رواية شمس الصعيد الجزء الأول للكاتبة ياسمين علاء الدين الفصل السادس والثلاثون
شمس دخلت لعز تطمن عليه
عز: ادخلي يا ست الكل
شمس: عز انت عايز تسافر ليه. انا خايف عليكم
عز باس ايديها: متخفيش يا امي. انا عارف احمي نفسي كويس. وبعدين انا نفسي اسافر. واي وقت عايزاني ارجع هنزل مصر. بس سيبيني اسافر و اعمل اللي نفسي فيه
شمس: ربنا يحميك يا عز. تصبح على خير
خرجت وخبطت على اوضه زياد
زياد: ادخل. ولما شافها قام وقف وباس راسها
شمس: زياد حبيبي كنت مضايق ليه انهارده
زياد: مفيش يا امي.
شمس قعدت جنبه: كده يا زياد هتخبي عليا
زياد حضنها وحط راسها على رجلها وهي بتلعب في شعره
شمس: احكيلي يا حبيبي. مالك
زياد: ماما هو انا ينفع اتجوز
شمس ضحكت جامد. زياد: بصي بتضحكي عليا مش هحكي حاجه
شمس بتحاول تسيطر على نفسها: لا خلاص. انت معني كلامك انك بتحب صح
زياد: اه بحب
شمس: واللي بتحبها عارفه
زياد: مش عارف بس تقريبا لا
شمس: انت بتحب قمر صح
زياد رفع راسه وقعد وبصلها باستغراب: هو انا مفضوح اووي.
شمس ضحكت: بصراحه اه. بس عايزه اقولك انانا فرحانه بيك. علشان انت بتحكيلي. بس لازم تخلص الجامعه وتخطبها واما هي تخلص جامعه اتجوزها
زياد: خايف تروح مني
شمس: وانا هنا بعمل ايه. متقلقش
زياد حضنها وباس ايديها وراسها وخدها: حبيبتي يا احسن ام واحلي ام. والنبي عسل وسكر
شمس: خلاص كفايه بطل بكش. كل ده. بس انت لازم تسافر بعيد عني.
زياد: انا حلمي اكون طيار والجامعه اللي هروحها جميل وهتفدني. اتمني انك متمنعيش. وترفضي. لاني مش هرفض طلبك بس هتكوني كسرتي حلمي. يرضيكي ازعل
شمس ضحكت: انا خايفه عليكم
زياد: متخفيش. الله خير حافظاً وهو ارحم الراحميين
شمس: ونعم بالله. يلا نام. تصبح على خير
زياد: وانتي من اهل خير.
شمس راحت لاوضه زين وخبطت كتيير فتحت الباب ملقتش حد عرفت انا نزل للاسطبل. اما يكون مضايق او مشغول بينزل يركب على الحصان زي فزاع ضحكت ونزلت للاسطبل
زين راكب على حصان اسود وشكله جميل وعمال يجري ويلف بحصانه
شمس: ما شاء الله عليك. ربنا يحميك من العين. نسخه من فزاع
زين شافها نزل من على الحصان وجري عليها حضنها وباس راسها
زين بلهفه: انتي كويسه. ايه اللي نزلك من فوق.
شمس: متخفش يا حبيبي. دخلت اطمن عليك. ملقتكش فوق قولت اكيد هنا. زي فزاع اما بيعمل
زين: واكيد افتكرتي حبيب القلب علشان كده بتضحكي
شمس: تعرف انك اكتر واحد من اخواتك واخد اسلوبه وكلامه وهيبته
زين: شرف ليا. والله بس هو يرضي علينا
شمس: ربنا يحفظكم ليا.
زين: رينا يخليكي لينا. عايزه تقولي ايه
شمس ضحكت: زين انت عايز تسافر ليه بره. ما تدرس هنا في مصر
زين: يا امي. احنا نفسنا نسافر وبعدين احنا مش صغيرين ورجاله.
شمس: عارفه انكم رجاله. بس انتم سندنا وضهرنا.
زين: يا امي. فزاع بيه الهاشمي بصحته وانا عارف انه مش محتاجني في الوقت الحالي. بس طبعا لو احتاجني في اي وقت. اسيب العالم كله واقعد تحت رجليكم برضا من غير وله كلمه. بس انا عايز اسافر واتعلم واجرب. ومتخفيش عمري ما هقرب للغلط. لانك معلمنا الفرق بين الحلال والحرام.
شمس: ربنا يحميكم يارب. تعال يلا اطلع نام.
زين: تحت امرك يا شمس هانم اتفضل. مسك ايديها وطلع بيها لاوضتها. باس راسها. تصبحي على خير يا امي
شمس: وانت من اهل الخير يا قلب امك
شمس دخلت لفزاع
فزاع: كنت باتي معاهم احسن
شمس بضحك: بحبك يا زوز وانت غيران كده
فزاع: والله. على فكره لازم اغير عليكي. انتي اللي يشوفك يقول عليكي اختهم مش امهم
شمس: انت بس اللي عيونك حلوه وبتحبني علشان كده شايفني صغيره
فزاع: وهفضل طول عمري شايفك كده واحشتيني بقي.
شمس ضحكت وحضنته: وانت كمان واحشتني اووي.