رواية شمس الصعيد الجزء الأول للكاتبة ياسمين علاء الدين الفصل الثامن عشر
فزاع هيتجنن على شمس
قلقان عليها بيتصل بيها وهي مش بترد بعتلها رسايل وايضا لا ترد.
ناصره: اتصل بصقر وقاله يروح عند خاله في البيت واما توصل يقولنا
فزاع اتصل بصقر وقاله يروح عند خاله
صقر: فزاع اهدي كده وفهمني. انا اصلا عند خالك وشمس مش هنا
فزاع: لو جت اتصل بيا وطمني
صقر: احكيلي عشان افهم واقدر اساعدك.
فزاع حكي لصقر على اللي حصل كله. صقر بيسمعه وهو مصدوم.
فزاع: بس ده كل اللي حصل. وانا مش عارف هي فين دورت عليها في كل مكان ممكن القيها في. ومش موجوده.
صقر: هي لو جت هنا عند خالك انا هقولك. بس ممكن تروح فين تاني. فكر يا فزاع
فزاع بعصبيه: قولتلك دورت عليها. ومش لاقيها
صقر: تليفونها مفتوح طيب وله مقفول
فزاع: مفتوح وبتصل بيها مش بترد.
صقر: ومش هترد عشان زعلانه. انا هتصل بيها يمكن ترد. او هقولك انا هخلي ضحي تتصل من غير اما نعرف خالك بالموضوع. اقفل ولو ردت او حصل جديد هكلمك
اغلق الهاتف مع صقر وجلس في مكانه يمسك رأسه بحزن.
ناصره: اهدي يا فزاع. اكيد راحت لخالك. استني ساعه كمان تكون وصلت لهناك
فزاع طلع اوضته وبص على السرير وبص في الاوضه واتخنق اكتر ونزل راح على الاسطبل وافتكر اما جت معاه. كل مكان يروح فيه يفتكرها. حاسس بضيق من غيرها.
صقر لضحي: ان شمس اتخنقت هي وفزاع ومشيت من البيت ا تصلي بيها وشوفيها فين
ضحي اتصلت بشمس مردتش فضلت تتصل بيها كذا مره
اخيراً شمس ردت. صقر وضحي حمدو ربنا.
ضحي: الو يا شمس. عامله ايه
شمس: الحمد لله. انتي عامله ايه واحشتيني
ضحي: بخير يا حبيبتي. انتي كمان واحشتيني. انتي فين
شمس: بتسالي ليه
ضحي: شمس انتي مخبيه عني ايه. مش انا اختك وصحبتك. احكيلي يا حبيبتي
شمس: انا مش عايزه احكي حاجه يا ضحي انا مخنوقه
ضحي: مش انا اتخنقت مع صقر خناقه جامده وطالبه الطلاق. ومخنوقه. تعالي اقعدي معايا واحكيالك على مصيبه
شمس ضحكت: الاتنين مصايبهم سوده.
ضحي: اه والله. ها هتيجي تقعدي معايا.
شمس: لا مش هينفع اجي دلوقتي. يومين كده واجي اقعد معاكي
ضحي: ليه يا شمس. وبعدين انتي فين كده وانتي حامل. افرضي تعبتي وله حصلك حاجه
شمس بتبكي: وشي بايظ ومش عايزه بابا وله ماما يشوفوني كده
ضحي: خلاص متعيطتيش. هو فزاع ضربك
شمس: اه بالقلم.
ضحي: ضربه في ايده.
شمس: لا. بعد الشر عنه. هو غبي وايده تقيله. بس متدعيش عليه
ضحي: انتي بتدفعي عنه بعد اما مد ايده عليكي.
شمس: اصل انا قولتله بطل غباء وهو متنرفز.
ضحي: طيب طمنيني انتي فين كده وانتي حامل. افرضي حصلك حاجه
شمس: متخفيش عليا عم ابرهيم طيب وهو هيتصرف.
ضحي: مين عم ابراهيم ده
شمس: خلاص يا ضحي. اقفلي وانا يومين وهجي. سلام
ضحي: خلي بالك من نفسك. سلام.
أغلقت الهاتف شمس مع ضحي.
صقر كان يستمع لكل المكالمه وساكت وبعدين بص لضحي
صقر: هو انتي كنتي بتدعي على اخويا ياضحي
ضحي: اه علشان ضرب اختي بالقلم. الرجاله دي مفتريه
صقر: ماشي. حسابك معايا بعدين المهم دلوقتي نعرف اختك فين
ضحي: ما هي مقالتش واما قولتلها لو تعبني لوحدك. قالتلي عم ابراهيم معايا
صقر: مين عم ابراهيم ده.
فزاع بيتصل بصقر وصقر مش بيرد وهو هينجنن خلاص
صقر رد على فزاع
فزاع بلهفه: جت عندك
صقر: لا. بس ردت على ضحي
فزاع: طيب هي كويسه
صقر: كانت بتعيط.
وحكاله الكلام اللي اتقال ما عدا طبعا دعوه ضحي...
فزاع: عم ابراهيم مين
صقر: معرفش. بتقولها طيب وهيعرف يتصرف لو تعبت
فزاع: يمكن تكون في فندق. انا هروح اسال في الفنادق. وانت لو كلمت ضحي تاني قولي
صقر: حاضر.
فزاع سال في كذا فندق بس مش لاقيها ورجع البيت حكي لامه وقالتله يمكن تكون في فيلا البحر الاحمر
فزاع: صح. عم ابراهيم البواب. انا هروح على طول مش هتصل. علشان متمشيش
ناصره: خلي بالك على نفسك
فزاع ركب السيار وطار بيها على فيلا البحر الاحمر وصل الفجر.
دخل يصلي في الجامع الاول ويدعي ربنا تكون في الفيلا. وبعد اما خلص صلاه راح على الفيلا وسال عم ابراهيم قاله انها هنا من امبارح.
ارتاح اخيرا عرف مكانها واتصل بناصره اخبرها. واخبرها أن تتصل بضحي وصقر تطمئنهم
صعد بهدوء إلى اعلي كانت شمس نايمه على السرير وشكلها مرهق وحزينه، ارتاح قلبه عندما رآها.
اقترب منها وضل يتامل بها. ثم لاحظ خدها وان هناك علامات على وجهها. اقترب اكثر وقبل وجنتها نام بجانبها وهو ضممها. هي من التعب لم تشعر بأي شئ.
كان يفكر كيف يصالحها، رغم غضبه من فعلتها وأنها تركت البيت له ورحلت بدون أن يعلم إلى اين؟