رواية شمس الصعيد الجزء الأول للكاتبة ياسمين علاء الدين الفصل السابع والعشرون
فزاع اتكلم مع صقر واتفقوا هيعملو ايه في قاعده الصلح. اتفقوا انهم الاول هيقعدو مع كبار عايلتهم علشان يلمو الموضوع. فزاع وصقر اتصلو وعملو قاعده.
وابتدي الكل يجي ويطمن على فزاع وهو قاعد معاهم زي الاول وحاسس براحه. فضلو يتكلمو. وواحد قريب اسمه صلاح
صلاح الهاشمي: حمد لله على السلامه يا فزاع. مش كنت تقول وانت في المستشفي كنا وقفنا جنبك.
فزاع: تسلم يا حاج صلاح. انا بخير الحمد لله. وانا اللي قولتلهم ان محدش يعرف عشان اللي حوصل. احنا من متي بنعمل اكده.
صلاح: القناويه لازمن يعرفو غلطهم في اليوم اللي فكرو يأذو واحد من الهاشمي ومش اي واحد لا ده زين عايلتنا
فزاع: تسلم يا حاج. كلامك زين بس انا هاخد حقي. وموضوع التار احنا متكلمين فيه مليون مره قبل سابق.
يا جماعه انا بحبكم وخايف عليكم. انتو لحمي ودمي.
التار موضوع بيتظلم فيه اولادكم وبيبقي ملوش نهايه. انا عايزكم تنسو الموضوع ده. وحقي انا هخده بالعدل مش بيدي.
صلاح: احنا مش اقل منيهم وله بنخاف
فزاع: ومين قال اكده. هنخاف منيهم ليه. اهدي يا حاج صلاح. ربنا عادل ومنتقم وجبار. انا لسه جايلي خبر ان ماجد عمل حادثه وحالته خطر في المستشفي
الكل بيتكلم مع بعض
فزاع بصوت قوي: هدوء يا جماعه. الموضوع ده مفيهوش شماته. كلامي ان انتقام ربنا اعدل منينا كلاتنا.
دلوقت انا بشكركم على حبكم وخوفكم عليا بس انا رجعت وهعرف اتصرف في الموضوع. وانتم على راسي من فوق
صلاح: يا ولد اخوي. الموضوع مش بسيط
فزاع بابتسامه: بسيط يا حاج. وهيتحل. انتم شيلو فكره التار دي وربنا كبير وانا هتصرف. في حد عايز يضيف حاجه
الكل بص لبعض وسكت
صقر حط ايده على كتف فزاع وابتسم انه خلص الموضوع
فزاع: دلوقيت هناكل مع بعض. بقالنا كتير متجمعناش. وعلى صوته
الوكل يا رجاله.
دخل الرجاله ومعاهم صواني الاكل واتحطو قدامهم
فزاع: يلا سمو الله.
صلاح: دايما عامر بحسك وحس اخوك
فزاع: تسلم يا حاج
والقاعده خلصت اخيراً.
صقر كلم فزاع واتفقو انهم هيزور ماجد في المستشفي
صقر: اتفقنا اطلع انا انام. عشان دماغي ورمت
فزاع: وانا كمان. هشوف الحاجه واطلع
صقر: نامت. اطلع ارتاح
طلع فزاع وشمس كانت منتظره.
شمس: تعال ارتاح شكلك تعبان
فزاع: دماغهم ناشفه. بس الحمد لله اقتنعو
شمس بضحك: صعايده بقي
فزاع قعد على السرير وشمس قعدت في الارض فكت الطرف وقلعته الجزمه
فزاع مسك ايديها وباسهم بحب: ربنا يخليكي ليا يا قلبي يا شمس منوره حياتي.
شمس قامت جنبه على السرير: ويخليك ليا يا غالي. جعان
فزاع: لا. الحمد لله. انا هنام. جعان نوم
شمس نامت على السرير وهو نام في حضنها وفضلت تلعب في شعره لحد اما راح في النوم
الصباح فزاع لبس ونزل فطرو مع بعض وراح هو وصقر على المستشفي ودخل اول اما عايله القتاوي شافوه داخل. اتفاجو بيه واتخضو
يوسف: اهلا يا فزاع. حمد لله على السلامه. انا مكنتش اعرف. انت في مستشفي ايه كنت زورتك
فزاع: وجبك وصل. يا يوسف.
يوسف: انا مكنتش اعرف باللي حوصل وان ماجد ورا الحادثه. لاني كنت متهم وبيحققو معايا
فزاع بص لصقر. وصقر بيهمس في ودانه: شمس هي اللي اتهمته
فزاع اول مره يعرف الكلام ده. ابتسم
فزاع: حوصل خير. انا جي اعمل الواجب. ايه اخبار ماجد
يوسف: للاسف حالته صعبه. ربنا انتقاملك منه
فزاع: ربنا يشفيه.
يوسف استغرب: من قلبك
فزاع: اكيد. انا معرفش ابق منافق
يوسف: انا اسف لو حكمي عليك غلط. بس انت راجل. اتمني تسامحني لو غلطت.
فزاع: اظن انك اتعلمت الدرس. ومرتي متجيش على بالك
يوسف: انسي. ده موضوع اتقفل. وانا بعتذر منك
فزاع: الموضوع اتقفل خلاص
ابو ماجد وعمه ورجاله من عايله القناويقعدو مع فزاع وصقر واتكلمو وكلهم اتاسفو وقالوه ان ربنا خد حقه منه
واتفقوا انهم هيقدمو كفن منه لطلب الصلح من عائله الهاشمي
مشي فزاع وصقر قاله انه هيرجع القاهره ويجي تاني يوم
صقر انطلق بالعربيه على طريق القاهره وراح على الجامعه.
كانت ضحي في الكافتيريا مع صحابتها
واحده منهم ايه ده مش ده دكتور صقر. ضحي لفت راسها بلهفه. وقامت جريت عليه وحضنته جامد
صقر: واحشتيني يا نور عيوني
ضحي: واحشني اووي يا صقر
صقر: تعالي نمشي لان كل بيتفرج علينا
ضحي: وفيها ايه يا زوجي العزيز
صقر ضحك وهي مسكت ايده. وجت بنات يسلمو عليه
سلم عليهم وخرج مع ضحي
ضحي: وصلت امتي من قنا.
صقر: لسه واصل وجيتلك. اصلك واحشتيني. مع ان كل يوم بنتكلم فيديو كول بس اشتقتلك اووي.
ضحي: انت قلبي وعيوني. احلي مفاجاه عملتها
صقر: قلبي انتي. انا اشتريت بيت جنب بيتنا في قنا وهبدا اوضب فيه.
ضحي: بجد. امتي الايام تعدي ونبق مع بعض
صقر: هانت يا جميل. بكره هتزهقي مني.
ضحي: عمري ما ازهق منك. ده انت اغلي حد في حياتي. انت كل حياتي اصلاً
صقر: لا ده الموضوع كبير. تعالي نتغدا ونتكلم. انهارده انا ملكك
ضحي: يلا يا حبي. صقر انا بحبك اوووي. خالص
صقر: وانا بموت فيكي يا روح الصقر.