رواية شمس الصعيد الجزء الأول للكاتبة ياسمين علاء الدين الفصل الرابع والعشرون
صقر وفزاع صوتهم عالي. شمس خبطت ع الباب ودخلت
شمس: في اي صوتكم عالي. انتم بتتخانقو
فزاع: لا. اطلعي بره بكلم صقر
صقر: اولاً ده مش قرارك لوحدك. لازم تاخد موافقتها في اللي انت هتعمله
فزاع بحده: اسكت دلوقت يا صقر
شمس: في ايه. حد يفهمني. اتكلم يا فزاع
فزاع بصلها وساكت. بصت لصقر: اتكلم انت يا صقر
صقر: فزاع عايز يطلقك
شمس بصدمه: ايه. ووقعت اغمي عليها.
فزاع اتخض عليها وبيحاول يقوم من على السرير. كان صقر جري عليها بسرعه وشالها نايمها على السرير اللي جنب صقر. وخرج نادي على الدكتور
فزاع بصلها بحزن. قام من على السرير وسند لحد اما وصل لسريرها. وحضنها. جاب كوبايه مياه من جنبه ورش حبه مياه على وشها
صقر كان داخل وشافه وهو واخدها في حضنه. رجع تاني وقفل الباب بهدوء
شمس فاقت وبصت حوليها كان فزاع وخدها في حضنه
شمس بدموع: عايز تطلقني ليه
فزاع: هظلمك معايا.
شمس: مين قالك اني هتظلم وانا معاك. مش يمكن لو بعدت عنك اتظلم. هترضي اني اعيش من غيرك. طيب انت مش بتحبني. بطلت تغير عليا. تقبل اني اتجوز واحد غيرك. وو
فزاع: بس يا شمس كفايه كفايه. انا هبق اناني لو خليتك تعيشي معايا. هتعبك اكتر
شمس: انت هتركب الجهاز وهتكون كويس. طيب ادي لنفسك فرصه. جرب. مش تستسلم. حارب علشاني وعلشان خاطر عيالنا ومسكت ايده حطتها على بطنها.
فزاع حس بشعور غريب اول ما لمس بطنها اللي ابتدت تكبر شويه.
شمس بدموع: انت هتطلع من المستشفي بكره وصقر اتصل بشركه اجنبيه هتبعت الجهاز وهتركبه بس الاول لازم تعمل علاج طبيعي وانت الحمد الله الجرح كويس وانا اتعلمت من الممرضين هنا وهساعد معاك. بس الاهم من ده كله انك تساعد نفسك. انا بحبك وانت وعدتني انك هتفضل جنبي على طول وعمرك ما هتسبني. انت من وقت اما عملت الحادثه وانت بتتصرف معايا بعصبيه ومتنرفز على طول.
فزاع شدها لحضنه وهو قاعد على السرير معاها وحضنها ومسح دموعها
فزاع: هتيجي يوم وتندمي انك كملتي معايا
شمس: عمري ما هندم وانت معايا. بس انت ارجع فزاع اللي بيحبني اللي خلاني ابطل اخاف منه وأحس معاها بالامان والدفا.
فزاع: بحبك يا شمس.
شمس: وانا بحبك يا روح شمس
الممرضه خبطت ودخلت
فزاع عدل جلسته و قعد على السرير. وشمس قعده جنبه
الممرضه بدلع: تعال اقعد على سريرك وارفع رجلك علشان اغير على الجرح.
فزاع قام والممرضه مسكت ايده فشمس قامت شدته ومسكت ايده وقعدته على السرير
الممرضه بتغير لفزاع وشمس بصله قوي وهو بصصلها ومستغرب
الممرضه: الحمد لله الجرح لم وكل حاجه تمام. انت هتخرج بكره
فزاع: اه ان شاء الله
الممرضه طلعت الكرت وادته لفزاع وقالتله: اتصل بيا في اي وقت اجيلك
شمس: نعم يا حلوه
الممرضه بصتلها وبصت لفزاع: اطمن على الجرح ياعني
شمس شدت الكرت من ايد فزاع وقطعته ورمته وبصتلها
شكراً. انا هتصرف معاه.
الممرضه بصتلها من فوق لتحت وبصت لفزاع وخرجت وقبل ما تخرج بصت لفزاع وقالتله: باي بس بمياعه
شمس لسه هتخرج وراها فزاع مسك ايديها وشدها اقدعها على رجله
شمس بغيظ: اوعي سبني. انا هطلعلها
فزاع بيضحك: انتي مجنونه. معملتش حاجه. كانت بتسلم
شمس: ما انت قاعد فتحلها بوقك ومبتسم
فزاع: دي ملاك رحمه وبتغير على الجرح عايزاني اكشر في وشها
شمس بضيق: ملاك رحمه. انت بتعصبني. دي ملاك دي
فزاع بضحك وهز راسه باه.
شمس بغيظ: وكمان اه. طيب. قامت شدت ايده وعضته وخرجت بره الاوضه
فزاع اتصدم بص لايده وبص للباب وانفجر في الضحك عليها. اول مره كان يضحك من وقت الحادثه
صقر دخل عليه وهو بيضحك: سبحان مغير الاحوال. انت بتضحك ليه وشمس متعصبه بره
فزاع: ده عيله مجنونه. مش طبيعيه. والحمل كمل على مخها
صقر: ليه عملتلك ايه. انا دخلت كنتم قاعدين بتتكلمو بهدوء وانت حضنها. ايه اللي حصل
فزاع حكاله اللي حصل وصقر وقع من الضحك عليه.
صقر بضحك: معلش بتغير عليك. بس ايه رائيك في الممرضه جامده صح
فزاع: اتقي الله. انت عارف انا مش كده.
صقر: وهو في احلي من كده.
فزاع: انا مش عارف انت اخويا ازاي
صقر: يا عم انا بهزر انا كبيري كلمتين بس. لكن القلب مشغول بحبيبه. اااه. اتصدق ضحي واحشتني. انا راجع البيت عايز حاجه مني
فزاع: لا. دخل شمس وانت خارج
صقر: تمام. سلام يا كبير
بعد خروج صقر بفتره دخلت شمس ومعاها عصير.
وقاعده بتشرب فيه وبتقلب في التليفزيون ومتجاهله فزاع
فزاع: وده اسميه ايه بقي
شمس: زعلانه منك ومش بكلمك.
فزاع: حركات عيال. انا هنادي لفيفي تتكلم معايا
شمس وشها احمر وبصتله بغيظ وقامت وقفت قدامه
شمس: فيفي دي اللي هي الممرضه صح
فزاع: اه صح. هي قالتلي لو عايز حاجه اكلمها
شمس: اقسم بالله. لو شوفتك بتكلمها لهوريك
فزاع شدها عليه وقعها على السرير: بتهدديني
شمس: ها. اه. (بصلها وضيق عنيه). قالتله: لا.
فزاع حضنها وضحك: كنت بهزر معاكي بطلي شغل عيال. انتي حبيبتي ومفيش غيرك في قلبي
عدي اليوم وتاني يوم ناصره وعابد وامال وصقر وضحي وصلو بالعربيات كانت شمس وفزاع لابسين وفزاع ماسك العكاز وجنبه شمس وخرجو بره المستشفي
ركبو العربيات واتحركو على طريق البحر الاحمر
صقر كان سايق وجنبه ضحي وورا شمس وفزاع
والعربيه التانيه عارف السواق وجنبه عابد ابو شمس وورا امال وناصره.
صقر: فزاع انا قدمت استقالتي من الجامعه وهمسك الشغل معاك هنا وبالمره اشتري بيت واوضبه لحد اما ضحي تخلص ونتجوز
فزاع: انت مش قولت انك هتقدم الاستقاله اخر السنه
صقر: اخر السنه من اولها مش هتفرق.
ضحي: احسن كده. ده كان مجنني بكميه البنات اللي بتتكلم معاه. وهو عايش في الدور
صقر: انت اللي في القلب يا قمر
ضحي: اه اضحك عليا.
شمس ضحكت وبصت لفزاع اللي حضنها وحطت راسها على صدره. وغمضت عنيها ونامت.
صقر: وبعدين مع اختك يا شمس كلميها
فزاع بهدوء: شمس نامت يا ناصح. كلمها انت
صقر ضحك: ما تنامي انتي كمان ياضحي
ضحي: لا. انا صاحيلك اووي
فزاع ابتسم و بص لشمس بحب هو غير ضحي هي هاديه و من وقت الحمل وهي كل وقت بحاله شكل. بس حمد ربنا انها معاه وواقفه جنبه.
وصلو للفيلا ودخلو فزاع قالهم هيطلع يرتاح فوق وشمس طلعت معاه.
ساعدته وغير هدومه ونامو.