان بيت جميله
قمر: ليه بقي ان شاء الله
زياد: يا لهووي يا ناس على القمر وهو غيران. مش ليا وربنا
قمر: لمين
زياد: هقولك بس متقوليش لحد
قمر: عيب عليك قول.
زياد: للواد عز.
قمر: عز
زياد: اه. اخلصي بقي. عشان مستني
قمر قالتله للعنوان وهو قاله لعز.