رواية شمس الصعيد الجزء الأول للكاتبة ياسمين علاء الدين الفصل الثاني والعشرون
شمس رايحه جاي ما بين عمتها وفزاع
وبعد ساعات
فزاع خرج من العمليات واتنقل لغرفه اخري
والدكتور المساعد أخبرها ان حالته مستقره.
اخيراً وصل صقر وابيها عابد والدتها امال واختها ضحي
ركضت شمس على عابد وضمته واغمي عليها. كانت تحتاج إلى وجود أحد بجانبها لتنهار أخيرا وقعت بين يد إليها وهو لحق بها، امال وضحي صرخو من منظر شمس ومن شكل وجهها الشاحب، صقر حملها ونادي على الممرضين.
ودخلوهم اوضه والدكتور نزل يكشف عاليها وهو خرج، سال على اوضه امه وراح يطمنها عليها كانت الممرضه هناك
صقر: لو سمحتي هي عامله ايه و عندها ايه
الممرضه: حضرتك ابنها
صقر: اه
الممرضه: هي عندها جلطه بس الدكتور لحقها وحالياً حالتها مستقره. الصبح هتفوق وهتكون كويسه متقلقش.
خرجت الممرضه وقفلت الباب وراها وصقر حاسس ان الارض من تحتيه بتتهز وحاسس انه في كابوس راح جنب سرير امه وقعد على ركبه في الارض وحضن ايديها وباسها وبكي على امه شكلها تعبان.
ضحي سالت على الاوضه ودخلت تطمن على عمتها وفتحت الباب واتفاجات بشكل صقر المنهار وماسك ايد امه كانه مش صقر اللي تعرفه اول مره تشوفه بالضعف ده. قفلت الباب وجريت عليه ضمته ليها وهو شد على ضمها وزود البكي في حضنها. ضحي هي كمان بكت عليه وعلى بكاءه
ضحي قعده في الارض وهو مستخبي في حضنها زي الطفل ومخبي وشه وبيعيط جامد
ضحي: اهدي يا قلبي. ربنا يقومها بالسلامه.
صقر: امي بتروح مني يا ضحي اعمل ايه مش بايدي حاجه.
ضحي: قوم صلي وادعلها وربنا يشفيها. الممرضه قالت انها عدت مرحله الخطر.
صقر: انا حاسس ان ده كابوس امي وفزاع. فزاع ده مش اخويا لا ده ابويا والسند تعرفي انه على طول كان في ضهري وبيقوني. انا مش عارف ايه اللي حصل بين يوم وليله كده الاتنين يتعبو
ضحي: احمد ربنا. ده قضاء ربنا وقدره وان شاء الله ربنا يشفيهم
صقر: يارب. يارب
ضحي: قوم تعال ادخل الحمام واغسل وشك.
صقر حضنها وساكت. قامت هي الاول وشدته وقفته ودخلت الحمام غسلتله وشه وخرجت قعدته على الكرسي وهو ساكت وقاعد باصص لامه وحزين
شمس فاقت وسالت على فزاع وابوها قالها انه في العنايه لسه. قامت من على السرير وشدت المحاليل
امال: رايحه فين يا حبيبتي
شمس: رايحه للدكتور اللي عمل العمليه اساله على حاله فزاع
عابد: تعالي انا هساعدك. ابوها سندها وامها معاها ودخلو عند الدكتور
شمس: حاله فزاع ايه بالظبط.
الدكتور: بصراحه الحادثه مش سهله جسمه معظمه كان متصاب وكله ازاز شالنهم وخيطنا جروح كتير بس الجرح اللي كان في رجله كان صعب والنزيف مكنش عايز يقف عشان كده مضناكو على الاقرار وبترنا رجله علشان نوقف النزيف.
شمس بدموع: مكنش في حل تاني غير ده
الدكتور: لو مكنش حصل كده كان النزيف مش هيوقف وجسمه كله هيتصفي. احمدو ربنا انه بخير لان الحادثه كانت صعبه اووي
شمس: الحمد لله. انا عايزه اشوفه.
الدكتور: الاحسن ليه انه يكون مرتاح ونايم لان الجروح اللي في جسمه كتير وهيكون تعبان وهيتالم لو فاق دلوقتي. فالراحه مهمه ومع المسكنات هيكون كويس. وبعدين في دلوقتي اطراف صناعيه بتعوض الاطراف المفقوده
وناس كتير بتستعملها وبيعيشو حياتهم عادي. انا عايزكم تكونو حواليه دلوقتي وتديلو الشجاعه انه يكمل ويخف علشان النفسيه مهما في الحالات دي
شمس: ربنا يشفيه
عابد: شكراً يادكتور.
خرجو من عند الدكتور وشمس دخلت لفزاع اتعقمت ودخلت شافته. الاجهزه متوصله فكل جزء من جسمه ومسك التنفس على وشه وجسمها كله جروح ومتخيط. اتصدمت اما شافته وعيطت على منظره وحاسه ان الوجع في جسمها هي. وحاسه انها هيغمي عليها تاني. كانت هتقرب منه بس افتكرت كلام الدكتور لن النوم راحه ليه علشان ميتعبش.
الممرضه دخلت وقالتلها ان شكلها تعبان ومرهق وخرجتها بهدوء عابد وامال خدوها ودخلو بيها اوضه عمتها وصقر اول اما شافها قام واقعده وسالهم على حاله فزاع
عابد حكاله على حالته وكلام الدكتور. خرج صقر وراح على العنايه ودخل يطمن على اخوه
صقر شاف فزاع وقلبه واجعه على حالت اخوه فزاع اللي زي الجبل شامخ نايم وشكله تعبان كده. زعل ودموعه نزلت. وافتكر كلام عابد اما قاله خليك قوي علشانهم محتاجينله.
خرج من عند فزاع كان الشرطه موجوده وبيكلمزدو مع شمس وعابد بره اوضه عمته
الممرضه.
الظابط: فزاع ليه اعداء
صقر: اكيد لانه كبير عائله الهاشمي.
الظابط: طيب اخر مشكله كانت مع مين
شمس: انا بتهم يوسف القناوي.
عابد: حرام تظلمي حد
شمس: انا مش بظلمه. وحكيت علب اللي حصل بين فزاع ويوسف
الظابط: انا هعمل التحريات ولو توصلنا لحاجه هنتصل بيكم
صقر ويوسف شكرو الظابط ومشي
صقر واقف بيفكر ممكن يكون يوسف ليه يد في الحادثه.