رواية شمس الصعيد الجزء الأول للكاتبة ياسمين علاء الدين الفصل الحادي والثلاثون
عابد نقل لبيته اللي في قنا مع امال وضحي اللي كانت مشغوله بتجهيز الحاجات الناقصه علشان فرحها قرب وشمس بتساعدها على قد ماتقدر لان معظم الوقت مشغوله باطفالها وفزاع
البنات فرشو البيت تحت اشراف ضحي وامال معاها وناصره
واخيراً خلصت كل حاجه و اليوم معاد الفرح اللي طال انتظاره على الحبيبين
صقر كان طاير من الفرحه وبيجهز للفرح مع فزاع.
وفزاع كان مشغول معاه. بس منسيش شمس وبعتلها فستانها اللي كان لونه اسود ورقيق وشيك جداً
وهي فرحت انه افتكرها رغم انشغاله بس قررت انها هتعمله مفاجاه امااحتفالا
لفرح بليل.
لبست اطفالها بدل شكلهم جميل
والكل جهز والعروسه بتستعد ومعاها شمس وامها والميكاب ارتيست زوقتها وكانت قمر 14 بفستانها الابيض الجميل
تم الفرح وسط احتفال كبير وكان فرح صعيدي اصلي.
صقر: فزاع بالله عليك قول لخالك اكفايه لحد اكده ويطلع يجيب ضحي. عايز امشي
فزاع انفجر من الضحك على صقر
صقر واقف هيطق منه: انت بتضحك ليه. بقولك عايز امشي. حس بيا
فزاع بضحك: خلاص اكتم لو حد سمعك هيقول ايه. انا هقول لخالك. رآفه مني بيك
فزاع راح لخاله وقاله انه يطلع يجيب ضحي عشان تروح وهما يكملو الليله.
طلع عابد ومسك ضحي من ايدها وباس راسها ونزلها لصقر اللي كان واقف فرحان وسط ضرب النار احتفالا بالعروسين. خدها ومشي و دخل بيته وقفل الباب بالمفتاح
لف كانت ضحي واقفه
صقر: اااه يا قمر. اخيرا بقينا لوحدنا
ضحي بكسوف: صقر. اعقل كده. متخلنيش اخاف منك
صقر: وهو ده وقت عقل. اسكتي
ضحي: انا عايزه بابا وماما
صقر: هجبلك بابا وماما وكل الناس بس اما اقولك هعمل ايه هاتي ودنك. صقر وشوشها في ودنها وهي وشها احمر.
ضحي: اه يا قليل الادب يا سافل. انا عايزه امشي
صقر بضحك: عيوني. انتي بس غيري الفستان عشان عليه اقساط
ضحي بعدم فهم: اقساط ايه. احنا اشترينا ودفعنا فلوسه انت ناسي
صقر: طيب هقولك انا مش هعمل حاجه اطلعي غيري ونصلي ماشي
ضحي: اه كده حلو
طلعت ضحي وصقر وراها. ضحي: انزل وانا هغير
صقر: ما انا سمعت ان السوسته بتبق صعبه. هفكها
ضحي: بادب. ماشي
صقر: ماشي. انا اساسا مؤدب.
صقر فك لضحي السوسته وبيلمس رقابتها وهي جريت على الحمام وقفلت الباب.
صقر بضيق: بتجري ليه
ضحي: هتوضاء. وانت كمان انزل اتوضا في الحمام التاني
صقر نزل لتحت ودخل الحمام اتوضي وطلع لضحي كانت لبست الاسدال وواقفه منتظره
صلو مع بعض وقال الدعا. وهي وقفت قلعت الاسدال
صقر: ضحي
ضحي: نعم
صقر: بحبك
ضحي بابتسامه: وانا كمان
صقر: متزعليش مني.
ضحي: ليه.
صقر: عشان اللي هيحصل [وطبعا ملناش فيه].
بعد اما الفرح خلص شمس اطمنت على ولادها انهم نامو ودخلت خد شاور ولبست فستان احمر قصير وفردت شعرها الاسود وكانت حاطه ميكاب خفيف ورشت برفان. وجهزت عشا رومانسي ليها هي وفزاع
فزاع خلص ليلته وطلع لشمس واول اما فتح الباب ابتسم ليها و هو فرحان بصلها وعيونه كلها شوق وحب
فزاع حضنها وقرب منها اووي: الله اكبر. في جمال كده
شمس ابتسمت بكسوف من نظرته: حلوه المفاجاه
فزاع: مفيش احلي من كده. بس طبعا انتي اللي محلياها.
شمس: كنت عايزه افرحك واعملك حاجه تبسطك
فزاع: انتي وجودك في حياتي بيخليني طاير من الفرحه. ياشمس انا اسعد راجل في الكون وانا معاكي. حد يكون بين ايده الجمال ده وميكونش مبسوط. ده انتي نعمه بحمد ربنا عليها
شمس عيونها مليانه دموع (بتتاثر بسرعه): انت ازاي حلو كده وكلامك جميل. بتخليني طايره في سابع سما. بكلمه منك
فزاع بهمس: انا بحبك وبعبر عن حبي ليكي. ومش لاقي كلام يعبر. بس بع ش قك
شمس: ها.
فزاع بعد عنها وببص في عيونها: بحبك جداً جداً. وبحب اشوف تعبير وشك وانا بقولها
شمس: لان كل مره بتقولها بحس كانها اول مره
فزاع بيلف حولين شمس وهي واقفه مكانها وبيقولها شعرها وهو بيتغزل فيها وبيتامل كل شي فيها
سوفَ أحبُّكِ حين تجفُّ مياهُ البَحْرِ و تحترقُ الغابات
يا سيِّدتي
أنتِ خلاصةُ كلِّ الشعرِ ووردةُ كلِّ الحريات يكفي أن أتهجّى اسمَكِ حتّى أصبحَ مَلكَ الشعرِ
وفرعون الكلمات.
يكفي أن تعشقني امرأةٌ مثلكِ حتى أدخُلَ في كتب التاريخِ و ترفعَ من أجلي الرايات
لا تَنشَغِلي بالمستقبلِ، يا سيّدتي سوف يظلُّ حنيني أقوى ممّا كان
َ وأعنفَ ممّا كان أنتِ امرأةٌ لا تتكرَّرُ في تاريخ الوَردِ وفي تاريخِ الشعْرِ وفي ذاكرةَ الزنبق والرّيحان
يا سيِّدةَ العالَمِ: لا يشغِلُني إلا حبُّكِ في آتي الأيّام
أنتِ امرأتي الأولى، أمّي الأولى، شَغَفي الأوّل.
شَبَقي الأوَّلُ
طوق نجاتي في زَمَن الطوفان.
يا سيِّدة الشِعْرِ الأُولى
هاتي يَدَكِ اليُمْنَى كي أتخبَّأ فيها
هاتي يَدَكِ اليُسْرَى كي أستوطنَ فيها
شمس عيونها مليانه دموع من طريقته في القاء الشعر
فزاع وقف قصادها وحضنها بحب جامد و
وطلعت شمس يوم جديد على الاحباب.
شمس: زوز. قوم. كفايه نوم
فزاع شدها عليه وحضنها: لا مش كفايه.
شمس بضحك: قوم نطمن على العرسان
فزاع: صقر مش هيفتحلكم الباب.
شمس ضحكت: هيفتح. لسه عمتو مكلمه. وخبطت عليا قالتلي نلبس علشان هيسافر مع ضحي
فزاع: طيب ما تسيبكم منهم وخليكي معايا
شمس قرصته من خده: لا. عايزه اطمن على ضحي. يلا. يلا
فزاع: امري لله. هقوم.
قام فزاع دخل الحمام وشمس خرجت من الاوضه راحت اطمنت على الولاد كانو نايمين. ونزلت لعمتها.
ناصره: وكل العرسان جاهز. منتظرين امال وعابد وفزاع ينزل ونروح نطمن عليهم قبل ااما يسافرو
شمس: فزاع هيلبس وهينزل. وماما كلمتها قالتلي جايه
الباب خبط ودخلت امال وعابد سلمو وقاعدو وشويه فزاع نزل. وفطرو كلهم مع بعض وبعدين سعاد شالت الاكل وراحو على بيت صقر. خبطو وفاتحلهم
باركوله ودخلو قاعدو.
فزاع بيهمس لصقر: عامل ايه با عريس
صقر بيضحك: تمام يا خوي. تمام قوي
فزاع: مبرووك يا صقر.
عابد بيتكلم معاهم. وشمس طلعت الاول تطمن على ضحي
شمس خبطت ودخلت وانفجرت من الضحك
شمس: ايه اللي بهدل الاوضه كده
ضحي بخجل: الحيوان اللي تحت
شمس: هههههههه. يخرببت عقلك يا صقر. مسخره
ضحي: ده مجنون مش طبيعي.
شمس: طيب انت اخبارك ايه
ضحي: تمام متقلقيش
شمس بضحك: يلا نظبط الاوضه قبل ما حد يطلع.
شمس بتلم الهدوم من الارض وهي بتضحك وضحي بتروق الاوضه ومكسوفه.
شمس: هتنزلي ليهم عايزين ييباركولك.
ضحي: لا. اتكسف خليهم يطلعو.
شمس: طيب ادخلي خدي دوش دافي وغيري هدومك. هنزل اجيبلك عصير
نزلت شمس وجبتلها عصير وطبق اكل وقالت لناصره وامال يطلعو يطمنو عليها علشان مكسوفه تنزل
شويه وامال طلعت هي ناصره. وقعدو اتكلمو مع ضحي ونصايح شغاله للعروسه الجديده
وبعد وقت فزاع قال لشمس تنزل علشان يرجعو البيت
سلموا على بعض ومشيو
صقر طلع لضحي: حبببتي واحشتيني
ضحي: واحشتك ايه. دي كلها ساعه اللي بعدنا عن بعض فيها
صقر: ولو حتى دقيقه بتوحشيني يا عسل انت.
ضحي بتغير الموضوع: انت اكيد جعان صح
صقر: جعان جداً
ضحي: شمس قالتلي ان في اكل تحت هنزل اجيبلك تاكل
صقر: خليكي انتي انا هنزل.
نزل صقر وطلع صينيه الاكل وقعد هو وضحي وكلو وبعدين قامو حضرو الشنط يسافرو لشهر العسل.