رواية شمس الصعيد الجزء الأول للكاتبة ياسمين علاء الدين الفصل السابع والثلاثون
طلع يوم جديد
شمس كانت بتجهز الفطار مع الشغالين والولاد وفزاع بيتكلمو
فزاع: انتم هتقدمو ازاي للجامعه هتسفرو من دلوقت
عز: لا يا بابا. احنا هنقدم عن طريق النت وبعدين هنسافر على بدايه الدراسه إن شاء الله. بس معني كلامك انك موافق صح
فزاع: انا معنديش اعتراض. بس هتسافرو تخلو بالكم من نفسكم وتتقوا الله.
زين: احنا تربيتكم وعمرنا ما هنقرب للحرام
فزاع: ربنا يحفظكم من كل شر. فين زياد.
زين: عند جدو عابد علشان تعبان
عابد بيكلم زياد: واد يا زياد انت عتحب قمر صوح
زياد ابتسم: صوح يا جدو. ايش عرفك يا شقي
عابد بتعب: شكلك باين عليه من طريقتك معاها. بس بتعبر بغباء يا واد.
زياد: يا جدو اعمل ايه ما انا خايف تضيع مني. ومحدش هيرضي يخلينا نتجوز علشان هي صغيره
عابد: يعني هي صغيره. وانت كبير. وبعدين مش يمكن اما تسافر تنساها وتحب غيرها.
زياد: لا يا جدو. وبعدين ما انا كنت بشوف بنات يعني لو عايز احب غيرها كنت حبيت. بس انا بحبها من وهي صغيره
عابد: ربنا يسهل لو هي من نصيبك هتتجوزها. قولي يا واد ابوك وافق على سفرك
زياد: لحد دلوقتي مش معترض. المشكله في شموسه هي اللي مش موافقه
عابد: امكم بتحبكم وعتخاف عليكم. بس ربنا يجيب الخير. واد يا زياد انا شكلي هموت.
زياد باس راسها: بعد الشر عنك ياجدي ربنا يديلك طولت العمر والصحه.
عابد: يا واد انا كبرت. انا عايزك انت واخواتك تبقو ايد واحده وتحافظ على بعض وتشيلو ابوكم وامكم في عينيكم.
زياد: ياجدي ابوس ايدك. بلاش نكد انت كويس. قوم وانا اجبلك موزه وتتجوز. وانت ترجع شباب
عابد: ههههههههه. اتجوز ايه يا واد. انا مقدرش احب غير امال
زياد: ايوه يا شفي.
عابد: امال دي حبيبتي كنت عحبها من وانا صغير واتجوزتها وسافرنا قاهره وعايشنا احلي سنين مع بعض
زياد: اه يا جدو يا جامد. عيونك بتطلع قلوب.
عابد وزياد بيضحكو
فزاع قام مع زين وعز ودخلو لعابد. زياد كان قاعد قام وقف اما ابوه دخل عليه
فزاع راح قعد جنب السرير: كيفك يا خال
عابد: بخير يا فزاع. انت كيفك
فزاع: الحمد لله. اتصل بدكتور يجيك
عابد: لا انا خلاص هموت قريب
فزاع: لا إله إلا الله. الاعمار بيد الله. وانت زين اهو قدامي
عابد: انا عايز اتكلم معاك لو حدنا
فزاع بص لولاده وهما خرجو وقفلو الباب.
عابد: خلي الولاد يسافرو يا فزاع. ويدرسو ويشوفوا حياتهم. وزياد بيحب قمر جوزهالو
فزاع: هخليهم يسافرو. بس زياد وقمر لسه صغار
عابد: اما يخلص يا ولد. مش دلوقيت
فزاع: حاضر يا خال. ارتاح انت. وانا هعمل اللي انت عايزه
عابد: ربنا يريح قلبك يا زين الناس
فزاع: ربنا يديلك طولت العمر. ارتاح وانا هقوم ابعتلك الوكل
خرج فزاع وشمس كانت جهزت الفطار وقاعدو فطرو مع بعض. وامال خدت الفطار لعابد.
ودقايق وامال صوتت جامد وكلهم جريو على الاوضه كان عابد مات
شمس عيطت جامد وفزاع حضنها اووي وفضل يهدي فيها وهي منهاره وامال قاعده مصدومه وبتعيط جامد على رفيق حياتها وحب عمرها عابد وماسكه ايده وبتبوس فيها وناصره بتعيط بحرقه على اخوها وبتعيط والولاد حوليهم.
زين اتصل بعمه صقر وقاله. دقايق وجه صقر ومعاه ضحي وقمر ورحيم. و الحزن ماليهم.
عدي عليهم وقت من الحزن. على فقدان جدهم و خلصت اجراءات الدفن والصلاه على الميت واتدفن وسط حزن من الكل عليه وكانت جنازه كبيره فيها كل اهل البلد.
ضحي كانت منهاره وصقر واقف معاها وبيقويها. فزاع مسبش شمس وواقف معاها
اما الولاد هما اللي اشرفو على عمل العزا وبليل وقفو كلهم صف واحد ياخدو العزا في جدهم مع ابوهم وعمهم صقر.
اليوم كان مليان حزن وزعل. وطول الليل فزاع واخد شمس في حضنه علشان يهديها و ضحي زعلانه على ابوها وصقر معاها وبيحاول يطلعها من حزنها
اما زين وزياد وعز ورحيم وقمر مع امال وناصره اللي كانو منهارين وبيحاولو معاهم ينسو الحزن والزعل
اليوم عدي بحزنه وكابته والصبح نور. الكل كان لسه حزين.
زين وزياد وعز ورحيم قالو للشغالين يحضرو الفطار وخدهم على اوضه امال وناصره اللي قمر كانت نايمه معاهم وفضلو يهزرو معاهم علشان ياكلو و أكلوهم بايديهم.
فزاع: شمس قلبي. يلا علشان تفطري
شمس بدموع: مليش نفس
فزاع حضنها: علشان خطري. انا جعان وعايز اكول. وانتي عارفه اني مش باكول من غيرك. يرضيكي حبيب قلبك يفضل جعان.
شمس: لا مش يرضيني. طيب تعال ننزل نشوف ماما وعمتو. ونفطر مع بعض...
صقر: يلا ياضحي ننزل ونفطر مع بعض
ضحي بدموع: انزل افطر انت. انا مش عايزه اكول
صقر: كده يا حبي. انا عايزك تنزل معايا. وبعدين لازم تكوني قويه علشان مامتك. دي زعلانه اووي وانتي عارفه ان ضغطها بيعلي بسرعه. وكمان امي منهاره انتي شوفتيهم كانو شكلهم عامل ازاي. انزلي معايا ربنا يهديكي وحاولي تتماسكي علشانهم
ضحي: هحاول يا صقر. بس انا تعبانه
صقر حضنها: انا جنبك يا عمري. يلا بقي.
نزلو ودخلو على اوضه ناصره كانو الولاد كلهم معاها هي وامال وعمالين يكلموهم ويهزرو علشلن يضحكو
صقر: اهم العفاريت عرفو يخرجوهم شويه من حزنهم
فزاع: فعلا. عفاريت
ضحي: دول عسل وجدعان بيفكرو ازاي يفكو الجو شويه
شمس: ربنا يحفظهم ويخليهم.
دخلو قاعدو معاهم وفضلو يتكلمو والولاد طلبو فطار لشمس وفزاع وصقر وضحي وفضلو ياكلوهم بايديهم ويهزرو معاهم
قدرو يخرجو الكل من حاله الكآبه والحزن.