رواية شمس الصعيد الجزء الأول للكاتبة ياسمين علاء الدين الفصل الرابع والثلاثون
ضحي رجعت بيتها بعد السبوع. وصقر مشغول بشغله مع فزاع في بناء المدرسه. وعابد كمان معاهم بيتابع الارض
شمس مع الاولاد. وناصره معاها بتساعدها وامال بتساعد ضحي وبيتجمعو في البيت الكبير مع بعض
اخيرا. المدرسه اتبنت وصقر خلص كل اوراقها والتصاريح. و عمل اعلانات للمدرسه. علشان يختارو المدرسين
فزاع عمل مفاجاه لشمس وخدها للمدرسه اللي سماها باسم
(الشمس للغات).
شمس اول اما شافتها فرحت واطنطت وحضنت فزاع وشكرته انه حققلها حلمها
شمس: بجد يا فزاع المدرسه تحفه. ربنا يخليك ليا
فزاع: احلامك اؤمر يا روح فزاع
شمس: تسلملي يا غالي.
فزاع خدها وفرجها على كل حاجه. كانت المدرسه جاهزه وكل حاجه فيها خلصت
خدو تصريح انها هتتفتح في بدايه العام الدراسي الجديد وعملو اعلانات للتقديم الطلاب واختارو المدرسين من اللي اتقدمو ليهم.
ومع بدايه السنه الجديده المدرسه اشتغلت وشمس اقنعت فزاع انها تروح كل فتره تتابع المدرسه ماشيه ازاي ونظامها ايه
وكانت بتروح وبيصر انه يوصلها وبيعدي عليها يروحها للبيت
هي كانت فرحانه وحاسه انها حققت حلمها و
في يوم كان في مشكله مع ولي امر وشمس كانت بتتكلم معاه وهو بيزعق علشان ابنه جاله استدعاء ولي امر
والد الكفل واسمه هشام وابن معتز
شمس: حضرتك متزعقش. لان ابنك هو اللي غلطان وضرب زميله جامد.
هشام: انا ابني مغلطش. الواد هو اللي زقها وهو بياخد حقه
شمس: حقه ايه احنا في مدرسه هنا. مش في شارع. كان مفروض يقول للميس وهي تعاقب الولد
هشام: انا ابني ياخد حقه بايده
شمس: الكلام ده مش هنا. لو سلوك ابنك متعدلش هيتفصل من المدرسه وتاخد الملف بتاعه تنقله اي مكان تاني انت حر
هشام بصوت عالي وغضب: انتي بتهدديني. انتي مين انتي
شمس: الكلام انتهي. واللي عندي قولته. وانا المسؤوله عن المدرسه هنا.
هشام بشر: انتي تتكلمي بادب معايا
شمس بحزم: لو مطلعتش بره هخلي الامن يخرجوك. وهطلب البوليس كمان
فزاع كان رايح ياخدها وسمع صوتهم عالي. دخل بسرعه وفتح الباب وشايف هشام وهو صوت عالي على مراته والغضب اتملك منه
شمس اترعبت اما شافت فزاع لانها عارفه انه مش يعدي الموضوع بالساهل
فزاع بعصبيه: ممكن افهم انت هنا بتزعق ليه كده
هشام بصدمه: فزاع بيه
فزاع بصوت عالي: انا بكلمك بتزعق ليه.
شمس لهشام: الله يخربيتك. ليلتك سودا.
هشام بصلها ومش فاهم حاجه وبص لفزاع اللي الغضب ماليه
فزاع: انت هنا في مدرسه محترمه مش في قهوه وله في الشارع. اما تتكلم تتكلم بصوت واطي. فاهم.
هشام بقلق من شكل فزاع: فاهم
شمس بتحاول تهدي فزاع: مفيش حاجه حصلت يا فزاع. ده الاستاذ ابنه عامل مشكله وهو جي يعرف السبب ويتاسف صح.
وبصت لهشام بغيظ علشان عارفه ان فزاع لو عرف ان صوته كان عالي على مراته مش هيسيبه
فزاع: وهو في واحد جي يتاسف يعلي صوته بالشكل ده.
شمس راحت عند فزاع وسكت ايده اقعدته على الكرسي
شمس: اهدي بس انت وانا هفهمك المشكله ايه
فزاع: استني انتي. انا بكلم الراجل ده. انت عارف اللي كنت بتزعق ليها دي تطلع مين
هشام متوتر: لا حضرتك
فزاع بيضيق عينه: دي تبق مرتي. يعني انت زعقت لمرتي
هشام بخوف: والله حضرتك انا مكنتش اعرف. انها مرتك. وانا اسف على اللي حصل وصوتي العالي. انا اسف
شمس برجاء: هو كان بيكلم عن ابنه مش عليا الاستاذ مغلطش يا فزاع.
هشام: ايوه حضرتك انا كنت بكلم عن الواد. وانا اسف
انا هنقله من هنا.
فزاع: يكون احسن برضو. مش عايز اشوف وشك هنا تاني. اتفضل اطلع بره
هشام خرج بسرعه واقفل الباب وراه
شمس اتنفست وحمدت ربنا ان فزاع متهورش وضربه.
فزاع بص لشمس وبغضب: انتي فاكره ان اللي حصل هيعدي بالساهل. يلا لمي حجتك علشان هنمشي
شمس خدت حجاتها وخرجت مع فزاع من غير اما تتكلم.
فزاع ماسك ايديها جامد بعصبيه وخدها على البيت وطلع بيها على اوضتهم وقفل الباب
فزاع بنرفزه: انتي ازاي تسمحي ان واحد يتكلم معاكي. لا وكمان بيعلي صوته
شمس بهدؤ: اهدي علشان اعرف اكلمك وتفهمني. الراجل ده ابنه ضرب ولد وجاله استدعاء ولي امر وهو كان جي يعرف ايه السبب والمشرفه كانت غايبه انهارده. فهو كان بيكلمني و زعلان من اللي حصل.
فزاع: برضو ازاي تسمحي انك تكلمي راجل لاو كمان بيزعق.
شمس: هو اللي كان ببزعق. وبعدين قولتلك انا قبلته علشان المشرفه غايبه
فزاع بعصبيه: ماشي يا شمس. على العموم مفيش شغل تاني.
شمس: . وبعدين ده واحد متخلف انا ذنبي ايه
فزاع: ذنبك انك كلمتيه. وانتي عارفه كويس اني بغير عليكي.
فزاع سابها وخرج وقفل الباب بقوه وراه. وهي قعدت على السرير متنرفزه ومتعصبه. لانه كده زعل منها
طول اليوم شمس مسنيه فزاع يرجع واتصلت بيه مش بيرد عليها.
فزاع جه في وقت متاخر. وشمس كانت قاعده قلقانه عليه
اول اما دخل جريت عليه حضنته.
شمس: اتاخرت ليه. خوفتني عليك
فزاع بصله وساكت
شمس بزعل: انت زعلان مني. خلاص انا اسفه
فزاع مش بيرد دخل الحمام وغير هدومه وطلع على السرير وهي راحت تنام جانبه بس هو ادلها ضهره
شمس: فزاع انت هتنام وانت زعلان. علشان خطري خلاص
فزاع: شمس بدموع ولفت وقعدت قدامه على السرير: فزاع. مش بحب انك تزعل. خلاص انا اسفه. لو الشغل هيجيب مشاكل بينا مش هشتغل. انا بحبك.
فزاع صعبت عليه قام اتعدل وقعد على السرير وشدها لحضنه: خلاص متعيطيش. انتي عارفه ان دموعك غاليه. وعارفه انك غاليه عندي اووي. انتي قولتي هشتغل ومع ستات وبعدين اجي القي الراجل بيزعق. انا مسكت نفسي بالعفايه
شمس بدموع: متزعلش مني. مش بحبك تزعل
فزاع: خلاص مش زعلان. بطلي تعيطي.
شمس حضنته وهو خدها في حضنه.
الولاد كبرو وابتدو يروحو المدرسه وكانو بيقلدو فزاع في كل حركاته وكلامه وكل حاجه.
ضحي كانت حامل وولدت ولد وسميته (رحيم)
ودايما بيتجمعو في البيت الكبير وبيرجعو على بليل
صقر بيحب ولاد فزاع وهو اللي مربيهم ورحيم كمان ابتدي يكبر وكلهم بيلعبو مع بعض وطبعا قمر هي البنت الوحيده
بس زياد بيحب يلعب معاها والموضوع ده بيضيق صقر وكلهم بيفرحو فيه
شمس مع الولاد
شمس: وبعدين معاكم قولتلكم كده عيب. احترمو نفسكم
زين: ماما لو سمحتي. انا راجل متزعقليش
عز: انا كمان راجل ومسؤول عن تصرفاتي.
شمس: والله. رجاله ازاي يعني وتصرفاتكم كلها غلط
وانت يا استاذ زياد. مش حابب تعترض زي اخواتك
زياد: انتي تزعقي برحتك ياشمس يا جميل انتي
فزاع كان واقف بيتفرج عليهم واول اما زياد اتكلم ضحك بصوت عالي. شمس قامت وقفت وبصتله
شمس: ينفع كده اللي ولادك بيعملوه
فزاع بضحك: بصي هو مينفعش. بس كله كوم وزياد ده كوم. اهو ده اللي واخد من صقر اخويا تصرفاته وكلامه
شمس: طيب حضرتك اتصرف معاهم لاني بجد تعبت.
فزاع بصلهم وهما واقفين جنب بعد وبصو في الارض
فزاع: اظن اللي انتم عارفين غلطكم. انا مربيكم انكم تكونو رجاله مش اطفال. والراجل بيحترم امه ويسمع كلامها وميضيقهاش. صح
كلهم: صح
فزاع: كلام امك يمشي عليكم ويتنفذ من غير وله كلمه ودلوقت روحو بوسو ايديها وراسها واتاسفو
زين باس ايد شمس وراسها: انا اسف يا ماما
عز: انا اسف يا ماما
زياد راح حضنها وباسها من خدها: انا اسف يا شمس
فزاع: زياد. انا قولت ايه.
زياد: احم. انا اسف يا ماما
فزاع: اتفضلو فوق على اوضتكم ومفيش لعب انهارده عقاب ليكم
الولاد طلعو على اوضتهم وفزاع بص لشمس
شمس: بيسمعو كلامك ومش بيسمعو كلامي.
فزاع: الرجال قومون
شمس: ماشي يا فزاع
فزاع بضحك: بس الواد زياد ده مشكله
شمس: ههههههه. مسخره
فزاع: ربنا يحفظهم ويخليهم لينا
شمس: ويخليك لينا يا قلبي.