رواية شمس الصعيد الجزء الأول للكاتبة ياسمين علاء الدين الفصل الثاني والأربعون
زين مع زياد. وعز بيتصل بصافي وهيتجنن عايز يعرف ايه اللي حصل وليه امه تعبت كده.
ضحي راحت تدور على زين وزياد وقمر قالتلها على مكانهم
صقر كان بيدور على عز علشان يعرف ايه اللي حصل مع شمس
ضحي راحت لزين وزياد قعدت جنبهم في الارض
ضحي: زين. زياد.
الاتنين رفعو راسهم وعينيهم مليانه دموع. ضحي مسحت دموعهم
ضحي: شمس كويسه. بس ضغطها عالي. واكيد هتزعل لو شافتكم وانتم كده
زياد: خالتو انا اول مره اشوفها كده.
ضحي: اي انسان معرض للتعب. وهي الحمد لله مفيهاش حاجه. ده تعب بسيط
زين: ربنا يشفيها ويخليها لينا
ضحي: يارب يا حبيبي. دلوقتي انا طالبه منكم طلب
زين وزياد: ايه هو
ضحي: تقومو كده. وتغسلو وشكم. علشان اما تصحي وتشوفكم متزعلش وضغطها يعلي. اتفقنا
زين وزياد غسلو وشهم. وطلعو على اوضهم.
ناصره: الولاد مالهم يا ضحي
ضحي: زعلانين علشان شمس. اول مره يشوفها تعبانه كده
ناصره: ربنا يشفيها.
صقر طلع اوضه عز وخبط ودخل.
صقر: ممكن افهم ايه اللي حصل مع شمس. كانت كويسه وجت من بره وهي تعبانه كده
عز: ماما راحت تقابل صافي. دي واحده بحبها وانا سيبتهم يتكلمو رجعت لاقيتها كده. وقالتلي ان عندها صداع ومعرفش حاجه تاني. والله
صقر: قوم اقف كده مفيش رجاله بتعيط. البت دي تعرف بيتها
عز: لا
صقر: لا. ازاي انت مش بتحبها وتعرفو بعض
عز: بس معرفش بيتها
صقر: طيب اسمها بالكامل ايه
عز: صافي يوسف
صقر: يا بني من عايله مين
عز: معرفش. مسالتش.
صقر مش راضي يضغط على عز لانه شكلها منهار
صقر: قوم معايا ننزل لتحت
عز: مش عايز. انا هقعد هنا
صقر: هتفضل لوحدك. تعال انزل وبالمره نطمن على امك. بس الاول ادخل اغسل وشك
عز غسل وشه ونزل مع صقر لتحت
امال شافت صقر نازل مع عز
امال: اخرج يا عز لخالتك ضحي انا عايزه عمك د
امال لصقر: ايه اللي حصل لشمس.
صقر حكالها اللي حصل: بس انا شاكك ان البت دي وراها مصيبه.
امال: ربنا يستر. انا كمان حاسه بكده. شمس عمرها ما تعبت كده. اكيد في حاجه غلط
زين وزياد وعز خبطو على باب الاوضه اللي شمس نايمه فيها. وفتحو الباب كانت شمس لسه نايمه في حضن فزاع
فزاع: لسه نايمه. متقلقوش هي كويسه
زين: بابا خليها تفوق تتكلم معانا
فزاع: سيبها نايمه احسن
زياد: طيب خلينا قاعدين جنبها
فزاع: انتم صغار على اكده
عز: لو سمحت يا بابا. خلينا
فزاع: انت لازمن تقولي امك فيها ايه وايه اللي حوصل معاها.
عز: هي كانت قاعده مع صافي وانا قومت شويه وسيبتهم ومعرفش ايه الحديث اللي دار معاهم. كل اللي اعرفو اما رجعت ان صافي جالها تلفون ومشيت وماما قالتلي انها تعبانه ودماغها مصدعه بس وجبتها وجيت على هنا
زين: طيب اتصل بصافي دي نعرف ايه اللي حصل
عز: اكيد اتصلت بيها كذا مره وتلفونها مقفول. والله يا بابا انا لو اعرف انها هيحصلها كده مكنتش خليتها تقبلها.
فزاع: اللي حصل حصل. احنا هنستنا انها تصحي ونطمن عليها وهي هتحكي. بس والله العظيم يا عز لو عرفت ان البت دي هي السبب في اللي امك فيه لهطين عيشتها
عز بحزن ووطي راسه: اللي تشوفه يا بابا
كل ده بيتكلمو بهمس علشان شمس
قاعدو في الاوضه حوليها وعينيهم عليها وهي اكنها بتحلم بكابوس ووشها عرقان وبتنهج
زياد بخوف: بابا صحيها ارجوك.
زين قام وقف وجاب كوبيه مياه وهيتجنن على امه. ادها لفزاع اللي رمي على وشها شويه مياه علشان تصحي
عز واقف وهو حيران وحاسس بالذنب وعيونه مليانه دموع
شمس اول ما المياه جت على وشها. فاقت وبتصرخ. ولادي
فتحت عينيها وبتحاول تركز وبصت كانو كلهم حوليها
وفزاع حضنها. شمس بتنهج وبتتنفس بصوت عالي
فزاع: اهدي يا شمس مفيش حاجه. ده كابوس. انتي كويسه
شمس: الحمد لله. الحمد لله. عز فين
عز كان واقف بعيد شويه وزين وزياد حوليها.
عز: انا هنا يا ماما. الف سلامه عليكي
شمس قامت من حضن فزاع وشدنه لحضنها جامد وفزاع مش فاهم حاجه بس حاسس ان في حاجه غلط. وده مش وقت سؤال.
شمس: انت كويس يا عز
عز: ايوه يا ماما. انتي عامله ايه لسه تعبانه
شمس: انا بخير طول ما انتم حوليا وبخير
شمس: تعال يا زين انت وزياد. عز قام وزين حضنها وباس ايديها وزياد كمان باس ايديها وحضنها وهي بتحضنهم جامد
فزاع بصلها بنظره طويله في عينيها وهي بتحاول تخبي قلقها.
دخلو كلهم يطمنو عليها. وقاعدو معاها شويه.
صقر خد فزاع وخرج يتكلم معاه بره
صقر: شمس في حاجه مخبيها ولازم تعرفها.
فزاع: مش هينفع اتكلم معاها دلوقيت لازم الدنيا تهدا وهي كمان تهدا علشان متتعبش
صقر: انا شويه وهاخد الولاد مع ضحي وقمر ورحيم
فزاع: لا. انت ما شفتهاش اما قامت كانت بتعمل ايه. هي مش هترضي. سيبهم وانا هتصرف معاها
صقر: ربنا يستر يا فزاع. تعال ندخل نشوفها.
دخلو لشمس وبعدين صقر خد ضحي وقمر ورحيم ومشيو علشان شمس ترتاح
فزاع: تعالي نطلع اوضتنا. انا دخلتك اوضه امي علشان تحت.
شمس: ماشي
فزام: استني اشيلك
شمس: انا كويسه سيبني اتمشي. واطلع انا كمان علشان الولاد شكلهم خايف. فزاع قولهم ميخرجوش من البيت.
فزاع: ليه يا شمس
شمس: علشان خطري انا تعبانه ومش قادره اتكلم
فزاع: هقولهم. بس هتحكيلي كل حاجه.
شمس بصتله وسكتت طلعو على اوضتهم فزاع دخلها وراح لاوض الولاد اطمن عليهم وحذرهم انهم يخرجو من البيت. علشان لو امهم تعبت يكونو موجودين معاه. وهما وفقو
فزاع دخل لشمس كانت غيرت هدومها وقعدت على السرير
فزاع: انا عملت اللي قولتلك عليه من غير اما اعرف السبب دلوقتي احكيلي ايه اللي شقلب حالك اكده
شمس: خايفه تقوله وساكته
فزاع: شمس الموضوع شكله مش سهل لازمن اعرف في ايه
شمس: تعرف مين ابو صافي
فزاع: هعرف منين.
شمس: يوسف القناوي
فزاع: وبعدين فيها ايه يعني. انتي هتنقطيني بالكلام
شمس بدموع: انا طالبه منك تهدي لان حياه الولاد في خطر. ارجوك يا فزاع انا خايفه عليكم. خايفه اووي
فزاع حضنها: احكي يا شمس من الاول علشان اقدر اساعد وافهم. وانا هادي هسمعك للاخر. اتكلمي
شمس ابتدت تحكي من اول اما قعدت مع صافي
لحد اما عز خدها ورجعت البيت
فزاع بيسمعها وهي بتحكي وبصلها وهو مفيش تي تعبير في وشه. بيسمع وبس.