رواية شمس الصعيد الجزء الأول للكاتبة ياسمين علاء الدين الفصل الخامس والأربعون
زين وعز سافرو لامريكا علشان يبتدو دراسه وهناك اجرو شقه تكون قريبه من الجامعه. استقرو وكل واحد في جامعنه وليه اصدقاءه
زين في إداره اعمال وكان ليه اصدقاء ولاد وبنات بس هو بيتعامل عادي مع البنات ومش بيقرب للحرام زي ما وعد امه.
عز في هندسه وليه صحاب ولاد وبتات اكتر، من وقت الحادثه وهو اتغير تماماً بيحب يجرب اي حاجه وليه علاقات ببنات كتير في الجامعه ودايماً بيستمتع انه يكسر قلبهم. يقنعهم بحبه وبعدين يسيبهم. وطبعاً الكلام ده لا فزاع وله شمس يعرفو بيه.
زياد سافر على روسيا بس مقعدش كتير لانه كان مفتقد التوأمين فحول ورقه لجامعه في امريكا خاصه بالطيران وسكن مع زين وعز زياد. كون اصدقاء كتيير بس هو بيحب يهزر وبس يعني شخصيته مش زي زين الجد اللي واخد كله حاجه بحكمه. ولا متهور زي عز وبيجرب كل حاجه قدامه
زياد بيحب يهزر ويعيش حياته ومش بيدوس في الغلط
ال3 على طول بيكلمو شمس وفزاع على النت وفيديو.
وفي الاجازات بينزلو مصر. واوقات فزاع بياخد شمس ويسافرو في اجازات شهر 12 تعتبر اجازه نص السنه. عشان الكريسمس
امال وناصره ماتو وسط حزن الكل والولاد مش بيعرفو غير اما ينزلو اجازات
زياد بعد شويه عن قمر وبيحاول يشغل نفسه عنها
قمر مهتمه بدراستها ورحيم كمان
عدت ال4 سنين بصعوبه على شمس وفزاع بيحاول يعوضها غيابهم. وضحي اوقات بتسيب رحيم او قمر يباتو معاهم وهي بتقضي مع جوزها الوقت ده.
زين وعز وزياد خلصو معظم الامتحانات وقربو ينزلو مصر
قمر في كليه طب. ورحيم في اخر سنه ثانوي وعايز يدخل كليه الشرطه
فزاع عمل لشمس مفاجاه بمناسبه عيد ميلادها
فزاع: شمس انتي فين
شمس: نعم يا قلبي.
فزاع: . كل سنه وانتي حبيبتي وحياتي وكل عمري وشمسي المنوره.
واداها بوكس هدايا ومعه ورد شكله جميل
شمس فرحت وحضنته: حبيبي. ربنا يخليك ليا
فزاع: ويخليكي ليا يا شمس منوره حياتي وقلبي.
شمس فتحت البوكس وكان فيه خاتم الماس شكله شيك. ومعاه تزاكر سفر لامريكا. طبعا هي فرحت بالتزاكر اكتر. وحضنت فزاع
شمس بدموع: هنسافر امتي
فزاع: حضري الشنط وهنسافر بليل
شمس جريت على فوق زي الطفله الولاد كانو وحشنها.
فزاع بصص بحب ليها وبيضحك على طفولتها وحبها لولادها
طلع وراها كانت بتحضر الشنط
فزاع: مستعجله ليه براحه على نفسك
شمس: الولاد وحشوني اووي. دي احلي هديه جتلي في عيد ميلادي
فزاع: انتي حتى مشفوتيش الخاتم.
شمس: انت زعلان. والله شكله جميل اووي وانت اصلا زوقك حلو وجميل. بس فرحت بالتزاكر علشان هشوف الولاد
زعلان
فزاع: اه زعلان
شمس قربت منه: طيب اصلحك
فزاع: مش هتعرفي
شمس ضحكت اووي: اممممم. هقفل الشنط و اصالحك ماشي
فزاع: ماشي
وبليل كانو في المطار وصقر وصلهم هو وضحي ووداعهم
سافر فزاع وشمس للولاد وكانو عاملينها مفاجاه ليهم
في امريكا
عز: جايب شويه بنات انما ايه صاروخ حاجه كده دمار شامل.
زين: عز انت بجد كده الموضوع زاد عند الحد. انت عمرك ما جيبت بنت هنا الشقه
عز: تجديد يا عم. وبعدين قولت اظبطكم. علشان قربنا نرجع مصر
زياد: يا معلم انا اهزر ادلع. خفيف خفيف. لكن كده لا.
عز: يوووه. انت فقر. طيب اصبرو. وشفوهم الاول دول ال3 احلي من بعض.
زين: عز مش كفايه اللي كنت بتعمله ال4 سنين اللي فاتو. مزهقتش
عز بضيق: لا. وقفل على الموضوع ده.
زياد: خلاص يا جماعه. انت يا زين. عادي متكبرش المواضيع. اتفرج بأدب
عز وزياد بيضحكو. وزين واقف بيتفرج عليهم
زين: انتم ازاي توأمي مش فاهم.
زياد: وله انا. انت اخويا ازاي. يا عم فك كده وخليك بيس الدنيا ايزي
الجرس رن
عز فتح الباب وبيسلم ويبوس والبنات دخلت. ومعاهم مشروبات كده
زياد صفر اول اما شافهم: تصدق فعلا دمااار
عز: عيب عليك. انا جاااحد
زين قاعد فاتح اللاب ومش مركز معاهم
عز شغل اغنيه اجنبي con calma
فاضلو يرقصو عليها وبعدين زياد شغل اغنيه مصريه (اصيل)
ورقصو وطبعا بيرقصو بنت منهم راحت لزين وهو قاعد بيضحك على اخواته.
وفضلت تدلع عليه وفتحت زراير القميص
شمس وفزاع كانو وصلو وفزاع بيحاسب العربيه.
شمس: هطلع انزل الولاد يشيلو الشنط. ثواني
فزاع: متتاخريش
شمس رنت الجرس وطبعاً عز وزياد شغالين رقص مع البنات
وزين زق البنت اللي كانت بتتحرش بيه
وقام يفتح واتصدم
شمس بترن الجرس بسرعه وهي فرحانه فتح زين بصتله بفرحه ثواني واستوعبت ان قميصه مفتوح ووشه وصدره كله متوزع عليه. زين اتكسف ونزل راسها في الارض ودخل على جوه قفل الاغاني.
عز: انت فصيل يا زين. افتح يلا
زياد: العب يلا. العب يلا ارقص يلا
شمس بصوت عالي: العب يلا. الله يخربيتكم. انتم كده بتتعلمو. قلبين الشقه دعاره. ابوكم تحت يا حيوانات
عز وزين كانو قالعين التيشرتات. بصولها ووشهم اصفر
شمس بتصرخ: بقولكم ابوكم تحت هتفضلو متناحين لمو المسخره دي. وانزلو هات الشنط قبل ما يطلع ويقتلكم وانتم كده.
شمس اصلا وشها اصفر واحمر من شكلهم. ومصدومه بس زي حال اي ام مصريه اصيله هتخبي مصايب ولادها عن جوزها
عز مشي البنات بسرعه وزياد لبس التيشرت وبيلم
ازايز الشرب
وزين قفل قميصه ولسه هينزل. شمس صوتت
شمس: اغسل وشك الاول يا زفت
زين دخل على الحمام وبص في المرايا وبسرعه خد الفوطه ومسح اثار الروج من وشه وصدره
عز وزياد دخلو على الحمام وظبطو نفسهم وشمس بتلف في الصاله تشوف في بلاوي تاني نسينها.
زين وزياد نزلو لفزاع وشالو الشنط وطلعو معا
فزاع: ينفع كده يا شمس. كل ده تحت. انتي نسيتيني اما شوفتي ولادك
شمس بتوتر وقلق: ها. معلش يا فزاع
فزاع: مالك يا شمس وشك متغير ليه
شمس: اصل اصل. ااه. انشغلت مع الولاد وخوفت تزعل مني عشان اتاخرت عليك
فزاع: لا وله يهمك. فين عز
عز: ازي حضرتك يابابا
شمس في نفسه: حضرتك. لا مؤدب اووي يا واد
عز بيسلم ويحضن ابوه وبصص لشمس في عنيها وبيترجها تسكت
شمس بصله ومضايقه عنيها.